Khuddaka Nikaya


[Home]  [Sutta Indexes]  [Glossology]  [Site Sub-Sections]

 


 

Iti-Vuttaka

Namo tassa bhagavato arahato Sammā-Sam-Buddhassa

Adapted from the Sri Lanka Tripitaka Project, courtesy of the Journal of Buddhist Ethics via Access to Insight.

 


[1]

I. Ekakanipāto

1. Paṭhamo Vaggo

Sutta 1

Lobha Suttaɱ

[1.1][than] Vuttaɱ h'etaɱ bhagavatā vuttam-arahatā ti me sutaɱ.|| ||

1. Eka dhammaɱ bhikkhave pajahatha ahaɱ vo pāṭibhogo Anāgāmitāya.|| ||

Katamaɱ eka-dhammaɱ?|| ||

Lobhaɱ bhikkhave eka-dhammaɱ pajahatha ahaɱ vo pāṭibhogo Anāgāmitāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

2. "Yena lobhena luddhā
se sattā gacchānti duggatiɱ,||
Taɱ lobhaɱ sammad-aññāya
pajahanti vipassino,||
Pahāya na punāyanti
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 2

Dosa Suttaɱ

[2.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Eka dhammaɱ bhikkhave pajahatha.|| ||

Ahaɱ vo pāṭibhogo Anāgāmitāya.|| ||

Katamaɱ eka-dhammaɱ?|| ||

Dosaɱ bhikkhave eka-dhammaɱ pajahatha.|| ||

Ahaɱ [2] vo pāṭibhogo Anāgāmitāyā' ti.|| ||

Etam atthaɱ bhagavā avoca, tatth'etaɱ iti vuccati.|| ||

2. "Yena dosena duddhā||
sattā gacchānti duggatiɱ,||
Taɱ dosaɱ sammad-aññāya
pajahanti vipassino,||
Pahāya na punāyanti
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 3

Moha Suttaɱ

[3.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

1. Eka dhammaɱ bhikkhave pajahatha ahaɱ vo pāṭibhogo Anāgāmitāya.|| ||

Katamaɱ eka-dhammaɱ?|| ||

Mohaɱ bhikkhave eka-dhammaɱ pajahatha ahaɱ vo pāṭibhogo Anāgāmitāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

2. "Yena mohena mūḷhāse||
sattā gacchānti duggatiɱ,||
Taɱ mohaɱ sammad-aññāya
pajahanti vipassino,||
Pahāya na punāyanti
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 4

Kodha Suttaɱ

[4.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

1. Eka dhammaɱ bhikkhave pajahatha ahaɱ vo pāṭibhogo Anāgāmitāya.|| ||

Katamaɱ eka-dhammaɱ?|| ||

Kodhaɱ bhikkhave eka-dhammaɱ pajahatha ahaɱ vo pāṭibhogo Anāgāmitāyā' ti.|| ||

Etam atthaɱ bhagavā avoca.

Tatth'etaɱ iti vuccati:|| ||

2. "Yena kodhena kuddhāse
sattā gacchānti duggatiɱ,||
Taɱ ko'dhaɱ sammad-aññāya||
pajahanti vipassino,||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


[3]

Sutta 5

Makkha Suttaɱ

[5.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

2. "Yena makkhena makkhāse||
sattā gacchānti duggatiɱ,||
Taɱ makkhaɱ sammad-aññāya||
pajahanti vipassino,||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 6

Māna Suttaɱ

[6.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Eka dhammaɱ bhikkhave pajahatha ahaɱ vo pāṭibhogo Anāgāmitāya.|| ||

Katamaɱ eka-dhammaɱ?|| ||

Mānaɱ bhikkhave eka-dhammaɱ pajahatha ahaɱ vo pāṭibhogo Anāgāmitāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

6.2. "Yena mānena mattāse||
sattā gacchānti duggatiɱ,||
Taɱ mānaɱ sammad-aññāya||
pajahanti vipassino,||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 7

Sabba-Pariññā Suttaɱ

[7.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Sabbaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Sabbañ ca kho bhikkhave abhijānaɱ pari- [4] jānaɱ tattha cittaɱ virājayaɱ pajahaɱ bhabbe dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:

7.2. "Yo sabbaɱ sabbato ñatvā||
sabbatthesu na rajjati,||
Sa ve sabbaɱ pariññā so||
sabba-dukkhaɱ upaccagā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 8

Māna-Pariññā Suttaɱ

[8.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Mānaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Mānaɱ ca kho bhikkhave abhijānaɱ parijānaɱ tattha cittaɱ virājayaɱ pajahaɱ bhabbo dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

8.2. "Mānupetā ayaɱ pajā||
mānaganthā bhave ratā||
Mānaɱ aparijānantā||
āgantāro puna-b-bhavaɱ||
[5] Ye ca mānaɱ pahatvāna||
vimuttā māna-saŋkhaye||
Te māna-ganthābhibhuno sabba-dukkhaɱ upaccagun" ti.|| ||

Ayam pi attho vutto bhagavatā iti me sutan ti.|| ||

 


 

Sutta 9

Lobha-Pariññā Suttaɱ

[9.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Lobhaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Lobhaɱ ca kho bhikkhave abhijānaɱ parijānaɱ tattha cittaɱ virājayaɱ pajahaɱ bhabbo dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:

9.2. "Yena lobhena luddhāse||
sattā gacchanti duggatiɱ||
Taɱ lobhaɱ sammad-aññāya||
pajahanti vipassino||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 10

Dosa-Pariññā Suttaɱ

[10.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dosaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Dosañ ca kho bhikkhave abhijānaɱ parijānaɱ tattha cittaɱ virājayaɱ pajahaɱ bhabbo dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:

[6] 10.2. "Yena dosena duṭṭhāse||
sattā gacchanti duggatiɱ||
Taɱ lobhaɱ sammad-aññāya||
pajahanti vipassino||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

Pāṭibhega Vaggo Paṭhamo.

 


Dutiyavaggo


 

Sutta 11

Moha-Pariññā Suttaɱ

[11.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Mohaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Mohañ ca kho bhikkhave abhijānaɱ parijānaɱ tattha cittaɱ virājayaɱ pajahaɱ bhabbo dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:

11.2. "Yena mohena mūḷhāse||
sattā gacchanti duggatiɱ||
Taɱ mohaɱ sammad-aññāya||
pajahanti vipassino||
[7] Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 12

Kodha-Pariññā Suttaɱ

[12.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Kodhaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Kodhañ ca kho bhikkhave abhijānaɱ parijānaɱ tattha cittaɱ virājayaɱ pajahaɱ bhabbo dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

12.2. "Yena kodhena kuddhāse||
sattā gacchanti duggatiɱ||
Taɱ ko'dhaɱ sammad-aññāya||
pajahanti vipassino||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||


 

Sutta 13

Makkha-Pariññā Suttaɱ

[13.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Makkhaɱ bhikkhave anabhijānaɱ aparijānaɱ tattha cittaɱ avirājayaɱ appajahaɱ abhabbo dukkha-k-khayāya.|| ||

Makkhañca kho bhikkhave abhijānaɱ parijānaɱ tattha cittaɱ virājayaɱ pajahaɱ bhabbo dukkha-k-khayāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

13.2. "Yena makkhena duṭṭhāse||
sattā gacchanti duggatiɱ||
Taɱ makkhaɱ sammad-aññāya||
pajahanti vipassino||
Pahāya na punāyanti||
imaɱ lokaɱ kudācanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 14

Avijja-Nīvaraṇa Suttaɱ

[14.1][than] Vuttaɱ h'etaɱ bhagavatā vuttam-arahatā ti me sutaɱ:

Vuttaɱ h'etaɱ bhagavatā. vuttam-ara- [8] hatā ti me sutaɱ.|| ||

Nāhaɱ bhikkhave aññaɱ ekanīvaraṇampi samanupassāmi yena nīvaraṇena nivutā pajā dīgha-rattaɱ sandhāvanti saɱsaranti yatha-yidaɱ bhikkhave avijjā-nīvaraṇaɱ.|| ||

Avijjā-nīvaraṇena hi bhikkhave nivutā pajā dīgha-rattaɱ sandhāvanti saɱsarantī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

14.2. "Natthañño eka dhammo pi||
yenevaɱ nivutā pajā||
Saɱsaranti ahorattaɱ||
yathā mohena āvutā.|| ||

Ye ca mohaɱ pahatvāna||
tamok-khandhaɱ padāḷayuɱ||
Na te puna saɱsaranti||
hetu tesaɱ na vijjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 15

Taṇhā-Saŋyojana Suttaɱ

[15.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Vuttaɱ h'etaɱ bhagavatā vuttam-arahatā ti me sutaɱ.|| ||

Nāhaɱ bhikkhave aññaɱ ekasaŋyojanampi samanupassāmi yena saŋyojanena saɱyuttā sattā dīgha-rattaɱ sandhāvanti saɱsaranti yatha-yidaɱ bhikkhave taṇhā-saŋyojanaɱ.|| ||

Taṇhāsaŋyojanena hi bhikkhave saɱyuttā sattā dīgha-rattaɱ sandhāvanti saɱsarantī' ti.|| ||

Etam atthaɱ bhagavā avoca,||
Tatth'etaɱ iti vuccati:|| ||

[9] 15.2. "Taṇhā-dutiyo puriso||
daughamaddhāna saɱsaraɱ,||
Itthabhāvaññāthābhāvaɱ||
saɱsāraɱ nāti-vattati.|| ||

3. Evam-ādīnavaɱ ñatvā||
taṇhaɱ-dukkhassa samaɱbhavaɱ||
Vīta-taṇho anādāno||
sato bhikkhu paribbaje" ti.|| ||

Ayam pi attho vutto bhagavatā iti me sutan ti.|| ||

 


 

Sutta 16

Paṭhama Sekha Suttaɱ

[16.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Sekhassa bhikkhave bhikkhuno appatta-mānasassa anuttaraɱ yoga-k-khemaɱ pattha-yamānassa viharato bāhiraɱ aŋganti karitvā na aññaɱ ekaŋgam pi samanupassāmi evaɱ bahū-pakāraɱ yatha-yidaɱ bhikkhave yoniso mana-sikāro.|| ||

Yoniso bhikkhave bikkhu manasi-karonto akusalaɱ pajahati kusalaɱ bhāvetīti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

[10] 16.2. "Yoniyo mana-sikāro||
dhammo sekhassa bhikkhuno,||
Natth-añño evaɱ bahu-pakāro||
uttamatthassa pattiyā,||
Yoniso padahaɱ bhikkhū||
khayaɱ dukkhassa pāpuṇe" ti.|| ||

Ayam pi attho vutto bhagavatā iti me sutan ti.|| ||

 


 

Sutta 17

Dutiya Sekha Suttaɱ

[17.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Sekhassa bhikkhave bhikkhuno appattamānasassa anuttaraɱ yoga-k-khemaɱ patthaya-mānassa viharato bāhiraɱ aŋganti karitvā na aññaɱ ekaŋgam pi samanupassāmi evaɱ bahū-pakāraɱ yatha-yidaɱ bhikkhave kalyāṇa-mittatā.|| ||

Kalyāṇa-mitto bhikkhave bikkhu akusalaɱ pajahati kusalaɱ bhāvetīti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

17.2. "Kalyāṇa-mitto yo bhikkhu||
sappatisso sagāravo,||
Karaɱ mittānaɱ vacanaɱ||
sampajāno patissato||
Pāpuṇe anupubbena||
sabba-saŋyojanakkhayan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 18

Saŋghabheda Suttaɱ

[18.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Eka dhammo bhikkhave loke uppajja- [11] māno uppajjati bahu-janā-hitāya bahu-janā-sukhāya bahuno janassa anatthāya ahitāya dukkhāya deva-manussānaɱ.|| ||

Katamo eka dhammo?|| ||

Saŋghabhedo.|| ||

Saŋghe kho pana bhikkhave bhinne||
aññam-aññaɱ bhaṇḍanāni c'eva honti,||
aññam-aññaɱ paribhāsā ca honti,||
aññam-aññaɱ parikkhepā ca honti,||
aññam-aññaɱ pariccajanā ca honti.|| ||

Tattha appa-sannā c'eva nap-pasīdanti.|| ||

Pasannānañca eka-c-cānaɱ aññathattaɱ hotī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

18.2. "Āpāyiko nerayiko||
kappaṭṭho Saŋgha-bhedako,||
Vaggārāmo adhammaṭṭho||
yoga-k-khemato dhaɱsati,||
Saŋghaɱ samaggaɱ bhetvāna||
kappaɱ Nirayamhi paccatī' ti.|| ||

Ayam pi attho vutto bhagavatā iti me sutan ti.|| ||

 


 

Sutta 19

Saŋghasā-Maggi Suttaɱ

[19.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Eka dhammo bhikkhave loke uppajjamāno uppajjati bahu-jan'āhitāya bahu-janā-sukhāya bahuno janassa anatthāya ahitāya dukkhāya deva-manussānaɱ.|| ||

Katamo [12] eka dhammo?|| ||

Saŋghassa saŋaggī.|| ||

Saɱghe kho pana bhikkhave samagge na c'eva||
aññam-aññaɱ bhaṇḍanāni honti,||
na ca aññam-aññaɱ paribhāsā honti,||
na ca aññam-aññaɱ parikkhepā honti,||
na ca aññam-aññaɱ pariccajanā honti.|| ||

Tattha appa-sannā c'eva pasīdanti.|| ||

Pasannānañ ca bhiyyobhāvo hotī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

19.2. "Sukhā Saŋghassa sāmaggi||
samaggānañcanuggaho||
SaMaggarato dhammaṭṭho||
yogakkhemā na dhaɱsati,||
Saŋghaɱ samaggaɱ katvāna||
kappaɱ saggamhi modatī' ti.|| ||

Ayam pi attho vutto bhagavatā iti me sutan ti.|| ||

 


 

Sutta 20

Paduṭṭha-Puggala Suttaɱ

[20.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Idāhaɱ bhikkhave ekaccaɱ puggalaɱ paduṭṭhacittaɱ evaɱ cetasā ceto paricca pajānāmi:|| ||

"Imamhi cāyaɱ samaye puggalo kālaɱ kareyya,||
yath'ābhataɱ nikkhitto,||
evaɱNiraye.|| ||

Taɱ kissa hetu?|| ||

Cittañ-hi'ssa bhikkhave paduṭṭhaɱ.|| ||

Ceto-padosa-hetu kho pana bhikkhave evam-idh'ekacce sattā kāyassa bhedā param-maraṇā apāyaɱ duggatiɱ vinipātaɱ Nirayaɱ upapajjantī" ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

[13] 20.2. "Paduṭṭha-cittaɱ ñatvāna||
ekaccaɱ idha puggalaɱ,||
Etam-atthañ ca vyākāsi||
Buddho bhikkhūna santiko.|| ||

Imamhi cāyaɱ samaye||
kālaɱ kayirātha puggalo.||
Nirayaɱ upapa-j-jeyya||
cittañ-hi'ssa padūsitaɱ.|| ||

Yathā'haritvā nikkhipeyya||
evam'eva tathāvidhā||
Ceto-padosa-hetu hi||
sattā gacchanti duggatin ti.|| ||

Ayam pi attho vutto bhagavatā iti me sutan ti.|| ||

Vaggo Dutiyo

 


Tatiyo Vaggo


 

Sutta 21

Pasanna-Citta Suttaɱ

[21.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Idāhaɱ bhikkhave ekaccaɱ puggalaɱ pasanna-cittaɱ evaɱ cetasā ceto paricca pajā- [14] nāmi:|| ||

"Imamhi cāyaɱ samaye puggalo kālaɱ kareyya yathā'bhataɱ nikkhitto evaɱ sagge.|| ||

Taɱ kissa hetu?|| ||

cittañ-hi'ssa bhikkhave pasannaɱ.|| ||

Ceto-pasāda-hetu khopana bhikkhave evam idh'ekacce sattā kāyassa bhedā param-maraṇā sugatiɱ lokaɱ upapajjantī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

21.2. "Pasanna-cittaɱ ñatvana||
ekaccaɱ idha puggalaɱ,||
Etam atthaɱ ca vyākāsi||
Buddho bikkhūna santike.|| ||

Imamhi cāyaɱ samaye||
kālaɱ kayirātha puggalo,||
Sugatiɱ upapa-j-jeyya||
cittañ-hi'ssa pasāditaɱ.|| ||

Yathā'haritvā nikkhipeyya||
evam-eva tathāvidho||
Ceto-pasāda-hetu hi||
sattā gacchanti suggatin" ti.|| ||

Ayam pi attho vutto bhagavatā iti me sutan ti.|| ||

 


 

Sutta 22

Māpuññabhāyī Suttaɱ

[22.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Mā bhikkhave puññānaɱ [15] bhāyittha.|| ||

Sukhass-etaɱ bhikkhave adivacanaɱ,||
iṭṭhassa kantassa piyassa manāpassa yad-idaɱ puññāni.|| ||

Abhijānāmi kho pan'āhaɱ bhikkhave dīgha-rattaɱ katānaɱ puññānaɱ iṭṭhaɱ kantaɱ piyaɱ manāpaɱ vipākaɱ paccanūbhūtaɱ.|| ||

Satta vassāni metta-cittaɱ bhāpetvā satta saɱvaṭṭa-vivaṭṭa-kappe na-yimaɱ lokaɱ punar-āgamāsiɱ.|| ||

Saɱvaṭṭamāne sudaɱ bhikkhave kappe Ābhassarūpago homi.|| ||

Vivaṭṭamāne kappe suññaɱ buhmavimānaɱ upapajjāmi.|| ||

Tatra sudaɱ bhikkhave brahmā homi Mahā-Brahmā Abhibhu anabhibhūto aññadatthudaso vasavattī.|| ||

Chattiɱ-sakkhattuɱ kho pan'āhaɱ bhikkhave Sakko ahosiɱ devānam indo.|| ||

Aneka-satakkhattuɱ rājā ahosiɱ cakka-vattī dhammiko Dhamma-rājā cāturanto vijitāvī jana-padatthāvariya-p-patto satataratana-sampanno.|| ||

Ko pana vādo padesa-rajjassa?|| ||

Tassa mayhaɱ bhikkhave etad ahosi:|| ||

'Kissa nu kho me idaɱ kammassa phalaɱ,||
kissa kammassa vipāko,||
yen'āhaɱ etarahi evaɱ mahiddhiko evaɱ mah-ā-nubhāvo ti.|| ||

Tassa mayhaɱ bhikkhave etad ahosi:||
tiṇṇaɱ kho me idaɱ kammānaɱ phalaɱ,||
tiṇṇaɱ kammānaɱ vipāko,||
yen'āhaɱ etarahi evaɱ mahiddhiko evaɱ mah-ā-nubhāvo ti seyyath'īdaɱ:||
dānassa damassa saññamassā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

22.2. "Puññameva so sikkheyya||
āyataggaɱ sukhindrayaɱ||
[16] Dānañ ca sama-cariyañ ca||
metta-cittañ ca bhāvaye.|| ||

3. Ete dhamme bhāvayitvā||
tayo sukha-samuddaye||
Avyāpajjhaɱ sukhaɱ lokaɱ||
paṇḍito upapajjatī" tī.|| ||

Ayam pi attho vutto bhagavatā iti me sutan ti.|| ||

 


 

Sutta 23

Ubho-attha Suttaɱ

[23.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Eka dhammo bhikkhave bhāvito bahulī-kato ubho atthe samadhigayha tiṭṭhati,||
diṭṭha-dhammikañ c'eva atthaɱ samparāyikañ ca.|| ||

Katamo eka dhammo?|| ||

Appamādo kusalesu dhammesu.|| ||

Ayaɱ kho bhikkhave eka dhammo bhāvito bahulī-kato ubho atthe samadhi-gayha tiṭṭhati diṭṭha-dhammikañ c'eva atthaɱ samparāyikañ cā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

23.2. "Appamādaɱ pasaɱ-santi||
puñña-kiriyāsu paṇḍitā.||
Appamatto ubho atthe||
adiganhāti paṇḍito.|| ||

[17] Diṭṭh'eva-dhamme ca yo attho||
yo cattho samparāyiko||
Atthābi-samayā dhīro||
paṇḍito ti pacūccatī" ti.|| ||

Ayam pi atthe vutto bhagavatā iti me sutan ti.|| ||

 


 

Sutta 24

Aṭṭhipuñja Suttaɱ

[24.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

1. Eka puggalassa bhikkhave kappaɱ sandhāvato saɱsarato siyā evaɱ mahāaṭṭhikaŋkalo aṭṭhipuñjo aṭṭhirāsi yathāyaɱ vepulla pabbato.|| ||

Sace saɱhārako assa sambhatañ ca na vinasseyyā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

24.2. "Ekass-ekena kappena||
puggalass-aṭṭhisañcayo||
Siyā pabbatasamo rāsi||
iti vuttaɱ mahesinā.|| ||

So kho panāyaɱ akkhāto||
vepullo pabbato mahā||
Uttaro Gijjhakūṭassa||
Magadhānaɱ Giribbaje.|| ||

