Dīgha Nikāya


[Home]  [Sutta Indexes]  [Glossology]  [Site Sub-Sections]


 

Dīgha Nikāya

Sutta 12

Lohikka Suttaɱ

Adapted from the digital version of the Sri Lanka Buddha Jayanti Tripitaka Series

 


[224]

[1][pts][than] Evaɱ me sutaɱ.|| ||

Ekaɱ samayaɱ Bhagavā Kosalesu cārikaɱ||
caramāno mahatā bhikkhu-saŋghena saddhiɱ||
pañca-mattehi bhikkhu-satehi||
yena sāla-vatikā tad avasari.|| ||

Tena kho pana samayena Lohikko brāhmaṇo Sālavatikaɱ||
ajjhā-vasati sattussadaɱ||
satiṇakaṭṭhodakaɱ||
sadhaññaɱ||
rāja-bhoggaɱ raññā Pasenadinā Kosalena||
dinnaɱ rājadāyaɱ brahmadeyyaɱ.

2. Tena kho pana samayena Lohikkassa brāhmaṇassa||
eva-rūpaɱ pāpakaɱ diṭṭhi-gataɱ uppannaɱ hoti:|| ||

"Idha samaṇo vā brāhmaṇo vā||
kusalaɱ dhammaɱ adhigaccheyya,||
kusalaɱ dhammaɱ adhigantvā||
na parassa āroceyya.|| ||

Kiɱ hi paro parassa karissati?|| ||

Seyyathā pi nāma purāṇaɱ bandhanaɱ chinditvā||
aññaɱ navaɱ bandhanaɱ kareyya.'|| ||

Evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissatī" ti.

3. Assosi kho Lohikko brāhmaṇo:|| ||

"Samaṇo khalu bho Gotamo Sakya-putto||
Sakya-kulā pabba-jito Kosalesu cārikaɱ||
caramāno mahatā bhikkhu-saŋghena||
saddhiɱ pañca-mattehi bhikkhu-satehi||
Sālavatikaɱ anuppatto.|| ||

Taɱ kho pana bhavantaɱ Gotamaɱ||
evaɱ kalyāṇo kitti-saddo abbhu-g-gato:|| ||

'Iti pi so Bhagavā||
arahaɱ||
Sammā Sambuddho||
vijjā-caraṇa-sampanno||
Sugato||
loka-vidū||
anuttaro purisa-damma-sārathī||
satthā deva-manussānaɱ||
Buddho||
Bhagavā.|| ||

So imaɱ lokaɱ||
sa-devakaɱ||
sa-Mārakaɱ||
sa-brahmakaɱ,||
sa-s-samaṇa-brāhmaṇiɱ||
pajaɱ sa-deva-manussaɱ||
[225] sayaɱ abhiññā sacchi-katvā pavedeti.|| ||

So dhammaɱ deseti||
ādi kalyāṇaɱ||
majjhe kalyāṇaɱ||
pariyosana-kalyāṇaɱ||
sātthaɱ savyañ janaɱ||
kevala-paripuṇṇaɱ||
parisuddhaɱ||
Brahma-cariyaɱ pakāseti.|| ||

Sādhu kho pana tathā-rūpānaɱ arahataɱ dassanaɱ hotī" ti.

4. Atha kho Lohikko brāhmaṇo Bhesikaɱ||
nahāpitaɱ āmantesi:|| ||

"Ehi tvaɱ samma Bhesike,||
yena Samaṇo Gotamo ten'upasankama.|| ||

Upasaŋkamitvā mama vacanena samaṇaɱ Gotamaɱ||
appābādhaɱ||
appātaŋkaɱ||
lahu-ṭ-ṭhānaɱ||
balaɱ phāsu-vihāraɱ puccha:|| ||

'Lohikko bho Gotama brāhmaṇo||
bhavantaɱ Gotamaɱ appābādhaɱ||
appātaŋkaɱ||
lahu-ṭ-ṭhānaɱ||
balaɱ phāsu-vihāraɱ pucchatī' ti.|| ||

Evañ ca vadehi:|| ||

'Adhivāsetu kira bhavaɱ Gotamo||
Lohikkassa brāhmaṇassa svātanāya bhattaɱ||
saddhiɱ bhikkhu-saŋghenā'" ti.

5. Evaɱ bhatteti kho Bhesikā nahāpito||
Lohikkassa brāhmaṇassa paṭi-s-sutvā||
yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Bhesikā nahāpito Bhagavantaɱ etad avoca:|| ||

"Lohikko bhante brāhmaṇo||
Bhagavantaɱ appābādhaɱ||
appātaŋkaɱ||
lahu-ṭ-ṭhānaɱ||
balaɱ phāsu-vihāraɱ pucchati.|| ||

Evañ ca vadeti.|| ||

'Adhivāsetu kira bhante Bhagavā||
Lohikkassa brāhmaṇassa svātanāya bhattaɱ||
saddhiɱ bhikkhu-saŋghenā'" ti.|| ||

Adhivāsesi Bhagavā tuṇhī-bhāvena.

6. Atha kho Bhesikā nahāpito Bhagavato||
adhivāsanaɱ viditvā uṭṭhāy āsanā||
Bhagavantaɱ abhivādetvā||
padakkhiṇaɱ katvā||
yena Lohikko brāhmaṇo ten'upasankami.|| ||

Upasaŋkamitvā Lohikkaɱ brāhmaṇaɱ etad avoca:|| ||

"Avocumbhā kho mayaɱ bhante tava vacanena||
taɱ Bhagavantaɱ.|| ||

Lohikko bhante brāhmaṇo Bhagavantaɱ||
[226] appābādhaɱ||
appātaŋkaɱ||
lahu-ṭ-ṭhānaɱ||
balaɱ phāsu-vihāraɱ pucchati.|| ||

Evañ ca vadeti:|| ||

'Adhivāsetu kira bhante Bhagavā||
'Lohikkassa brāhmaṇassa svātanāya bhattaɱ||
saddhiɱ bhikkhu-saŋghenā' ti.|| ||

Adhivutthañ ca pana tena Bhagavatā' ti.

7. Atha kho Lohikko brāhmaṇo tassā rattiyā accayena sake nivesane paṇitaɱ khādanīyaɱ bhojanīyaɱ paṭiyādāpetvā Bhesikaɱ nahāpitaɱ āmantesi: ehi tvaɱ samma Bhesike yena Samaṇo Gotamo ten'upasankama.|| ||

Upasaŋkamitvā samaṇassa Gotamassa kālaɱ ārocehi: kālo bho Gotama niṭṭhitaɱ bhattanti.|| ||

"Evaɱ bhante" ti kho Bhesikā nahāpito Lohikkassa brāhmaṇassa paṭi-s-sutvā yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhīto kho Bhesikā nahāpito Bhagavato kālaɱ ārocesi: kāle bhante.|| ||

Niṭṭhitaɱ bhattanti.|| ||

Atha kho Bhagavā pubbaṇha-samayaɱ nivāsetvā patta-cīvaraɱ ādāya saddhiɱ bhikkhu-saŋghena yena sāla-vatikā ten'upasankami.

8. Tena kho pana samayena Bhesikā nahāpito Bhagavantaɱ piṭṭhito piṭṭhito anubaddho hoti.|| ||

Atha kho Bhesikā nahāpito Bhagavantaɱ etad avoca:|| ||

"Lohikkassa bhante brāhmaṇassa eva-rūpaɱ pāpakaɱ diṭṭhi-gataɱ uppannaɱ: idha samaṇo vā brāhmaṇo vā kusalaɱ dhammaɱ adhigaccheyya,||
kusalaɱ dhammaɱ adhigannvā na parassa āroceyya.|| ||

Kiɱ hi paro parassa karissati.|| ||

Seyyathā pi purāṇaɱ bandhanaɱ chinditvā aññaɱ navaɱ bandhanaɱ kareyya,||
evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissatī" ti.|| ||

Sādhu bhante Bhagavā Lohikkaɱ brāhmaṇaɱ etasmā pāpakā diṭṭhi-gatā vivecetū" ti.|| ||

"App'eva nāma siyā Bhesike app'eva nāma siyā Bhesike" ti.

