Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Sattaka Nipāta
Mahā Vagga

Sutta 63

Nagar'Ūpama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[106]

[1][pts][than] EVAṂ ME SUTAṂ.|| ||

Sāvatti nidānaɱ|| ||

1. Yato kho bhikkhave, rañño paccantimaɱ nagaraɱ sattahi nagaraparikkhārehi suparikkhataɱ hoti,||
catunnañ ca āhārānaɱ nikāma-lābhi hoti akiccha-lābhī akasira-lābhī.|| ||

Idaɱ vuccati bhikkhave rañño paccantimaɱ nagaraɱ akaraṇīyaɱ bāhirehi paccattikehi paccāmittehi.|| ||

Katamehi sattahi nagaraparikkhārehi suparikkhataɱ hoti?|| ||

2. Idha, bhikkhave, rañño paccantime nagare esikā hoti gambhīranemā sunikhātā acalā asampavadhī.|| ||

Iminā paṭhamena nagaraparikkhārena suparikkhataɱ hoti rañño paccantimaɱ nagaraɱ abbhantarānaɱ guttiyā bāhirānaɱ paṭighātāya.|| ||

3. Puna ca paraɱ bhikkhave, rañño paccantime nagare parikhā khatā hoti gambhirā c'eva vitthatā ca.|| ||

Iminā dutiyena nagara parikkhārena suparikkhataɱ hoti rañño paccantimaɱ nagaraɱ abbhantarānaɱ guttiyā bāhirānaɱ paṭighātāya.|| ||

[107] 4. Puna ca paraɱ bhikkhave, rañño paccantime nagare anupariyāya patho hoti ucco c'eva vitthato ca.|| ||

Iminā tatiyena nagara parīkkhārena sūparikkhataɱ hoti rañño paccantimaɱ nagaraɱ abbhantarānaɱ guttiyā bāhirānaɱ paṭighātāya.|| ||

5. Puna ca paraɱ bhikkhave, rañño paccantime nagare bahuɱ āvudhaɱ sannicitaɱ hoti salākaɱ c'eva jevaniyañ ca.|| ||

Iminā catutthena nagaraparikkhārena suparikkhataɱ hoti rañño paccantimaɱ nagaraɱ abbhantarānaɱ guttiyā bāhirānaɱ paṭighātāya.|| ||

6. Puna ca paraɱ bhikkhave, rañño paccantime nagare bahu balakāyo paṭivasati - seyyath'idaɱ:||
hatthārohā assārohā rathikā dhanuggahā velakā calakā piṇḍadāyīkā uggā rājaputtā pakkhandino mahānāgā surā papphālikā.|| ||

Cammayodhino dāsakaputtā.|| ||

Iminā pañcamena nagaraparikkhārena suparikkhataɱ hoti rañño paccantimaɱ nagaraɱ abbhantarānaɱ guttiyā bāhirānaɱ paṭighātāya.|| ||

7. Puna ca paraɱ bhikkhave, rañño paccantime nagare dovāriko hoti paṇḍito vyatto medhāvi aññātānaɱ nivāretā ñātānaɱ pavesetā.|| ||

Iminā chaṭṭhena nagaraparikkhārena suparikkhataɱ hoti rañño paccantimaɱ nagaraɱ abbhantarānaɱ guttiyā bāhirānaɱ paṭighātāya.|| ||

8. Puna ca paraɱ bhikkhave, rañño paccantime nagare pākāro hoti uccā c'eva vitthato ca vāsanalepanasampanno ca.|| ||

Iminā sattamena nagaraparikkhārena suparikkhataɱ hoti rañño paccantimaɱ nagaraɱ abntarānaɱ guttiyā bāhirānaɱ paṭighātāya.|| ||

[108] Imehi sattahi nagara-parikkhārehi suparikkhataɱ hoti.|| ||

Katamesaɱ catunnaɱ āhārānaɱ nikāma-lābhi hoti akiccha-lābhī akasira-lābhī:|| ||

9. Idha, bhikkhave, rañño paccantime nagare bahuɱ tiṇkaṭṭhodakaɱ santicitaɱ hoti abbhantarānaɱ ratiyā aparitassāya phāsu-vihārāya,||
bāhirānaɱ paṭighātāya.|| ||