Yato ca ariya-saccāni||
samma-p-paññāya passati||
Dukkhaɱ dukkha-samuppādaɱ||
dukkhassa ca ati-k-kamaɱ||
[18] Ariyañ aṭṭhaŋgikaɱ Maggaɱ||
dukkh'ūpasama-gāminaɱ.|| ||

Sa sattakkattuɱ paramañ||
sandhāvitvāna puggalo||
Dukkhass'antakaro hoti||
sabbasaɱ-yojanakkhayā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 25

Sampajāna Musā-vāda Suttaɱ

[25.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Eka dhammaɱ atītassa bhikkhave purisa-puggalassa nāhaɱ tassa kiñcā pāpa-kammaɱ akaraṇīyanti vadāmi.|| ||

Katamaɱ eka-dhammaɱ?|| ||

Yatha-yidaɱ bhikkhave sampajāna musā-vādo' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

25.2. "Eka dhammaɱ atītassa||
musā-vādissa jantuno||
Vitiṇṇaparalokassa||
n'atthi pāpaɱ akāriyan' ti.|| ||

Ayam pi attho vutto bhagavatā iti me sutan ti.|| ||

 


 

Sutta 26

Dāna-Saɱvibhāga Suttaɱ

[26.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Evañ ce bhikkhave sattā jāneyyuɱ dānasaɱvibhagassa vipākaɱ yath'āhaɱ jānāmi,||
na adatvā bhuñjeyyuɱ.|| ||

Na ca nesaɱ macchera-malaɱ cittaɱ pariyādāya tiṭṭhayya.|| ||

Yo pi nesaɱ assa carimo ālopo carimaɱ kabaḷaɱ,||
tato pi na asaɱvibhajitvā bhuñjeyyuɱ sace nesaɱ paṭiggāhakā assu.|| ||

Yasmā ca kho bhikkhave [19] sattā na evaɱ jānanti dāna-saɱvibhāgassa vipākaɱ yath'āhaɱ jānāmi,||
tasmā adatvā bhuñjanti macchera-malañ ca nesaɱ-cittaɱ pariyādāya tiṭṭhatī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

26.2. "Evaɱ ce sattā jāneyyuɱ||
yathā vuttaɱ mahesinā||
Vipākaɱ saɱvibhāgassa||
yathā hoti maha-p-phalaɱ|| ||

Vineyyuɱ macchera-malaɱ||
vippasannena cetasā||
Dajjuɱ kālena ariyesu||
yattha dinnaɱ maha-p-phalaɱ.|| ||

Annaɱ ca datvā bahuno||
dakkhiṇeyyesu dakkhiṇaɱ||
Ito cutā manussattā||
saggaɱ gacchanti dāyakā.|| ||

Te ca saggaɱ gatā tattha||
modantī kāma-kāmino||
Vipākaɱ saɱvibhāgassa||
anubhenti amaccharā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 27

Mettā-Ceto-Vimutti Suttaɱ

[27.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Yāni kānici bhikkhave opadhikāni puñña-kiriyavatthūni,||
sabbāni tāni mettāya ceto-vimuttiyā kālaɱ nāgghanti soḷasiɱ.|| ||

Mettā yeva tāni ceto-vimutti adhiggahetvā bhasate ca||
tapate ca||
virocati ca.|| ||

Seyyathā pi bhikkhave yā kāci tāraka-rūpānaɱ pabhā,||
sabbā [20] tā candiyā pabhāya kalaɱ nāgghanti soḷasiɱ,||
canda-p-pabhā yeva tā adhiggahetva bhāsate ca,||
tapate ca,||
virocati ca,||
evaɱ kho bhikkhave yāni kānici opadhikāni puñña-kiriya-vatthuni,||
sabbāni tāni mettāya ceto-vimuttiyā kalaɱ nāgghanti soḷasiɱ.|| ||

Mettā yeva tāni ceto-vimutti adhiggahetvā bhāsate ca tapate ca virocati ca.|| ||

27.2. Seyyathā pi bhikkhave vassānaɱ pacchime māse sarada-samaye viddhe vigata-valāhake nabheādicconabhaɱ abbhūssakkamāno sabbaɱ ākāsagataɱ tamagataɱ abhivibhaccabhasate ca tapate ca virocati ca,||
evam'eva kho bhikkhave yāni kānici opadhikāni puñña-kiriyavatthūni,||
sabbāni tāni mettāya ceto-vimuttiyā kalaɱ nāgghanti soḷasiɱ.|| ||

Mettā yeva tāni ceto-vimutti adhiggahetvā bhāsate ca||
tapate ca,||
virocati ca.

Seyyathā pi bhikkhave rattiyā paccūsa-samayaɱ osadhi tārakā bhāsate ca tapate ca virocati ca,||
evam'eva kho bhikkhave yāni kānici opadhikāni puñña-kiriya-vatthūni,||
sabbāni tānimettāya ceto-vimuttiyā kalaɱ nāgghanti [21] soḷasiɱ,||
mettā yeva tāni ceto-vimutti adhiggahetvā bhāsate ca||
tapate ca||
virocati ca.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

27.3. "Yo ca mettaɱ bhāvayati||
appamāṇaɱ patissato,||
Tanū saŋyojanā honti||
passato upadhikkhayaɱ.|| ||

Ekam pi ce pāṇam-aduṭṭha-citto||
mettāyati kusalo tena- hoti||
Sabbe ca pāṇe manasānukampaɱ||
pahūtam-ariyo pakaroti puññaɱ.|| ||

Yo sattasaṇḍaɱ paṭhaviɱ vichetvā||
rājisayo yajamānānupariyagā,||
(Assamedhā purisamedhaɱ||
sammāpāsaɱ vājapeyyaɱ niraggaḷaɱ.)||
Mettassa cittassa subhāvitassa||
Kalam-pi te nānubhavanti soḷasiɱ||
[22] (Candappabhā tāragaṇā va sabbe.)|| ||

Yo na hanti na ghāteti||
na jināti na jāpaye||
Mettaɱso sabba-bhūtesu||
veraɱ tassa na kenaci" ti.|| ||

Ayam pi attho vutto bhagavatā iti me sutan ti.|| ||

Raggo Tatiyo

Ekakanipāto niṭṭhito

 


Dukanipatā

Paiṭhamo Vaggo


 

Sutta 28

Paṭhama Bhikkhu Suttaɱ

[28.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dvīhi bhikkhame dhammehi samannāgato bhikkhu diṭṭhe'va dhamme dukkhaɱ viharati sa-vighātaɱ [23] sa-upāyāsaɱ sa-pariḷāhaɱ.|| ||

Kāyassa bhedā param-maraṇā duggati pāṭikaŋkhā.|| ||

Katamehi dvihī?|| ||

Indriyesu agutta-dvāratāya ca bhojane amatt'aññutāya ca.|| ||

Imehi kho bhikkhave dvīhi dhammeha samannāgato bhikkhū diṭṭhe'va dhamme dukkhaɱ viharati sa-vighātaɱ sa-upāyāsaɱ sa-pariḷāhaɱ.|| ||

Kāyassa bhedā param-maraṇā duggati pāṭikaŋkhā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

28.2. Cakku sotañ ca ghānañ ca||
jivhā kāyo atho mano||
Etāni yassa dvārāni||
aguttānī-dha bhikkhūno|| ||

Bhojanamhi amatt'aññū||
indriyesu asaɱvuto||
Kāya-dukkhaɱ ceto-dukkhaɱ||
dukkhaɱ so adhigacchati.|| ||

Ḍayhamānena kāyena||
ḍayha-mānena cetasā||
Divā vā yadi vā rattiɱ||
dukkhaɱ viharati tādiso' ti.|| ||

Ayam pi attho vutto bhagavatā iti me sutan ti.|| ||

 


 

Sutta 29

Dutiya Bhikkhu Suttaɱ

[29.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dvīhī bhikkhave dhammehi samannāgato bhikkhu diṭṭhe'va dhamme sukhaɱ viharati avighātaɱ aupāyāsaɱ apariḷāhaɱ.|| ||

Kāyassa bhedā param-maraṇā [24] sugati pāṭikaŋkhā.|| ||

Katamehi dvīhi?|| ||

Indriyesu guttadvā-ratāya ca bhojane matt'aññutāya ca.|| ||

Imehi kho bhikkhave dvīhi dhammehi samannāgato bhikkhu diṭṭhe'va dhamme sukhaɱ viharati avighātaɱ anupāyāsaɱ apariḷāhaɱ.|| ||

Kāyassa bhedā param-maraṇā sugati pāṭikaŋkhā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

29.2. Cakkhu sotañ ca ghāṇañ ca||
jivhā kāyo atho1 mano||
Etāni yassa dvārāni||
suguttānī-dha bhikkhuno|| ||

Bhojanamhi ca matt'aññū||
indriyesu ca saɱvuto||
Kāya-sukhaɱ ceto-sukhaɱ||
sukhaɱ so adhigacchati.|| ||

Aḍayha-mānena kāyena||
aḍayha-mānena cetasā||
Divā vā yadi vā rattiɱ||
sukaɱ viharati tādiso' ti.|| ||

Ayam pi attho vutto bhagavatā iti me sutan ti.|| ||

 


 

Sutta 30

Tapanīya Suttaɱ

[30.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dve-me bhikkhave dhammā tapanīyā.|| ||

[25] Katame dve?|| ||

Idha bhikkhave ekacco akata-kalyāṇo hoti akata-kusalo akata-bhīruttāno,||
kata-pāpo kata-ḷuddo kata-kibbiso.|| ||

So akataɱ me kalyāṇan ti pi tappati.|| ||

Kataɱ me pāpanti pi tappati.|| ||

Ime kho bhikkhave dve dhammā tapanīyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

30.2. Kāya-du-c-caritaɱ katvā||
vacī-du-c-caritāni vā||
Mano-du-c-caritaɱ katvā||
yañ caññaɱ dosa-sañhitaɱ|| ||

Akatvā kusalaɱ kammaɱ||
katvānā-kusalaɱ bahuɱ||
Kāyassa bhedā duppañño||
Nirayaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 31

Atapanīya Suttaɱ

[31.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dve-me bhikkhave atapanīyā.|| ||

Katame dve?|| ||

Idha bhikkhave ekacco kata-kalyāṇo hoti kata-kusalo kata-bhīruttāno,||
akata-pāpo akata-ḷuddo akata-kibbiso.|| ||

So kataɱ me kalyāṇan ti pi tappati.|| ||

Akataɱ me pāpan ti pi tappati.|| ||

Ime kho bhikkhave [26] dve dhammā atapanīyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

31.2. Kāya-du-c-caritaɱ hitvā||
vacī-du-c-caritāni vā||
Mano-du-c-caritaɱ hitvā||
yañ caññaɱ dosa-sañhitaɱ|| ||

Akatvā-kusalaɱ kammaɱ||
katvānā kusalaɱ bahuɱ||
Kāyassa bhedā sappañño||
saggaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 32

Papaka-Sīla Suttaɱ

[32.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dvīhi bhikkhave dhammehi samannāgato puggalo yath'ābhataɱ nikkhitto evaɱ Niraye.|| ||

Katamehi dvīhi?|| ||

Pāpakena ca sīlena pāpikāya ca diṭṭhiyā.|| ||

Imehi kho bhikkhave dvīhi dhammehi samannāgato puggalo yath'ābhataɱ nikkhitto evaɱ Niraye' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

32.2. "Pāpakena ca sīlena||
pāpikāya ca diṭṭhiyā||
Etehi dvīhi dhammehi||
yo samannāgato naro||
Kāyassa bhedā duppañño||
Nirayaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 33

Bhaddaka-Sīla Suttaɱ

[33.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dvīhi bhikkhave dhammehi samannāgato yath'ābhataɱ nikkhitto evaɱ sagge.|| ||

Katamehi [27] dvīhi?|| ||

Bhaddakena ca sīlena bhaddikāya ca diṭṭhiyā.|| ||

Imehi kho bhikkhave dvīhi dhammehi samannāgato puggalo yath'ābhataɱ nikkhitto evaɱ sagge' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

33.2. "Bhaddakena ca sīlena||
bhaddikāya ca diṭṭhiyā||
Etehi dvīhi dhammehi||
yo samannāgato naro||
kāyassa bhedā sappañño||
saggaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 34

Anātāpī Suttaɱ

[34.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Anātāpī bhikkhave bhikkhu anottāpi1 abhabbo sambodhāya,||
abhabbo nibbāṇāya,||
abhabbo anuttarassa yoga-k-khemassa adhigamāya.|| ||

ātāpī kho bhikkhave bhikkhu ottāpī bhabbo sambodhāya,||
bhabbo nibbāṇāya,||
bhabbo anuttarassa yoga-k-khemassa adhigamāyā' ti.|| ||

Etam atthaɱ bhagavā avoca.|| ||

Tattheɱ iti vuccati.|| ||

34.2. "Anātāpī anottāpī||
kusīto hīnavīriyo||
Yo thīna-middha-bahulo||
ahiriko anādaro||
Abhabbo tādiso bhikkhu||
phuṭṭhuɱ sambodhim-uttamaɱ.|| ||

[28] Yo ca satimā nipako jhāyī||
ātāpi ottāpī ca appamatto||
Saŋyojanaɱ jāti-jarāya chetvā||
idh'eva sambodhim-anuttaraɱ phuse" ti.|| ||

Ayam pi attho vutto bhagavatā iti me sutan ti.|| ||

 


 

Sutta 35

Paṭhama Jana-Kuhana Suttaɱ

[35.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Na-y-idaɱ bhikkhave Brahma-cariyaɱ vussati jana guhanatthaɱ jana-lapanatthaɱ lābha-sakkāra-silokā-nisaɱsatthaɱ:|| ||

'Iti maɱ jano jānātu' ti.|| ||

Atha kho idaɱ bhikkhave Brahma-cariyaɱ vussati saŋvaratthañ ca pahānatthañ cāti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

35.2. "Saɱvaratthaɱ pahānatthaɱ||
Brahma-cariyaɱ anītihaɱ||
Adesayi so bhagavā||
nibbāṇogadhagāminaɱ.|| ||

Esa Maggo mahattehi||
[29] anuyāto mahesihi.||
Ye ye taɱ paṭipajjanti||
yathā Buddhena desitaɱ||
Dukkhassantaɱ karissanti||
Satth-usāsanakārino" ti.|| ||

Ayam pi attho vutto bhagavatā iti me sutan ti.|| ||

 


 

Sutta 36

Dutiya Jana-Kuhana Suttaɱ

[36.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Ṭayidaɱ bhikkhave Brahma-cariyaɱ vussati jana-kuhanatthaɱ jana-lapanatthaɱ lābha-sakkāra-silokānisaɱsatthaɱ:|| ||

'Iti maɱ jano jānātu' ti.|| ||

Atha kho idaɱ bhikkhave Brahma-cariyaɱ vussati abhiññatthañc'eva pariññatthañcā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

36.2. "Abhiññatthaɱ pariññatthaɱ||
Brahma-cariyaɱ anītihaɱ||
Adesayī so bhagavā||
nibbāṇogadhagāminaɱ.|| ||

Esa Maggo mahattehi||
anuyāto mahesino||
Ye ye taɱ paṭipajjanti||
yathā Buddhena desitaɱ||
Dukkhassantaɱ karissanti||
Satth-usāsanakārino" ti.|| ||

Ayam pi attho vutto bhagavatā iti me sutan ti.|| ||

 


 

Sutta 37

Somanassa Suttaɱ

[37.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dvīhi bhikkhave dhammehi samannāgato [30] bhikkhū diṭṭhe-va dhamme sukha-somanassa-bahulo viharati.|| ||

Yoni cassa āraddhā hoti āsavānaɱ khayāya.|| ||

Katamehi dvīhi?|| ||

Saɱvejanīyesu ṭhānesu saɱvejanena.|| ||

Saɱviggassa ca yoniso padhānena.|| ||

Imehi kho bhikkhave dvīhi dhammehi samannāgato bhikkhu diṭṭhe'va dhamme sukha-somanassa-bahulo viharati.|| ||

Yoni cassa āraddhā hoti.|| ||

āsavānaɱ khayāyā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

37.2. "Saɱvejanīyesu ṭhānesu||
saŋvijjeth'eva paṇḍito||
ātāpi nipako bhikkhu||
paññāya samavekkhiya.|| ||

Evaɱ vihārī ātāpi||
santavuttī anuddhato||
Ceto-samatham anuyutto||
khayaɱ dukkhassa pāpuṇe' ti.|| ||

Ayam pi atthe vutto bhagavatā iti me sutan ti.|| ||

Vaggo Paṭhamo

 


Dutiya Vaggo


 

Sutta 38

Vitakka Suttaɱ

[38.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tathāgataɱ bhikkhave arahantaɱ Sammā-SamBuddhaɱ dve vitakkā bahulaɱ samudā-caranti:||
khemo ca vitakko||
paviveko ca.|| ||

Avyāpajjhārāmo bhikkhave Tathāgato avyāpajjharato.|| ||

Tam-enaɱ bhikkhave Tathāgataɱ avyāpajjh-ā-rāmaɱ avyāpajjharataɱ es'eva vitakko bahulaɱ samudā-carati:|| ||

'Imāyāhaɱ irīyāya na kiñci vyābādhemi tasaɱ vā||
thāvaraɱ vā' ti.|| ||

Pavivekārāmo bhikkhave Tathāgato pavaikarato.|| ||

Tam-enaɱ bhikkhave Tathāgataɱ pavivek-ā-rāmaɱ pavivekarataɱ es'eva vitakko bahulaɱ samudā-carati:|| ||

Yaɱ akusalaɱ taɱ pahīnan ti.|| ||

38.2. Tasmā ti ha bhikkhave tumhe pi abyābajjhārāmā viha- [32] ratha abyābajjharatā.|| ||

Tesaɱ vo bhikkhave tumhākaɱ avyāpajjh-ā-rāmānaɱ viharataɱ avyāpajjharatānaɱ es'eva vitakko bahulaɱ samudācarissati:|| ||

'Imāya mayaɱ iriyāya na kiñci vyābādhema tasaɱ vā thāvaraɱ vā' ti.|| ||

Pavivekārāmā bhikkhave viharatha pavivekaratā.|| ||

Tesaɱ ve bhikkhave tumhākaɱ pavivek-ā-rāmānaɱ viharataɱ pavivekaratānaɱ es'eva vitakko bahulaɱ samudācarissati:|| ||

'Kiɱ akusalaɱ||
kiɱ appahīnaɱ||
kiɱ pajahāmā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

3. "Tathāgataɱ buddham-asayhasāhinaɱ||
Duve vitakkā samud'ācaranti naɱ||
Khemo vitakko paṭhamo udirito||
Tato viveko dutiyo pakāsito.|| ||

Tamonudaɱ pāragataɱ mahesiɱ||
Taɱ pattipattaɱ vasimaɱ anāsavaɱ||
Vessantaraɱ taṇha-k-khaye vimuttaɱ||
Taɱ ve muniɱ antimadehadhāriɱ||
[33] Mānaɱjahaɱ brūmi jarāya pāraguɱ.|| ||

Sele yathā pabbatamuddhani-ṭṭhito||
Yathā pi passe jananaɱ samantato||
Tath'ūpamaɱ dhamma-mayaɱ sumedho||
Pāsādam-āruyha samanta-cakkhu.||
Sokāvatiṇṇaɱ janatam apetasoko||
Avekkhatī jāti-jarābhibhūtan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 39

Desanā Suttaɱ

[39.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tathāgatassa bhikkhave arahato Sammā-Sam-Buddhassa dve Dhamma-desanā pariyāyena bhavanti.|| ||

Katamādve?|| ||

'Pāpaɱ pāpakato passathā' ti ayaɱ paṭhamā Dhamma-desanā.|| ||

'Pāpaɱ pāpakato disvā tattha nibbindatha virajjatha vimuccathā' ti ayaɱ dutiyā dhamma-desanā.|| ||

Tathāgatassa bhikkhave aharato Sammā-Sam-Buddhassa imā dve Dhamma-desanā pariyāyena bhavantī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

39.2. "Tathāgatassa Buddhassa||
sabba-bhūtānukampino||
Pariyāya-vacanaɱ passa||
dve ca dhammā pakāsitā.|| ||

[34] Pāpakaɱ passatha cekaɱ||
tattha cāpi virajjatha||
Tato virattacittāse||
dukkhassantaɱ karissathā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 40

Vijjā Suttaɱ

[40.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Avijjā bhikkhave pubbaŋ-gamā akusalānaɱ dhammānaɱ samāpattiyā.|| ||

Anvadeva ahirakaɱ anottappaɱ.|| ||

Vijjā ca kho bhikkhave pubbaŋ-gamā kusalānaɱ dhammānaɱ samāpattiyā.|| ||

Anvadeva hir'ottappan ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

40.2. "Yā kāci-mā duggatiyo||
asmiɱ loke pahamhi ca||
Avijjā-mūlakā sabbā||
icchālobha-samussayā.|| ||

Yato ca hoti pāpiccho||
ahirīko anādaro||
Tato pāpaɱ pasavati||
apāyaɱ tena gacchati.|| ||

Tasmā chandañ ca lobhañ ca||
avijjañ ca virājayaɱ||
Vijjaɱ uppādayaɱ bhikku||
sabbā duggatiyo jahe"ti.|| ||