9. Atha kho Bhagavā yena Lohikkassa brāhmaṇassa nivesanaɱ ten'upasankami.|| ||

Upasaŋkamitvā paññatte āsane [227] nisīdi.|| ||

Atha kho Lohikko brāhmaṇo Buddhappamukhaɱ bhikkhu-saŋghaɱ paṇitena khādanīyena bhojanīyena sahatthā santappesi sampavāresi atha kho Lohikko brāhmaṇo Bhagavantaɱ bhuttāviɱ onīta-patta-pāṇiɱ aññataraɱ nīvaɱ āsanaɱ gahetvā eka-m-antaɱ nisīdi.|| ||

Eka-m-antaɱ nisinnaɱ kho Lohikkaɱ brāhmaṇaɱ Bhagavā etad avoca: "saccaɱ kira te Lohikka eva-rūpaɱ pāpakaɱ diṭṭhīgataɱ uppannaɱ: idha samaṇo vā brāhmaṇo vā kusalaɱ dhammaɱ adhigaccheyya,||
kusalaɱ dhammaɱ adhiganntvā na parassa aroceyya,||
kiɱ hi paro parassa karissati?|| ||

Seyyathā pi nāma purāṇaɱ bandhanaɱ chinditvā aññaɱ navaɱ bandhanaɱ kareyya,||
evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissatī" ti?

"Evaɱ bho Gotama."|| ||

10. "Taɱ kiɱ maññasi Lohikka?|| ||

Tanu tvaɱ Sālavatikaɱ ajjhāvasasī" ti?

"Evaɱ bho Gotama."|| ||

"Yo nu kho Lohikka evaɱ vadeyya 'Lohikko brāhmaṇo Sālavatikaɱ ajjhā-vasati.|| ||

Yā sāla-vatikāya samudaya-sañjāti Lohikko'va taɱ brāhmaṇo ekako paribhuñjeyya,||
na aññesaɱ dadeyyā' ti evaɱ-vādi so ye taɱ upajīvanti tesaɱ antarāya-karo vā hoti no vā" ti?

"Antarāya-karo bho Gotama."|| ||

"Antarāya-karo samāno Lohikka hit-ā-nukampī vā||
tesaɱ hoti ahit-ā-nukampī vā" ti?

"Ahit-ā-nukampī bho Gotama."|| ||

"Ahitānukampissa mettaɱ vā||
tesu cittaɱ pacc'upaṭṭhitaɱ hoti sapattakaɱ vā" ti?

"Sapattakaɱ bho Gotama"

"Sapattake citte pacc'upaṭṭhike micchā-diṭṭhi vā||
hoti sammā-diṭṭhi vā?Ti

"Micchā-diṭṭhi Bho Gotama."|| ||

[228] "Micchā-diṭṭhissa kho ahaɱ Lohikka dvinnaɱ gatīnā aññataraɱ gatiɱ vadāmi:||
Nirayaɱ vā tiracchāna-yoniɱ vā."|| ||

11. Taɱ kim maññasi Lohikka,||
tanu rājā Pasenadi Kosalo Kāsi Kosalaɱ ajjhāvasatī" ti?

"Evaɱ bho Gotama."|| ||

"Yo nu kho Lohikka evaɱ vadeyya:|| ||

'Rājā Pasenadi Kosalo Kāsi Kosalaɱ ajjhā-vasati.|| ||

Yā Kāsi Kosalo samudaya-sañjāti,||
rājā'va taɱ Pasenadi Kosalo ekako paribhuñjeyya,||
na naaññesaɱ dadeyyā' ti.|| ||

Evaɱ vādī so ye rājānaɱ Pasenadiɱ Kosalaɱ upajīvanti tumhe c'eva aññe ca,||
tesaɱ antarāya-karo vā hoti,||
no vā" ti?

"Antarāya-karo bho Gotama."|| ||

"Antarāya-karo samāno hit-ā-nukampī vā||
tesaɱ hoti ahit-ā-nukampī vā" ti?

"Ahit-ā-nukampī bho Gotama."|| ||

"Ahitānukampissa Lohikka mettaɱ vā||
tesu cittaɱ pacc'upaṭṭhītaɱ sapattakaɱ vā" ti?

"Sapattakaɱ bho Gotama."|| ||

"Sapattake citte pacc'upaṭṭhīte micchā-diṭṭhi vā||
hoti sammā-diṭṭhi vā" ti?

Micchā-diṭṭhi bho Gotama."|| ||

"Micchā-diṭṭhissa kho ahaɱ Lohikka dvinnaɱ gatīnaɱ aññataraɱ gatiɱ vadāmi||
Nirayaɱ vā tiracchāna-yoniɱ vā.

12. Iti kira 'Lohikka yo evaɱ vadeyya:||
Lohikko brāhmaṇo Sālavatikaɱ ajjhā-vasati.|| ||

Yā sāla-vatikāya samudayañjāti,||
Lohikko'va taɱ brāhmaṇo ekako paribhuñjeyya,||
na ca aññesaɱ dadeyyā' ti.|| ||

Evaɱ vādī so ye taɱ upajīvanti,||
tesaɱ antarāya-karo hoti.|| ||

Antarāya-karo samāno ahit-ā-nukampī hoti.|| ||

Ahitānukampissa sapattakaɱ cittaɱ pacc'upaṭṭhitaɱ hoti.|| ||

Sapattake citte pacc'upaṭṭhite micchā-diṭṭhī hoti.|| ||

Evam eva kho Lohikka yo evaɱ vadeyya:|| ||

"Idha samaṇo vā brahmaṇo vā||
kusalaɱ dhammaɱ adhigaccheyya,||
kusalaɱ dhammaɱ adhigantvā||
na parassa āroceyya.|| ||

Kiɱ hi paro parassa karissati?|| ||

Seyyathā pi nāma purāṇaɱ bandhanaɱ chinditvā aññaɱ navaɱ bandhanaɱ kareyya,||
evaɱ sampadam||
idaɱ pāpakaɱ lobha-dhammaɱ vadāmi.|| ||

[229] Kiɱ hi paro parassa karissatī" ti.|| ||

Evaɱ vādī so ye te kula-puttā Tathāgata-p-paveditaɱ Dhamma-Vinayaɱ āgamma eva-rūpaɱ uḷāraɱ visesaɱ adhigacchanti:||
sot'āpatti-phalam pi sacchi-karonti,||
Sakad-āgāmi-phalam pi sacchi-karonti,||
Anāgāmi-phalam pi sacchīkaronti,||
Arahattam pi sacchi-karonti,||
yecime dibbāgabbhā paripācenti dibbānaɱ bhavānaɱ abhinibbantiyā,||
tesaɱ antarāya-karo hoti.|| ||

Antarāya-karo samāno ahitānukampi hoti.|| ||

Ahitānukampissa sapattakaɱ cittaɱ pacc'upaṭṭhitaɱ hoti.|| ||

Sapattake citte pacc'upaṭṭhite micchā-diṭṭhi hoti.|| ||

Micchā-diṭṭhissa kho ahaɱ Lohikka dvinnaɱ gatīnaɱ aññataraɱ gatiɱ vadāmi||
Nirayaɱ vā tiracchāna-yoniɱ vā.

13. Iti kira Lohikka yo evaɱ vadeyya:||
rājā Pasenadi Kosalo Kāsi Kosalaɱ ajjhā-vasati.|| ||

Yā kāsi Kosale samudayañjāti,||
rājā'va taɱ Pasenadi Kosalo ekako paribhuñjeyya,||
na ca aññesaɱ dadeyyā' ti.|| ||

Evaɱ vādī so ye rājānaɱ Pasenadiɱ Kosalaɱ upajīvanti tumhe c'eva aññe ca,||
tesaɱ antarāya-karo hoti.|| ||

Antarāya-karo samāno ahit-ā-nukampī [230] hoti.|| ||

Ahitānukampissa sapattakaɱ cittaɱ pacc'upaṭṭhitaɱ hoti.|| ||

Sapattake citte pacc'upaṭṭhite micchā-diṭṭhī hoti.|| ||

Evam eva kho Lohikka yo evaɱ vadeyya:|| ||

"Idha samaṇo vā brahmaṇo vā||
kusalaɱ dhammaɱ adhigaccheyya,||
kusalaɱ dhammaɱ adhigantvā||
na parassa āroceyya.|| ||

Kiɱ hi paro parassa karissati?|| ||

Seyyathā pi nāma purāṇaɱ bandhanaɱ chinditvā aññaɱ navaɱ bandhanaɱ kareyya,||
evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissatī" ti.|| ||

Evaɱ vādī so ye te kula-puttā Tathāgata-p-paveditaɱ Dhamma-Vinayaɱ āgamma eva-rūpaɱ uḷāraɱ visesaɱ adhigacchanti: sot'āpatti-phalam pi sacchi-karonti,||
Sakad-āgāmi-phalam pi sacchi-karonti,||
Anāgāmi-phalam pi sacchīkaronti,||
Arahattam pi sacchi-karonti,||
yecime dibbāgabbhā paripācenti dibbānaɱ bhavānaɱ abhinibbantiyā,||
tesaɱ antarāya-karo hoti.|| ||

Antarāya-karo samāno ahitānukampi hoti.|| ||

Ahitānukampissa sapattakaɱ cittaɱ pacc'upaṭṭhitaɱ hoti.|| ||

Sapattake citte pacc'upaṭṭhite micchā-diṭṭhi hoti.|| ||

Micchā-diṭṭhissa kho ahaɱ Lohikka dvinnaɱ gatīnaɱ aññataraɱ gatiɱ vadāmi Nirayaɱ vā tiracchāna-yoniɱ vā.

