Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
III. Mahā Vagga

Sutta 28

Dutiya Mahā Pañha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[54]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Kajaŋgalāyaɱ viharati vephavane.|| ||

Atha kho sambahulā Kajaŋgalā upāsakā yena Kajaŋgalā bhikkhunī ten'upasankamiɱsu.|| ||

Upasaɱkamitvā Kajaŋgalaɱ bhikkhuniɱ abhivādetvā eka-m-antaɱ nisīdiɱsu eka-m-antaɱ nisinnā kho Kajaŋgalā upāsakā Kajaŋgalaɱ bhikkhuniɱ etad avocuɱ.|| ||

2. Vuttam idaɱ ayye Bhagavatā Mahā-pañhesu:|| ||

'Eko āvuso pañho,||
eko uddeso,||
ekaɱ veyyā-karaṇaɱ;||

dve pañhā,||
dve uddesā,||
dve veyyā-karaṇāni;||

tayo pañhā,||
tayo uddesā||
tīṇi veyyā-karaṇāni;||

[55] cattāro pañhā,||
cattāro uddesā,||
cattāri veyyā-karaṇāni;||

pañca pañhā,||
pañc'uddessā,||
pañca veyyā-karaṇāni;||

cha pañhā,||
cha uddesā,||
cha veyyā-karaṇāni;||

satta pañhā,||
satta uddesā,||
satta veyyā-karaṇāni;||

aṭṭha pañhā,||
aṭṭha uddesā,||
aṭṭha veyyā-karaṇāni;||

nava pañhā,||
nava uddesā,||
nava veyyā-karaṇāni;||

dasa pañhā,||
dasuddesā,||
dasa veyyā-karaṇānī' ti.|| ||

Imassa nu kho ayye Bhagavatā saŋkhittena bhāsitassa kathaɱ vitthārena attho daṭṭhabbo" ti?|| ||

 

§

 

3. "Na kho pan'etaɱ āvuso Bhagavato sammukhā sutaɱ,||
sammukhā paṭggahītaɱ,||
na pi mano-bhāvanīyānaɱ bhikkhunaɱ sammukhā sutaɱ,||
sammukhā paṭiggahītaɱ,||
api ca yathā m'ettha khāyati,||
taɱ suṇātha,||
sādhukaɱ manasi-karotha, bhāsissāmī" ti.|| ||

"Evaɱ ayye" ti kho Kajaŋgalā upāsakā Kajaŋgalāya bhikkhuniyā paccassosuɱ.|| ||

Kajaɱgalā bhikkhunī etad avoca:|| ||

4. "'Eko pañho,||
eko uddeso,||
ekaɱ veyyā-karaṇan' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Eka dhamme āvuso bhikkhu sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamasmiɱ eka-dhamme?|| ||

Sabbe sattā āhāraṭṭhitikā.|| ||

Imasmiɱ kho āvuso eka-dhamme sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Eko pañho,||
eko uddeso,||
ekaɱ veyyā-karaṇan' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

5. [56] 'Dve pañhā,||
dve uddesā,||
dve veyyā-karaṇānī' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Dvīsu āvuso dhammesu bhikkhu bhikkhu sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamasmiɱ dvīsu?|| ||

Nāme ca rūpe ca.|| ||

Imesu kho bhikkhave dvīsu dhammesu bhikkhu sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Dve pañhā,||
dve uddesā,||
dve veyyā-karaṇānī' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

6. 'Tayo pañhā,||
tayo uddesā,||
tīṇi veyyā-karaṇāni' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Tīsu āvuso dhammesu bhikkhu bhikkhu sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamasmiɱ tīsu?|| ||

Tīsu vedanāsu.|| ||

Imesu kho āvuso tīsu dhammesu bhikkhu sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Tayo pañhā,||
tayo uddesā,||
tīṇi veyyā-karaṇānī' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

7. 'Cattāro pañhā,||
cattāro uddesā||
cattāri veyyā-karaṇānī' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Catusu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamasmiɱ catusu?|| ||

Catūsu sati-paṭṭhānesu.|| ||

Imesu kho āvuso catusu dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Cattāro pañhā,||
cattāro uddesā,||
cattāri veyyā-karaṇānī' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

8. 'Pañca pañhā,||
pañcuddesā,||
pañca veyyā-karaṇānī' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Pañacasu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamasmiɱ pañcasu?|| ||

Pañcasu indriyesu.|| ||

Imesu kho bhikkhave pañcasu dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Pañca pañhā,||
pañcuddesā,||
pañcaveyyā-karaṇānī' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

9. 'Cha pañhā,||
cha uddesā,||
cha veyyā-karaṇāni' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Chasu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamesu chasu?|| ||

[57] Chasu nissāraṇīyāsu dhātusu.|| ||

Imesu kho bhikkhave chasu dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Cha pañhā,||
cha uddesā,||
cha veyyā-karaṇānī' ti
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

10. 'Satta pañhā,||
satta uddesā,||
satta veyyā-karaṇāni' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Sattasu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamesu sattasu?|| ||

