Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara Nikāya
X. Dasaka-Nipāta
II. Nātha Vagga

Sutta 19

Paṭhama Āriya-Vāsa Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[29]

[1][pts][bodh] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

2. "Dasa ime bhikkhave ariya-vāsā ye ariyā||
āvasiṃsu vā||
āvasanti vā||
āvasissanti vā.|| ||

Katame dasa?|| ||

Idha, bhikkhave, bhikkhu pañc'aṅga-vi-p-pahīno hoti,||
chaḷ-aṅga-samannā-gato,||
ek'ārakkho,||
catur'āpasseno,||
panuṇṇa-pacc'eka-sacco,||
sama-vaya-saṭṭh'esano,||
anāvila-saṅkappo,||
pasasaddha-kāya-saṅkhāro,||
su-vimutta-citto,||
su-vimutta-pañño.|| ||

Ime kho bhikkhave dasa ariya-vāsā ye ariyā||
āvasiṃsu vā||
āvasanti vā||
āvasissanti vā" ti.|| ||

 


Contact:
E-mail
Copyright Statement