Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
Mahāyañña-Vagga

Sutta 48

Saɱyoga-Visaɱyoga
Dhamma-Pariyāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[57]

[1][pts][than][upal][olds] EVAṂ ME SUTAṂ.|| ||

Ekaɱ samayaɱ Bhagavā Sāvatthiyaɱ viharati.|| ||

Saɱyoga-visaɱyogaɱ vo bhikkhave,||
dhamma-pariyāyaɱ desissāmi.|| ||

Taɱ sunātha sādhukaɱ manasi-karotha bhāsissāmiti.|| ||

"Evaɱ bhante" ti kho te bhikkhū Bhagavato paccassosuɱ.|| ||

Bhagavā etad avoca:|| ||

Katamo ca so bhikkhave saɱyoga-visaɱyogo dhamma-pariyāyo?|| ||

2. Itthi bhikkhave ajjhattaɱ itth'indriyaɱ mana-sikaroti,||
itthi-kuttaɱ,||
itthā-kappaɱ,||
itthi-vidhaɱ,||
itthi-c-chandaɱ,||
itthi-s-saraɱ,||
itthā-laŋkāraɱ.|| ||

Sā tattha rajjati,||
tatr-ā-bhiramati.|| ||

Sā tattha rattā tatr-ā-bhiratā bahiddhā puris'indriyaɱ mana-sikaroti purisa-kuttaɱ purisā-kappaɱ purisa-vidhaɱ purisa-c-chandaɱ purisa-s-saraɱ purisā-laŋkāraɱ.|| ||

Sā tattha rajjati tatr-ā-bhiramati.|| ||

Sā tattha rattā tatr-ā-bhiratā bahiddhā sa yogaɱ ākankhati.|| ||

Yañ c'assā saɱyoga-paccayā uppajjati sukhaɱ somanassa,||
tañ ca ākankhati.|| ||

Itthatte bhikkhave, abhiratā sattā purisesu saɱyogaɱ gatā.|| ||

Evaɱ kho bhikkhave, itthi itthattaɱ nāti-vattati.|| ||

3. Puriso bhikkhave, ajjhattaɱ puris'indriyaɱ mana-sikaroti purisa-kuttaɱ purisā-kappaɱ purisa-vidhaɱ purisa-c-chandaɱ purisa-s-saraɱ purisā-laŋkāraɱ.|| ||

So tattha rajjati tatr-ā-bhiramati.|| ||

So tattha ratto tatr-ā-bhirato bahiddhā itth'indriyaɱ mana-sikaroti itthi-kuttaɱ itthā-kappaɱ itthi-vidhaɱ itthi-c-chandaɱ itthi-s-saraɱ itthā-laŋkāraɱ.|| ||

So tattha rajjati tatr-ā-bhiramati.|| ||

So tattha ratto tatr-ā-bhirato bahiddhā saɱyogaɱ ākankhati.|| ||

Yañ c'assa saɱyoga-paccayā uppajjati sukhaɱ somanassaɱ, tañ ca ākankhati.|| ||

Purisatte bhikkhave, abhiratā sattā itthisu saɱyogaɱ gatā.|| ||

Evaɱ kho bhikkhave, purise purisattaɱ nāti-vattati.|| ||

Evaɱ kho bhikkhave, saɱyogo hoti.|| ||

 

§

 

Kathañ ca bhikkhave, visaɱyogo hoti?|| ||

4. Itthi bhikkhave, ajhattaɱ itth'indriyaɱ na mana-sikaroti itthi-kuttaɱ itthā-kappaɱ itthi-vidhaɱ itthi-c-chandaɱ itthi-s-saraɱ itthā-laŋkāraɱ.|| ||

Sā tattha na rajjati.|| ||

Tattha nābhiramati.|| ||

Sā tattha arattā tatra anabhiratā bahiddhā puris'indriyaɱ na mana-sikaroti purisa-kuttaɱ purisā-kappaɱ purisa-vidhaɱ purisa-c-chandaɱ purisa-s-saraɱ purisā-laŋkāraɱ.|| ||

Sā tattha na rajjati, tattha nābhiramati.|| ||

Sā tattha arattā tatra anabhiratā bahiddhā saɱyogaɱ nākankhati.|| ||

Yaɱ vassā saɱyoga-paccayāuppajjati sukhaɱ somanassaɱ, tañ ca nākankhati.|| ||

Itthatte kho bhikkhave, anabhiratā sattā purisesu visaɱyogaɱ gatā.|| ||

Evaɱ kho bhikkhave, itthi itthattaɱ ativattati.|| ||

5. Puriso bhikkhave, ajjhattaɱ puris'indriyaɱ na mana-sikaroti purisa-kuttaɱ purisā-kappaɱ purisa-vidhaɱ purisa-c-chandaɱ purisa-s-saraɱ purisā-laŋkāraɱ.|| ||

So tattha na rajjati tatr-ā-bhiramati.|| ||

So tattha ratto tatrā anabhirato bahiddhā itth'indriyaɱ namana-sikaroti itthi-kuttaɱ itthā-kappaɱ itthi-vidhaɱ itthi-c-chandaɱ itthi-s-saraɱ itthā-laŋkāraɱ.|| ||

So tattha na rajjati, tatr-ā-bhiramati.|| ||

So tattha aratto tatr-ā-bhirato bahiddhā saɱyogaɱ ākankhati.|| ||

Yañ c'assa saɱyoga-paccayā uppajjati sukhaɱ somanassaɱ, tañ ca nākankhati.|| ||

Purisatte bhikkhave, anabhiratā sattā itthisu visaɱyogaɱ gatā.|| ||

Evaɱ [59] kho bhikkhave, purise purisattaɱ ativattati.|| ||

Evaɱ kho bhikkhave, visaɱyogo hoti.|| ||

Ayaɱ kho bhikkhave, saɱyoga visaɱyogo dhamma-pariyāyo ti.|| ||

 


Contact:
E-mail
Copyright Statement