Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
Avyākata Vagga

Sutta 60

Kodhana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[94]

[1][pts][than][ati-nymo] EVAṂ ME SUTAṂ.|| ||

Satt'ime bhikkhave, dhammā sapattakantā sapattakaraṇā kodhanaɱ āga-c-chanti itthiɱ vā purisaɱ vā.|| ||

Katame satta?|| ||

(1) Idha, bhikkhave, sapatto sapattassa evaɱ icchati:
aho vatāyaɱ dubbaṇṇo assāti.|| ||

Taɱ kissa hetu?|| ||

Na bhikkhave, sapatto sapattassa vaṇṇavatāya nandati.|| ||

Kodhanoyaɱ bhikkhave purisa-puggalo kodhābhibhūto ko'dhapareto.|| ||

Kiñcā pi so hoti sunahāto suvilitto kappitakesa-massu odātavattha-vasano,||
atha kho so dubbaṇṇova hoti kodhābhibhūto.|| ||

Ayaɱ bhikkhave, paṭhamo dhammo sapattakanto sapattakaraṇo kodhanaɱ āga-c-chati itthiɱ vā purisaɱ vā.|| ||

(2) Puna ca paraɱ bhikkhave, sapatto sapattassa evaɱ icchati:||
aho vatāyaɱ dukkhaɱ sayeyyāti.|| ||

Taɱ kissa hetu?|| ||

Na bhikkhave, sapatto sapattassa sukhaseyyāya nandati.|| ||

Kodhanoyaɱ bhikkhave, purisa-puggalo kodhābhibhūto ko'dhapareto.|| ||

Kiñcā pi so pallaŋke seti goṇa-katthate paṭikatthate paṭali-katthate kādalimigapavarapacc'attharaṇe sauttaracchade ubhato lohita-kūpadhāne,||
atha kho so dukkhaɱ yeva seti kodhābhibhūto.|| ||

Ayaɱ bhikkhave dutiyo dhammo sapattakanto sapattakaraṇo kodhanaɱ āga-c-chati itthiɱ vā purisaɱ vā.|| ||

(3) Puna ca paraɱ bhikkhave, sapatto sapattassa evaɱ icchati:||
aho vatāyaɱ na pacurattho assāti.|| ||

Taɱ kissa hetu?|| ||

Na bhikkhave, sapatto sapattassa pavuratthatāya [95] nandatī.|| ||

Kodhanoyaɱ bhikkhave, purisa-puggalo kodhābhibhūto ko'dhapareto.|| ||

Anattham pi gahetvā attho me gahitoti maññati.|| ||

Attham pi gahetvā anattho me gahitoti maññati.|| ||

Tass'ime dhammā añña-maññaɱ vipaccanīkā gahitā dīgha-rattaɱ ahitāya dukkhāya saŋvattanti kodhābhibhūtassa.|| ||

Ayaɱ ko bhikkhave, tatiyo dhammo sapattakanto sapattakaraṇo kodhanaɱ āga-c-chati itthiɱ vā purisaɱ vā.|| ||

(4) Puna ca paraɱ bhikkhave, sapatto sapattassa evaɱ icchati: aho vatāyaɱ na bhogavā assāti.|| ||

Taɱ kissa hetu?|| ||

Na bhikkhave, sapatto sapattassa bhogavatāya nandati.|| ||

Kodhanassa bhikkhave, purisa-puggalassa kodhābhibhūtassa ko'dhaparetassa yepissa te honti bhogā uṭṭhānaviriyādhigatā bāhā-bala-paricitā sedāvakkhittā dhammikā dhamma-laddhā,||
tepirājāno rājakosaɱ pavasenti kodhābhibūtassa.|| ||

Ayaɱ bhikkhave, catuttho dhammo sapattakanto sapattakaraṇo kodhanaɱ āga-c-chati itthiɱ vā purisaɱ vā.|| ||

(5) Puna ca paraɱ bhikkhave, sapatto sapattassa evaɱ icchati:||
aho vatāyaɱ na yasavā assāti.|| ||

Taɱ kissa hetu?|| ||

Na bhikkhave, sapatto sapattassa yasavatāya nandati.|| ||

Kodhanoyaɱ bhikkhave, purisa-puggalo kodhābhibhūto ko'dhapareto.|| ||

Yopissa so hoti yaso appamādādhigato tamhāpi dhaɱsati kodhābhibhūto.|| ||

Ayaɱ bhikkhave, pañcamo dhammo sapattakanto sapattakaraṇo kodhanaɱ āga-c-chati itthiɱ vā purisaɱ vā.|| ||

(6) Puna ca paraɱ bhikkhave, sapatto sapattassa evaɱ icchati:||
aho vatāyaɱ na yasavā assāti.|| ||