10. Puna ca paraɱ bhikkhave, rañño paccantime nagare bahuɱ sāliyavakaɱ sannicitaɱ hoti abbhantarānaɱ ratiyā aparitassāya phāsu-vihārāya bāhirānaɱ paṭighātāya.|| ||

11. Puna ca paraɱ bhikkhave, rañño paccantime nagare bahuɱ tilamāsamuggāparannaɱ sannicītaɱ hoti abbhantarānaɱ ratiyā aparitassāya phāsu-vihārāya,||
bāhirānaɱ paṭighātā ya.|| ||

12. Puna ca paraɱ bhikkhave, rañño paccantime nagare bahuɱ bhesajjaɱ santicitaɱ hoti seyyath'īdaɱ:||
sappi navanītaɱ telaɱ madhu phāṇitaɱ loṇaɱ abbhantarānaɱ ratiyā aparitassāya phāsu-vihārāya, bāhirānaɱ paṭighātāya.|| ||

Imesaɱ kho bhikkhave, catunnaɱ āhārānaɱ nikāma-lābhī hoti akiccha-lābhi akasira-lābhī.|| ||

Yato kho bhikkhave, rañño paccantimaɱ nagaraɱ imehi sattahi nagaraparikkhārahi suparikkhataɱ hoti,||
imesaɱ catunnaɱ āhārānaɱ nikāma-lābhī hoti akiccha-lābhī akasira-lābhī,||
idaɱ vuccati bhikkhave, rañño paccantimaɱ nagaraɱ akaraṇīyaɱ bāhirehi paccattikehi paccāmittehi.|| ||

Evam eva kho bhikkhave, yatā ariya-sāvako sattahi Sad'Dhammehi samannāgato hoti,||
catunnañ ca [109] jhānānaɱ abhiceta-sikānaɱ diṭṭha-dhamma-sukha-vihārānaɱ nikāma-lābhī hoti akiccha-lābhī akasira-lābhī.|| ||

Ayaɱ vuccati bhikkhave, ariya-sāvako akaraṇīyo mārassa akaraṇiyo pāpimato.|| ||

Katamehi sattahi Sad'Dhammehi samannāgato?|| ||

13. Seyyathā pi, bhikkhave, rañño paccantime nagare esikā hoti gambhīranemā sunikhātā acalā asampavedhī abbhantarānaɱ guttiyā bāhirānaɱ paṭighātāya,||
evam eva kho, bhikkhave,||
ariya-sāvako saddho hoti,||
sadda-hati Tathāgatassa bodhiɱ - iti pi so Bhagavā arahaɱ Sammā-sambuddho vijjā-caraṇa-sampanno Sugato lokavindū anuttaro purisa-damma-sārathi Satthā deva-manussānaɱ Buddho Bhagavāti.|| ||

Saddhesiko bhikkhave,||
ariya-sāvako akusalaɱ pajahati,||
kusalaɱ bhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā paṭhamena Sad'Dhammena samannāgato hoti.|| ||

14. Seyyathā pi, bhikkhave, rañño paccantime nagare parikhā hoti gambhīrā c'eva vitthatā ca abbhantarānaɱ guttiyā bāhirānaɱ paṭighātāya,||
evam eva kho, bhikkhave,||
ariya-sāvako hirimā hoti,||
hirīyati kāya-du-c-caritena vacī-du-c-caritena mano-du-c-caritena hirīyati pāpakānaɱ akusalānaɱ dhammānaɱ samāpattiyā.|| ||

Hiriparikho bhikkhave, ariya-sāvako akusalaɱ pajahati,||
kusalaɱ bhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā dutiyena Sad'Dhammena samannāgato hoti.|| ||

