Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
VIII: Ākaŋkha-Vagga

Sutta 73

Iṭṭha-Dhamma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[135]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Dasa yime bhikkhave dhammā iṭṭhā kantā manāpā dullabhā lokasmiɱ.|| ||

 

§

 

Katame dasa?|| ||

Bhogā iṭṭhā kantā manāpā dullabhā lokasmiɱ.|| ||

Vaṇṇo iṭṭho kanto manāpo dullabho lokasmiɱ.|| ||

Ārogyaɱ iṭṭhaɱ kantaɱ manāpaɱ dullabhaɱ lokasmiɱ.|| ||

Sīlāni iṭṭhaɱ kantaɱ manāpaɱ dullabhaɱ lokasmiɱ.|| ||

Brahma-cariyaɱ iṭṭhaɱ kantaɱ manāpaɱ dullabhaɱ lokasmiɱ.|| ||

Mittā iṭṭhā kantā manāpā dullabhā lokasmiɱ.|| ||

Bāhu-saccaɱ iṭṭhaɱ kantaɱ dullabhaɱ lokasmiɱ.|| ||

Paññā iṭṭhā kantā manāpā dullabhā lokasmiɱ.|| ||

Dhammā iṭṭhā kantā manāpā dullabhā lokasmiɱ.|| ||

Saggā iṭṭhā kantā manāpā dullabhā lokasmiɱ.|| ||

[136] Ime kho bhikkhave dasa dhammā iṭṭhā kantā manāpā dullabhā lokasmiɱ.|| ||

 

§

 

3. Imesaɱ kho bhikkhave dasannaɱ dhammānaɱ iṭṭhānaɱ kantānaɱ manāpānaɱ dullabhānaɱ lokasmiɱ,||
dasa-dhammā paripanthā:|| ||

4. Ālassa anuṭṭhānaɱ bhogānaɱ paripantho.|| ||

Amaṇḍanā abhūsaṇā vaṇṇassa paripantho.|| ||

Asappāya kiriyā ārogyassa paripantho.|| ||

Pāpa-mittatā sīlānaɱ paripantho.|| ||

Indriyā-saɱvaro Brahma-cariyassa paripantho.|| ||

Visaɱvādanā mittānaɱ paripantho.|| ||

Asajjhāya kiriyā bāhu-saccassa paripantho.|| ||

Asussusā aparipucchā paññāya paripantho.|| ||

Ananuyogo apacc-a-vekkhanā dhammānaɱ paripantho.|| ||

Micchā-paṭipatti saggānaɱ paripantho.|| ||

Imesaɱ kho bhikkhave dasannaɱ dhammānaɱ iṭṭhānaɱ kantānaɱ manāpānaɱ dullabhānaɱ lokasmiɱ,||
ime dasa dhammā paripanthā.|| ||

 

§

 

5. Imesaɱ kho bhikkhave dasannaɱ dhammānaɱ iṭṭhānaɱ kantānaɱ manāpānaɱ dullabhānaɱ lokasmiɱ||
dasa dhammā āhārā|| ||

6. Anālassaɱ uṭṭhānaɱ bhogānaɱ āhāro.|| ||

Maṇḍanā vibhūsanā vaṇṇassa āhāro.|| ||

Sappāya-kiriyā ārogyassa āhāro.|| ||

Kalyāṇa-mittatā sīlānaɱ āhāro.|| ||

Indriya-saŋvaro Brahma-cariyassa āhāro.|| ||

Avisaɱvādanā mittānaɱ āhāro.|| ||

Sajjhāyakiriyā bāhu-saccassa āhāro.|| ||

Sussusā paripucchā paññāya āhāro.|| ||

Anuyogo pacc-a-vekkhanā dhammānaɱ āhāro.|| ||

Sammāpaṭipatti saggānaɱ āhāro.|| ||

Imesaɱ kho bhikkhave dasannaɱ dhammānaɱ iṭṭhānaɱ kantānaɱ manāpānaɱ dullabhānaɱ lokasmiɱ||
ime dasa-dhammā āhārā" ti.|| ||

 


Contact:
E-mail
Copyright Statement