Taɱ kissa hetu?|| ||

Na bhikkhave, sapatto sapattassa mittavatāya nandati.|| ||

Kodhanoyaɱ bhikkhave, purisa-puggalo kodhābhibhūto ko'dhapareto.|| ||

Yopissa te honti mitt-ā-maccā ñātisā-lohitā,||
tepi ārakā taɱ parivajjentī kodhābhibhūtaɱ.|| ||

Ayaɱ bhikkhave, Bhikkhave chaṭṭo dhammo sapattakanto sapattakaraṇo kodhanaɱ āga-c-chati itthiɱ vā purisaɱ purisaɱ vā.|| ||

[96] (7) Puna ca paraɱ bhikkhave, sapatto sapattassa evaɱ icchati:||
aho vatāyaɱ kāyassa bhedā parammaraṇa apāyaɱ duggatiɱ vinipātaɱ Nirayaɱ upapajjeyyāti.|| ||

Taɱ kissa hetu?|| ||

Na bhikkhave, sapatto sapattassa sugatigamanena nandati.|| ||

Kodhanoyaɱ bhikkhave, purisa-puggalo kodhābhibhuto ko'dhapareto kāyena du-c-caritaɱ carati,||
vācāya du-c-caritaɱ carati,||
manasā du-c-caritaɱ carati so kāyena du-c-caritaɱ caritvā so vācena nduccharitaɱ caritvā so manasena ndu-c-caritaɱ caritvā kāyassa bhedā param maraṇā apāyaɱ duggatiɱ vinipātaɱ Nirayaɱ uppajjati.|| ||

Kodhābhi bhūto.|| ||

Ayaɱ bhikkhave, sattamo dhammo sapattakanto sapattakaraṇo kodhanaɱ āga-c-chati itthiɱ vā purisaɱ vā.|| ||

Ime kho bhikkhave, satta dhammā sapattakantā sapattakaraṇā kodhanaɱ āga-c-chanti ittiɱ vā purisaɱ vāti.|| ||

 

Kodhano dubbaṇno hoti atho dukkhampi seti so
Atho atthaɱ gahetvāna anatthaɱ adhipajjati.|| ||

Tato kāyena vācāya vadhaɱ katvāna kodhano,
Kodhābhibhūto puriso dhanajāniɱ nigacchati,|| ||

Kodhasammadasammatto āyasakayyaɱ nigacchati
ātimittā suhajjā ca parivajjenti kodhanaɱ.|| ||

Anatthajanano kodho kodho cittappakopano,
Bhayamantarato jātaɱ taɱ jano nāvabujjhati.|| ||

Kuddho atthaɱ na jānāti kūddho dhammaɱ na passati,
Andhantamaɱ tadā hoti yaɱ kodho sahate naraɱ.|| ||

[97] Yaɱ kuddho uparodheti sukaraɱ viya dukkaraɱ,
Pacchā so vigate kodhe aggidacḍhova tappati.|| ||

Dummaŋkuyaɱ sadasseti dhūmaggi viya pāvako
Yato patāyatī kodho yena kujjhanti mānavā.|| ||

Nāssa hiri na ottappaɱ na vāco hoti gāravo,
Kodhena abhibhūtassa na dīpaɱ hoti kiñcanaɱ.|| ||

Tapanīyāni kammāni yāni dhammehi ārakā,
Tāni ārocayissāmi taɱ suṇātha yathā tathaɱ:|| ||

Kuddhohi pitaraɱ hanti samātaraɱ,
Kuddho hi brahmaṇaɱ hanti hanti kuddho puthujjanaɱ.|| ||

Yāya mātu bhato poso imaɱ lokaɱ avekkhati,
Tampi pāṇadadiɱ santiɱ hanti kuddho puthujjano.|| ||

Attūpamāya4 te sattā attā hi paramaɱ piyo,
Hanti kuddho puthuttānaɱ nānārūpesu mucchito,|| ||

Asinā hantī attānaɱ visaɱ khādanti mucchitā,
Rajjuyā bajjha mīyanti pabbatāmapi kandare.|| ||

[98] Bhutabhaccāni kammāni attamāraṇīyānī ca,
Karontā nāvabujjhanti ko'dhajāto parābhavo|| ||

Itā, yaɱ ko'dharūpena maccupāso guhāsayo
Taɱ damena samucchinde paññā viriyena diṭṭhiyā.|| ||

Ekame taɱ akusalaɱ samucchindetha paṇḍito,
Tath'eva dhamme sikkhetha mā no dummaŋkuyaɱ ahu.|| ||

Vītakodhā anāyāsā vītamohā anussukā,
Dantā ko'dhaɱ pahatvāna parinibbanti anāsavāti.|| ||

 


Copyright Statement