[35] Ayam pi attho vutto bhagavatā iti me sutan ti.|| ||

Paṭhama Bhāṇavāraɱ

 


 

Sutta 41

Paññā-Parihāni Suttaɱ

[41.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Te bhikkhave sattā suparihīnā,||
ye ahiyāya paññāya parihīnā.|| ||

Te diṭṭhe'va dhamme dukkhaɱ viharanti sa-vighātaɱ sa-upāyāsaɱ sa-pariḷāhaɱ.|| ||

Kāyassa bhedā param-maraṇā duggati pāṭikaŋkhā.|| ||

Te bhikkhavo sattā aparihīnā,||
ye ariyāya paññāya aparihīnā.|| ||

Te diṭṭhe'va dhamme sukhaɱ viharanti avighātaɱ anupāyāsaɱ apariḷāhaɱ.|| ||

Kāyassa bhedā param-maraṇā sugati pāṭikaŋkhā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

41.2. "Paññāya parihānena||
passa lokaɱ sadavakaɱ||
Niviṭṭhaɱ nāma-rūpasmiɱ||
idaɱ saccan ti maññati.|| ||

Paññā hi seṭṭhā lokasmiɱ||
yāyaɱ nibbedhagāminī||
yā ca sammā pajānāti||
jāti-bhava-parikkhayaɱ.|| ||

Tesaɱ devā manussā ca||
sambuddhānaɱ satīmataɱ||
[36] Pihayanti sapaññānaɱ||
sarīrantimadhārinan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 42

Sukka-Dhamma Suttaɱ

[42.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dve-me bhikkhave sukkā dhammā lokaɱ pālenti.|| ||

Katame dve?|| ||

Hiri ca ottappañca.|| ||

Ime kho bhikkhave dve sukkā dhammā lokaɱ na pāleyyuɱ,||
nayidha paññāyetha mātā' ti vā||
mātucchā' ti vā||
mātulānī' ti vā||
ācariyahariyā' ti vā||
garūnaɱ dārā' ti vā.|| ||

Sambhedaɱ loko agamissa yathā ajeḷakā kukkuṭasūkarā soṇasigālā.|| ||

Yasmā ca kho bhikkhame ime dve sukkā dhammā lokaɱ pālenti,||
tasmā paññāyati mātā' ti vā||
mātucchā' ti vā||
mātulānī' ti vā||
acariyahariyā' ti vā||
garūnaɱ dārā ti vā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

42.2. "Yesaɱ ce hiriottappaɱ||
sabba-dācana vijjati,||
Vokkantā sukkamūlā te||
jāti-maraṇāgāmino.|| ||

Yesañ ca hiriottappaɱ||
sadā sammā upaṭṭhitā,||
[37] Virūḷha-brahmaciriyā||
te santo khīṇa-puna-b-bhavā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 43

Ajāta Suttaɱ

[43.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Atthi bhikkhave ajātaɱ abhūtaɱ akataɱ asaŋkhataɱ.|| ||

No ce taɱ bhikkhave abhavissa ajātaɱ abhūtaɱ akataɱ asaŋkhataɱ,||
nayidha jātassa bhūtassa katassa saŋkhatassa nissaraṇaɱ paññāyetha.|| ||

Yasmā ca kho bhikkhave atthi ajātaɱ abhūtaɱ akataɱ asaŋkhataɱ,||
tasmā jātassa bhūtassa katassa saŋkhatassa nissaraṇaɱ paññāyatī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

43.2. "Jātaɱ bhūtaɱ samuppannaɱ||
kataɱ saŋkhatam-addhuvaɱ||
Jarā-maraṇa-saŋghātaɱ||
roganiḍḍaɱ pabhaŋguraɱ||
āhāranettippabhavaɱ||
nālaɱ tad-abhinandituɱ|| ||

Tassa nissaraṇaɱ santaɱ||
atakkāvacaraɱ dhūvaɱ||
Ajātaɱ asamuppannaɱ||
asokaɱ virajaɱ padaɱ||
[38] Nirodho dukkha-dhammānaɱ||
saŋkhār'ūpasamo sukho' ti".|| ||

Ayam pi atthe vutto bhagavatā iti me sutan ti.|| ||

 


 

Sutta 44

Nibbāna-Dhātu Suttaɱ

[44.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dve'mā bhikkhave Nibbāna-dhātuyo.|| ||

Katamā dve?|| ||

Saupādisesā ca Nibbāna-dhātu||
anupādisesā ca Nibbāna-dhātu.|| ||

44.2. Katamā ca bhikkhave saupādisesā Nibbāna-dhātu?|| ||

Idha bhikkhave bhikkhu arahaɱ hoti khīṇ'āsavo vusitavā kata-karaṇīyo ohita-bhāro anuppatta-sadattho parikkhīṇa-bhava-saŋyojano sammadaññā-vimutto.|| ||

Tassa tiṭṭhant'eva pañc'indriyāni yesaɱ avighātattā manāpā-manāpaɱ paccanubhoti,||
sukha-dukkhaɱ paṭisaɱvediyati.|| ||

Tassa yo rāga-k-khayo dosa-k-khayo moha-k-khayo,||
ayaɱ vuccati bhikkhave saupādisesā Nibbāna-dhātu.|| ||

44.3. Katamā ca bhikkhave aṭupādisesā Nibbāna-dhātu?|| ||

Idha bhikkhave bhikkhu arahaɱ hoti khīṇ'āsavo vusitavā kata-karaṇīyo ohita-bhāro anuppatta-sadattho parikkhīṇa-bhava-saŋyojano sammadaññā-vumutto.|| ||

Tassa idh'eva bhikkhave sabba-vedayitāni anabhinanditāni sītī-bhavissanti,||
ayaɱ vuccati bhikkhave anupādisesā Nibbāna-dhātu.|| ||

Imā kho bhikkhave dve Nibbāna-dhātuyo ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

44.4. "Duve imā cakkhu-matā pakāsitā||
Nibbānadhātu anissitena tādinā||
Ekā hi dhātu idha diṭṭha-dhammikā||
Saupādisesā bhava-netti-saŋkhayā.||
[39] Anupādisesā pana samparāyikā||
Yamhi nirujjhanti bhavāni sabbaso.|| ||

Ye etad-aññāya padaɱ asaŋkhataɱ||
Vimutta-cittā bhava-netti-saŋkhayā,||
te dhamma-sārādhigamā khaye ratā||
Pahaɱsu te sabba-bhavāni tādino" ti.|| ||

Ayam pi attho vutto bhagavatā iti me sutan ti.|| ||

 


 

Sutta 45

Paṭisallāna Suttaɱ

[45.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Paṭisallānārāmā bhikkhave viharatha paṭisallānaratā,||
ajjhattaɱ ceto-samathamanuyuttāanirākata-j-jhāni vipassanāya samannāgatā brūhetā suññ-ā-gārānaɱ.|| ||

Paṭisallānārāmā bhikkhave viharataɱ paṭisallānaratā,||
ajjhattaɱ ceto-samatham-anuyuttā anirākata-j-jhānānaɱ vipassanāya samannāgatā brūhetā suññ-ā-gārānaɱ.|| ||

Paṭisallānārāmānaɱ bhikkhave viharataɱ paṭsallānāratānaɱ ajjhattaɱ ceto-samatham-anuyuttānaɱ anirākata-j-jhānānaɱ vipassanāya samannāgatānaɱ brūhetānaɱ suññāgāranaɱ dvinnaɱ phalānaɱ aññataraɱ phalaɱ pāṭikaŋkhaɱ: diṭṭhe'va dhamme aññā, sati vā upādisese Anāgāmitā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

45.2. "Ye santacittā nipakā||
satimanto ca jhāyino||
[40] Sammā dhammaɱ vipassanti||
kāmesu anapekkhino.|| ||

Appamādaratā santā||
pamāde bhaya-dassino||
Abhabbā parihānāya||
Nibbānass'eva santike" ti.|| ||

Ayam pi atthe vutto bhagavatā iti me sutan' ti.|| ||

 


 

Sutta 46

Sikkhā-Nisaɱsa Suttaɱ

[46.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Sikkhā-nisaɱsā bhikkhave viharatha paññuttarānaɱ vimutti-sārānaɱ sat'ādhipateyyānaɱ dvinnaɱ phalānaɱ aññataraɱ phalaɱ pāṭikaŋkhaɱ:||
diṭṭhe'va dhamme aññā,||
sati vā upādisese Anāgāmitā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

46.2. "Paripuṇṇa-sekhaɱ apahāna-dhammaɱ||
Paññuttaraɱ jāti-khayanta-dassiɱ||
Taɱ ve muniɱ antimadehadhāriɱ||
Mānaɱ-jahaɱ brūmi jarāya pāraguɱ.|| ||

Tasmā sadā jhāna-ratā samāhitā||
[41] ātāpino jāti-khayanta-dassino||
Māraɱ sasenaɱ Abhibhuyya bhikkhavo||
Bhavātha jāti-maraṇassa pāragā "ti.|| ||

Ayam pi attho vutto bhagavatā iti me sutan ti.|| ||

 


 

Sutta 47

Jāgariya Suttaɱ

[47.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Jāgaro cassa bhikkhave bhikkhu vihareyya sato sampajāno samāhito pamudito vippasanno ca tattha kālavipassi ca kusalesu dhammesu.|| ||

Jāgarassa bhikkhave bhikkhuno viharato satassa sampajānassa pamudutassa vippasannassa tattha kālavipassino kusalesu dhammesu dvinnaɱ phalānaɱ aññataraɱ phalaɱ pāṭikaŋkhaɱ:||
diṭṭhe'va dhamme aññā,||
sati vā upādisesa Anāgāmitā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

47.2. "Jagarantā suṇāth-etaɱ||
ye sutta te pabujjhatha||
Suttā jāgariyaɱ seyyo||
n'atthi jāgarato bhayaɱ.|| ||

[42] Yo jāgaro ca satimā sampajāno||
Samāhito mudito vippasanno ca||
Kālena so sammā dhammaɱ parivīmaɱsa-māno||
Ekodi-bhuto vihane tamaɱ so.|| ||

Tasmā have jāgariyaɱ bhajetha||
ātāpī bhikkhū nipako jhānalābhī||
Saŋyojanaɱ jāti-jarāya chetvā||
Idh'eva sambodhim-anuttaraɱ phūse" ti.|| ||

Ayam pi attho vutto bhagavatā iti me sutan ti.|| ||

 


 

Sutta 48

Āpāyika Suttaɱ

[48.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dve-me bhikkhave āpāyikā nerayikā idam-a-p-pahāya.|| ||

Katame dve?|| ||

Yo abrahma-cārī brahma-cārīpaṭiñño,||
yo ca paripuṇṇaɱ parisuddhaɱ Brahma-cariyaɱ carantaɱ amūlakena abrahma-cariyena anuddhaɱseti.|| ||

Ime kho bhikkhave dve āpāyikā nerayikā idam appahāyā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

48.2. Abhūtavādi Nirayaɱ upeti||
yo vā pi katvā na karomi cāha,||
[43] Ubho pi te pecca samā bhavanti||
nihīnakammā manuja parattha.|| ||

Kāsāvakaṇṭhā bahavo||
pāpa-dhammā asaññatā,||
Pāpā pāpehi kammehi||
narayaɱ te upapajjare.|| ||

Seyyo ayogulo bhutto||
tatto aggisikhupamo,||
Yañce bhuñjeyya du-s-sīlo||
raṭṭhapiṇḍaɱ asaññato' ti.|| ||

Ayam pi attho vutto bhagavatā iti me sutan ti.|| ||

 


 

Sutta 49

Diṭṭhi-Gata Suttaɱ

[49.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dvīhi bhikkhave diṭṭhi-gatehi pariyuṭṭhitā deva-manussā oliyantī eke atidhāvanti eke cakkhu-manto ca passanti.|| ||

49.2. Kathañ ca bhikkhave oliyanti eke?|| ||

Bhavārāmā bhikkhave deva-manussā||
bhavaratā bhavasammuditā.|| ||

Tesaɱ bhava-nirodhāya dhamme desiyamāne||
na cittaɱ pakkhandati||
na pasīdati||
na santiṭṭhati||
nādhi-muccati.|| ||

Evaɱ kho bhikkhave olīyanti eko.|| ||

49.3. Kathañ ca bhikkhave atidhāvanti eke?|| ||

Bhaveneva kho pan'eke aṭṭiyamānā harāyamāsā jiguccha-mānā vibhavaɱ [44] abhinandanti.|| ||

Yato kira bho ayaɱ attho kāyassa bhedā param-maraṇā ucchijjati vinassati na hoti param-maraṇā,||
etaɱ santaɱ,||
etaɱ paṇītaɱ,||
etaɱ yathāvantī.|| ||

Evaɱ kho bhikkhave atidhāvanti eko.|| ||

49.4. Kathañ ca bhikkhave cakkhu-manto passanti?|| ||

Idha bhikkhu bhūtaɱ bhūtato passati,||
bhūtaɱ bhūtato disvā bhūtassa nibbidāya virāgāya nārodhāya paṭipanno hoti.|| ||

Evaɱ kho bhikkhave cakkhu-manto ca passantī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

49.5. Ye bhūtaɱ bhūtato disvā||
bhūtassa ca ati-k-kamā||
Yathābhute vimuccanti||
bhava-taṇhāparikkhayā.|| ||

Sace bhūtapariñño so||
vītataṇho bhav-ā-bhave||
Bhūtassa vibhavā bhikkhu||
nāga-c-chati puna-b-bhavan" ti.|| ||

Ayam pi attho vutto bhagavatā iti me sutan ti.|| ||

Vaggo Dutiyo

Dukanipātaɱ Niṭṭhitaɱ

 


Tikanipāto

Paṭhame Vaggo


 

Sutta 50

Akusala-Mūla Suttaɱ

[50.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave akusala-mūlāni.|| ||

Katamāni tīṇi?|| ||

Lobho akusala-mūlaɱ,||
doso akusala-mūlaɱ,||
moho akusala-mūlaɱ.|| ||

Imāni kho bhikkhave tīṇi akusala-mūlānī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

50.2. "Lobho doso ca moho ca||
purisaɱ pāpacetasaɱ||
Hiɱsanti attasamabhūtā||
tacasāraɱ'va samphalaɱ" ti.|| ||

Ayam pi attho vutto bhagavatā iti me sutan ti.|| ||

 


 

Sutta 51

Dhātu Suttaɱ

[51.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave dhātuyo.|| ||

Katamā tisso?

Rūpa-dhātu,||
arūpadhātu,||
nirodha-dhātu.|| ||

Imā kho bhikkhave tisso dhātuyo ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

51.2. "Rūpa-dhātu-pariññāya||
arūpesu asaṇṭhitā||
[46] Nirodhe ye vimuccanti||
te janā maccuhāyino.|| ||

Kāyena amataɱ dhātuɱ||
phassayitvā nirūpadhiɱ||
Upadhippaṭinissaggaɱ||
sacchi-katvā anāsavo||
Deseti Sammā-SamBuddho||
asokaɱ virajaɱ padan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 52

Paṭhama Vedanā Suttaɱ

[52.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave vedanā.|| ||

Katamā tisso?|| ||

Sukhā vedanā||
dukkhā vedanā||
adukakha-m-asukhā vedanā.|| ||

Imā kho bhikkhave tisso vedanā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

52.2. "Samāhito sampajāno||
sato Buddhassa sāvako||
Vedanā ca pajānāti||
vedanānañ ca sambhavaɱ.|| ||

Yattha cetā nirujjhanti||
Maggañ ca khayagāminaɱ||
Vedanānaɱ khayā bhikkhu||
nicchāto parinibbuto" ti.|| ||

Ayam pi attho vutto bhagavatā iti me sutan ti.|| ||

 


[47]

Sutta 53

Dutiya Vedanā Suttaɱ

[53.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave vedanā.|| ||

Katamā tisso?|| ||

Sukā vedanā||
dukkhā vedanā||
adukkha-m-asukhā vedanā.|| ||

Sukhā bhikkhave, vadenā||
dukkhato daṭṭhabbā.|| ||

Dukkhā vedanā||
sallato daṭṭhabbā.|| ||

Adukkha-m-asukhā vedanā||
aniccato daṭṭhabbā.|| ||

Yato kho bhikkhave bhikkhuno sukhā vedanā dukkhatoba duṭṭhā hoti,||
dukkhā vedanā sallato diṭṭhā hoti,||
adukkha-m-asukhā vedanā aniccato diṭṭhā hoti.|| ||

Ayaɱ vuccati bhikkhave bhikkhu ariyo sammaddaso acchecchi taṇhaɱ vāvattayi saŋyojanaɱ sammā-mānābhi-samayā antam-akāsi dukkhassā' ti.|| ||

Etam atheɱ bhagavā avoca.|| ||

Tatth'etaɱ iti vaccati.|| ||

53.2. "Yo sukhaɱ dukkhato dakkhi||
dukkham-addakkhi sallato||
Adukkha-m-asukhaɱ santaɱ addakkhi naɱ aniccato.|| ||

Sa ve sammaddaso bhikkhu||
yato tattha vimuccati||
Abhiññāvosito santo||
sa ve yogātigo munī" ti.|| ||

Ayam pi attho vutto bhagavatā iti me sutan ti.|| ||

 


[48]

Sutta 54

Paṭhama Ṭasanā Suttaɱ

[54.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave esanā.|| ||

Katamā tisso?|| ||

Kāmesanā||
bhav'esanā||
brahma-cariy'esanā.|| ||

Imā kho bhikkhave tisso esanā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

54.2. "Samāhito sampajāno||
sato Buddhassa sāvako||
esanā ca pajānāti||
esanānañ ca sambhavaɱ.|| ||

Yattha cetā nirujjhanti||
Maggañ ca khayagāminaɱ||
Esanānaɱ khayā bhikkhu||
nicchāto parinibbuto" ti.|| ||

Ayam pi attho vutto bhagavatā iti me sutan ti.|| ||

 


 

Sutta 55

Moha Suttaɱ

[55.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave esanā.|| ||

Katamā tisso?|| ||

Kāmesanā||
bhav'esanā||
brahma-cariy'esanā.|| ||

Imā kho bhikkhave tisso esanā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

55.2. "Kāmesanā bhav'esanā||
brahma-cariy'esanā saha||
Iti sacca-parāmāso||
diṭṭhi-ṭ-ṭhānā samussayā.|| ||

Sabba-rāga-virattassa||
taṇha-k-khaya-vimuttino||
[49] Esanā paṭinissaṭṭhā||
diṭṭhi-ṭ-ṭhānā samūhatā||
Esanānaɱ khayā bhikkhū||
nirāso akathaɱ-kathi" ti.|| ||

Ayam pi attho vutto bhagavatā iti me sutan ti.|| ||

 


 

Sutta 56

Paṭhama Āsava Suttaɱ

[56.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave āsavā.|| ||

Katame tayo?|| ||

Kāmāsavo,||
bhavāsavo,||
avijjāsavo.|| ||

Ime kho bhikkhave tayo āsavā ti.|| ||

56.2. "Samāhito sampajāno||
sato Buddhassa sāvako||
āsave ca pajānāti||
āsavānañ ca sambhavaɱ.|| ||

Yattha cetā nirujjhanti||
Maggañ ca khayagāminaɱ||
āsāvānaɱ khayā bhikkhu||
nicchāto parinibbuto" ti.|| ||

Ayam pi attho vutto bhagavatā iti me sutan ti.|| ||

 


 

Sutta 57

Dutīya Āsava Suttaɱ

[57.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave āsavā.|| ||

Katame tayo?|| ||

Kāmāsavo,||
bhavāsavo,||
avijjāsavo.|| ||

Ime kho bhikkhave tayo āsavāti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

57.2. "Yassa kāmāsavo khīṇo||
[50] avijjā ca varājitā||
Bhavāsavo parikkhīno||
vippamutto nirūpadhi||
dhareti antimaɱ dehaɱ||
chetvā Māraɱ savāhinin" ti.|| ||

Ayam pi attho vutto bhagavatā iti me sutan ti.|| ||

 


 

Sutta 58

Taṇhā Suttaɱ

[58.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave taṇhā.|| ||

Katamā tisso?|| ||

Kāma-taṇhā,||
bhava-taṇhā,||
vibhava-taṇhā.|| ||

Imā kho bhikkhave tisso taṇhā' ti|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

58.2. "Taṇhā-yogena saɱyuttā||
ratta-cittā bhav-ā-bhave||
Te yoga-yuttā mārassa||
ayogakkhemino janā||
Sattā gacchanti saɱsāraɱ||
jāti-maraṇa-gāmino.|| ||

Ye ca taṇhaɱ pahantvāna vīta-taṇha bhav-ā-bhave||
Te ca pāraɱgatā loke||
ye pattā āsavakkhayan" ti.|| ||

Ayam pi atthe vutto bhagavatā iti me sutan ti.|| ||

 


 

Sutta 59

Māradheyya Suttaɱ

[59.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīhi bhikkhave dhammehi samannāgato [51] bhikkhu ati-k-kamma māradheyyaɱ ādicco va virocati.|| ||

Katamehi tīhi?|| ||

Idha bhikkhave bhikku asekhena sīla-khandhena samannāgato hoti,||
asekhena samādhi-khandhena samannāgato hoti,||
asekhena paññā-khandhena samannāgato hoti.|| ||

