Khuddaka Nikaya


[Home]  [Sutta Indexes]  [Glossology]  [Site Sub-Sections]

Verse numbers are id's in the form of: v1, v10, v100, v1000. By appending #v~ to the end of the url for this page you can link to a specific verse. Example: */dhamma-vinaya/pali/kd/thag/thag.1-264.pali.bd.htm#v874

 


 

Thera-Gāthā

Adapted from the 1995 edition of the digital version of the Sri Lanka Buddha Jayanti Tripitaka Series

 


 

Namo tassa bhagavato arahato Sammā-Sam-Buddhassa

Nidānagāthā

Sīhānaɱ'va nadantānaɱ dāṭhīnaɱ girigabbhare||
Suṇātha bhāvit'attānaɱ gāthā attūpanāyikā|| ||

Yathānāmā yathāgottā yathā-dhamma-vihārino||
Yathādhimuttā sappaññā vihariɱsu atanditā|| ||

Tattha tattha vipassitvā phusitvā accutaɱ padaɱ||
Katantaɱ pacc-a-vekkhantā imamatthamabhāsisuɱ.|| ||

 

Ekakanipāto

#1
Subhūti Thero

 

[1] Channā me kuṭikā sukhā nivātā vassa deva yathā sukhaɱ||
Cittaɱ me susamāhitaɱ vimuttaɱ ātāpī viharāmi vassa devā' ti.|| ||

Itthaɱ sudaɱ āyasmā subhūtitthero gāthaɱ abhāsitthā' ti.|| ||

#2
Mahā Koṭṭhita Thero

[2] Upasanto uparato mantabhāṇī anuddhato||
Dhunāti pāpake dhamme dumapattaɱ va māluto' ti.|| ||

Itthaɱ sudaɱ āyasmā mahākoṭṭhito thero gāthaɱ abhāsitthā' ti.|| ||

 

#3
Kaŋkhārevata Thero

 

[3] Paññaɱ [2] imaɱ passa Tathāgatānaɱ||
Aggi yathā pajjalito nisīthe||
Ālokadā cakkhudadā bhavanti||
Ye āgatānaɱ vinayanti kaŋkhaɱ' ti.|| ||

Itthaɱ sudaɱ āyasmā kaŋkhārevato thero gāthaɱ abhāsitthā' ti.|| ||

 

#4
Puṇṇa Thero

 

[4] Sabbhi-r-eva samāsetha paṇḍitehatthadassibhi||
Atthaɱ mahantaɱ gambhiraɱ duddasaɱ nipuṇaɱ aṇuɱ||
Dhīrā samadhigacchanti appamattā vicakkhaṇā' ti.|| ||

Itthaɱ sudaɱ āyasmā puṇṇo mantāṇiputto thero gāthaɱ abhāsitthā' ti.|| ||

 

#5
Dabba Thero

 

[5] Yo duddamiyo damena danto dabbo sanTusito vitiṇṇakaŋkho||
Vijitāvī apetabheravo hi dabbo so parinibbuto ṭhitatto' ti.|| ||

Itthaɱ sudaɱ āyasmā dabbo thero gāthaɱ abhāsitthā' ti.|| ||

 

#6
Sītavaniya Thero

 

[6] Yo sītavanaɱ upāga bhikkhu eko sanTusito samāhitatto||
Vijitāvī apetalomahaɱso rakkhaɱ kāyagatāsatiɱ dhitīmā' ti.|| ||

Itthaɱ sudaɱ āyasmā sītavaniyo thero gāthaɱ abhāsitthā' ti.|| ||

 

#7
Bhalliya Thero

 

[7] Yopānudī maccurājassa senaɱ||
Naḷasetuɱ va sūdubbalaɱ mahogho||
Vijitāvī apetabheravo hi||
Danto so parinibbuto ṭhitatto' ti.|| ||

Itthaɱ sudaɱ āyasmā bhalliyo thero gāthaɱ abhāsitthā' ti.|| ||

 

#8
Vīra Thero

 

[8] Yo duddamiyo damena danto vīro sanTusito vitiṇṇakaɱkho||
Vijitāvī apetalomahaɱso vīro so parinibbuto ṭhitatto' ti.|| ||

Itthaɱ sudaɱ āyasmā vīro thero gāthaɱ abhāsittha' ti.|| ||

 

#9
Piḷindavaccha Thero

 

[9] Sā-gataɱ na durāgataɱ na-y-idaɱ dumantitaɱ mama||
Saɱvibhattesu dhammesu yaɱ seṭṭhaɱ tadupāgaminti.|| ||

Itthaɱ sudaɱ āyasmā piḷindavaccho thero gāthaɱ abhāsitthā' ti.|| ||

 