15. Seyyathā pi, bhikkhave, rañño paccantime nagare anupariyāya patho hoti ucco c'eva vitthatā ca abbhantarānaɱ guttiyā bāhirānaɱ paṭighātāya,||
evam eva kho, bhikkhave,||
ariya-sāvako ottapī hoti,||
ottappati kāya-du-c-caritena vacī-du-c-caritena mano-du-c-caritena,||
ottappati pāpakānaɱ akusalānaɱ dhammānaɱ samāpattiyā ottappaparīyāya-patho bhikkhave,||
ariya-sāvako akusalaɱ pajahati,||
kusalaɱ [110] bhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā dutiyena Sad'Dhammena samannāgato hoti.|| ||

16. Seyyathā pi, bhikkhave, rañño paccantime nagare bahuɱ āvudhaɱ sannicitaɱ hoti,||
salākaɱ c'eva jevaniyañ ca abbhantarānaɱ guttiyā bāhirānaɱ paṭighātāya,||
evam eva kho, bhikkhave,||
ariya-sāvako bahu-s-suto hoti suta-dharo suta-sanni-cayo,||
ye te dhammā ādi-kalyāṇā majjhe kalyāṇā pariyosāna-kalyāṇā sātthā savyañ janā kevala-paripuṇnā parisuddhaɱ brahma-cariyaɱ abhivadanti,||
kathārūpāssa dhammā bahu-s-sutā honti dhatā vavasā paricitā manas-ā-nupekkhitā diṭṭhiyā suppaṭi-viddhā.|| ||

Sutāvudho bhikkhave, ariya-sāvako akusalaɱ pajahati,||
kusalaɱ bhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā catutthena Sad'Dhammena samannāgate hoti.|| ||

17. Seyyathā pi, bhikkhave, rañño paccantime nagare bahu balakāyo paṭivasati,||
seyyath'īdaɱ: hatthārohā assārohā rathikā dhanuggahā celakā calakā piṇḍadāyikā uggā rājaputtā pakkhandino mahānāgā sūrā cammayodhino dāsakaputtā abbhantarānaɱ guttiyā bāhirānaɱ paṭighātāya,||
evam eva kho, bhikkhave,||
ariya-sāvako āraddha-viriyo viharati akusalānaɱ dhammānaɱ pahānāya kusalānaɱ dhammānaɱ upasampadāya thāmavādaḷha-parakkamo anikkhitta-dhūro kusalesu dhammesu.|| ||

Viriya-balakāyo bhikkhave,||
ariya-sāvako akusalaɱ pajahati,||
kusalaɱ bhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā pañcamena Sad'Dhammena samannāgato hoti.|| ||

18. Seyyathā pi, bhikkhave, raññopaccantime nagare dovāriko hoti paṇiḍito viyatto medhāvī aññātānaɱ nivaretā ñātānaɱ pavasetā abbhantarānaɱ guttiyā bāhirānaɱ [111] paṭighātāya,||
evam eva kho, bhikkhave,||
ariya-sāvako satimā hoti paramena sati-nepakkena samannāgato cirakampi cira-bhāsitampi saritā anussaritā.|| ||

Sati dovāriko bhikkhave, ariya-sāvako akusalaɱ pajahati,||
kusalaɱbhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā chaṭṭhena Sad'Dhammena samannāgato hoti.|| ||

19. Seyyathā pi, bhikkhave, rañño paccantime nagare pākāro hoti ucco c'eva vitthato ca vāsanalepanasampanno ca abbhantarānaɱ guttiyā bāhirānaɱ paṭighātāya,||
evam eva kho, bhikkhave,||
ariyāvako paññavā hoti uday'attha-gāminīyā pañññāya samannāgato ariyāya nibbedhikāya sammā-dukkha-k-khaya-gāminiyā.|| ||

Paññāvāsanalepanasampanno bhikkhave,||
ariya-sāvako akusalaɱ pajahati,||
kusalaɱ bhāveti,||
sāvajjaɱ pajahati,||
anavajjaɱ bhāveti,||
suddhaɱ attānaɱ pariharati.|| ||