Imehi kho bhikkhave tīhi dhammehi samannāgato bikkhū ati-k-kamma māradheyyaɱ ādicco va virovatī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

59.2. "Sīlaɱ samādhi paññā ca||
yassa ete subhāvitā||
Atikkamma māradheyyaɱ||
ādicco va virocati" ti.|| ||

Ayam pi attho vutto bhagavatā iti me sutan ti.|| ||

Vaggo Paṭhamo

 


Dutiya Vaggo


 

Sutta 60

Puñña-Kiriya-Vatthu Suttaɱ

[60.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave puñña-kiriya-vatthūni.|| ||

Katamāni tīṇi?|| ||

Dāna-mayaɱ puñña-kiriya-vatthu,||
sīla-mayaɱ puñña-kiriya-vatthu,||
bhāvanā-mayaɱ puñña-kiriya-vatthu.|| ||

Imāni kho bhikkhave tīṇi puñña-kiriya-vatthūnī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

[52] 60.2. "Puññam-eva so sikkheyya||
āyataggaɱ sukh'indrayaɱ||
Dānañ ca sama-cariyañ ca||
metta-cittañ ca bhāvaye.|| ||

Ete dhamme bhāvayitvā||
tayo sukha-samuddaye||
Avyāpajjhaɱ sukhaɱ lokaɱ||
paṇḍito upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 61

Cakkhu Suttaɱ

[61.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave cakkhūni.|| ||

Katamāni tīṇi?|| ||

Maɱsa-cakkhū,||
dibba-cakkhu,||
paññā-cakkhū' ti.|| ||

Imāni kho bhikkhave tīṇi cakkhūnī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

61.2. "Maɱsa-cakkhu dibba-cakkhu||
paññā-cakku anuttaraɱ||
Etāni tīni cakkhūni||
akkhāsi purisuttamo.|| ||

Maɱsa-cakkhussa uppādo||
Maggo dibbassa cakkhuno||
Yato ñāṇaɱ udapādi||
paññā-cakkhu anuttaraɱ||
Yassa cakkhussa paṭilābhā||
sabba-dukkhā pamuccatī" ti.|| ||

Ayam pi attho vutto bhagavatā iti me sutan ti.|| ||

 


[53]

Sutta 62

Indriya Suttaɱ

[62.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi'māni bhikkhave indriyāni.|| ||

Katamāni tīṇi?|| ||

Anaññātaññassāmit'indriyaɱ,||
aññ'indriyaɱ,||
aññātav'indriyaɱ.|| ||

Imāni kho bhikkhave tīṇi indriyānī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

62.2. "Sekhassa sikkha-mānassa||
uju-maggānusārino,||
Khayasmiɱ paṭhamaɱ ñāṇaɱ||
tato aññā anantarā.|| ||

Tato aññā vimuttassa||
ñāṇaɱ ve hoti tādino,||
akuppā me vimuttī ti||
bhava-saŋyojana-khayā.|| ||

Sa ve indriya-sampanno||
santo santipade rato,||
Dhāreti antimaɱ dehaɱ||
chetvā Māraɱ savāhinin" ti.|| ||

Ayam pi attho vutto bhagavatā iti me sutan ti.|| ||

 


 

Sutta 63

Addhā Suttaɱ

[63.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave addhā.|| ||

Katame tayo?|| ||

Atīto addhā,||
anāgato addhā,||
paccuppanno addhā.|| ||

Ime kho bhikkhave tayo addhā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

63.2. "Akkheyya-saññino sattā||
akkheyyasmiɱ patiṭṭhitā.||
[54] Akkheyyaɱ apariññāya||
yogam-āyanti maccuno.|| ||

Akkheyyañ ca pariññāya||
akkhātāraɱ na maññati,||
Phūṭṭho vumokkho manasā||
santipadam-anuttaraɱ.|| ||

Sa ve akkheyya-sampanno||
santo santipade rato,||
Saŋkhāya sevī dhammaṭṭho||
saŋkhaɱ nopeti vedagu" ti.|| ||

Ayam pi atthe vutto bhagavatā iti me sutan ti.|| ||

 


 

Sutta 64

Du-c-carita Suttaɱ

[64.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave du-c-caritāni.|| ||

Katamāni tīṇi?|| ||

Kāya-du-c-caritaɱ,||
vacī-du-c-caritaɱ,||
mano-du-c-caritaɱ.|| ||

Imāni kho bhikkhave tīṇi du-c-caritānī" ti.|| ||

Etam atthaɱ bhagavā avoca.|| ||

Tatth'etaɱ iti vuccati.|| ||

64.2. "Kāya-du-c-caritaɱ katvā||
vacī-du-c-caritāni ca,||
Mano-du-c-caritaɱ katvā||
yañ caññaɱ dosasaññitaɱ.|| ||

[55] Akatvā kusalaɱ kammaɱ||
katvānā-kusalaɱ bahuɱ,||
Kāyassa bhedā duppañño||
Nirayaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 65

Sucarita Suttaɱ

[65.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave sucaritāni.|| ||

Katamāni tīṇi?|| ||

Kāya-su-caritaɱ||
vacī-su-caritaɱ,||
mano-su-caritaɱ.|| ||

Imāni kho bhikkhave tīṭhi sucaritānī" ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

65.2. "Kāya-du-c-caritaɱ hitvā||
vacī-du-c-caritāni ca||
Mano-du-c-caritaɱ hitvā||
yañ caññaɱ dosa-saññitaɱ.|| ||

Akatvākusalaɱ kammaɱ||
katvāna kusalaɱ bahuɱ||
Kāyassa bhedā sappañño||
saggaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 66

Soceyya Suttaɱ

[66.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave soceyyāni.|| ||

Katamāni tīṇi?|| ||

Kāya-soceyyaɱ,||
vacī-soceyyaɱ,||
mano-soceyyaɱ.|| ||

Imāni kho bhikkhave tīṇi soceyyānīti.|| ||

Etam atthaɱ bhagavā avoca.|| ||

Tatth'etaɱ iti vuccati.|| ||

66.2. "Kāya-suciɱ vācā-suciɱ||
ceto-sucim-anāsavaɱ,||
[56]Suciɱ-soceyya-sampannaɱ||
āhu sabba-pahāyinan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 67

Moneyya Suttaɱ

[67.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīṇi-māni bhikkhave moneyyāni.|| ||

Katamāni tīṇi?|| ||

Kāyamoneyyaɱ,||
vacīmoneyyaɱ,||
mano-moneyyaɱ.|| ||

Imāni kho bhikkhave tīṇi moneyyānī ti.|| ||



Etam atthaɱ bhagavā avoca.|| ||

Tatth'etaɱ iti vuccati.|| ||

67.2. "Kāya-muniɱ||
vācā-muniɱ mano-munim-anāsavaɱ,||
Muniɱ-moneyya-sampannaɱ||
āhu niṇhātapāpakan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 68

Paṭhama Rāga Suttaɱ

[68.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Yassa kassaci bhikkhave rāgo appahīno.|| ||

Doṣo appahino moho appahīno,||
ayaɱ vuccati bhikkhave baddho mārassa,||
pamukkassa mārapāso,||
yathā-kāma-karaṇīyo ca pāpimato.|| ||

Yassa kassaci bhikkhave rāgo pahīno||
doso pahīno||
moho pahīno,||
ayaɱ vuccati bhikkhave abaddho mārassa,||
omukkassa mārapāso.|| ||

Na yathā-kāma-karaṇīyo pāpimato' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

[57] 68.2. "Yassa rāgo ca doso ca||
avijjā ca virājitā:||
taɱ bhāvitattaññataraɱ||
brahma-bhūtaɱ Tathāgataɱ||
Buddhaɱ verabhayātītaɱ||
āhu sabbappahāyinan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 69

Dutiya Rāga Suttaɱ

[69.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Yassa kassaci bhikkhave bhikkhussa vā bhikkhūniyā vā rāgo appahīno||
doso appahīno||
moho appahīno.|| ||

Ayaɱ vuccati bhikkhave na atari samuddaɱ saūmiɱ savīciɱsāvaṭṭaɱ sagahaɱ sarakkhasaɱ.|| ||

Yasasa kassaci bhikkhave bhikkhussa vā bhikkhunīyā vā rāgo pahīno||
doso pahīno||
moho pahīno,||
ayaɱ vuccati bhikkhave atarī samuddaɱ saūmiɱ savīciɱ sāvaṭṭaɱ sagahaɱ sarakkhasaɱ,||
tiṇṇo pāragato,||
thale tiṭṭhati brāhmaṇo' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

12.2. 'Yassa rāgo ca doso ca||
avijjā ca virājitā||
So'maɱ samuddaɱ sagahaɱ sarakkhasaɱ||
ūmibhayaɱ duttaram-accatārī||
[58] Saŋgātigo maccujaho nirūpadhi||
Pahāsi dukkhaɱ apuna-b-bhavāya,||
Atthaɱ gato so na samāṇam-eti,||
Amohayī maccurājan ti brūmī" ti.|| ||

Ayam pi attho vutto bhagavatā iti me sutan ti.|| ||

Dutiye Vaggo

 


Tatiya vaggo


 

Sutta 70

Micchā-Diṭṭhi Kamma-Samādāna Suttaɱ

[70.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Diṭṭhā mayā bhikkhave sattā kāya-du-c-caritena samannāgatā||
vacī-du-c-caritena samannāgatā||
mano-du-c-caritena samannāgatā,||
ariyānaɱ upavādakā,||
micchā-diṭṭhikā||
micchā-diṭṭhikam-masamādānā.|| ||

Te kāyassa bhedā param-maraṇā apāyaɱ duggatiɱ vunupātaɱ Nirayaɱ upapannā.|| ||

Taɱ kho pan'āhaɱ bhikkhave nāññassa samaṇassa vā brāhmaṇassa vā sutvā vadāmi.|| ||

Diṭṭhā mayā bhikkhave sattā kāya-du-c-caritena samannāgatā||
vacī-du-c-caritena saman- [59] nāgatā||
mano-du-c-caritena samannāgatā,||
ariyānaɱ upavādakā,||
micchā-diṭṭhikā micchā-diṭṭhi-kamma-samādānā.|| ||

Te kāyassa bhedā param-maraṇā apāyaɱ duggatiɱ vinipātaɱ Nirayaɱ upapannā.|| ||

Api ca bhikkhave yad eva sāmaɱ ñātaɱ sāmaɱ diṭṭhaɱ sāmaɱ viditaɱ tadevāhaɱ vadāmi.|| ||

Diṭṭhā mayā bhikkhave sattā kāya-du-c-caritena samannāgatā||
vacī-du-c-caritena samannāgatā||
mano-du-c-caritena samannāgatā,||
ariyānaɱ upavādakā,||
micchā-diṭṭhikā||
micchā-diṭṭhi-kamma-samādānā.|| ||

Te kāyassa bhedā param-maraṇā apāyaɱ duggatiɱ vinipātaɱ Nirayaɱ upapannā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

70.2. "Micchā manaɱ panidhāya||
micchā vācaɱ ca bhāsiya,||
Micchā kammāni katvāna||
kāyena idha puggalo.|| ||

Appassuto apuññakaro||
appasmiɱ idha jivite,||
Kāyassa bhedā duppañño||
Nirayaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 71

Sammā-Diṭṭhi-Kamma-Samādāna Suttaɱ

[71.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Diṭṭhā mayā bhikkhave sattā kāya-sucaritena samannāgatā||
vacī-sucaritena samannāgatā||
mano-su- [60] caritena samannāgatā,||
ariyānaɱ anupavādakā,||
sammā-diṭṭhi||
sammā-diṭṭhi-kamma-samādānā.|| ||

Te kāyassa bhedā param-maraṇā sugatiɱ saggaɱ lokaɱ upapannā.|| ||

Taɱ kho pan'āhaɱ bhikkhave nāññassa samaṇassa vā brāhmaṇassa vā sutvā vadāmi.|| ||

Diṭṭhā mayā bhikkhave sattā kāya-sucaritena samannāgatā,||
vaci-sucaritena samannāgatā,||
mano-sucaritena samannāgatā,||
ariyānaɱ anupavādakā sammā-diṭṭhikā||
sammā-diṭṭhi-kamma-samādānā.|| ||

Te kāyassa bhedā param-maraṇā sugatiɱ saggaɱ lokaɱ upapannā.|| ||

Api ca bhikkhave yad'eva sāmaɱ ñātaɱ sāmaɱ diṭṭhaɱ sāmaɱ viditaɱ tadevāhaɱ vadāmi.|| ||

Diṭṭhā mayā bhikkhave sattā kāya-sucaritena samannāgatā||
vacī-sucaritena samannāgatā||
mano-sucaritena samannāgatā,||
riyānaɱ anupavādakā,||
sammā-diṭṭhikā||
sammā-diṭṭhi-kamma-samādānā.|| ||

Te kāyassa bhedā param-maraṇā sugatiɱ saggaɱ lokaɱ upapannā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

71.2. "Sammā manaɱ panidhaya||
sammā vācaɱ abhāsiya,||
Sammā kammāni katvāna||
kāyena idha puggalo|| ||

Bahu-s-suto puññakaro||
appasmiɱ idha jivite,||
Kāyassa bhedā sappañño||
saggaɱ so upapajjatī" ti.|| ||

Ayam pi attho vutto bhagavatā iti me sutan ti.|| ||

 


[61]

Sutta 72

Nissaraṇiya Suttaɱ

[72.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

1. Tisso imā bhikkhave nissaraṇiyā dhātuyo. Katamā tisso? Kāmānametaɱ nissaraṇaɱ yad-idaɱ nekkhammaɱ. Rūpānametaɱ nissaraṇaɱ yad-idaɱ āruppaɱ. Yaɱ kho pana kiñci bhūtaɱ saŋkhataɱ paṭiccasamuppannaɱ, nirodho tassa nissaraṇaɱ. Imā kho bhikkhave tisso nissaraṇiyā dhātuye' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

72.2. "Kāma-nissaraṇaɱ ñatvā||
rūpānañ ca ati-k-kamaɱ||
Sabba-sankhāra-samathaɱ||
phusaɱ ātāpi sabbadā.|| ||

Sa ve sammaddaso bhikkhu||
yato tattha vumuccati||
Abhiññā vosito santo||
sa ve yogātigo munī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 73

Santatara Suttaɱ

[73.1][than] Vuttaɱ h'etaɱ bhagavatā vuttam-arahatā [62] ti me sutaɱ:|| ||

Rūpehi bhikkhave arūpā santatarā.|| ||

Arūpehi nirodho santataro ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

73.2. "Ye ca rūpūpagā sattā||
ye ca āruppaṭhāyino||
Nirodhaɱ appajānantā||
āgantāro puna-b-bhavaɱ.|| ||

Ye ca rūpe pariññāya||
arūpesu asaṇṭhitā.||
Nirodhe ye vimuccanti||
te janā maccūhāyino.|| ||

Kāyena amataɱ dhātuɱ||
phusayitvā nirūpadhiɱ,||
Upadhippaṭi-nissaggaɱ||
sacchi-katvā anāsavo,||
Deseti Sammā-SamBuddho||
asokaɱ virajaɱ padan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 74

Putta Suttaɱ

[74.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave puttā santo saŋvijja- [63] mānā lokasmiɱ.|| ||

Katame tayo?|| ||

Atajāto||
anujāto||
avajāto' ti.|| ||

Kathañ ca bhikkhave putto atijāto hoti?|| ||

Idha bhikkhave puttassa mātā-pitaro honti na Buddhaɱ saraṇaɱ gatā,||
na dhammaɱ saraṇaɱ gatā,||
na Saŋghaɱ saraṇaɱ gatā,||
pāṇāti-pātā appaṭiviratā,||
adinn'ādānā appaṭiviratā,||
kāmesu mucchācārā appaṭiviratā,||
musā-vādā appaṭiviratā,||
surā-mera-yamajja-pamādaṭṭhānā appaṭiviratā,||
du-s-sīlā pāpa-dhammā.|| ||

Putto ca nesaɱ hoti,||
Buddhaɱ saraṇaɱ gato,||
dhammaɱ saranaɱ gato,||
Saŋghaɱ saraṇaɱ gato,||
pāṇāti-pātā paṭivirato,||
adinn'ādānā paṭivirato,||
kāmesumucchācārā paṭivirato,||
musā-vādā paṭivarato,||
surā-mera-yamajja-pamādaṭṭhānā paṭivirato,||
sīlavā kalyaṇa-dhammo.|| ||

Evaɱ kho bhikkhave putto atijāto hoti.|| ||

Kathañ ca bhikkhave putto anujāto hoti?|| ||

Idha bhakkhave puttassa mātā-pitaro honti Buddhaɱ saraṇaɱ gatā,||
dhammaɱ saraṇaɱ gatā,||
Saŋghaɱ saraṇaɱ gatā,||
pāṇāti-pātā paṭiviratā,||
adinn'ādānā paṭiviratā,||
kāmesu mucchācārā paṭiviratā,||
musā-vādā paṭiviratā,||
surā-mera-yamajja-pamādaṭṭhānā paṭiviratā,||
sīlavanto kalyaṇadhammā.|| ||

Putto canesaɱ hoti Buddhaɱ saraṇaɱ gato,||
dhammaɱ saraṇaɱ gato,||
Saŋghaɱ saraṇaɱ gato,||
pāṇāti-pātā paṭivirato,||
adinn'ādānā paṭivirato,||
kāmesu mucchācārā paṭivirato,||
musā-vādā paṭivirato,||
surā-mera-yamajja-pamādaṭṭhānā paṭivirato,||
sīlavā kalyaṇa-dhammo.|| ||

Evaɱ kho bhikkhave putto anujāto hoti.|| ||

Kathañca bhikkhave putto avajāto hoti?|| ||

Idha bhikkhave puttassa mātā-pitaro honti Buddhaɱ saraṇaɱ gatā,||
dhammaɱ saraṇaɱ gatā,||
Saŋghaɱ saraṇaɱ gatā,||
pāṇāti-pātā paṭiviratā,||
adinn'ādānā paṭiviratā,||
kāmesu micchā-cārā paṭiviratā,||
musā-vādā paṭiviratā,||
surā-mera-yamajja-pamādaṭṭhānā paṭiviratā,||
sīlavanto kalyaṇa-dhammā.|| ||

Putto ca nesaɱ hoti na Buddhaɱ saraṇaɱ gato,||
na dhammaɱ saraṇaɱ gato,||
na Saŋghaɱ saraṇaɱ gato.|| ||

Pāṇāti-pātā appaṭivirato,||
adinn'ādānā appaṭivirato,||
kāmesu mic- [64] chācārā appaṭivirato,||
musā-vādā appaṭivirato,||
surā-mera-yamajja-pamādaṭṭhānā appaṭivirato,||
du-s-sīlo pāpa-dhammo.|| ||

Evaɱ kho bhikkhave putto avajāto hoti.|| ||

Ime kho bhikkhave tayo puttā santo saŋvijj'amānā lokasmin ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

74.2. "Atijātaɱ anujātaɱ||
puttam-icchanti paṇḍitā.||
Avajātaɱ na icchanti||
yo hoti kulagandhano.|| ||

Ete kho puttā lokasmiɱ||
ye bhavanti upāsakā,||
Saddhā sīlena sampannā||
vadaññū vītamaccharā,||
Cando abbhaghanā mutto||
parisāsu virovare" ti.|| ||

Ayam pi attho vutto bhagavatā iti me sutan ti.|| ||

 


 

Sutta 75

Vuṭṭhi Suttaɱ

[75.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave puggalā santo saŋvijj'amānā lokasmiɱ.|| ||

Katamo tayo?|| ||

Avuṭṭhikasamo||
padesavassī||
sabbatthābhivassī.|| ||

Kathañ ca bhikkhave puggalo avuṭṭhikasamo hoti?|| ||

Idha bhikkhave ekacco puggalo sabbesaññeva na dātā hoti,||
samaṇa-brāhmaṇa-kapaṇaddhīka vaṇibbaka yā cakānaɱ annaɱ pānaɱ vatthaɱ yānaɱ [65] mālā-gandha-vilepanaɱ seyyāvasatha-padīpeyyaɱ.|| ||

Evaɱ kho bhikkhave pūggalo||
Avuṭṭhikasamo hoti.|| ||

Kathañ ca bhikkhave puggalo padesavassī hoti?|| ||

Idha bhikkhave ekacco puggalo eka-c-cānaɱdātā hoti,||
eka-c-cānaɱ na dātā hoti samaṇa-brāhmaṇa-kapaṇaddhika vaṇibbaka yā cakānaɱ annaɱ pānaɱ vattha yānaɱ mālā-gandha-vilepanaɱ seyyāvasatha padīpeyyaɱ.|| ||

Evaɱ kho bhikkhave puggalo padesavassī hoti.|| ||

Kathañca bhikkhave puggalo sabbatthābhivassī hoti?|| ||

Idha bhikkhave ekacco puggalo sabbesañca deti samaṇa-brāhmaṇa kapaṇaddhikavaṇibbaka yā cakānaɱ annaɱ pānaɱ vattha yānaɱ mālā-gandha-vilepanaɱ seyyāvasatha padīpeyyaɱ.|| ||