14. Tayo kho'me Lohikka satthāro||
ye loke vodanārahā,||
yo ca pan'eva-rūpe satthāro codeti,||
sā codanā bhūtā tacchā dhammikā anavajjā.|| ||

Katame tayo?|| ||

Idha Lohikka ekacco satthā||
yass'atthāya agārasmā anagāriyaɱ pabba-jito hoti,||
svāssa sāmaññattho ananuppatto hoti,||
so taɱ sāmaññ'atthaɱ ananupāpuṇitvā sāvakānaɱ dhammaɱ deseti:|| ||

'Idaɱ vo hitāya||
idaɱ vo sukhāyā' ti.|| ||

Tassa sāvakā na sussūsanti,||
na sotaɱ odahanti,||
na aññā-cittaɱ upaṭṭhapenti,||
vokkamma ca satthusāsanā vattanti.|| ||

So evam assa codetabbo:|| ||

"Āyasmā kho yass'atthāya agārasmā anagāriyaɱ pabba-jito,||
so te sāmaññattho ananuppatto.|| ||

Na tvaɱ sāmaññ'atthaɱ ananupāpuṇitvā sāvakānaɱ dhammaɱ desesi.|| ||

'Idaɱ vo hitāya||
idaɱ vo sukhāyā' ti.|| ||

Tassa te sāvakā na sussūsanti.|| ||

Na sotaɱ odahanti.|| ||

Na aññā-cittaɱ upaṭṭhapenti vokkamma ca satthusāsanā vattantī" ti.|| ||

Seyyathā pi nāma ossakkantiyā vā ussakkeyya1,||
parammukhiɱ vā āliŋgeyya,||
evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissati?"|| ||

Ayaɱ kho Lohikka paṭhamo satthā yo loke codanāraho,||
yo ca pan'eva-rūpaɱ satthāraɱ codeti,||
sā codanā bhūtā tacchā dhammikā anavajjā.

15. Puna ca paraɱ Lohikka idh'ekacco satthā yass'atthāya agārasmā anagāriyaɱ pabba-jito hoti,||
svāssa sāmaññattho ananuppatto hoti.|| ||

So taɱ sāmaññ'atthaɱ ananupāpuṇitvā sāvakānaɱ dhammaɱ deseti.|| ||

'Idaɱ vo hitāya||
idaɱ vo sukhāyā' ti.|| ||

Tassa te sāvakā sussūsanti,||
sotaɱ [231] odahanti,||
aññā-cittaɱ upaṭṭhapenti,||
na ca vokkamma satthusāsanā vattanti.|| ||

So evam assa codetabbo:|| ||

"Āyasmā kho yass'atthāya agārasmā anagāriyaɱ pabba-jito,||
so te sāmaññattho ananuppatto.|| ||

Taɱ tvaɱ sāmaññ'atthaɱ ananupāpuṇitvā sāvakānaɱ dhammaɱ desesi.|| ||

'Idaɱ vo hitāya||
idaɱ vo sukhāyā' ti.|| ||

Tassa te sāvakā sussūsanti,||
sotaɱ odahanti,||
aññā-cittaɱ upaṭṭhapenti,||
na ca vokkamma satthusāsanā vattanti.|| ||

Seyyathā pi nāma sakaɱ khettaɱ ohāya parakhettaɱ niḍḍāyitabbaɱ1 maññeyya,||
evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissatī" ti.|| ||

Ayaɱ kho Lohikka dutiyo satthā yo loke codanāraho,||
yo ca pan'eva-rūpaɱ satthāraɱ codeti,||
sā codanā bhūtā tacchā dhammikā anavajjā.

16. Puna ca paraɱ Lohikka idh'ekacco satthā yass'atthāya agārasmā anagāriyaɱ pabba-jito hoti,||
svāssa sāmaññattho ananuppatto hoti.|| ||

So taɱ sāmaññ'atthaɱ ananupāpuṇitvā sāvakānaɱ dhammaɱ deseti.|| ||

'Idaɱ vo hitāya||
idaɱ vo sukhāyā' ti.|| ||

Tassa te sāvakā sussūsanti,||
na sotaɱ odahanti,||
na aññā-cittaɱ upaṭṭhapenti,||
vokkamma ca satthusāsanā vattanti.|| ||

So evam assa codetabbo: "āyasmā kho yass'atthāya agārasmā anagāriyaɱ pabba-jito,||
so te sāmaññattho ananuppatto.|| ||

Taɱ tvaɱ sāmaññ'atthaɱ ananupāpuṇitvā sāvakānaɱ dhammaɱ desesi.|| ||

'Idaɱ vo hitāya||
idaɱ vo sukhāyā' ti.|| ||

Tassa te sāvakā na sussūsanti,||
na sotaɱ odahanti,||
na aññā-cittaɱ upaṭṭhapenti,||
vokkamma ca satthusāsanā vattanti.|| ||

Seyyathā pi nāma purāṇaɱ bandhanaɱ chinditvā aññaɱ navaɱ bandhanaɱ kareyya,||
evaɱ sampadam idaɱ pāpakaɱ lobha-dhammaɱ vadāmi.|| ||

Kiɱ hi paro parassa karissatī" ti.|| ||

Ayaɱ kho Lohikka tatiyo satthā yo loke codanāraho,||
yo ca pan'eva-rūpaɱ satthāraɱ codeti,||
sā codanā bhūtā tacchā dhammikā anavajjā.

[232] Ime kho Lohikka tayo satthāro ye loke codanārahā,||
yo ca pan'eva-rūpe satthāro codeti,||
sā codanā bhūtā tacchā dhammikā anavajjā" ti.

 

§

 

17. Evaɱ vutte Lohikko brāhmaṇo Bhagavantaɱ etad avoca:|| ||

"Atthi pana bho Gotama ko ci loke na codanāraho" ti?

"Atthi kho Lohikka satthā yo loke na codanāraho" ti.

"Katamo pana so bho Gotama satthā yo loke na codanāraho" ti?

 

§

 

"Idha Lohikka Tathāgato loke uppajjati||
arahaɱ,||
Sammā Sambuddho,||
vijjā-caraṇa-sampanno,||
Sugato,||
loka-vidū,||
anuttaro purisa-damma-sārathī,||
Satthā deva-manussānaɱ,||
Buddho,||
Bhagavā.|| ||

So imaɱ lokaɱ||
sa-devakaɱ||
sa-Mārakaɱ||
sa-brahmakaɱ||
sa-s-samaṇa-brāhmaṇiɱ pajaɱ||
sa-deva-manussaɱ||
sayaɱ abhiññā sacchi-katvā pavedeti.|| ||

So dhammaɱ deseti||
ādi kalyāṇaɱ||
majjhe kalyāṇaɱ||
pariyosāna-kalyāṇaɱ||
sātthaɱ savyañ janaɱ,||
kevala-paripuṇṇaɱ||
parisuddhaɱ Brahma-cariyaɱ pakāseti.|| ||

Taɱ dhammaɱ suṇāti gahapati vā||
gahapati-putto vā||
aññatarasmiɱ vā||
kule paccājāto.|| ||

So taɱ dhammaɱ sutvā Tathāgate saddhaɱ paṭilabhati.|| ||

So tena saddhā-paṭilābhena samannāgato iti paṭisañcikkhati:|| ||

'Sambādho gharāvāso rajo-patho,||
abbhokāso pabbajjā.|| ||

Na-y-idaɱ sukaraɱ agāraɱ ajjhāvasatā ekanta-paripuṇṇaɱ ekanta-parisuddhaɱ sankha-likhitaɱ Brahma-cariyaɱ carituɱ.|| ||

Yan nūn-ā-haɱ kesa-massuɱ ohāretvā kāsāyāni vatthāni acchādetvā agārasmā anagāriyaɱ pabbajeyyan' ti.|| ||

So aparena samayena appaɱ vā bhoga-k-khandhaɱ pahāya mahantaɱ vā bhoga-k-khandhaɱ pahāya,||
appaɱ vā ñāti-parivaṭṭaɱ pahāya mahantaɱ vā ñāti-parivaṭṭaɱ pahāya,||
kesa-massuɱ ohāretvā kāsāyāni vatthāni acchādetvā agārasmā anagāriyaɱ pabbajati.|| ||

So evaɱ pabba-jito samāno Pātimokkha-saŋvarat-saɱvuto viharati ācāra-gocara-sampanno aṇumattesu vajjesu bhaya-dassāvī.|| ||

