Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
XIV: Sādhu-Vagga

Sutta 144

Dukkha-Vipāka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[244]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Dukkha-vipākañ ca vo bhikkhave dhammaɱ desissāmi, sukha-vipākañ ca.|| ||

Taɱ suṇātha sādhukaɱ manasi-karotha bhāsissāmī" ti.|| ||

"Evaɱ bhante" ti kho te bhikkhu Bhagavato paccassosuɱ.|| ||

Bhagavā etad avoca:|| ||

"Katamañ ca bhikkhave dukkha-vipāko dhammo?

Micchā-diṭṭhi,||
micchā-saŋkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhi,||
micchā-ñāṇaɱ,||
micchā-vimutti.|| ||

Ayaɱ vuccati bhikkhave dukkha-vipāko dhammo.|| ||

 

§

 

Katamañ ca bhikkhave sukha vipāko Dhammo?|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi,||
sammā-ñāṇaɱ,||
sammā-vimutti.|| ||

Ayaɱ vuccati bhikkhave sukha vipāko Dhammo" ti|| ||

 


Contact:
E-mail
Copyright Statement