Evaɱ kho bhikkhave puggalo sabbatthābhivassī hoti.|| ||

Ime kho bhikkhave tayo puggalā santo saŋvijj'amānā lokasmin ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

75.2. "Na samaṇe naɱ brahmaṇe||
na kapaṇiddhike na vanibbake,||
Laddhāna saɱvibhājeti||
[66] annaɱ pānañ ca bhojanaɱ||
Taɱ ve avuṭṭhikasamo' ti||
āhu naɱ purisā-dhamaɱ.|| ||

Ekaccānaɱ na dadāti||
eka-c-cānaɱ pavecchati.||
Taɱ ve padesavassīti||
āhu medhāvino janā.|| ||

Subhikkavāco puriso||
sabba-bhūtānukampako,||
āmodamāno pakireti||
detha dethā ti bhasati.|| ||

Yathā pi megho thanayitvā||
gajjayitvā pavassati.||
Thalaɱ ninnañ ca pūreti||
abhisandanto vārinā.||
Evam eva idh'ekacco||
puggalo hoti tādiso|| ||

Dhammena saɱharitvāna||
uṭṭhānādhigataɱ dhanaɱ||
[67] Tappeti annapānena||
sammā patte vaṇibbake" ti.|| ||

Ayam pi attho vutto bhagavatā iti me sutan ti.|| ||

 


 

Sutta 76

Sukha-Patthanā Suttaɱ

[76.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīni-māni bhikkhave sukhāni patthayamāno sīlaɱ rakkheyya paṇḍito.|| ||

Katamāni tīṇi?|| ||

'Pasaɱsā me āga-c-chatu' ti||
sīlaɱ rakkheyya paṇḍito,||
bhogā me uppajjantu' ti||
sīlaɱ rakkheyya paṇḍito,||
kāyassa bhedā param-maraṇā sugatiɱ saggaɱ lokaɱ upapajjissāmīti sīlaɱ rakkheyya paṇḍito.|| ||

Imāni kho bhikkhave tīṇi sukhāni patthayamāno sīlaɱ rakkheyya paṇḍito' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

76.2. "Sīlaɱ rakkheyya medhāvī||
patthayāno tayo sukhe,||
Passaɱ vittalābhañ ca||
pecca sagge pamodanaɱ.|| ||

Akaronto pi ce pāpaɱ||
karontam-upasevati,||
saɱkiyo hoti pāpasmiɱ||
avaṇṇo cassa rūhati.|| ||

Yādisaɱ kurute mittaɱ||
yādisaɱ cūpasevati,||
[68] Sa ve tādisako hoti||
sahavāso hi tādiso.|| ||

Sevamāno seva-mānaɱ||
samphūṭṭho samphūsaɱ paraɱ,||
Saro diddho kalāpaɱ va||
alittam-upalimpati,||
Upalepabhayā dhīro||
n'eva pāpasakhā siyā.|| ||

Pūtimacchaɱ kusaggena||
yo naro upanayhati,||
Kusā pi pūtī vāyanti||
evaɱ bālūpasevanā.|| ||

Tagarañ ca palāsena||
yo naro apanayhati,||
Pattā pi surabhi vāyanti||
evaɱ dhīrūpasevanā.|| ||

Tasmā pattapuṭasseva||
ñatvā sampātam-attano,||
Asante nupaseveyya||
[69] sante seveyya paṇḍito,||
santo Nirayaɱ nenti||
santo pāpenti suggatin" ti.|| ||

Ayam pi attho vutto bhagavatā iti me sutan ti.|| ||

 


 

Sutta 77

Bhidura Suttaɱ

[77.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Bhindantāyaɱ bhikkhave kāyo,||
viññāṇaɱ virāga-dhammaɱ,||
sabbe upadhi aniccā dukkhā vipariṇāma-dhammā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

77.2. "Kāyaɱ ca bhiduraɱ ñatvā||
viññāṇaɱ ca virāguṇaɱ||
Upadhīsu bhayaɱ disvā||
jāti-maraṇam-ajjhagā||
Saɱpatvā paramaɱ santiɱ||
kālaɱ kankhati bhāvitatto" ti.|| ||

Ayam pi attho vutto bhagavatā iti me sutan ti.|| ||

 


 

Sutta 78

Dhātu-Saɱsandana Suttaɱ

[78.1][than] Vuttaɱ h'etaɱ bhagavatā vuttam- [70] arahatā ti me sutaɱ:|| ||

Dhātuso bhikkhave sattā sattehi saddhiɱ saɱsandanti samenti.|| ||

Hīn-ā-dhimuttikā sattā hīn-ā-dhimuttikehi sattehi saddhiɱ saɱsandanti samenti.|| ||

Kalyāṇ-ā-dhimuttikā sattā kalyāṇ-ā-dhimuttikehi sattehi saddhi saɱsandanti samenti.|| ||

Atītam pi bhikkhave addhānaɱ dhātuso sattā sattehi saddhiɱ saɱsandiɱsu.|| ||

Samiɱsu.|| ||

Hīn-ā-dhimuttikā sattā hīn-ā-dhimuttikehi sathi seddhiɱ saɱsandiɱsu samiɱsu.|| ||

Kalyāṇ-ā-dhimuttikā sattā kalyāṇ-ā-dhimuttikehi sattehi saddhiɱ saɱsandiɱsu samiɱsu.|| ||

Anāgatam pi bhikkhave addhānaɱ dhātuso sattā sattehi saddhiɱ ssandissanti samissanti.|| ||

Hīn-ā-dhimuttikā sattā hīn-ā-dhimuttikehi sattehi saddhiɱ ssandissanti samissanti.|| ||

Kalyāṇādimuttikā sattā kalyāṇ-ā-dhimuttikehi sattehi saddhiɱ saɱsandissanti samissanti.|| ||

Etarahi pi bhikkhave paccuppannaɱ addhānaɱ dhātuso ca sattā sattehi saddhiɱ saɱsandanti, samenti.|| ||

Hīn-ā-dhimuttikā sattā hīn-ā-dhimuttikehi sattehi saddhiɱ saɱsandanti, samenti.|| ||

Kalyāṇ-ā-dhimuttikā sattā kalyāṇ-ā-dhimuttikehi sattehi saddhiɱ saɱsandanti,||
samentī' ti.|| ||

Etam atthaɱ bhagavā aveca.|| ||

Tatth'etaɱ iti vuccati:|| ||

78.2. "Saɱsaggā vanatho jāto||
asaŋsaggena chijjati,||
[71] Parittaɱ dārum-āruyha||
yathā sīde mahaṇṇave.||
Evaɱ kusitam-āgamma||
sādhujivī pi sīdati|| ||

Tasmā taɱ parivajjeyya||
kusītaɱ hīnavīriyaɱ.||
Pavicittehi ariyehi||
pahit'attehi jhāyibhi,||
Niccaɱ āraddha-viriyehi||
paṇḍitehi sahā vase" ti.|| ||

Ayam pi attho vutto bhagavatā iti me sutan ti.|| ||

 


 

Sutta 79

Moha Suttaɱ

[79.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave dhammāsekhassa bhikkhuno parihānāya saŋvattanti.|| ||

Katame tayo?|| ||

Idha bhikkhave sekho bhikkhu kamm'ārāmo hoti kamma-rato kamm'ārāmatam-anuyutto,||
bhasasārāmo hoti||
bhassa-rato bhass-ā-rāmatam-anuyutto,||
nidd-ā-rāmo hoti||
niddā-rato nidd-ā-rāmatam-anuyutto.|| ||

Ime kho bhikkhave tayo dhammāsekhassa bhikkuno parihānāya saŋvattanti.|| ||

Tayo-me bhikkhave dhammāsekhassa bikkhuno aparihānāya saŋvattanti.|| ||

Katame tayo?|| ||

Idha bhikkhave sekho bhikkhū na kamm'ārāmo hoti||
na kamma-rato||
na kamm'ārāmatam-anuyutto,||
na bhass'ārāmo hotī||
na bhassa-rato||
na bhass-ā-rāmatam-anuyutto,||
na nidd-ā-rāmo hoti||
[72] na niddā-rato||
na nidd-ā-rāmatam-anuyutto.|| ||

Ime kho bhikkhave tayo dhammāsekhassa bhikkhuno aparihānāya saŋvattanti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

79.2. "Kammārāmo bhassa-rato||
nidd-ā-rāmo ca uddhato,||
Abhabbo tādiso bhikkhu||
phuṭṭhuɱ sambodhim-uttamaɱ.|| ||

Tasmā hi appakicc'assa||
appamiddho anuddhato,||
Bhabbo so tādiso bhikkhū||
phuṭṭhuɱ sambodhim-uttaman" ti.|| ||

Ayam pi attho vutto bhagavatā iti me sutan ti.|| ||

Tatiyo Vaggo

 


Catuttho vaggo


 

Sutta 80

Vitakka Suttaɱ

[80.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave akusala-vitakkā.|| ||

Katame tayo?|| ||

Anavaññattipaṭisaɱyutto vitakko,||
lābha-sakkārasulokapaṭisaɱyutto vitakko,||
parānuddayatāpaṭisaɱyutto vitakko.|| ||

Ime kho bhikkhave tayo akusala-vitakkā' ti.|| ||

[73] Etam atthaɱ bhagavā avoca.|| ||

Tatth'etaɱ iti vuccati:|| ||

80.2. "Anavaññatti-saɱyutto||
lābha-sakkāra-gāravo,||
Sahanandi amaccehi||
ārā saŋyojanakkhayā.|| ||

Yo ca puttapasuɱ hitvā||
vivāhe saŋgahāni ca,||
Bhabbo so tādiso bhikkhu||
phuṭṭhuɱ sambodhim-uttaman" ti.|| ||

Ayam pi attho vutto bhagavatā iti me sutan ti.|| ||

 


 

Sutta 81

Sakkāra Suttaɱ

[81.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Diṭṭhā mayā bhikkhave sattā sakkārena abhibhūtā pariyādinna-cittā kāyassa bhedā param-maraṇā apāyaɱ duggatiɱ vinipātaɱ Nirayaɱ upapannā.|| ||

Diṭṭhā mayā bhikkhave sattā asakkārena abhibhūtā pariyādinna-cittā kāyassa bhedā param-maraā apāyaɱ duggatiɱ vinipātaɱ Nirayaɱ upapannā.|| ||

Diṭṭhā mayā bhikkhave sattā sakkārena ca asakkārena ca tadubhayena abhibhūtā pariyādinna-cittā kāyassa bhedā param-maraṇā apāyaɱ duggatiɱ [74] vinipātaɱ Nirayaɱ upapannā.|| ||

Taɱ kho pan'āhaɱ bhikkhave na aññassa samaṇassa vā brāmaṇassa vā sutva vadāmi:|| ||

Diṭṭhā mayā bhikkhave sattā sakkārena abhibhūtā pariyādinna-cittā kāyassa bhedā param-maraṇā apāyaɱ duggatiɱ vinipātaɱ Nirayaɱ upapannā.|| ||

Diṭṭhā mayā bhikkhave sattā asakkārena abhibhūtā pariyādinna-cittā kāyassa bhedā param-maraā apāyaɱ duggatiɱ vinipātaɱ Nirayaɱ upapannā.|| ||

Diṭṭhā mayā bhikkhave sattā sakkārena ca tadubhayena abhibhūtā pariyādinna-cittā kāyassa bhedā param-maraā apāyaɱ duggatiɱ vinipātaɱ Nirayaɱ upapannā.|| ||

Api ca bhikkhave yad eva me sāmaɱ ñātaɱ sāmaɱ diṭṭhaɱ sāmaɱ viditaɱ tadevāhaɱ vadāmi.|| ||

Diṭṭhā mayā bhikkhave sattā sakkārena abhibhūtā pariyādinna-cittā kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Diṭṭhā mayā bhikkhave sattā asakkārena abhibhūtā pariyādinna-cittā kāyassa bhedā parammaranā apāyaɱ duggatiɱ vinipātaɱ Nirayaɱ upapannā.|| ||

Diṭṭhā mayā bhikkhave sattā sakkārena ca asakkārenadu cabhayena abhibhūtā pariyādinna-cittā kāyassa bhedā param maraṇā apāyaɱ duggatiɱ vinipātaɱ Nirayaɱ upapannā.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

81.2. "Yassa sakkariyamānassa||
asakkārena cūbhayaɱ,||
Samādhi na vikampati||
appamāda vihārino.|| ||

Taɱ jhāyinaɱ sātatikaɱ||
[75] sukhumadiṭṭhi-vipassakaɱ,||
Upādānakkhayārāmaɱ||
āhu sappuriso itī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 82

Deva-Sadda Suttaɱ

[82.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave devase deva-saddā niccharanti samayā samayaɱ upādāya.|| ||

Katame tayo?.|| ||

Yasmiɱ bhikkhave samaye ariya-sāvako kesa-massuɱ ohāretvā kāsāyāni vatthāni accādetvā agārasmā anagāriyaɱ pabbajjāya ceteti.|| ||

Tasmiɱ samaye devesu deva-saddo niccharati:|| ||

'Eso ariya-sāvako mārena saddhiɱ saŋgāmāya cetetī' ti.|| ||

Ayaɱ bhikkhave paṭhamo devesu deva-saddo niccharati samayā samayaɱ upādāya.|| ||

Puna ca paraɱ bhikkhave yasmiɱ samaye ariya-sāvako sattannaɱ bodhi-pakkhiyānaɱ dhammānaɱ bhavanānuyogam-anuyutto viharati.|| ||

Tasmiɱ bhikkhave samaye devesu deva-saddo niccharati;|| ||

'Eso ariya-sāvako mārena saddhaɱ saŋgāmetī' ti.|| ||

Ayaɱ bhikkhave dutiyo devesu deva-saddɱo niccharati samayā samayaɱ upādāya.|| ||

Puna ca paraɱ bhikkhave yasmiɱ samaye ariya-sāvako āsavānaɱ khayā anāsavaɱ ceto-vimuttiɱ paññā-vimuttaɱ diṭṭhe'va dhamme sayaɱ abhiññāya sacchi-katvā apasampajja viharati.|| ||

Tasmiɱ bhikkhave samaye devesu deva-saddo niccharati:|| ||

"Eso ariya-sāvako vijita-saŋgāmo tam eva saŋgāmasīsaɱ abhivijiya ajjhāvasatī" ti.|| ||

Ayaɱ bhikkhave tatiyo devesu deva-saddo niccharati samayā samayaɱ upādāya.|| ||

Ime kho bhikkhave tayo devesu deva-saddā niccharanti samayā samayaɱ upādāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

[76] 82.2. "Disvā vijita-saŋgāmaɱ||
Sammā-Sambuddhasāvakaɱ,||
Devatā pi namassanti||
mahantaɱ vītasāradaɱ.|| ||

Namo te purisājañña,||
yo tvaɱ dujjayam-ajjhagā,||
Jetvāna maccuno senaɱ||
vimokkhena anāvaraɱ.|| ||

Iti h'etaɱ namassanti||
devatā pattamānasaɱ,||
Tañhi tassa namassanti||
yena maccuvasaɱ vaje" ti.|| ||

Ayam pi attho vutto bhagavatā iti me sutan ti.|| ||

 


 

Sutta 83

Pubba-Nimitta Suttaɱ

[83.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Yadā bhikkhave devo deva-kāyā cavana-dhammo hoti,||
pañcassa pubba-nimittāni pātu-bhavanti:||
mālā milāyanti,||
vatthāni kilissanti,||
kacchehi sedā muccanti,||
kāye dubbaṇṇiyaɱ okkamati,||
sake devo devāsane nābhiramatī' ti.|| ||

Tam enaɱ bhikkhave devā||
'cavana-dhammo ayaɱ deva-putto' ti||
iti viditvā tīhi vācāhi anumodanti:|| ||

"Ito bho sugatiɱ gaccha.|| ||

Sugatiɱ [77] gantvā su-laddha-lābhaɱ labha.|| ||

Suladdha-lābhaɱ labhitvā suppati-ṭ-ṭhito bhavāhī" ti.|| ||

Evaɱ vutte aññataro bhikkhū bhagavantaɱ etad avoca:|| ||

"Kiɱ nu kho bhante devānaɱ sugati-gamanasaŋkhātaɱ?|| ||

Kiñ ca bhante devānaɱ su-laddha-lābhasaŋkhātaɱ?|| ||

Kim pana bhante devānaɱ suppati-ṭ-ṭhitasaŋkhātan" ti?.|| ||

"Manussattaɱ kho bhikkhu devānaɱ sugati-gamana-saŋkhātaɱ.|| ||

Yaɱ manussa-bhūto samāno Tathāgata-p-pavedite Dhamma-Vinaye saddhaɱ paṭilabhati,||
idaɱ kho pana bhikkhave devānaɱ sujaddhalābha-saŋkhātaɱ.|| ||

Sā kho panassa saddhā niviṭṭhā hoti,||
mūlajātā patiṭṭhitā,||
daḷhā asaɱhāriyā samaṇena vā||
brāhmaṇena vā||
devena vā||
mārena vā||
brahmunā vā||
kena ci vā lokasmiɱ.|| ||

Idaɱ kho bhikkhave devānaɱ suppati-ṭ-ṭhita-saŋkhātan" ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

83.2. "Yadā devo deva-kāyā||
cavati āyusaŋkhayā,||
Tayo saddā nīccharanti||
devānaɱ anumodataɱ.|| ||

Ito ho sugatiɱ gaccha||
manussānaɱ saha-vyataɱ,||
Manussa-bhuto Sad'Dhamme||
labha saddhaɱ anuttaraɱ.|| ||

Sā te saddhā niviṭṭhassa||
mūla-jātā patiṭṭhitā,||
[78] Yāva-jīvaɱ asaɱhīrā||
Sad'Dhamme suppavedite.|| ||

Kāya-du-c-caritaɱ hitvā||
vacī-du-c-caritāni ca,||
Mano-du-c-caritaɱ hitvā||
yañ caññaɱ dosa-sañhitaɱ.|| ||

Kāyena kusalaɱ katvā||
vācāya kusalaɱ bahuɱ.||
Manasā kusalaɱ katvā||
appamāṇaɱ nirūpadhiɱ.|| ||

Tato opadhikaɱ puññaɱ||
katvā dānena taɱ pahuɱ,||
aññe pi macce Sad'Dhamme||
brahma-cariye nivesaya.|| ||

Imāya anukampāya||
devā devaɱ yadā vidū,||
Cavantaɱ anumodanti||
ehi deva puna-p-punan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 84

Bahujanahita Suttaɱ

[84.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave puggalā loke uppajjamānā uppajjanti bahu-janahitāya bahu-janasukhāya lokānukampāya atthāya hitāya sukhāya deva-manussānaɱ.|| ||

Katame tayo?|| ||

Idha bhikkhave Tathāgato loke uppajjati arahaɱ Sammā-SamBuddho,||
vijjā-caraṇa-sampanno Sugato lokavudū,||
[79] anuttaro purisa-damma-sārathi Satthā deva-manussānaɱ Buddho bhagavā.|| ||

So dhammaɱ deseti ādi-kalyāṇaɱ majjhe-kalyāṇaɱ pariyosāna-kalyāṇaɱ sātthaɱ sabyajjhanaɱ kevala-paripuṇṇaɱ parisuddhaɱ buhmacariyaɱ pakāseti.|| ||

Ayaɱ bhikkhave paṭhamo puggalo loke uppajjamāno uppajjati pahujanahitāya bahu-janasukhāya lokānukampāya atthāya hitāya sukhāya deva-manussānaɱ.|| ||

Puna ca paraɱ bhikkhave tass eva Satthu-sāvako arahaɱ hoti khīṇ'āsavo vusitavā kata-karaṇiya ohita-bhāro anuppattasadattho pari-k-khīṇa-bhava-saŋyojano sammadaññā vumutto.|| ||

So dhammaɱ deseti ādi-kalyāṇaɱ majjhe-kalyāṇaɱ pariyosāna-kalyāṇaɱ sātthaɱ sa-vyañjanaɱ kevala-paripuṇṇaɱ parisuddhaɱ Brahma-cariyaɱ pakāseti.|| ||

Ayaɱ bhikkhave dutiyo puggalo loke uppajjamāno uppajjati bahu-janahitāya bahu-janasukhāya lokānukampāya atthāya hitāya sukhāya deva-manussānaɱ.|| ||

Puna ca paraɱ bhikkhave tass eva Satthu-sāvako sekho hoti paṭipado pahussuto sīla-vatuppanno.|| ||

So pi dhammaɱ deseti ādi-kalyāṇaɱ majjhe-kalyāṇaɱ pariyosāna-kalyāṇaɱ sātthaɱ sa-vyañjanaɱ kevala-paripuṇṇaɱ parisuddhaɱ Brahma-cariyaɱ pakāseti.|| ||

Ayaɱ pi bhikkhave tatiyo puggalo loke uppajjamāno uppajjati bahu-janahitāya bahu-janasukhāya lokānukampāya atthāya hitāya sukāya deva-manussānan ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