Samādāya sikkhati sikkhā-padesu kāya-kamma-vacī-kammena samannāgato kusalena.|| ||

Parisuddhā-jīvo sīla-sampanno indriyesu gutta-dvāro bhojane matt'aññū sati-sampajaññena samannāgato santuṭṭho.|| ||

Kathañ ca Lohikka bhikkhu sīla-sampanno hoti?|| ||

Idha bhikkhu pāṇ-ā-tipātaɱ pahāya pāṇ-ā-tipātā paṭivirato hoti,||
nihita-daṇḍo||
nihita-sattho||
lajjī dayā-panno,||
sabba-pāṇa-bhūta-hit-ā-nukampī viharati.|| ||

Adinn'ādānaɱ pahāya||
adinn'ādānā paṭivirato hoti||
dinn'ādāyī dinna-pāṭikankhī,||
athenena suci-bhūtena attanā virahati.|| ||

Abrahma-cariyaɱ pahāya||
brahma-cārī hoti||
ārā-cārī virato methunā gāma-dhammā.|| ||

Musā-vādaɱ pahāya||
musā-vādā paṭivirato hoti||
sacca-vādī||
sacca-sandho||
theto paccayiko avisaŋvādako lokassa.|| ||

Pisuṇa-vācaɱ pahāya||
pisuṇāya vācāya paṭivirato hoti.|| ||

Ito sutvā na amutra akkhātā imesaɱ bhedāya,||
amutra vā sutvā na imesaɱ akkhātā amūsaɱ bhedāya.|| ||

Iti bhinnānaɱ vā||
sandhātā sahitānaɱ vā anuppadātā||
samagg'ārāmo||
samagga-rato||
samagga-nandī||
samagga-karaṇiɱ||
vācaɱ bhāsitā.|| ||

Pharusā-vācaɱ pahāya||
pharusāya vācāya paṭivirato hoti||
yā sā vācā neḷā||
kaṇṇa-sukhā||
pemanīyā||
hadayaŋ-gamā||
porī||
bahu-jana-kantā||
bahujāna-manāpā,||
tathā-rūpaɱ vācaɱ bhāsitā hoti.|| ||

Sampha-p-palāpaɱ pahāya||
sampha-p-palāpā paṭivirato hoti||
kāla-vādī||
bhūta-vādī||
attha-vādī||
dhamma-vādī||
vinaya-vādī,||
nidhāna-vatiɱ vācaɱ bhāsitā||
kālena sāpadesaɱ pariyanta-vatiɱ attha-sañhitaɱ.|| ||

Bīja-gāma-bhūta-gāma-samārambhā paṭivirato hoti.|| ||

Eka-bhatatiko hoti ratt'ūparato,||
virato vikāla-bhojanā.|| ||

Nacca-gīta-vādita-visūka-dassanā paṭivirato hoti.|| ||

Mālā-gandha-vilepana-dhāraṇa-maṇḍana-vibhusana-ṭ-ṭhānā paṭivirato hoti.|| ||

Uccā-sayana-mahā-sayanā paṭivirato hoti.|| ||

Jātarūpa-rajata-paṭi-g-gahaṇā paṭivirato hoti.|| ||

Āmaka-dhañña-paṭi-g-gahaṇā paṭivirato hoti.|| ||

Āmaka-maɱsa-paṭi-g-gahaṇā paṭivirato hoti.|| ||

Itthi-kumārika-paṭi-g-gahaṇā paṭivirato hoti.|| ||

Dāsi-dāsa-paṭi-g-gahaṇā paṭivirato hoti.|| ||

Aj-eḷaka-paṭi-g-gahaṇā paṭivirato hoti.|| ||

Kukkuṭa-sūkara-paṭi-g-gahaṇā paṭivirato hoti.|| ||

Hatthi-gavassa-vaḷavā-paṭi-g-gahaṇā paṭivirato hoti.|| ||

Khetta-vatthu-paṭi-g-gahaṇā paṭivirato hoti.|| ||

Dūteyya-paheṇa-gaman-ā-nuyogā paṭivirato hoti.|| ||

Kaya-vikkayā paṭivirato hoti.|| ||

Tulā-kūṭa-kaɱsa-kūṭa-māna-kūṭā paṭivirato hoti.|| ||

Ukkoṭana-vañcana-nikati-sāci-yogā paṭivirato hoti.|| ||

Chedana-vadha-bandhana-viparāmosa-ālopa-sahasākarā paṭivirato hoti.|| ||

 

§

 

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ bījagāma-bhūta-gāma-samārambhaɱ anuyuttā viharanti,||
seyyath'īdaɱ:|| ||

Mūla-bījaɱ,||
khandha-bījaɱ,||
phalu-bījaɱ,||
agga-bījaɱ,||
bija-bījam eva pañcamaɱ.|| ||

Iti eva-rūpā bījagāma-bhūta-gāma-samārambhā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ sannidhi-kāra-paribhogaɱ anuyuttā viharanti,||
seyyath'īdaɱ:|| ||

Anna-sannidhiɱ,||
pāna-sannidhiɱ,||
vattha-sannidhiɱ,||
yāna-sannidhiɱ,||
sayana-sannidhiɱ,||
gandha-sannidhiɱ,||
āmisa-sannidhiɱ.|| ||

Iti vā iti eva-rūpā sannidhi-kāra-paribhogā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ visuka-dassanaɱ anuyuttā viharanti,||
seyyath'īdaɱ:|| ||

Naccaɱ,||
gītaɱ,||
vāditaɱ,||
pekkhaɱ,||
akkhātaɱ,||
pāṇissaraɱ,||
vetālaɱ,||
kumbha-thūnaɱ,||
Sobha-nagarakaɱ,||
caṇḍālaɱ,||
vaɱsaɱ,||
dhopanaɱ,||
hatthi-yuddhaɱ,||
assa-yuddhaɱ,||
mahisa-yuddhaɱ,||
usabha-yuddhaɱ,||
aja-yuddhaɱ,||
meṇḍaka-yuddhaɱ,||
kukkuṭa-yuddhaɱ,||
vaṭṭaka-yuddhaɱ,||
daṇḍa-yuddhaɱ,||
muṭṭhi-yuddhaɱ,||
nibbuddhaɱ||
uyyodhikaɱ||
balaggaɱ||
senā-byūhaɱ||
aṇīka-dassanaɱ.|| ||

Iti vā iti eva-rūpā visūka-dassanā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ jūta-p-pamāda-ṭ-ṭhān'ānuyogaɱ anuyuttā viharanti,||
seyyath'īdaɱ:|| ||

Aṭṭha-padaɱ,||
dasa-padaɱ,||
ākāsaɱ,||
parihāra-pathaɱ,||
sannikaɱ,||
khalikaɱ,||
ghaṭikaɱ,||
salāka-hatthaɱ,||
akkhaɱ,||
paŋgacīraɱ,||
vaŋkakaɱ,||
mokkha-cikaɱ,||
ciŋgulikaɱ,||
pattāḷhakaɱ,||
rathakaɱ,||
dhanukaɱ,||
akkharikaɱ,||
manesikaɱ,||
yathā-vajjaɱ.|| ||

Iti vā iti eva-rūpā jūta-ppamāda-ṭ-ṭhān'ānuyogā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpaɱ uccā-sayana-mahā-sayanaɱ anuyuttā viharanti,||
seyyath'īdaɱ:|| ||

Āsandiɱ,||
pallaŋkaɱ,||
gonakaɱ,||
cittakaɱ,||
paṭikaɱ,||
paṭalikaɱ,||
tūlikaɱ,||
vikatikaɱ,||
udda-lomiɱ,||
ekanta-lomiɱ,||
kaṭṭhissaɱ,||
koseyyaɱ,||
kuttakaɱ,||
hatth'attharaɱ,||
ass'attharaɱ,||
rath'attharaɱ,||
ajina-p-paveṇiɱ,||
kādali-miga-pavara-pacc'attharaṇaɱ,||
sa-uttara-c-chadaɱ,||
ubhato-lohita-kūpadhānaɱ.|| ||

Iti vā iti eva-rūpā uccā-sayana-mahā-sayanā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāti bhojanāni bhuñjitvā te eva-rūpaɱ maṇḍana-vibhusana-ṭ-ṭhān'ānuyogaɱ anuyuttā viharanti,||
seyyath'īdaɱ:|| ||

Ucchādanaɱ,||
parimaddanaɱ,||
nahāpanaɱ,||
sambāhanaɱ,||
ādāsaɱ,||
añjanaɱ,||
mālā-vilepanaɱ,||
mukkha-cuṇṇakaɱ,||
mukhale-panaɱ,||
hattha-bandhaɱ,||
sikhā-bandhaɱ,||
daṇḍakaɱ,||
nāḷikaɱ,||
khaggaɱ,||
chattaɱ,||
citrūpāhanaɱ,||
uṇahīsaɱ,||
maṇiɱ,||
vāla-vījaniɱ,||
odātāni,||
vatthāni,||
dīgha-dasāni.|| ||