Sattasu bojjhaŋgesu.|| ||

Imesu kho bhikkhave sattasu dhammesu sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Satta pañhā,||
satta uddesā,||
satta veyyā-karaṇānī' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

11. 'Aṭṭha pañhā,||
aṭṭha uddesā,||
aṭṭha veyyākakaraṇāni' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Aṭṭhasu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamesu aṭṭhasu?|| ||

Ariye aṭṭhaŋgike magge.|| ||

Imesu kho āvuso aṭṭhasu dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Aṭṭha pañhā,||
aṭṭha uddesā,||
aṭṭha veyyā-karaṇānī' ti||
iti yaɱ taɱ vuttaɱ Bhagavatā idam etaɱ paṭicca vuttaɱ.|| ||

12. 'Nava pañhā,||
navuddesā||
nava veyyā-karaṇānī' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Navasu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamesu navasu?|| ||

Navasu sattāvāsesu.|| ||

Imesu kho āvuso navasu dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Nava pañhā,||
navuddesā||
nava veyyā-karaṇānī' ti||
iti yaɱ taɱ vuttaɱ Bhagavatā, idam etaɱ paṭicca vuttaɱ.|| ||

13. 'Dasa pañhā||
dasa uddesā,||
dasa veyyā-karaṇānī' ti.|| ||

Iti kho pan'etaɱ vuttaɱ Bhagavatā.|| ||

Kiñ c'etaɱ paṭicca vuttaɱ?|| ||

Dasasu āvuso dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

Katamesu dasasu?|| ||

Dasasu kusalesu kammapathesu.|| ||

[58] Imesu kho āvuso dasasu dhammesu bhikkhu||
sammā nibbindamāno,||
sammā virajjamāno,||
sammā vimuccamāno,||
sammā pari-yanta-dassāvī samm'atth-ā-bhi-sam-ecca||
diṭṭhe'va dhamme dukkhass'antakaro hoti.|| ||

'Dasa pañhā,||
dasuddesā,||
dasa veyyā-karaṇānī' ti||
iti yaɱ taɱ vuttaɱ Bhagavatā, idam etaɱ paṭicca vuttaɱ.|| ||

 

§

 

14. Iti kho āvuso yaɱ taɱ vuttaɱ Bhagavatā mahāpañhesu:|| ||

'Eko pañho,||
eko uddeso,||
ekaɱ veyyā-karaṇaɱ;||

dve pañhā,||
dve uddesā,||
dve veyyā-karaṇāni;||

tayo pañhā,||
tayo uddesā||
tīṇi veyyā-karaṇāni;||

cattāro pañhā,||
cattāro uddesā,||
cattāri veyyā-karaṇāni;||

pañca pañhā,||
pañc'uddessā,||
pañca veyyā-karaṇāni;||

cha pañhā,||
cha uddesā,||
cha veyyā-karaṇāni;||

satta pañhā,||
satta uddesā,||
satta veyyā-karaṇāni;||

aṭṭha pañhā,||
aṭṭha uddesā,||
aṭṭha veyyā-karaṇāni;||

nava pañhā,||
nava uddesā,||
nava veyyā-karaṇāni;||

dasa pañhā,||
dasuddesā,||
dasa veyyā-karaṇānī' ti.|| ||

Imassa kho ahaɱ āvuso Bhagavatā saŋkhittena bhāsitassa evaɱ vitthārena atthaɱ ājānāmi.|| ||

 

§

 

Ākaŋkha-mānā ca pana tumhe āvuso Bhagavantaɱ yeva upasankamitvā etam atthaɱ paṭipuccheyyātha.|| ||

Yathā no bhavā vyākaroti,||
tathā naɱ dhāreyyāthā" ti.|| ||

"Evaɱ ayye" ti kho Kajaŋgalā upāsakā Kajaŋgalāya bhikkhuniyā bhāsitaɱ abhinan'ditvā anumo-ditvā uṭṭhāy āsanā Kajaŋgalaɱ bhikkhuniɱ abhivādetvā padakkhiṇaɱ katvā yena Bhagavā ten'upasankamiɱsu.|| ||

Upasaɱkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinnā kho Kajaŋgalā upāsakā yāvatako ahosi Kajaŋgalāya bhikkhuniyā saddhiɱ kathā-sallāpo,||
taɱ sabbaɱ Bhagavato ārocesuɱ.|| ||

15. "Sādhu, sādhu gahapatayo.|| ||

Paṇḍitā gahapatayo Kajaŋgalā bhikkhunī,||
mahā-paññā gahapatayo Kajaŋgalā bhikkhunī.|| ||

Sace pi tumhe gahapatayo maɱ upasankamitvā etam atthaɱ puccheyyātha,||
aham pi c'etaɱ [59] evam eva vyākareyyaɱ,||
yathā taɱ Kajaŋgalāya bhikkhuniyā vyākataɱ.|| ||

Eso c'eva tassa attho,||
evañ ca naɱ dhāreyyathā" ti.|| ||

 


Contact:
E-mail
Copyright Statement