84.2. "Satthā hi loke paṭhamo mahesī||
tass-anvayo sāvako bhāvitatto,||
[80] Athāparo pāṭipado pi sekho||
bahu-s-suto sīla-vat-upapanno.|| ||

Ete tayo deva-manussa-seṭṭhā||
pabhaŋ-karā dhammam-udīrayantā,||
Apāvuṇanti amatassa dvāraɱ||
yogā pamocenti bahu-janaɱ te.|| ||

Ye sattha-vāhena anuttarena||
sudesitaɱ Maggam-anukkamanti,||
Idh'eva dukkhassa karonti antaɱ||
ye appamattā Sugatassa sāsane" ti.|| ||

Ayam pi attho vutto bhagavatā iti me sutan ti.|| ||

 


 

Sutta 85

Asubhānupassī Suttaɱ

[85.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Asubhānupassī bhikkhave kāyasmiɱ viharatha.|| ||

ānāpāna-sati ca vo ajjhattaɱ parimukhaɱsūpaṭṭhitā hotu.|| ||

Sabbasankharesu aniccānupassino viharatha.|| ||

Asubhānupassīnaɱ bhikkhave kāyasmiɱ viharataɱ yo subhāya dhātuyā rāg-ā-nusayo so pahīyati.|| ||

ānāpāna-satiyā ajjhattaɱ parimukhaɱ sūpaṭṭhitāya ye [81] bāhirā vitakkāsayā vighāta-pakkhikā te na honti.|| ||

Sabba-saŋkhāresu anicc'ānupassīnaɱ viharataɱ yā avijjā sā pahīyati,||
yā vijja sā uppajjatī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

85.2. "Asubhānupassī kāyasmiɱ||
ānāpāne patissato,||
Sabba-sankhāra-samathaɱ||
passaɱ ātāpi sabbadā.|| ||

Sa ve sammaddaso bhikkhu||
yato tattha vimuccati.||
Abhiññāvosito santo||
sa ve yogātigo munī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 86

Dhammānudhamma-Paṭipanna Suttaɱ

[86.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dhammānudhamma-paṭipannassa bhikkuno ayam-anudhammo hoti,||
veyyā-karaṇāya dhamm-ā-nudhamma-paṭipanno'yan ti,||
bhāsa-māno dhammaññeva bhāsati no adhammaɱ.|| ||

Vitakkayamāno vā dhamma-vitakkaññeva vitakketi no adhamma-vitakkaɱ.|| ||

Tad-ubhayaɱ abhini-vajchetvā upekkhako viharati sato sampajāno' ti.|| ||

Etam attaɱ bhagavā avoca.|| ||

Tatth'etaɱ iti vuccati:|| ||

[82] 86.2. "Dhammārāmo dhamma-rato||
dhammaɱ anuvicintayaɱ,||
Dhammaɱ anussaraɱ bhikkhu||
Sad'Dhammā na paribhāyati.|| ||

Caraɱ vā yadi vā tiṭṭhaɱ||
nisinno uda vā sayaɱ.||
Ajjhattaɱ samayaɱ cittaɱ||
santim-evādhi-gacchatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 87

Andhakaraṇa Suttaɱ

[87.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave akusala-vitakkā andha-karaṇā acakkhu-karaṇā aññāṇa-karaṇā paññā-nirodhikā vighāta-pakkhikā aNibbāna-saŋvatta-nikā.|| ||

Katame tayo?.|| ||

Kāma-vitakko bhikkhave andha-karaṇo acakkhūkarano aññāṇa-karano paññā-nirodhiko vighāta-pakkhiko aNibbāna-saŋvatta-niko.|| ||

Vyāpāda-vitakko bhikkhave andha-karaṇo acakkhu-karaṇo aññāṇa-karaṇo paññā-nirodhiko vighāta-pakkhako aNibbāna-saŋvatta-niko.|| ||

Vihiɱsā-vitakko bhikkhave andha-karaṇo acakkhu-karaṇo aññāṇa-karano paññā-nirodhiko vighata-pakkhiko aNibbāna-saŋvatta-niko.|| ||

Ime kho bhikkhave tayo akusala-vitakkā andhakaraṇā acakkhu-karaṇā aññāṇa-karaṇā paññā-nirodikā vighata-pakkhikā aNibbāna-saŋvatta-nikā.|| ||

Tayo-me bhikkhave kusala-vitakkā anandha-karaṇā cakkhu-karaṇā ñāṇa-karaṇā paññā-vuddhikā avighata-pakkhikā Nibbāna-saŋvatta-nikā.|| ||

Katame tayo?|| ||

Nekkhamma-vitakko bhikkhave anandha-karaṇo cakkhūkaraṇo ñāṇa-karano paññā-vuddhiko avighata-pakkhiko Nibbāna-saŋvatta-niko.|| ||

Avyāpāda-vitakko bhikkhave anandha-karaṇo cakkha-karaṇo ñāṇa-karaṇo paññā-vuddhiko avighata-pakkhiko Nibbāna-saŋvatta-niko.|| ||

Avihiɱsā-vitakko bhikkhave anandha-karano cakkhu-karaṇo ñāṇa-karaṇo paññā-vuddhiko avighāta-pakk- [83] hiko Nibbāna-saŋvatta-niko.|| ||

Ime kho bhikkhave tayo kusala-vitakkā anandha-karanā cakkhuna-karaṇā ñāṇa-karaṇā paññā-vuddhikā avighāta-pakkhikā Nibbāna-saŋvatta-nikā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

87.2. "Tayo vitakke kusale vitakkaye||
Tayo pana akusale nirākare,||
Sa ve vitakkāni vicāritāni||
Sameti vuṭṭhiva rajaɱ samūhataɱ,||
Sa ve vitakak'ūpasamena cetasā||
Idh'eva so santipadaɱ samajjhagā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 88

Antara Mala Suttaɱ

[88.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave antarā malā||
antarā mittā||
antarā sapattā||
antarā vadhakā||
antarā paccatthikā.|| ||

Katame tayo?|| ||

Lobhā bhikkhave antarā malo||
antarā amitto||
antarā sapatto||
antarā vadhako||
antarā paccatthiko.|| ||

Doso bhikkhave antarā malo||
antarā amitto||
antarā sapatto||
antarā vadhako||
antarāpaccatthiko.|| ||

Moho bhikkhave antarā malo||
antarā amitto||
antarā sapatto||
antarā vadhako||
antarāpaccatthiko.|| ||

Ime kho bhikkhave tayo antarā malā||
antarā amittā||
antarā sapattā||
antarā vadhakā||
antarā paccatthikā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

88.2. "Anattha-janano lobho||
lobhā citta-pakopano,||
Bhayam-antarato jātaɱ||
taɱ jano nāva-bujjhati.|| ||

[84] Luddho atthaɱ na jānāti||
luddho dhammaɱ na passati,||
Andhaɱ tamaɱ tadā hoti||
yaɱ lobho sahate naraɱ.|| ||

Yo ca lobhaɱ pahatvāna||
lobhaneyye na lubbhati,||
Lobho pahīyate tamhā||
udabindū va pokkharā.|| ||

Anattha-janano doso||
doso citta-pakopano,||
Bhayam-antarato jātaɱ||
taɱ jano nāva-bujjhatī.|| ||

Duṭṭho atthaɱ na jānātī||
duṭṭho dhammaɱ na passati,||
Andhaɱ tamaɱ tadā hoti||
yaɱ doso sahate naraɱ.|| ||

Yo ca dosaɱ pahatvāna||
dosaneyye na dussati,||
Doso pahīyate tamhā||
tālapakkaɱ va bandhanā.|| ||

Anattha-janano moho||
citta-pakopano,||
Bhayam-antarato jātaɱ||
taɱ jano nāva-bujjhati.|| ||

Mūḷho atthaɱ na jānāti||
mūḷho dhammaɱ na passati,||
Andhaɱ tamaɱ tadā hoti||
yaɱ moho sahate naraɱ.|| ||

[85] Yo ca mohaɱ pahatvāna||
mohaneyye na muyhati,||
Mohaɱ vihanti so sabbaɱ||
ādicco v'udayaɱ taman" ti.|| ||

Ayam pi attho vutto bhagavatā iti me sutan ti.|| ||

 


 

Sutta 89

Devadatta Suttaɱ

[89.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tīhi bhikkhave asad'Dhammehi abhibhūto pariyādinna-citto Devadatto āpāyiko nerayiko kappaṭṭho atekiccho.|| ||

Katamehi tīhi?.|| ||

Pāpicchāya bhikkhave abhibhūto pariyādinna-citto Devadatto āpāyiko nerayiko kappaṭṭho atekiccho.|| ||

Pāpa-mittatāya bhikkhave abhibhūto pariyādinna-citto Devadatto āpāyiko nerayiko kappaṭṭho atekiccho.|| ||

Sati ko pana uttarīkaraṇiye oramatta-kena visesādhi-gamena antarā vosānaɱ āpādīti.|| ||

Imehi kho bhikkhave tīhi asad'Dhammehi abhibhūto pariyādinna-citto Devadatto āpāyiko nerayiko kappaṭṭho atekiccho ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

89.2. "Mā jātu koci lokasmiɱ||
pāpiccho upapajjatha,||
Tadaminā pi jānātha pāpicchānaɱ yathā gati.|| ||

[86] Paṇḍito ti samaññāto||
bhāvitatto ti sammato,||
Jalaɱ va yasasā aṭṭhā||
Devadatto ti me sutaɱ.|| ||

So pamāṇam-anuciṇṇo||
āpajja naɱ Tathāgataɱ,||
Avīci-Nirayaɱ patto||
catudvāraɱ bhayānakaɱ.|| ||

Aduṭṭhassa hi yo dubbhe||
pāpa-kammaɱ akubbato,||
Tam-eva pāpaɱ phūsati||
duṭṭha-cittaɱ anādaraɱ.|| ||

Samuddaɱ visakumbhena||
yo maññeyya padūsituɱ,||
Na so tena padūseyya||
tasmā hi uddhī mahā.|| ||

Evam-etam Tathāgataɱ||
yo vādena vihiɱsati,||
[87] SaMaggataɱ santa-cittaɱ||
vādo tamhi na rūhati.|| ||

Tādisaɱ mittaɱ kubbetha||
tañ ca seveyya paṇḍito,||
Yassa maggānugo bhikkhu||
khayaɱ dukkhassa pāpuṇe" ti.|| ||

Ayam pi attho vutto bhagavatā iti me sutan ti.|| ||

Catutthe Vaggo

 


Pañcamo vaggo


 

Sutta 90

Agga-p-pasāda Suttaɱ

[90.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave aggappasādā.|| ||

Katame tayo?|| ||

Yāvatā bhikkhave sattā apadā vā||
dīpadā vā||
catu-p-padā vā||
bahu-p-padā vā||
rūpino vāarūpino vā||
saññino vā asaññino vā||
n'eva-saññinā-saññino vā,||
Tathāgato tesaɱ aggam-akkhāyati yad-idaɱ arahaɱ [88] Sammā-SamBuddho.|| ||

Ye bhikkhave buddhe pasannā agge te pasannā.|| ||

Agge kho pana pasannānaɱ aggo vipāko hoti.|| ||

Yāvatā bhikkhave dhammā saŋkhatā vā asaŋkhatā vā virāgo tesaɱ aggam-akkhāyati yad-idaɱ madanim-madano pipāsa-vinayo ālaya-samugghāto vaṭṭu-pacchedo taṇha-k-khayo virāgo nirodho nibbāṇaɱ.|| ||

Ye bhikkhave virāge dhamme pasannā agge te pasannā.|| ||

Agge kho pana pasannānaɱ aggo vipāko hoti.|| ||

Yāvati bhikkhave saŋghā vā gaṇā va Tathāgata-sāvaka-saŋgho tesaɱ aggam-akkhāyati.|| ||

Yad-idaɱ cattāri purisa-yugāni aṭṭha-purisa-puggalā.|| ||

Esa bhagavato sāvaka-saŋgho āhuneyyo pāhuneyyo dakkhiṇeyyo añjali-karaṇīyo anuttaraɱ puñña-k-khettaɱ lokassa.|| ||

Ye bhikkhave saŋghe pasannā||
agge te pasannā||
agge kho pana pasannānaɱ||
aggo vipāko hoti.|| ||

Ime ko bhikkhave tayo aggappasādā' ti.|| ||

Etam atthaɱ bhagavā avecā.|| ||

Tatth'etaɱ iti vuccati:|| ||

90.2. "Aggato ve pasannānaɱ||
aggaɱ dhammaɱ vijānataɱ,||
Agge buddhe pasannānaɱ||
dakkhiṇeyye anuttare.|| ||

Agge dhamme pasannānaɱ||
virāgupasame sukhe,||
Agge saŋghe pasannānaɱ||
puñña-k-khette anuttare.|| ||

[89] Aggasmiɱ dānaɱ dadataɱ||
aggaɱ puññaɱ pavaḍḍhati,||
Aggaɱ āyu ca vaṇṇo ca||
yaso kitti sukaɱ balaɱ.|| ||

Aggassa dātā medhāvi agga-dhamma-samāhito,||
Devabhūto manusso vā||
aggappatto pamodatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 91

Jivikā Suttaɱ

[91.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Antam-idaɱ bhikkhave jivikānaɱ yad-idaɱ piṇḍolyaɱ,||
abhilāpāyaɱ bhikkhave lokasmiɱ piṇḍolo vicarasi pattapāṇīti.|| ||

Tañ ca ko etaɱ bhikkhave kula-puttā upenti attavasikā||
attavasaɱ paṭicca,||
neva rājābhinūtā||
na corābhinītā||
na iṇaṭṭhā||
na bhayaṭṭhā||
na ājivika pakatā.|| ||

Api ca kho otiṇṇamhā jātiyā jarāya maraṇena sokehi paridevehi dukkhehi domanassehi upāyāsehi dukkhābhikiṇṇā dukkha-paretā app'eva nāma imassa kevalassa dukkha-k-khandhassa antakiriyā paññāyethā ti.|| ||

Evaɱ pabba-jito cāyaɱ bhikkhave kula-putto [90] so ca hoti abhijjhālū kāmesu tibbasārāgo vyāpanna-citto paduṭṭhamana-saŋkappo muṭṭha-s-sati asampajāno asamāhito vibbhanta-citto pākat-indriyo.|| ||

Seyyathā pi bhikkhave chavālātaɱ ubhato padittaɱ majjhe gutha-gataɱ neva gāme kaṭṭhatthaɱ pharati na araññe,||
tath'ūpamāhaɱ bhikkhave imaɱ puggalaɱ vadāmi gihībhogā ca parihīno sāmaññ'atthañ ca na paripūretī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

91.2. "Gihībhogā ca parihīno||
sāmaññ'atthañ ca dubaŋgo,||
Paridhaɱsamāno pakireti||
chavālātaɱ va nassati.|| ||

[Kāsāvakaṇṭhā pahavo||
pāpa-dhammā asaññatā,||
Pāpā pāpehi kammehi||
Nirayaɱ te upapajjare.][ed1]
|| ||

Seyyo ayoguḷo bhutto||
tatto aggīsukhūpamo,||
Yañ ce bhuñjeyya du-s-sīlo||
raṭṭha-piṇḍaɱ asaññato" ti.|| ||

Ayam pi attho vutetā bhagavatā. Iti me sutan ti.|| ||

 


 

Sutta 92

Saŋghāṭikaṇṇa Suttaɱ

[92.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Saŋghāṭikaṇṇe ce pi bhikkhave bhik- [91] khave bhikkhu gahetvā piṭṭhito anubandho assa,||
pāde pādaɱ nikkhipanto.|| ||

So ca hoti abhijjhālū kāmesu tibbasārāgo vyāpanna-citto paduṭṭhamana-saɱkappo muṭṭha-s-sati asampajāno asamāhito vibbhanta-citto pākat'indriyo.|| ||

Atha kho so ārakā va mayhaɱ,||
ahaɱ ca tassa.|| ||

Taɱ kissa hetu?|| ||

Dhammaɱ hi so bhikkhave bhikkhu na passati dhammaɱ apassanto na maɱ passati.|| ||

Yojana-sate ce pi so bhikkhave bhikkhu vihareyya,||
so ca hoti anabhijjhālū kāmesu na tibbasārāgo avyāpanna-citto appaduṭṭhamana-saɱkappo upaṭṭhita-sati sampajāno amāhito ek'agga-citto saɱvut'indriyo.|| ||

Atha kho so santike va mayhaɱ ahaɱ ca tassa.|| ||

Taɱ kissa hetu?|| ||

Dhammaɱ hi so bhikkhave bhikkhū passati,||
dhammaɱ passanto maɱ passatī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

92.2. "Anubaddho pi ce assa||
mahiccho va vighātavā,||
Ejānugo anejassa||
nibbutassa anibbuto,||
Giddho so vītagedhassa||
passa yāvañ ca ārakā.|| ||

Yo ca dhammam-abhiññāya||
dhammam-aññāya paṇḍito,||
[92] Rahado va nivato ca||
anejo vūpasammati.|| ||

Anejo so anejassa||
nibbutassa ca nibbuto,||
Agiddho vītagedhassa||
passa yāvañ ca santike" ti.|| ||

Ayam pi attho vutto bhagavatā iti me sutan ti.|| ||

 


 

Sutta 93

Aggi Suttaɱ

[93.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tayo-me bhikkhave aggī.|| ||

Katame tayo?|| ||

Rāg'aggi||
dos'aggi||
moh'aggi.|| ||

Ime kho bhikkhave tayo aggī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

93.2. "Rāg'aggi dahati macce||
ratte kāmesu mucchite,||
Dosaggi pana vyāpanne||
nare pāṇānipātino.|| ||

Moh'aggi pana sammūḷhe||
ariya-dhamme akovide,||
Ete aggī ajānanti||
sakkāyābhiratā pajā.|| ||

Te vaḍḍhayanti Nirayaɱ||
tiracchānañ ca yoniyo,||
[93] Asuraɱ petti-visayañ ca||
amuttā Māra-bandhanā.|| ||

Ye ca rattiɱ divā yuttā||
Sammā-SamBuddha-sāsane,||
Te nibbāpenti rāg'aggiɱ||
niccaɱ asubha-saññino.|| ||

Dosaggiɱ pana mettāya||
nibbāpenti naruttamā,||
Mohaggiɱ pana paññāya||
yāyaɱ nibbedhagāminī.|| ||

Te nibbāpetvā nipakā||
rattin-divam-atanditā,||
Asesaɱ parinibbanti||
asesaɱ dukkham-accaguɱ.|| ||

Ariyaddasā vedaguno||
sammad-aññāya paṇḍitā.||
Jātikkhayam-abhiññāya||
nāga-c-chanti puna-b-bhavan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 94

Upaparikkha Suttaɱ

[94.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tathā tathā bhikkhave bhikkhū upa- [94] parikkheyya,||
yathā yathā upaparikkhāto bahiddhā cassa vīññāṇaɱ avikkhittaɱ hoti avisaṭaɱ,||
ajjhattaɱ asaṇṭhitaɱ anupādāya aparitassato āyatiɱ jāti-jarāma-raṇadukkha-samudaya-sambhavo na hotī ti.|| ||

[Pahiddhā cassa bhikkhave viññāṇe avikkhitte avisaṭe sati ajjhattaɱ asaṇṭhite anupādāya aparitassato āyatiɱ jāti jarā-maraṇa dukkha-samudaya-sambhavo na hotī' ti.][ed1]|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

94.2. "Satta-saŋga-pahīṇassa||
netticchinnassa bhikkhuno,||
Vikkhīṇo jāti-saɱsāro||
n'atthi tassa puna-b-bhavo" ti.|| ||

Ayam pi attho vutto bhagavatā iti me sutan ti.|| ||

 


 

Sutta 95

Kāmūpapatti Suttaɱ

[95.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Tisso imā bhikkhave kāmuppattiyo.|| ||

Katamā sisso?|| ||

Paccupaṭṭhitakāmā,||
nimmānaratino,||
paranimmita-vasavattino.|| ||

Imā kho bhikkhave tisso kāmuppattiyo' ti.|| ||

Etam atthaɱ bhagavā aveca.|| ||

Tatth'etaɱ iti vuccati:|| ||

95.2. "Paccupaṭṭhitakāmā ca||
ye devā vasavattino,||
Nimmāna-ratino devā||
ye c'aññe kāma-bhogino.|| ||

Ittha-bhāvañña-thābhāvaɱ||
[saɱsāraɱ nāti-vattare,||
Etamādīnavaɱ ñatvā]
[ed1]||
kāma-bhogesu paṇḍito,||
Sabbe pariccaje kāme||
ye dibbā ye ca mānusā.|| ||

[95] Piyarūpasātagadhitaɱ||
chetvā sotaɱ duraccayaɱ,||
Asseɱ parinibbanti||
asesaɱ dukkham-accaguɱ.|| ||

Ariyaddasā vedaguno||
sammad-aññāya paṇḍitā,||
Jātikkhayam-abhiññāya||
nāga-c-chanti puna-b-bhavan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 96

Kāma-Yoga Suttaɱ

[96.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Kāma-yoga-yutto bhikkhave bhava-yoga-yutto āgāmī hoti āgantā itthattaɱ.|| ||