Iti vā iti eva-rūpā maṇḍana-vibhusana-ṭ-ṭhān'ānuyogā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāti bhojanāni bhuñjitvā te eva-rūpaɱ tiracchāna-kathaɱ anuyuttā viharanti,||
seyyath'īdaɱ:|| ||

Rāja-kathaɱ,||
cora-kathaɱ,||
mahāmatta-kathaɱ,||
senā-kathaɱ,||
bhaya-kathaɱ,||
yuddha-kathaɱ,||
anna-kathaɱ,||
pāna-kathaɱ,||
vattha-kathaɱ,||
sayana-kathaɱ,||
mālā-kathaɱ,||
gandha-kathaɱ,||
ñāti-kathaɱ,||
yāna-kathaɱ,||
gāma-kathaɱ,||
nigama-kathaɱ,||
nagara-kathaɱ,||
jana-pada-kathaɱ,||
itthi-kathaɱ,||
purisa-kathaɱ,||
kumāra-kathaɱ,||
kumāri-kathaɱ,||
sūra-kathaɱ,||
visikhā-kathaɱ,||
kumbha-ṭ-ṭhāna-kathaɱ,||
pubba-peta-kathaɱ,||
nānatta-kathaɱ,||
lok'akkhāyikaɱ,||
samudda-khāyikaɱ,||
iti-bhav-ā-bhava-kathaɱ.|| ||

Iti vā iti eva-rūpāya tiracchāna-kathāya paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpā viggāhika-kathaɱ anuyuttā viharanti,||
seyyath'īdaɱ:|| ||

'Na tvaɱ imaɱ Dhamma-Vinayaɱ ājānāsi.|| ||

Ahaɱ imaɱ Dhamma-Vinayaɱ ājānāmi.|| ||

Kiɱ tvaɱ imaɱ Dhamma-Vinayaɱ ājānissasi?|| ||

Micchā-paṭipanno tvam asi.|| ||

Aham asmi sammā-paṭipanno||
— Sahitaɱ me, asahitaɱ te —||
pure vacanīyaɱ pacchā avaca.|| ||

Pacchā vacanīyaɱ pure avaca.|| ||

Aviciṇṇan te viparāvattaɱ —||
āropito te vādo.|| ||

Niggahīto tvam asi —||
cara vāda-p-pamokkhāya.|| ||

Nibbeṭhehi vā sace pahosī' ti.|| ||

Iti vā iti eva-rūpāya viggahika-kathāya paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāti bhojanāni bhuñjitvā te eva-rūpaɱ dūteyya-pahiṇa-gamanānuyogaɱ anuyuttā viharanti,||
seyyath'īdaɱ:|| ||

Raññaɱ,||
rāja-mahāmattāṇaɱ,||
khattiyānaɱ,||
brāhmaṇānaɱ,||
gahapatikānaɱ,||
kumārānaɱ:|| ||

'Idha gaccha.|| ||

Amutrā-gaccha.|| ||

Idaɱ hara.|| ||

Amutra idaɱ āharā' ti.|| ||

Iti vā iti eva-rūpā dūteyya-pahiṇa-gaman-ā-nuyogā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te kuhakā ca honti||
lapakā ca||
nemittikā ca||
nippesikā ca||
lābhena ca lābhaɱ nijigiɱsitāro.|| ||

Iti eva-rūpā kuhana-lapanā paṭivirato hoti.|| ||

 

§

 

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti,||
seyyath'īdaɱ:|| ||

Aŋgaɱ,||
nimittaɱ,||
uppātaɱ,||
supiṇaɱ,||
lakkhaṇaɱ,||
mūsika-c-chinnaɱ,||
aggi-homaɱ,||
dabbi-homaɱ,||
thusa-homaɱ,||
kaṇa-homaɱ,||
taṇḍula-homaɱ,||
sappi-homaɱ,||
tela-homaɱ,||
mukha-homaɱ,||
lohita-homaɱ,||
aŋga-vijjā,||
vatthu-vijjā,||
khatta-vijjā,||
siva-vijjā,||
bhūta-vijjā,||
bhuri-vijjā,||
ahi-vijjā,||
visa-vijjā,||
vicchika-vijjā,||
mūsika-vijjā,||
sakuṇa-vijjā,||
vāyasa-vijjā,||
pakkajjhānaɱ,||
sara-parittānaɱ,||
miga-cakkaɱ.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya micchā ājīvena jīvikaɱ kappenti,||
seyyath'īdaɱ:|| ||

Maṇi-lakkhaṇaɱ,||
daṇḍa-lakkhaṇaɱ,||
vattha-lakkhaṇaɱ,||
asi-lakkhaṇaɱ,||
usu-lakkhaṇaɱ,||
dhanu-lakkhaṇaɱ,||
āyudha-lakkhaṇaɱ,||
itthi-lakkhaṇaɱ,||
purisa-lakkhaṇaɱ,||
kumāra-lakkhaṇaɱ,||
kumāri-lakkhaṇaɱ,||
dāsa-lakkhaṇaɱ,||
dāsi-lakkhaṇaɱ,||
hatthi-lakkhaṇaɱ,||
assa-lakkhaṇaɱ,||
mahisa-lakkhaṇaɱ,||
usabha-lakkhaṇaɱ,||
go-lakkhaṇaɱ,||
aja-lakkhaṇaɱ,||
meṇḍa-lakkhaṇaɱ,||
kukkuṭa-lakkhaṇaɱ,||
vaṭṭaka-lakkhaṇaɱ,||
godhā-lakkhaṇaɱ,||
kaṇṇikā-lakkhaṇaɱ,||
kacchapa-lakkhaṇaɱ,||
miga-lakkhaṇaɱ.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti,||
seyyath'īdaɱ:|| ||

Raññaɱ niyyānaɱ bhavissati.|| ||

Raññaɱ aniyyānaɱ bhavissati.|| ||

Abbhantarānaɱ raññaɱ upayānaɱ bhavissati.|| ||

Bāhirānaɱ raññaɱ apayānaɱ bhavissati.|| ||

Bāhirānaɱ raññaɱ upayānaɱ bhavissati.|| ||

Abbhantarānaɱ raññaɱ apayānaɱ bhavissati.|| ||

Abbhantarānaɱ raññaɱ jayo bhavissati.|| ||

Bāhirānaɱ raññaɱ parājayo bhavissati.|| ||

Bāhirānaɱ raññaɱ jayo bhavissati.|| ||

Abbhantarānaɱ raññaɱ parājayo bhavissati.|| ||

Iti imassa jayo bhavissati.|| ||

Imassa parājayo bhavissati.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti||
seyyath'īdaɱ:|| ||

Canda-g-gāho bhavissati.|| ||

Suriya-g-gāho bhavissati.|| ||

Nakkhatta-g-gāho bhavissati.|| ||

Candima-suriyānaɱ patha-gamanaɱ bhavissati.|| ||

Candima-suriyānaɱ uppatha-gamanaɱ bhavissati.|| ||

Nakkhattāṇaɱ patha-gamanaɱ bhavissati.|| ||

Nakkhattāṇaɱ uppatha-gamanaɱ bhavissati.|| ||

Ukkā-pāto bhavissati.|| ||

Disā-ḍāho bhavissati.|| ||

Bhūmi-cālo bhavissati.|| ||

Deva-dundubhi bhavissati.|| ||

Candima-suriya-nakkhattāṇaɱ||
uggamanaɱ||
ogamanaɱ||
sankilesaɱ||
vodānaɱ bhavissati.|| ||

Evaɱ-vipāko canda-g-gāho bhavissati.|| ||

Evaɱ-vipāko suriya-g-gāho bhavissati.|| ||

Evaɱ-vipāko nakkhatta-g-gāho bhavissati.|| ||

Evaɱ-vipākaɱ candima-suriyānaɱ patha-gamanaɱ bhavissati.|| ||

Evaɱ-vipākaɱ candima-suriyānaɱ uppatha-gamanaɱ bhavissati.|| ||

Evaɱ vipākaɱ nakkhattāṇaɱ patha-gamanaɱ bhavissati.|| ||

Evaɱ-vipākaɱ nakkhattāṇaɱ uppatha-gamanaɱ bhavissati.|| ||

Evaɱ-vipāko ukkā-pāto bhavissati.|| ||

Evaɱ-vipāko disā-ḍāho bhavissati.|| ||

Evaɱ-vipāko bhūmi-cālo bhavissati.|| ||

Evaɱ-vipāko deva-dundūbhi bhavissati.|| ||

Evaɱ-vipākaɱ candima-suriya-nakkhattāṇaɱ uggamanaɱ ogamanaɱ saŋkilesaɱ vodānaɱ bhavissati.'|| ||

Iti vā eva-rūpāya tiracchāna-vijjāya micchājīvā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti —||
seyyath'īdaɱ:|| ||

Su-b-buṭṭhikā bhavissati.|| ||

Du-b-buṭṭhikā bhavissati,||
subhikkhaɱ bhavissati.|| ||

Du-b-bhikkhaɱ bhavissati.|| ||

Khemaɱ bhavissati.|| ||

Bhayaɱ bhavissati.|| ||

Rogo bhavissati.|| ||

Ārogyaɱ bhavissati.|| ||

Muddā,||
gaṇanā,||
saŋkhānaɱ,||
kāveyyaɱ,||
lokāyataɱ.