Iminā sattamena Sad'Dhammena samannāgato hoti.|| ||

Imehi sattahi dhammehi samannāgato hoti.|| ||

Katamesaɱ catunnaɱ jhānānaɱ ābhivetasikānaɱ diṭṭha-dhamma-sukha-vihārānaɱ nikāma-lābhī hoti akiccha-lābhī akasira-lābhī:|| ||

20. Seyyathā pi, bhikkhave, rañño paccantime nagare bahuɱ tiṇakaṭṭhodakaɱ sannicitaɱ hoti abbhantarānaɱ ratiyā aparitassāya phāsu-vihārāya bāhirānaɱ paṭighātāya,||
evam eva kho, bhikkhave,||
ariya-sāvako,||
vivicc'eva kāmehi vivicca akusalehi dhammehi sa-vitakkaɱ sa-vicāraɱ viveka-jaɱ pīti-sukhaɱ paṭhamaɱ-jhānaɱ upasampajja viharati,||
attano ra6tiyā aparitassāya phāsu-vihārāya,||
okkamanāya Nibbānassa.|| ||

21. Seyyathā pi, bhikkhave, rañño paccantime nagare [112] bahuɱ sāliyavakaɱ sannicitaɱ hoti abbhantarānaɱ ratiyā aparitassāya phāsu-vihārāya,||
bāhirānaɱ paṭighātāya,||
evam eva kho, bhikkhave,||
ariya-sāvako citakkavicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhi-jaɱ pīti-sukhaɱ dutiyaɱ-jhānaɱ upasampajja viharati attano ratiyā aparitassāya phāsu-vihārāya,||
okkamanāya Nibbānassa.|| ||

22. Yyethāpi bhikkhave rañño paccantime nagare bahuɱ tilamuggamāsāparannaɱ sannicitaɱ hoti abbhantarānaɱ ratiyā aparitassāya phāsu-vihārāya bāhirānaɱ paṭighātāya,||
evam eva kho, bhikkhave,||
ariya-sāvako pītiyā ca virāgā upekkhaco ca viharati,||
sato ca sampajāno sukhañca kāyena paṭisaŋvedeti,||
yaɱ taɱ ariyā ācīkkhanti 'Upekkhako satimā sukha-vihārī' ti tatiyaɱ-jhānaɱ upasampajja viharati attano ratiyā aparitassāya phāsu-vihārāya,||
okkamanāya Nibbānassa.|| ||

23. Seyyathā pi, bhikkhave, rañño paccantime nagare bahuɱ bhesajjaɱ sannicitaɱ hoti seyyath'īdaɱ: sappi navanītaɱ telaɱ madhu phāṇitaɱ loṇaɱ abbhantarānaɱ ratiyā aparitassāya phāsu-vihārāya bāhirānaɱ paṭighātāya,||
evam eva kho, bhikkhave,||
ariya-sāvako sukhassa ca pahānā dukkhassa ca pahānā pubb'eva somanassa-domanassānaɱ attha-gamā adukkaɱ asukhaɱ upekkhā-sati-pārisuddhiɱ catutthaɱ-jhānaɱ upasampajja viharati attano ratiyā aparitassāya phāsu-vihārāya,||
okkamanāya Nibbānassa.|| ||

Imesaɱ catunnaɱ jhānānaɱ ābhiceta-sikānaɱ diṭṭha-dhamma-sukha-vihārānaɱ nikāma-lābhī hoti akiccha-lābhī akasira-lābhī.|| ||

[113] Yato ca kho bhikkhave, ariya-sāvako imehi sattahi Sad'Dhammehi samannāgato hoti,||
imesaɱ catunnaɱ jhānānaɱ ābhiceta-sikānaɱ diṭṭha-dhamma-sukha-vihārānaɱ nikāma-lābhī hoti akiccha-lābhī akasira-lābhī.|| ||

Ayaɱ vuccadi bhikkhave,||
ariya-sāvako akaraṇīyo mārassa akaraṇīyo pāpimatoti.|| ||

 


Copyright Statement