Kāma-yoga-visaññūtto bhikkhave bhava-yoga-yutto Anāgāmī hoti anāgantā itthattaɱ.|| ||

Kāma-yoga-visaññūtto bhikkhave bhava-yoga-visaññutto arahaɱ hoti khīṇ'āsavo' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

96.2. "Kāma-yogena saɱyuttā||
bhava-yogena cūbhayaɱ,||
[96] Sattā gacchanti saɱsāraɱ||
jāti-maraṇa-gāmino.|| ||

Ye ca kāme pahātvāna||
appattā āsavakkhayaɱ,||
bhava-yogena saɱyuttā||
Anāgāmīti vuccare.|| ||

Ye ca kho chinnasaɱsayā||
khīṇamāna-puna-b-bhavā,||
Te ve pāraɱ gatā loke||
ye pattā āsavakkhayan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 97

Kalyāṇa-Sīla Suttaɱ

[97.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Kalyāṇa-sīlo bhikkhave bhikkhu kalyāṇa-dhammo kalyāṇa-pañño imasmiɱ Dhamma-Vinaye kevalī vūsitavā uttama-puriso' ti vuccati.|| ||

Kathañ ca bhikkhave bhikkhū kalyāṇa-sīlo hoti?|| ||

Idha bhikkhave bhikkhū sīlavā hoti||
Pātimokkha-saŋvara-saɱvuto viharati,||
ācāra-gocara-sampanno anumattesu vajjesu bhaya-dassāvī samādāya sikkhati sikkhā-padesu.|| ||

Evaɱ kho bhikkhave bhikkhū kalyāṇa-sīlo hoti.|| ||

Iti kalyāṇa-sīlo.|| ||

Kalyāṇa-dhammo ca kathaɱ hoti?|| ||

Idha bhikkhave bhikkhu sattannaɱ bodhi-pakkhiyānaɱ dhammānaɱ bhāvanānuyogam-anuyutto viharati.|| ||

Evaɱ kho bhikkhave bhikkhū kalyāṇa-dhammo hoti.|| ||

Iti kalyāṇa-sīlo kalyāṇa-dhammo.|| ||

Kalyāṇa-pañño ca kathaɱ [97] hoti?|| ||

Idha bhikkhave bhikkhū āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharati.|| ||

Evaɱ kho bhikkhave bhikkhu kalyāṇa-pañño hoti.|| ||

Iti kalyāṇa-sīlo kalyāṇa-dhammo kalyāṇa-pañño imasmiɱ Dhamma-Vinaye kevalī vusitavā uttama-puriso' ti vuccatī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

97.2. "Yassa kāyena vācāya||
manasā n'atthi dukkaṭaɱ,||
Taɱ ve kalyāṇa-sīlo' ti||
āhu bhikkhuɱ hirīm-ataɱ.|| ||

Yassa dhammā subhāvitā||
patta-sambodhigāmino,||
Taɱ ve kalyāṇa-dhammo' ti||
āhu bhikkhuɱ anussadaɱ.|| ||

Yo dukkhassa pajānāti||
idh eva khayam-attano,||
Taɱ ve kalyāṇa-pañño' ti||
āhu bhikkhuɱ anāsavaɱ.|| ||

Tehi dhammehi sampannaɱ||
anīghaɱ chinna-saɱsayaɱ,||
Asitaɱ sabba-lokassa||
āhu sabbappahāyinan" ti.|| ||

Ayam pi atthe vutto bhagavatā iti me sutan ti.|| ||

 


[98]

Sutta 98

Dāna Suttaɱ

[98.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dve'māni bhikkhave dānāni āmisa-dānañ ca dhamma-dānañ ca.|| ||

Etad-aggaɱ bhikkhave imesaɱ dvinnaɱ dānānaɱ yad-idaɱ dhamma-dānaɱ.|| ||

Dve-me bhikkhave saɱvibhāgā āmisa-saɱvibhāge ca damma-saɱvibhāgo ca.|| ||

Etad-aggaɱ bhikkhave imesaɱ dvinnaɱ saɱvibhāgānaɱ yad-idaɱ dhamma-saɱvibhāgo.|| ||

Dve-me bhikkhave anuggahā āmisānuggaho ca dhammānuggaho ca.|| ||

Etad-aggaɱ bhikkhave imesaɱ dvinnaɱ anuggahānaɱ yad-idaɱ dhammānuggaho ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

98.2. "Yam āhu dānaɱ paramaɱ anuttaraɱ||
Yaɱ saɱvibhāgaɱ bhagavā avaṇṇayī,||
Aggamhi khettamhī pasanna-citto||
Viññū pajānaɱ ko na yajetha kāle.|| ||

Ye c'eva bhāsanti suṇanti cūbhayaɱ||
Pasanna-cittā Sugatassa sāsane,||
Tesaɱ so attho paramo visujjhati||
Ye appamattā Sugatassa sāsane" ti.|| ||

Ayam pi attho vutto bhagavatā iti me sutan ti.|| ||

 


 

Sutta 99

Tevijja Suttaɱ

[99.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Dhammenāhaɱ bhikkhave tevijjaɱ brāhmaṇaɱ paññā-pemi,||
nāññaɱ lapita-lāpana-mattena.|| ||

Kathañ cahaɱ bhikkhave dhammena tevijjaɱ brāhmaṇaɱ paññā-pemi nāññaɱ lapita-lāpana-mattena?|| ||

Idha bhikkhave bhikkhū aneka-vihitaɱ pubbe-nivāsaɱ anussarati.|| ||

[99] Seyyath'īdaɱ:|| ||

Ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsam pi jātiyayo,||
tiɱsam pi jātiya,||
cattāḷisam pi jātiyo,||
paññāsam pi,||
jātiyo-jāti-satam pi,||
jāti-sahassam pi,||
jiti-sata-sahassam pi,||
aneke pi saɱvaṭṭa-kappe,||
aneke pi vivaṭṭa-kappe,||
aneke pi saɱvaṭṭa-vivaṭṭa-kappe,||
amutrāsaɱ evaɱ nāmo,||
evaɱ gotto,||
evaɱ vaṇṇo,||
evam āhāro,||
evaɱ sukha-dukkha-paṭisaɱvedi,||
evam āyupariyanto.|| ||

So tato cuto amutra upapādiɱ.|| ||

Tatrāpāsiɱ evaɱ nāmo,||
evaɱ gotto,||
evaɱ vaṇṇo,||
evam āhāro,||
evaɱ sukha-dukkha-paṭisaɱvedī,||
evam āyupariyanto.|| ||

So tato cuto idh'ūpapanno ti.|| ||

Itī sākāraɱ sauddesaɱ aneka-vihitaɱ pubbe-nivāsaɱ anussarati.|| ||

Ayam-assa paṭhamā vijjā adhigatā hoti,||
avijjā vihatā vijjā uppannā,||
tamo vihato āloko uppanno,||
yathā taɱ appamattassa ātāpino pahit'attassa viharato.|| ||

Puna ca paraɱ bhikkhave bhikkhu dibbena cakkhunā visuddhena atikkanta-mānusa-kena satte passati cavamāne upapajjamāne hīne paṇite suvaṇṇe dubbaṇṇe sugate duggate,||
yathā-kammūpage satte pajānāti:|| ||

Ime vata bhento sattā kāya-du-c-caritena samannāgatā,||
vacī-du-c-caritena samannāgatā,||
mano-du-c-caritena samannāgatā,||
ariyānaɱ upavādakā micchā-diṭṭhikā micchā-diṭṭhi-kamma-samādānā.|| ||

Te kāyassa bhedā param-maraṇā apāyaɱ duggatiɱ vinipātaɱ Nirayaɱ upapannā.|| ||

Ime vā pana bhonto sattā kāya-sucaritena samannāgatā vacī-sucaritena samannāgatā,||
mano-sucari- [100] tena samannāgatā,||
ariyānaɱ anupavādakā,||
sammā-diṭṭhikā sammā-diṭṭhi-kamma-samādānā.|| ||

Te kāyassa bhedā param-maraṇā sugatiɱ saggaɱ lokaɱ upapannā' ti.|| ||

Iti dibbena cakkhunā visuddhena atikkanta-mānusa-kena satte passati cavamāne upapajjamāne hīne paṇite suvaṇṇe dubbaṇṇe sugate duggate.|| ||

Yathā-kammūpage satte pajānāti.|| ||

Ayam-assa dutiyā vijjā adhigatā hoti,||
avijjā vihatā,||
vijjā uppannā,||
tamo vihato,||
āloko uppanno,||
yathā taɱ appamattassa ātāpino pahit'attassa viharato.|| ||

Puna ca paraɱ bhikkhave bhikkhu āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va-dhamme sayaɱ abhiññā sacchi-katvā upasampajja viharati.|| ||

Ayam-assa tatiyā vijjā adhigatā hoti,||
avijjā vihatā,||
vijjā uppannā,||
tamo vihato,||
āloko uppanno,||
yathā taɱ appamattassa ātāpino pahītattassa viharato.|| ||

Evaɱ kho ahaɱ bhikkhave dhammena tevijjaɱ brāhmanaɱ paññā-pemi nāññaɱ lapitalāpanamattenā' ti.|| ||

Etam atthaɱ bhagavā avoca.|| ||

Tattheta iti vuccati.|| ||

99.2. ["Pubbe-nivāsaɱ yo vedi||
saggāpāyañ ca brāhmaṇɱ,||
paññā-pemi na ca aññaɱ||
lapita-lāpana-mattena]|| ||

Pubbe-nivāsaɱ yo vedi||
saggāpāyañ ca passati||
Atha jātikkhayaɱ patto||
abhiññā vosito muni.|| ||

[101] Etāhi tīhi vijjāhi||
tevijjo hoti brāhmaṇo.||
Tam ahaɱ vadāmi tevijjaɱ||
nāññaɱ lapitalāpanan" ti.|| ||

Ayam pi attho vutto bhagavatā iti me sutan ti.|| ||

Pañcame Vaggo

Tikanipāto Niṭṭhito

 


Catukka Nipato


 

Sutta 100

Brāhmaṇa Suttaɱ

[100.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Aham-asmi bhikkhave brāhmaṇo yā cayogo sadā payata-pāṇī antimadehadharo anuttaro bhisakko salla-katto.|| ||

Tassa me tumhe puttā orasā mukhato jātā dhammajā dhamma-nimmitā dhamma-dāyādā no āmisa-dāyādā.|| ||

Dve'māni bhikkhave dānāni āmisa- [102] dānañ ca dhamma-dānañ ca.|| ||

Etad-aggaɱ bhikkhave imesaɱ dvinnaɱ dānānaɱ yad-idaɱ dhamma-dānaɱ.|| ||

Dve'me bhikkhave saɱvibhāgā āmisa-saɱvibhāgo ca dhamma-saɱvibhāgo ca.|| ||

Etad-aggaɱ bhikkhave imesaɱ dvinnaɱ saɱvibhāgānaɱ yad-idaɱ dhamma-saɱvibhāgo.|| ||

Dve'me bhikkhave anuggahā āmisānuggaho ca dhammānuggaho ca.|| ||

Etad-aggaɱ bhikkhave imesaɱ dvinnaɱ anuggahānaɱ yad-idaɱ dhammānuggaho.|| ||

Dve'me bhikkhave yāgā,||
āmisayāgo ca dhamma-yāgo ca.|| ||

Etad-aggaɱ bhikkhave imesaɱ dvinnaɱ yāgānaɱ yad-idaɱ dhamma-yāgoti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

100.2. "Yo dhamma-yāgaɱ ayaji amaccharī||
Tathāgato sabba-bhūtānukampī,||
Taɱ tādisaɱ deva-manussa-seṭṭhaɱ||
Sattā namassanti bhavassa pāragun" ti.|| ||

Ayam pi attho vutto bhagavatā iti me sutan ti.|| ||

 


 

Sutta 101

Caturanavajja Suttaɱ

[101.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Cattāri-māni bhikkhave appāni c'eva sulabhāni ca tāni ca anavajjāni.|| ||

Katamāni cattāri?|| ||

Paɱsukulaɱ bhikkhave cīvarānaɱ appañ ca sulabhañ ca tañ ca anavajjaɱ.|| ||

Piṇḍiyālopo bhikkhave bhojanānaɱ appañ ca sulabhañ ca tañ cā anavajjaɱ.|| ||

Rukkha-mūlaɱ bhik- [103] khave senāsānaɱ appañ ca sulabhañ ca tañ ca anavajjaɱ.|| ||

Pūtimuttaɱ bhikkhave bhesajjānaɱ appañ ca sulabhañ ca tañ ca anavajjaɱ.|| ||

Imāni kho bhikkhave cattāri appāni c'eva sulabhāni ca tāni ca anavajjāni.|| ||

Yato kho bhikkhave bhikkhu appena ca tuṭṭho hoti sulabhena ca.|| ||

Imassāhaɱ aññataraɱ sāmaññaŋgan ti vadāmī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

101.2. "Anavajjena tuṭṭhassa||
appena sulabhena ca,||
Na sen'āsanam-ārabbha||
cīvaraɱ pānabhojanaɱ,||
Vighāto hoti cittassa||
disā na-ppaṭihaññati.|| ||

Ye cassa dhammā akkhātā||
sāmaññassānulomikā,||
Adhiggahītā tuṭṭhassa||
appamattassa bhikkhuno" ti.|| ||

Ayam pi attho vutte bhagavatā iti me sutan ti.|| ||

 


 

Sutta 102

Āsavakkhaya Suttaɱ

[102.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Jānato'haɱ bhikkhave passato āsavānaɱ khayaɱ vadāmi,||
no ajānato apassato.|| ||

Kiñ ca bhikkhave jānato||
kiɱ passato||
āsavānaɱ khayo hoti?|| ||

Idaɱ dukkhan ti bhikkhave jānato passato āsavānaɱ [104] khayo hoti.|| ||

Ayaɱ dukkha-samudayo ti bhikkhave jānato passato āsavānaɱ khayo hoti.|| ||

Ayaɱ dukkha-nirodho ti bhikkhave jānato passato āsavānaɱ khayo hoti.|| ||

Ayaɱ dukkha-nirodha-gāminī paṭipadā' ti bhikkhave jānato passato āsavānaɱ khayo hoti.|| ||

Evaɱ kho bhikkhave jānato evaɱ passato āsavānaɱ khayo hotī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

102.2. "Sekhassa sukkha-mānassa||
uju-maggānusārino,||
Khayasmiɱ paṭhamaɱ ñāṇaɱ||
tato aññā anuttarā.|| ||

Tato aññā vumuttassa||
vimutti-ñāṇam-uttamaɱ,||
Uppajjati khaye ñāṇaɱ||
khīṇā saŋyojanā iti.|| ||

Na tvevidaɱ kusītena||
bālena-m avijānatā,||
Nibbānaɱ adhigantabbaɱ||
sabba-gantha-pamocanan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 103

Samaṇa-Brāhmaṇa Suttaɱ

[103.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Ye hi keci bhikkhāve samaṇā vā [105] brāhmaṇā vā idaɱ dukkhan-ti yathā-bhūtaɱ na-ppajānanti,||
ayaɱ dukkha-samudayo ti yathā-bhūtaɱ na-ppajānanti,||
ayaɱ dukkha-nirodho ti yathā-bhūtaɱ na-ppajānanti,||
ayaɱ dukkha-nirodha-gāminī paṭipadā ti yathā-bhūtaɱ na-ppajānanti,||
na te me bhikkhave samaṇā vā brāhmaṇā vā samaṇesu vā samaṇa-sammatā brāhmaṇesu vā brāhmaṇa-sammatā,||
na ca pan-ete āyasmanto sāmaññ'atthaɱ vā brahmaññ'atthaɱ vā diṭṭhe'va dhamme sayaɱ abhiññā sacchi-katvā upasampajja viharanti.|| ||

Ye ca kho keci samaṇā vā brāhmaṇā vā idaɱ dukkhan-ti yathā-bhūtaɱ pajānanti||
ayaɱ dukkha-samudayo ti yathā-bhūtaɱ pajānanti,||
ayaɱ dukkha-nirodho ti yathā-bhūtaɱ pajānanti,||
ayaɱ dukkha-nirodha-gāminī paṭipadā ti yathā-bhūtaɱ pajānanti.|| ||

Te kho'me bhikkhave samaṇā vā brāhmaṇā vā samaṇesu ce va samaṇa-sammatā brāhmaṇesu ca brāhmaṇa-sammatā.|| ||

Te ca pan-āyasmanto sāmaññ'atthañ ca buhmaññatthañ ca diṭṭhe'va dhamme sayaɱ abhiññā sacchi-katvā upasampajja viharantī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

[106] 103.2. "Ye dukkhaɱ na-ppajānanti||
atho dukkhassa-sambhavaɱ,||
Yattha ca sabbaso dukkhaɱ||
asesaɱ uparujjhati|| ||

Tañ ca Maggaɱ na jānanti||
dukkh'ūpasama-gāminaɱ||
ceto-vimuttihīnā te||
atho paññā-vimuttiyā,||
Abhabbā te antakiriyāya||
te ve jāti-jar'ūpagā|| ||

Ye ca dukkhaɱ pajānanti||
atho dukkhassa sambhavaɱ,||
Yattha ca sabbaso dukkhaɱ||
asseɱ uparujjhati|| ||

Tañ ca Maggaɱ pajānanti||
dukkh'ūpasama-gāminaɱ||
Ceto-vimutti-sampannā||
atho paññā-vimuttiyā,||
Bhabbā te antakiriyāya||
na te jāti-jar'ūpagā" ti.|| ||

Ayam pi attho vutto bhagavatā iti me sutan ti.|| ||

 


 

Sutta 104

Sīla-Sampanna Suttaɱ

[104.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Ye te bhikkhave bhikkhū sīla-sampannā [107] samādhi-sampannā paññā-sampannā vīmutti-sampannā vimutti-ñāṇa-dassana-sampannā ovādakā viññāpakā sandassakā samādapakā samuttejakā sampahaɱ-sakā alaɱ samakkhātāro Sad'Dhammassa.|| ||

Dassanam-pahaɱ bhikkhave tesaɱ bhikkhūnaɱ bahū-pakāraɱ vadāmi.|| ||

Savaṇam-pahaɱ bhikkhave tesaɱ bhikkhūnaɱ bahū-pakāraɱ vadāmi.|| ||

Upasaŋkamanam-pahaɱ bhikkhave tesaɱ bhikkhūnaɱ bahū-pakāraɱ vadāmi.|| ||

Payirupāsanam-pahaɱ bhikkhave tesaɱ bhikkhūnaɱ bahū-pakāraɱ vadāmi.|| ||

Anussaraṇam-pahaɱ bhikkhave tesaɱ bhikkhūnaɱ bahū-pakāraɱ vadāmi.|| ||

Anupabbajjam-pahaɱ bhikkhave tesaɱ bhikkhūnaɱ bahū-pakāraɱ vadāmu.|| ||

Taɱ kissa hetu?|| ||

Tathārūpe bhikkhave bhikkhū sevako bhajato payirupāsato aparipūro pi sīla-k-khandho bhāvanāpāripūriɱ gacchati.|| ||

Aparipūro pi samādhi-k-khandho bhāvanāpāripūriɱ gacchāti.|| ||

[108] Aparipūro pi paññā-k-khandho bhāvanāpāripūriɱ gacchati.|| ||

Aparipūro pi vimutti-khandho bhāvanāpāripūriɱ gacchati.|| ||

Aparipūro pi vumutti-ñāṇa-dassana-kkhandho bhāvanāpāripūriɱ gacchati.|| ||

Eva-rūpā ca te bhikkhave,||
bhikkhū Satthāro ti pi vuccanti,||
satthavāhā ti pi vuccanti,||
raṇañjahā ti pi vuccanti,||
tamonudā ti pi vuccanti,||
ālokakarā ti pi vuccanti,||
obhāsakarā ti pi vuccanti,||
pajjotakarā ti pi vuccanti,||
ukkādhārā ti pi vuccanti,||
pabhaŋkarā ti pi vuccanti,||
ariyā ti pi vuccanti,||
cakkhu-manto ti pi vuccantī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

104.2. "Pāmujja-karaṇanaɱ ṭhānaɱ||
evaɱ hoti vijānataɱ,||
Yad-idaɱ bhāvit'attānaɱ||
ariyānaɱ dhamma-jivinaɱ.|| ||

ṄTe jotayanti Sad'Dhammaɱ||
bhāsayanti pabhaŋkarā,||
ālokakaraṇā dhīrā||
cakkhu-manto raṇañjahā.|| ||

Yesaɱ ve sāsanaɱ sutvā||
sammad-aññāya paṇḍitā,||
[109] Jātikkhayam abhiññāya||
nāga-c-chanti puna-b-bhavan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 105

Taṇh'uppāda Suttaɱ

[105.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Cattāro'me bhikkhave tanh'uppādā yattha bhikkhuno tanhā uppajjamānā uppajjati.|| ||

Katame cattāro?.|| ||

Cīvara-hetu vā bhikkhave bhikkhuno taṇhā uppajjamānā uppajjati.|| ||

Piṇḍapāta-hetu vā bhikkhave bhikkhuno taṇhā uppajjamānā uppajjati.|| ||

Senāsana-hetu vā bhikkhave bhikkhuno taṇhā uppajjamānā uppajjati.|| ||

Iti-bhav-ā-bhava-hetu vā bhikkhave bhikkhuno taṇhā uppajjamānā uppajjati.|| ||

Ime kho bhikkhave cattāro taṇah'uppādā yattha bhikkhuno taṇhā uppajjamānā uppajjatīti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