Iti vā iti eva-rūpāya tiracchāna-vijjāya micchā ājīvena paṭivirato hoti.|| ||

Yathā pana pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti —||
seyyath'īdaɱ:|| ||

Āvāhanaɱ,||
vivāhanaɱ,||
saɱvadanaɱ,||
vivadanaɱ,||
saŋkiraṇaɱ,||
vikiraṇaɱ,||
subhaga-karaṇaɱ,||
dubbhaga-karaṇaɱ,||
viruddha-gabbha-karaṇaɱ,||
jivhā-nittha-d-danaɱ,||
hanu-saɱhananaɱ,||
hatth-ā-bhijappanaɱ,||
kaṇṇa-jappanaɱ,||
ādāsa-pañhaɱ,||
kumāri-pañhaɱ,||
deva-pañhaɱ,||
ādicc'upaṭṭhānaɱ,||
mahat'upaṭṭhānaɱ,||
abbhujjalanaɱ,||
Sir'avhāyanaɱ.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Yathā vā pan'eke bhonto samaṇa-brāhmaṇā saddhā-deyyāni bhojanāni bhuñjitvā te eva-rūpāya tiracchāna-vijjāya||
micchā ājīvena||
jīvikaɱ kappenti —||
seyyath'īdaɱ:|| ||

Santi-kammaɱ,||
paṇidhi-kammaɱ,||
bhūta-kammaɱ,||
bhūri-kammaɱ,||
vassa-kammaɱ,||
vossa-kammaɱ,||
vatthu-kammaɱ,||
vatthu-parikiraṇaɱ,||
ācamanaɱ,||
nahāpanaɱ,||
juhanaɱ,||
vamanaɱ,||
virecanaɱ,||
uddha-virecanaɱ,||
adho-virecanaɱ,||
sīsa-virecanaɱ,||
kaṇṇa-telaɱ,||
netta-tappanaɱ,||
natthu-kammaɱ,||
añjanaɱ,||
paccañjanaɱ,||
sālākiyaɱ,||
salla-kattikaɱ,||
dāraka-tikicchā mūla-bhesajjānaɱ,||
anuppadānaɱ,||
osadhīnaɱ,||
paṭimokkho.|| ||

Iti vā iti eva-rūpāya tiracchāna-vijjāya micchājīvā paṭivirato hoti.|| ||

Sa kho so Lohikka bhikkhu||
evaɱ sīla-sampanno||
na kuto ci bhayaɱ samanupassati||
yad idaɱ sīla-saŋvaratto.|| ||

Seyyathā pi Lohikka khattiyo muddhā-vasitto nihata-paccāmitto||
na kuto ci bhayaɱ samanupassati||
yad idaɱ pacca-t-thikato.|| ||

Evam eva kho Lohikka bhikkhu||
evaɱ sīla-sampanno||
na kuto ci bhayaɱ samanupassati||
yad idaɱ sīla-saŋvaratto.|| ||

So iminā ariyena sīla-k-khandhena samannāgato ajjhattaɱ anavajja-sukhaɱ paṭisaŋvedeti.|| ||

Evaɱ kho Lohikka bhikkhu sīla-sampanno hoti.|| ||

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

 

§

 

Kathañ ca Lohikka bhikkhu indriyesu gutta-dvāro hoti?|| ||

Idha Lohikka bhikkhu cakkhunā rūpaɱ disvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ cakkhu'ndriyaɱ asaɱvutaɱ viharantaɱ||
abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati cakkhu'ndriyaɱ||
cakkhu'ndriye saŋvaratɱ āpajjati.|| ||

Sotena saddaɱ sutvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ sot'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati cakkhu'ndriyaɱ||
cakkhu'ndriye saŋvaratɱ āpajjati.|| ||

Ghāṇena gandhaɱ ghāyitvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ ghān'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati ghān'indriyaɱ||
ghān'indriye saŋvaratɱ āpajjati.|| ||

Jivhāya rasaɱ sāyitvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ jivh'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati jivh'indriyaɱ||
jivh'indriya saŋvaratɱ āpajjati.|| ||

Kāyena phoṭṭhabbaɱ phusitvā||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ kāy'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati kāy'indriyaɱ||
kāy'indriye saŋvaratɱ āpajjati.|| ||

Manasā dhammaɱ viññāya||
na nimitta-g-gāhī hoti||
n-ā-nu-vyañjana-g-gāhī.|| ||

Yatvādhi-karaṇam enaɱ man'indriyaɱ asaɱvutaɱ viharantaɱ abhijjhā-domanassā||
pāpakā||
akusalā dhammā anvāssaveyyuɱ||
tassa saɱvarāya paṭipajjati,||
rakkhati man'indriyaɱ||
man'indriye saŋvaratɱ āpajjati.|| ||

So iminā ariyena indriya-saɱvarena samannāgato ajjhattaɱ avyāseka-sukhaɱ paṭisaŋvedeti.|| ||

Evaɱ kho Lohikka bhikkhu indriyesu gutta-dvāro hoti.|| ||

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

 

§

 

Kathañ ca Lohikka bhikkhu sati-sampajaññena samannāgato hoti?|| ||

Idha Lohikka bhikkhu abhikkante paṭikkante sampajāna-kārī hoti.|| ||

Alokite vilokite sampajāna-kārī hoti.|| ||

Samiñjite pasārite sampajāna-kārī hoti.|| ||

Saŋghāṭi-patta-cīvara-dhāraṇe sampajāna-kārī hoti.|| ||

Asite pīte khāyite sāyite sampajāna-kārī hoti.|| ||

Uccāra-passāva-kamme sampajāna-kārī hoti.|| ||

Gate ṭhite nisinne sutte jāgarite bhāsite tuṇhī-bhāve sampajāna-kārī hoti.|| ||

Evaɱ kho Lohikka bhikkhu sati-sampajaññena samannāgato hoti.|| ||

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

 

§

 

Kathañ ca Lohikka bhikkhu santuṭṭho hoti?|| ||

Idha mahā-rāja bhikkhu santuṭṭho hoti||
kāya-parihāriyena cīvarena||
kucchi-parihāriyena piṇḍa-pātena,||
so yena yen'eva pakkamati samādāy'eva pakkamati.|| ||

Seyyathā pi Lohikka pakkhī sakuṇo||
yena yen'eva ḍeti sa-patta-bhāro va ḍeti,||
evam eva kho Lohikka bhikkhu santuṭṭho hoti||
kāya-parihāriyena cīvarena kucchi-parihāriyena piṇḍ-apātena,||
so yena yen'eva pakkamati samādāyeva pakkamati.|| ||

Evaɱ kho Lohikka bhikkhu santuṭṭho hoti.|| ||

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

 

§

 

So iminā ca ariyena sīla-k-khandhena samannāgato,||
iminā ca ariyena indriya-saɱvarena samannāgato,||
iminā ca ariyena sati-sampajaññena samannāgato,||
imāya ca ariyāya santuṭṭhiyā samannāgato,||
vivittaɱ sen'āsanaɱ bhajati,||
araññaɱ rukkha-mūlaɱ pabbataɱ kandaraɱ giri-guhaɱ susānaɱ vana-patthaɱ abbhokāsaɱ palāla-puñjaɱ.|| ||

So pacchā-bhattaɱ piṇḍa-pāta-paṭikkanto nisīdati pallaŋkaɱ ābhujitvā ujuɱ kāyaɱ paṇīdhāya parimukhaɱ satiɱ upaṭṭha-petvā.|| ||

So abhijjhaɱ loke pahāya||
vigat-ā-bhijjhena cetasā viharati,||
abhijjhāya cittaɱ parisodheti.|| ||

Vyāpāda-padosaɱ pahāya||
avyāpanna-citto viharati,||
sabba-pāṇa-bhūta-hitānukampi,||
vyāpāda-padosā cittaɱ parisodheti.|| ||