105.2. "Taṇhā-dutiyo puriso||
dīgham-addhāna saɱsaraɱ,||
Ittham-bhāvaññathābhāvaɱ saɱsāraɱ nāti-vattati.|| ||

Evam-ādīnavaɱ ñatvā||
tanhaɱ dukkhassa sambhavaɱ,||
Vīta-taṇho ānādāno||
sato bhikkhu paribbaje" ti.|| ||

Ayam pi attho vutto bhagavatā iti me sutan ti.|| ||

 


 

Sutta 106

Sa-Brahmaka Suttaɱ

[106.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Sa-brahmakāni bhikkhave' tāni kulāni yesaɱ puttānaɱ mātā-pitaro ajjhāgāre pūjitā honti.|| ||

[110] Sa-pubba-devakāni bhikkhave,||
tāni kulāni yesaɱ puttānaɱ mātā-pitaro ajjhāgāre pūjitā honti,||
sa-pubbā-cariyakāni bhikkhave,||
tāni kulāni yesaɱ puttānaɱ mātā-pitaro ajjhāgāre pūjitā honti.|| ||

Sāhuneyyakāni bhikkhave,||
tāni kulāni yesaɱ puttānaɱ mātā-pitaro ajjhāgāre pūjitā honti.|| ||

'Brahmā' ti bhikkhave,||
mātā-pitunna etaɱ adhivacanaɱ.|| ||

'Pubba-devā' ti bhikkhave,||
mātā-pitunnaɱ etaɱ adhivacānaɱ.|| ||

'Pubbācariyā' ti bhikkhave,||
mātā-pitunnaɱ etaɱ adhivacanaɱ.|| ||

'āhuneyyā' ti bhikkhave,||
mātā-pitunnaɱ etaɱ adhivacanaɱ.|| ||

Taɱ kissa hetu?.|| ||

Bahūpakārā bhikkhave mātā-pitaro puttānaɱ āpādakā posakā imissa lokassa dassetāro' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

106.2. "Brahmā ti mātā-pitaro||
pubbā-cariyā ti vuccare,||
āhuneyyā ca puttānaɱ||
pajāya anukampakā.|| ||

Tasmā hi ne namasseyya||
sakkaheyyā ca paṇḍito,||
[111] Annena atho pānena||
vatthena sayanena ca,||
Ucchādanena na hāpanena||
pādānaɱ dhovanena ca.|| ||

Tāya naɱ pāricariyāya||
mātā-pitusu paṇḍitā,||
Idh'eva naɱ pasaɱ-santi||
pecca sagge ca medatī" ti.|| ||

Ayam pi attho vutto bhagavatā iti me sutan ti.|| ||

 


 

Sutta 107

Bahu-Kāra Suttaɱ

[107.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Bahū-kārā bhikkhave brāhmaṇa-gahapatikā tumhākaɱ,||
ye te pacc'upaṭṭhitā cīvara-piṇḍa-pāta-sen'āsana-gilāna-paccaya-bhesajja-parikkhārehi.|| ||

Tumhe pi bhikkhave bahū-pakārā brāhmaṇa-gahapatikānaɱ yaɱ nesaɱ dhammaɱ desetha ādi-kalyāṇaɱ majjhe-kalyāṇaɱ pariyesāna-kalyāṇaɱ,||
sātthaɱ sa-vyañjanaɱ kevala-paripuṇṇaɱ parisuddhaɱ Brahma-cariyaɱ pakāsetha.|| ||

Evam idaɱ bhikkhave aññam-aññaɱ nissāya Brahma-cariyaɱ vussati oghassa nittharaṇatthāya sammā dukkhassa antakiriyāyā' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

107.2. "Sā-gārā ana-gārā ca||
ubho aññoññanissitā,||
ārādhayanti Sad'Dhammaɱ||
yoga-k-khemaɱ-anuttaraɱ.|| ||

[112] Sā-gāresu ca cīvaraɱ||
paccayaɱ sayanāsanaɱ,||
Anāgārā paṭicchanti||
parissaya-vinodanaɱ.|| ||

Sugataɱ pana nissāya||
gahaṭṭhā gharam-esino,||
Saddahānā arahataɱ||
ariya-paññāya jhāyino.|| ||

Idha dhammaɱ caritvana||
Maggaɱ sugati-gāminaɱ,||
Nandino deva-lokasmiɱ||
modanti kāma-kāmino" ti.|| ||

Ayam pi attho vutto bhagavatā iti me sutan ti.|| ||

 


 

Sutta 108

Kuha Suttaɱ

[108.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Ye kecā bhikkhave bhikkhū kuhā thaddhā lapā siŋgī unnaḷā asamāhitā,||
na me te bhikkhave bhikkhū māmakā,||
apagatā ca te bhikkhave bhikkhū imasmā Dhamma-Vinayā.|| ||

Na ca te bhikkhave bhikkhū imasmiɱ [113] Dhamma-Vinaye vuddhiɱ virūḷhiɱ vepullaɱ āpajjanti.|| ||

Ye ca kho bhikkhave bhikkhū nikkuhā nillapā dhīrā atthaddhā susamāhitā,||
te kho me bhikkhave bhikkhū māmākā,||
anapagatā ca te bhikkhave bhikkhū imasmā Dhamma-Vinayā.|| ||

Te ca bhikkhave bhikkhū imasmiɱ Dhamma-Vinaye vuddhiɱ virūḷhiɱ vepullaɱ āpajjantī' ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

108.2. "Kuhā thaddhā lapā siŋgī||
unnaḷā asamāhitā,||
Na te dhamme virūhanti||
Sammā-Sambuddha desite.|| ||

Nikkuhā nillapā dhīrā||
atthaddhā susamāhitā,||
Te ve dhamme virūhanti||
Sammā-Sambuddha desite" ti.|| ||

Ayam pi atthe vutto bhagavatā iti me sutan ti.|| ||

 


 

Sutta 109

Purisa-Piya-Rūpa Suttaɱ

[109.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Seyyathā pi bhikkhave,||
puriso nadiyā [114] sotena ovuyheyya piyarūpa-sātarūpena.|| ||

Tam-enaɱ cakkhūmā puriso tīre ṭhito disvā evaɱ vadeyya:|| ||

"Kiñ cāpi kho tvaɱ ambho purisa nadiyā sotena ovuyhasi piyarūpa-sātarūpena.|| ||

Atthi cettha heṭṭhā rahado saūmī sāvaṭṭo sagaho sarakkhaso,||
yaɱ tvaɱ ambho purisa,||
pāpuṇitvā maraṇaɱ vā nigacchasi maraṇa-mattaɱ vā dukkhan" ti.|| ||

Atha kho so bhikkhave puriso tassa purisassa saddaɱ sutvā hatthehi ca pādehi ca paṭisotaɱ vāyameyya.|| ||

Upamā kho me ayaɱ bhikkhave katā atthassa viññāpanāya.|| ||

Ayaɱ cettha attho:|| ||

'Nadiyā soto' ti kho bhikkhave,||
taṇhāyetaɱ adhivacanaɱ.|| ||

'Piyarūpasātarūpan' ti kho bhikkhave channetaɱ ajjhattikānaɱ āyatanānaɱ adhivacanaɱ.|| ||

'Heṭṭhā rahado' ti kho bhikkhave,||
pañcannaɱ ora-m-bhāgiyānaɱ saŋyojanānaɱ adhivacanaɱ.|| ||

'Saummī' ti kho bhikkhave,||
kodhūpāyāsassetaɱ adhivacanaɱ.|| ||

'Sāvaṭṭo' ti kho bhikkhave,||
pañcannetaɱ kāma-guṇānaɱ adhivacanaɱ.|| ||

'Sagaho sarakkhaso' ti kho bhikkhave mātu-gāmassetaɱ adhivacanaɱ.|| ||

'Paṭisoto' [115] ti kho bhikkhave,||
nekkhammassetaɱ adhivacānaɱ hatthehi ca pādehi ca vāyāmo' ti kho bhikkhave,||
viriy'ārambhassetaɱ adhivacanaɱ.|| ||

'Cakkhumā puriso tīre ṭhito' ti kho bhikkhave,||
Tathāgatassetaɱ adhivacanaɱ arahato Sammā-Sambuddhassā ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

109.2. "Sahāpi dukkhena jaheyya kāme||
Yogakkhemaɱ āyati patthayāno||
Sammappajāno su-vimutta-citto||
Vimuttiyā phassaye tattha tattha|| ||

Sa vedagū vusita-brahma-cariyo||
Lokantagū pāragato' ti vuccatī" ti|| ||

Ayam pi attho vutto bhagavatā iti me sutan ti.|| ||

 


 

Sutta 110

Cara Suttaɱ

[110.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

Carato ce pi bhikkhave bhikkhuno uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū adhivāseti na pajahati||
na vinodeti||
na vyantī-karoti||
na anabhāvaɱ gameti,||
caram pi bhikkhave bhikkhū evaɱ bhūto anātāpī anot- [116] tappī satataɱ samitaɱ kusīto hīna-viriyo' ti vuccati.|| ||

Ṭhitassa ce pi bhikkhave bhikkhuno uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū adhivāseti na pajahati||
na vinodeti||
na byantīkahoti||
na anabhāvaɱ gameti,||
ṭhito pi bhikkhave bhikkhū evam bhūto anātāpī anottapī satataɱ samitaɱ kusīto hīna-viriyo' ti vuccati.|| ||

Nisinnassa ce pi bhikkhave bhikkhuno uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū adhivāseti na pajahati||
na vinodeti||
na byantīkahoti||
na anabhāvaɱ gameti,||
nisinno pi kho bhikkhave bhikkhū evam bhūto anātāpī anottapī satataɱ samitaɱ kusīto hīna-viriyo' ti vuccati.|| ||

Sayānasasa ce pi bhikkhave bhikkhuno jāgarassa uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū adhivāseti na pajahati||
na vinodeti||
na byantīkahoti||
na anabhāvaɱ gameti,||
sayāno pi bhikkhave bhikkhū jāgaro evamabhūto anātāpī anottapī satataɱ samitaɱ kusīto hīna-viriyo ti vuccati.|| ||

Carato ce pi bhikkhave bhikkhuno uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū nādhi-vāseti pajahati||
na vinodeti||
na byantīkahoti||
na anabhāvaɱ gameti,||
caram pi bhikkhave bhikkhū evaɱ bhūto ātāpī ottapī satataɱ samitaɱ āraddha-viriyo pahit'atto' ti vuccati.|| ||

Ṭhitasasa ce pi bhikkhave bhikkhuno uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū nādhi-vāseti pajahati vinodeti vyantī-karoti anabhāvaɱ gameti,||
ṭhito pi bhikkhave bhikkhū evam bhūto [117] ātāpī ottapī satataɱ samitaɱ āraddha-viriyo pahit'atto' ti vuccati.|| ||

Nisinnassa ce pi bhikkhave bhikkhuno uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū nādhi-vāseti pajahati vinodeti vyantī-karoti anabhāvaɱ gameti,||
nisinno pi bhikkhave bhikkhū evaɱ bhūto ātāpī ottapī satataɱ samitaɱ āraddha-viriyo pahit'atto' ti vuccati.|| ||

Sayānasasa ce pi bhikkhave bhikkhuno jāgarassa uppajjati kāma-vitakko vā||
vyāpāda-vitakko vā||
vihiɱsā-vitakko vā.|| ||

Tañ ce bhikkhave bhikkhū nādhi-vāseti pajahati vinodeti vyantī-karoti anabhāvaɱ gameti,||
sayāno pi bhikkhave bhikkhū jāgaro e vamabhūto ātāpī ottapī satataɱ samitaɱ āraddha-viriyo pahit'atto' ti vuccati.|| ||

Etam attha bhagavā avoca.|| ||

Tatth'etaɱ iti vuccati:|| ||

110.2. "Caraɱ vā yadi vā tiṭṭhaɱ||
nisinno uda vā sayaɱ,||
Yo vitakkaɱ vitakketi||
pāpakā gehanissitaɱ.|| ||

Kummaggaɱ paṭipanno so||
mohaneyyesu mucchito,||
Abhabbo tādiso bhikkhu||
phuṭṭhuɱ sambodhim-uttamaɱ.|| ||

Yo caraɱ vā yo tiṭṭhaɱ vā||
nisinno uda vā sayaɱ,||
Vitakkaɱ samayitvāna||
[118] vitakk'ūpasame rato,||
Bhabbo so tādiso bikkhū||
phuṭṭhuɱ sambodhim-uttaman" ti.|| ||

Ayam pi attho vutto bhagavatā iti me sutan ti.|| ||

 


 

Sutta 111

Sampanna-Sīla Suttaɱ

[111.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

111.2. Sampanna-sīlā bhikkhave viharatha,||
sampanna-Pātimokkhā.|| ||

Pākimokkha-saŋvara-saɱvutā viharatha,||
ācāra-gocara-sampannā anumattesu vajjesu bhaya-dassāvī,||
samādāya sikkhatha sikkhā-padesu.|| ||

Sampanna-sīlānaɱ bhikkhave viharataɱ,||
sampanna-Pātimokkhānaɱ Pātimokkha-saŋvara-saɱvutānaɱ viharataɱ,||
ācāra-gocara-sampannānaɱ anumattesu vajjesu bhaya-dassāvīnaɱ samādāya sikkhataɱ sikkhā-padesu,||
kiñ cassa bhikkhave uttari karaṇīyaɱ?|| ||

Carato ce pi bhikkhave bhikkhuno abhijjhā vigatā hoti,||
vyāpādo vigato hoti,||
thīna-middhaɱ vigataɱ hoti,||
ud- [119] dhacca-kukkuccaɱ vigataɱ hoti,||
vicikicchā pahīṇā hoti||
āraddhaɱ hoti viriyaɱ asallīnaɱ,||
upaṭṭhitā sati asammuṭṭhā,||
passaddho kāyo asāraddho,||
samāhitaɱ cittaɱ ek'aggaɱ,||
caram pi bhikkhave bhikkhū evam bhūto ātāpī ottapī satataɱ samitaɱ āraddha-viriyo pahit'atto' ti vuccati.|| ||

Ṭhitassa ce pi bhikkhave bhikkhuno abhijjhā vigatā hoti,||
vyāpādo vigato hoti,||
thīna-middhaɱ vigataɱ hoti,||
uddhacca-kukkuccaɱ vigataɱ hoti,||
vicikicchā pahīṇā hoti||
āraddhaɱ hoti viriyaɱ asallīnaɱ,||
upaṭṭhitā sati asammuṭṭhā,||
passaddho kāyo asāraddho,||
samāhitaɱ cittaɱ ek'aggaɱ,||
ṭhito pi bhikkhave bhikkhū evam bhūto ātāpī ottapī satataɱ samitaɱ āraddha-viriye pahit'atto' ti vuccati.|| ||

Nisinnassa ce pi bhikkhave bhikkhuno abhijjhā vigatā hoti,||
vyāpādo vigato hoti,||
thīna-middhaɱ vigataɱ hoti,||
uddhacca-kukkuccaɱ vigataɱ hoti,||
vicikicchā pahīṇā hoti||
āraddhaɱ hoti viriyaɱ asallīnaɱ,||
upaṭṭhitā sati asammuṭṭhā,||
passaddho kāyo asāraddho,||
samāhitaɱ cittaɱ ek'aggaɱ,||
nisinno pi bhikkhave bhikkhū evaɱ bhūto ātāpī ottapī satataɱ samitaɱ āraddha-viriye pahit'atto' ti vuccati.|| ||

Sayānassa [120] ce pi bhikkhave bhikkhuno abhijjhā vigatā hoti,||
vyāpādo vigato hoti,||
thīna-middhaɱ vigataɱ hoti,||
uddhacca-kukkuccaɱ vigataɱ hoti,||
vicikicchā pahīṇā hoti||
āraddhaɱ hoti viriyaɱ asallīnaɱ,||
upaṭṭhitā sati asammuṭṭhā,||
passaddho kāyo asāraddho,||
samāhitaɱ cittaɱ ek'aggaɱ,||
sayāno pi bhikkhave bhikkhū evam bhūto ātāpī ottapī satataɱ samitaɱ āraddha-viriye pahit'atto' ti vuccati.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

111.2. "Yataɱ care yataɱ tiṭṭhe||
yataɱ acche yataɱ saye,||
Yataɱ sammiñjaye bhikku||
yatam-enaɱ pasāraye.|| ||

Uddhaɱ tiriyaɱ apācīnaɱ||
yāvatā jagato gati,||
Samavekkhitā va dhammānaɱ||
khandhānaɱ udayabbayaɱ.|| ||

[121] Evaɱ vihārim-ātāpiɱ||
santa-vuttim-anuddhataɱ,||
Ceto-samatha-sāmīciɱ||
sikkhamānaɱ sadā sataɱ,||
Satataɱ pahit'atto ti||
āhu bhikhuɱ tathāvidhan" ti.|| ||

Ayam pi attho vutto bhagavatā iti me sutan ti.|| ||

 


 

Sutta 112

Lokā-Vabodha Suttaɱ

[112.1][than] Vuttaɱ h'etaɱ bhagavatā vuttam-arahatā ti me sutaɱ:|| ||

112.2. Loko bhikkhave Tathāgatena abhisambuddho.|| ||

Lokasmā Tathāgato visaññūtto:|| ||

Loka-samudayo bhikkhave Tathāgatena abisambuddho,||
loka-samudayo Tathāgatassa pahīno.|| ||

Loka-nirodho bhikkhave Tathāgatena abhisambuddho.|| ||

Loka-nirodho Tathāgatassa sacchi-kato.|| ||

Loka-nirodha-gāminī paṭipadā bhikkhave Tathāgatena abhisambuddhā.|| ||

Loka-nirodha-gāminī paṭipadā Tathāgatassa bhavitā.|| ||

Yaɱ bhikkhave sa-devakassa lokassa sa-mārakassa sa-brahmakassa,||
sa-s-samaṇa-brāhmaṇiyā pajāya sadeva-manussāya diṭṭhaɱ sutaɱ mutaɱ viññātaɱ pattaɱ pariyesitaɱ anuvicaritaɱ manasā,||
yasmā taɱ Tathāgatena abhisambuddhaɱ,||
tasmā Tathāgato' ti vuccati.|| ||

Yañ ca bhikkhave rattiɱ Tathāgato anuttaraɱ sammā-sambodhiɱ abhisambujjhati,||
yañ ca rattiɱ anupādisesāya Nibbāna-dhātuyā parinibbāyati,||
yaɱ etasmiɱ antare bhāsati [122] lapati niddisati,||
sabbaɱ taɱ tatheva hoti||
no aññathā||
'Tasmā Tathāgato' ti vuccati.|| ||

Yathāvādi bhikkhave Tathāgato tathākārī.|| ||

Yathākārī Tathāgato tathāvādī.|| ||

Iti yathā-vādī tathākārī,||
yathākārī tathāvādī||
'Tasmā Tathāgato' ti vuccati.|| ||

Sadevake bhikkhave loke sa-mārake sa-brahmake,||
sa-s-samaṇa-brāhmaṇiyā pajāya sadeva-manussāya Tathāgato Abhibhu anabhibhūto||
aññadatthudaso vasavattī||
'Tasmā Tathāgato' ti vuccatī ti.|| ||

Etam atthaɱ bhagavā avoca.|| ||

Tatth'etaɱ iti vuccati:|| ||

112.2. "Sabba-lokaɱ abiññāya||
sabba-loke yathā-tathaɱ,||
Sabba-loka-visaɱyutto||
sabba-loke anūpamo.|| ||

Sabbe sabbābhibhu dhīro||
sabba-ganthappamocano,||
Phuṭṭhassa paramā santi||
Nibbānaɱ akutohayaɱ.|| ||

[123] Esa khīṇ'āsavo Buddho||
anīgho chinna-saɱsayo,||
Sabba-kamma-k-khayaɱ patto||
vimutto upadhi-saŋkhaye.|| ||

Esa so bhagavā Buddho||
esa sīho anuttaro,||
Sa-devakassa lokassa||
brahma-cakkaɱ pavattayī.|| ||

Iti devā manussā ca||
ye Buddhaɱ saraṇaɱ gatā,||
Saɱgamma taɱ namassanti||
mahantaɱ vītasāradaɱ.|| ||

Danto damayataɱ seṭṭho||
santo samayataɱ isi,||
Mutto mocayataɱ aggo||
tiṇṇo tārayataɱ varo.|| ||

Iti h'etaɱ namassanti||
mahantaɱ vītasāradaɱ,||
Sadevakasmiɱ lokasmiɱ||
n'atthi te paṭipuggalo" ti.|| ||

Ayam pi attho vutto bhagavatā iti me sutan ti.|| ||

Catukka Nipāto Niṭṭhitoba

Itivutta Kapāḷi niṭṭhitā

 


[ed1] Not in PTS.


Contact:||
E-mail||
Copyright Statement|| ||