Thina-middhaɱ pahāya||
vigata-thina-middho viharati,||
āloka-saññī sato sampajāno,||
thina-middhā cittaɱ parisodheti.|| ||

Uddhacca-kukkuccaɱ pahāya anuddhato viharati,||
ajjhattaɱ vūpasanna-citto,||
uddhacca-kukkuccā cittaɱ parisodheti.|| ||

Vici-kicchaɱ pahāya||
tiṇṇa-vici-kiccho viharati,||
akathaɱ-kathī kusalesu dhammesu,||
vicikicchāya cittaɱ parisodheti.|| ||

Seyyathā pi Lohikka puriso iṇaɱ ādāya kammante payojeyya,||
tassa te kammantā samijjheyyuɱ,||
so yāni ca porāṇāni iṇa-mūlāni||
tāni ca vyantī-kareyya,||
siyā c'assa uttariɱ avasiṭṭhaɱ dārabharaṇāya.|| ||

Tassa evam assa:|| ||

"Ahaɱ kho pubbe iṇaɱ ādāya kammante payojesiɱ.|| ||

Tassa me te kammantā samijjhiɱsu.|| ||

So'haɱ yāni ca poraṇāni iṇa-mūlāni||
tāni ca vyanti akāsiɱ,||
atthi ca me uttariɱ avasiṭṭhaɱ dārabharaṇāyā" ti.|| ||

So tato-nidānaɱ labhetha pāmujjaɱ,||
adhigacche somanassaɱ.|| ||

Seyyathā pi Lohikka puriso ābādhiko assa dukkhito bāḷha-gilāno,||
bhattaɱ c'assa na c-chādeyya,||
na c'assa kāye balamattā.|| ||

So aparena samayena tamhā ābādhā mucceyya,||
bhattañ c'assa chādeyya,||
siyā c'assa kāye balamattā.|| ||

Tassa evam assa:|| ||

"Ahaɱ kho pubbe ābādhiko ahosiɱ dukkhito bāḷha-gilāno,||
bhattaɱ ca me na c-chādesi,||
na ca me āsi kāye balamattā.|| ||

So'mhi etarahi tamhā ābādhā mutto bhattañ ca me chādeti.|| ||

Atthi ca kāye balamattā" ti.|| ||

So tato-nidānaɱ labhetha pāmujjaɱ,||
adhigacche somanassaɱ.|| ||

Seyyathā pi Lohikka puriso bandhanāgāre baddho assa.|| ||

So aparena samayena tamhā bandhanā mucceyya sotthinā avyayena,||
na c'assa kiñ ci bhogānaɱ vayo.|| ||

Tassa evam assa:|| ||

"Ahaɱ kho pubbe bandhanāgāre baddho ahosiɱ,||
so'mhi etarahi tamhā bandhanā mutto sotthinā avyayena,||
n'atthi ca me kiñ ci bhogānaɱ vayo" ti.|| ||

So tato-nidānaɱ labhetha pāmujjaɱ,||
adhigacche somanassaɱ.|| ||

Seyyathā pi Lohikka puriso dāso assa anatta-dhīno parādhīno||
na yena kāmaŋ gamo.|| ||

So aparena samayena tamhā dāsavyā mucceyya attādhīno aparādhīno bhujisso||
yena kāmaŋ gamo.|| ||

Tassa evam assa:|| ||

"Ahaɱ kho pubbe dāso ahosiɱ anattādhīno parādhīno||
na yena kāmaŋ gamo,||
so'mhi etarahi tamhā dāsavyā mutto attādhīno aparādhīno bhujisso||
yena kāmaŋ gamo" ti.|| ||

So tato-nidānaɱ labhetha pāmojjaɱ,||
adhigacche somanassaɱ.|| ||

Seyyathā pi Lohikka puriso sadhano sabhogo kantāraddhāna-maggaɱ paṭipajjeyya dubbhikkhaɱ sappaṭi-bhayaɱ.|| ||

So aparena samayena taɱ kantāraɱ nitthareyya,||
sotthinā gāmantaɱ anupāpuṇeyya khemaɱ appaṭibhayaɱ.|| ||

Tassa evam assa:|| ||

"Ahaɱ kho pubbe sadhano sabhogo kantāraddhāna-maggaɱ paṭipajjiɱ dubbhikkhaɱ sappaṭi-bhayaɱ.|| ||

So'mhi etarahi taɱ kantāraɱ nitthiṇṇo,||
sotthinā gāmantaɱ anuppatto khemaɱ appaṭibhayan" ti.|| ||

So tato-nidānaɱ labhetha pāmojjaɱ adhigacche somanassaɱ.|| ||

Evam eva kho Lohikka bhikkhu,||
yathā iṇaɱ,||
yathā rogaɱ,||
yathā bandhanāgāraɱ,||
yathā dāsavyaɱ,||
yathā kantāraddhāna-maggaɱ,||
ime pañca nīvaraṇe appahīṇe attani samanupassati.|| ||

Seyyathā pi Lohikka ānaṇyaɱ,||
yathā ārogyaɱ,||
yathā bandhanā mokkhaɱ,||
yathā bhujissaɱ||
yathā khemanta-bhūmiɱ||
evam eva kho Lohikka bhikkhu||
ime pañca nīvaraṇe pahīṇe attani samanupassati.|| ||

Tass'ime pañca nīvaraṇe pahīṇe attani samanupassato pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
pa-s-saddha-kāyo sukhaɱ vedeti,||
sukhino cittaɱ samādhiyati.|| ||

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

 

§

 

So vivicc'eva kāmehi||
vivicca akusalehi kammehi||
sa-vitakkaɱ sa-vicāraɱ||
viveka-jaɱ pīti-sukhaɱ||
paṭhama-j-jhānaɱ upasampajja viharati.|| ||

So imam eva kāyaɱ viveka-jena pīti-sukhena||
abhisandeti||
parisandeti||
paripūreti||
parippharati.|| ||

N'āssa kiñci sabbā-vato kāyassa viveka-jena pīti-sukhena apphuṭaɱ hoti.|| ||

Seyyathā pi Lohikka dakkho nahāpako vā||
nahāpakantevāsī vā||
kaɱsa-thāle nahānīya-cuṇṇāni ākiritvā udakena paripphosakaɱ paripphosakaɱ sanneyya,||
sā'ssa nahānīya-piṇḍi||
sinehānugatā||
sineha-paretā||
santara-bāhirā phuṭā sinehena||
na ca paggharaṇīi;
evam eva kho Lohikka bhikkhu imam eva kāyaɱ viveka-jena pīti-sukhena abhisandeti parisandeti paripūreti parippharati.|| ||

N'āssa kiñci sabbā-vato kāyassa viveka-jena pīti-sukhena apphuṭaɱ hoti.|| ||

Puna ca paraɱ Lohikka bhikkhu vitakka-vicārānaɱ vūpasamā||
ajjhattaɱ sampasādanaɱ||
cetaso ekodi-bhāvaɱ||
avitakkaɱ avicāraɱ||
samādhi-jaɱ pīti-sukhaɱ||
dutiya-j-jhānaɱ upasampajja viharati.|| ||

So imam eva kāyaɱ samādhi-jaɱ pīti-sukhena||
abhisandeti||
parisandeti||
paripūreti||
parippharati.|| ||

Nāssa kiñci sabbā-vato kāyassa samādhi-jaɱ pīti-sukhena apphutaɱ hoti.|| ||

Seyyathā pi Lohikka udaka-rahado ubbhidodako,||
tassa nev'assa puratthimāya disāya udakassa āya-mukhaɱ,||
na dakkhiṇāya disāya udakassa āya-mukhaɱ,||
na pacchi-māya disāya udakassa āya-mukhaɱ,||
na uttarāya disāya udakassa āya-mukhaɱ,||
devo ca na kālena kālaɱ sammā dhāraɱ anupaveccheyya,||
atha kho tamhā ca udaka-rahadā sītā vāridhārā ubbhijjitvā tam eva udaka-rahadaɱ sītena vārinā abhisandeyya parisandeyya paripūreyya paripphareyya,||
nāssa kiñci sabbā-vato udaka-rahadassa vārinā sītena apphuṭaɱ assa -|| ||

Evam eva kho Lohikka bhikkhu||
imam eva kāyaɱ samādhijena pīti-sukhena||
abhisandeti||
parisandeti||
paripūreti||
parippharati.|| ||

Nāssa kiñci sabbā-vato kāyassa samādhi-jaɱ pīti-sukhena apphuṭaɱ hoti.

Puna ca paraɱ Lohikka bhikkhu pītiyā ca virāgā||
upekkhako ca viharati||
sato sampajāno||
sukhañ ca kāyena paṭisaŋvedeti||
yaɱ taɱ ariyā ācikkhanti:|| ||

'Upekkhako satimā sukha-vihārī' ti||

Tatiyaɱ-jhānaɱ upasampajja viharati.|| ||

So imam eva kāyaɱ nippītikena-sukhena||
abhisandeti||
parisandeti||
paripūreti||
parippharati.|| ||

Nāssa kiñci sabbā-vato kāyassa nippītikena sukhena apphutaɱ hoti.|| ||

Seyyathā pi Lohikka||
uppaliniyaɱ vā||
paduminiyaɱ vā||
puṇḍarīkiniyaɱ vā||
appekaccāni uppalāni vā||
padumāni vā||
puṇḍarīkāni vā||
udake jātāni||
udake saŋvaddhāni||
udakānuggatāni||
anto-nimuggā-posīni tāni||
yāva caggā||
yāva ca mūlā||
sītena vārinā abhisannāni,||
parisannāni,||
paripūrāni,||
paripphuṭāni.|| ||

Nāssa kiñci sabbā-vato kāyassa nippītikena sukhena apphutaɱ hoti.

Evam eva kho Lohikka bhikkhu imam eva kāyaɱ nippītikena sukhena||
abhisandeti||
parisandeti||
paripūreti||
parippharati||
nāssa kiñci sabbā-vato kāyassa nippītikena sukhena apphuṭaɱ hoti.

Puna ca paraɱ Lohikka bhikkhu||
sukhassa ca pahānā||
dukkhassa ca pahānā||
pubb'eva somanassa-domanassānaɱ attha-gamā||
adukkha-m-asukhaɱ||
upekkhā-sati-pārisuddhiɱ||
catutthaɱ-jhānaɱ upasampajja viharati.|| ||

So imam eva kāyaɱ nippītikena-sukhena||
abhisandeti||
parisandeti||
paripūreti||
parippharati.|| ||

Nāssa kiñci sabbā-vato kāyassa nippītikena sukhena apphutaɱ hoti.|| ||

Seyyathā pi Lohikka puriso odātena vatthena sasīsaɱ pārupitvā nisinno assa,||
nāssa kiñci sabbā-vato kāyassa odātena vatthena apphuṭaɱ assa.|| ||

Evam eva kho Lohikka bhikkhu imam eva kāyaɱ parisuddhena cetasā pariyodātena pharitvā nisinno hoti.|| ||

Nāssa kiñci sabbā-vato kāyassa parisuddhena cetasā pariyodātena apphuṭaɱ hoti.

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

Puna ca paraɱ Lohikka bhikkhu evaɱ samāhite citte parisuddhe||
pariyodāte||
an-aŋgaṇe vigatupakkilese mudu-bhūte kammaniye ṭhite ānejjappatte||
ñāṇa-dassanāya cittaɱ abhinīharati abhininnāmeti.|| ||

So evaɱ pajānāti:|| ||

"Ayaɱ kho me kāyo rūpī cātum-mahā-bhūtiko mātā-pettika-sambhavo odana-kummāsūpacayo anicc-ucchādana-parimaddana-bhedana-viddhaɱsana-dhammo.|| ||

Idaɱ ca pana me viññāṇaɱ ettha sitaɱ ettha paṭibaddhan' ti.|| ||

Evam eva kho Lohikka bhikkhu evaɱ samāhite citte||
parisuddhe||
pariyodāte||
an-aŋgaṇe vigat'ūpakkilese mudu-bhūte kammaniye ṭhite ānejjappatte āsavānaɱ khaya-ñāṇāya cittaɱ abhinīharati abhininnāmeti.|| ||

So 'idaɱ dukkhan' ti yathā-bhūtaɱ pajānāti.|| ||

'Ayaɱ dukkha-samudayo' ti yathā-bhūtaɱ pajānāti.|| ||

'Ayaɱ dukkha-nirodho' ti yathā-bhūtaɱ pajānāti.|| ||

'Ayaɱ dukkha-nirodh-agāminī paṭipadā' ti yathā-bhūtaɱ pajānāti.|| ||

'Ime āsavā' ti yathā-bhūtaɱ pajānāti.|| ||

'Ayaɱ āsavā-samudayo' ti yathā-bhūtaɱ pajānāti.|| ||

'Ayaɱ āsava-nirodho' ti yathā-bhūtaɱ pajānāti.|| ||

'Ayaɱ āsava-nirodha-gāminī paṭipadā' ti yathā-bhūtaɱ pajānāti.|| ||

Tassa evaɱ jānato evaɱ passato kām'āsavā pi cittaɱ vimuccati.|| ||

'Bhav'āsavā' pi cittaɱ vimuccati.|| ||

'Avijj'āsavā' pi cittaɱ vimuccati.|| ||

Vimuttasmiɱ vimuttam iti ñāṇaɱ hoti.|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattayā' ti pajānāti.|| ||

Seyyathā pi Lohikka pabbata-saɱkhepe udaka-rahado accho vi-p-pasanno anāvilo,||
tattha cakkhumā puriso tīre ṭ-tito passeyya||
sippi-sambukam pi||
sakkhara-kaṭhalam pi||
maccha-gumbam pi||
carantam pi||
tiṭṭhantam pi.|| ||

Tassa evam assa:|| ||

Ayaɱ kho udaka-rahado accho vi-p-pasanno anāvilo, tatr'ime sippi-sambukam pi sakkhara-kaṭhalam pi maccha-gumbam pi carantam pi tiṭṭhantam pi.|| ||

Evam eva kho āavuso bhikkhu samāhite citte parisuddhe pariyodāte an-aŋgaṇe vigat'ūpakkilese mudu-bhūte kammaniye ṭhite ānejjappatte āsavānaɱ khaya-ñāṇāya cittaɱ abhinīharati abhininnāmeti.|| ||

So 'idaɱ dukkhan' ti yathā-bhūtaɱ pajānāti.|| ||

'Ayaɱ dukkha-samudayo' ti yathā-bhūtaɱ pajānāti.|| ||

'Ayaɱ dukkha-nirodho' ti yathā-bhūtaɱ pajānāti.|| ||

'Ayaɱ dukkha-nirodh-agāminī paṭipadā' ti yathā-bhūtaɱ pajānāti.|| ||

'Ime āsavā' ti yathā-bhūtaɱ pajānāti.|| ||

'Ayaɱ āsavā-samudayo' ti yathā-bhūtaɱ pajānāti.|| ||

'Ayaɱ āsava-nirodho' ti yathā-bhūtaɱ pajānāti.|| ||

'Ayaɱ āsava-nirodha-gāminī paṭipadā' ti yathā-bhūtaɱ pajānāti.|| ||

Tassa evaɱ jānato evaɱ passato kām'āsavā pi cittaɱ vimuccati.|| ||

Bhav'āsavā pi cittaɱ vimuccati.|| ||

Avijj'āsavā pi cittaɱ vimuccati.|| ||

Vimuttasmiɱ vimuttam iti ñāṇaɱ hoti.|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattayā' ti pajānāti.|| ||

Yasmiɱ kho Lohikka satthari sāvako uḷāraɱ visesaɱ adhigacchati||
ayam pi kho Lohikka satthā yo loke||
na codanāraho.|| ||

Yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā.

96. Yasmiɱ kho Lohikka satthari sāvako uḷāraɱ visesaɱ adhigacchati ayam pi kho Lohikka satthā yo [234] loke na codanāraho yo ca pan'eva-rūpaɱ satthāraɱ codeti,||
sā codanā abhūtā atacchā adhammikā sāvajjā."

97. Evaɱ vutte Lohikko brāhmaṇo Bhagavantaɱ etad avoca:|| ||

"Seyyathā pi bho Gotama puriso purisaɱ narakappapātaɱ papatantaɱ kesesu gahetvā uddharitvā thale patiṭṭhāpeyya,||
evamevāhaɱ bhotā Gotamena narakappapātaɱ papatanto uddharitvā thale patiṭṭhāpito.|| ||

Abhikkantaɱ bho Gotama.|| ||

Abhikkantaɱ bho Gotama.|| ||

Seyyathā pi bho Gotama nikkujjitaɱ vā ukkujjeyya paṭi-c-channaɱ vā vivareyya mūḷhassa vā Maggaɱ ācikkheyya andha-kāre vā tela-pajjotaɱ dhāreyya cakkhu-manto rūpāni dakkhintīti,||
evam eva bhotā Gotamena aneka-pariyāyena dhammo pakāsito.|| ||

Es'āhaɱ bhavantaɱ Gotamaɱ saraṇaɱ gacchāmi Dhammañ ca bhikkhu-saŋghañ ca.|| ||

Upāsakaɱ maɱ bhavaɱ Gotamo dhāretu ajja-t-agge pāṇupetaɱ saraṇaɱ gatanti.

Lohikka Suttaɱ


Contact:
E-mail
Copyright Statement