#10
Puṇṇamāsa Thero

 

[10] Vihari [3] apekkhaɱ idha vā huraɱ vā||
Yo vedagu samito yatatto||
Sabbesu dhammesu anūpalitto||
Lokassa dhaññā udayabbayaññā' ti.|| ||

Itthaɱ sudaɱ āyasmā puṇṇamāso thero gāthaɱ abhāsitthā' ti.|| ||

 

#11
Cūḷavaccha Thero

 

[11] Pāmojjabahulo1 bhikkhu dhamme buddhappavedite||
Adhigacche padaɱ santaɱ sankhārūpasamaɱ sukhanti.|| ||

Itthaɱ sudaɱ āyasmā cūḷavaccho thero gāthaɱ abhāsitthā' ti.|| ||

 

#12
Mahāvaccha Thero

 

[12] Paññābalī sīla-vatūpapanno||
Samāhito jhānarato satīmā||
Yadatthiyaɱ bhojanaɱ bhuñjamāno||
Kaŋkhetha kālaɱ idha vīta-rāgo'ti.||
Itthaɱ sudaɱ āyasmā mahāvaccho3 thero gāthaɱ abhāsitthā' ti.|| ||

 

#13
Vanavaccha Thero

 

[13] Nīlabbhavaṇṇā rucirā sītavārī sucindharā||
Indagopakasañchannā te selā ramayanti man' ti.|| ||

Itthaɱ sudaɱ āyasmā vanavaccho thero gāthaɱ abhāsitthā' ti.|| ||

 

#14
Vanavacchatthera

 

[14] Upajjhāyo maɱ avaca4 ito gacchāma sīvaka||
Gāme me vasati kāyo araññaɱ me gato mano||
Semānako pi gacchāmi n'atthi saŋgo vijānatan' ti.|| ||

Itthaɱ sudaɱ āyasmato vanavacchassa therassa sāmaṇero gāthaɱ abhāsitthā' ti.|| ||

 

#15
Kuṇḍadhāna Thero

 

[15] Pañca chinde pañca jahe pañca cuttari bhāvaye||
Pañcasaŋgātigo bhikkhu oghatiṇṇo' ti vuccatī' ti.|| ||

Itthaɱ sudaɱ āyasmā kuṇḍadhāno thero gāthaɱ abhāsitthā' ti.|| ||

 

#16
Bellaṭṭhisīsa Thero

 

[16] Yathā pi bhaddo ājañño naŋgalāvattanī sikhī||
Gacchati appakasirena evaɱ rattin-divā mama||
Gacchati appakasirena sukhe laddhe nirāmise' ti.|| ||

Itthaɱ sudaɱ āyasmā bellaṭṭhisīso thero gāthaɱ abhāsitthā' ti.|| ||

 

#17
Dāsaka Thero

 

[17] Middhi [4] yadā hoti mahagghaso ca||
Niddāyitā samparivattasāyī||
Mahāvarāho'va nivāpapuṭṭho||
Punappunaɱ gabbhamupeti mando' ti.|| ||

Itthaɱ sudaɱ āyasmā dāsako thero gāthaɱ abhāsitthā' ti.|| ||

 

#18
Sigālapitu Thero

 

[18] Ahu Buddhassa dāyādo bhikkhu bhesakalāvane||
Kevalaɱ aṭṭhikasaññāya apharī paṭhaviɱ imaɱ||
Maññe'haɱ kāma-rāgaɱ so khippameva pahissatī ti.|| ||

Itthaɱ sudaɱ āyasmā sigālapitā2 thero gāthaɱ abhāsitthā' ti.|| ||

 

#19
Kuṇḍala Thero

 

[19] Udakaɱ hi nayanti nettikā usukāro namayanti tejanaɱ||
Dāruɱ namayanti tacchakā attānaɱ damayanti subbatā' ti.|| ||

Itthaɱ sudaɱ āyasmā kuṇḍalo thero gāthaɱ abhāsitthā' ti.|| ||

 

#20
Ajita Thero

 

[20] Maraṇe me bhayaɱ n'atthi nikanti n'atthi jīvite||
Sandehaɱ nikkhipissāmi sampajāno patissato' ti.|| ||

Itthaɱ sudaɱ āyasmā ajito thero gāthaɱ abhāsitthā' ti.|| ||

 

#21
Nigrodha Thero

 

[21] Nāhaɱ bhayassa bhāyāmi Satthā no amatassa kovido||
Yattha bhayaɱ nāvatiṭṭhati tena maggena vajanti bhikkhavo' ti.|| ||

Itthaɱ sudaɱ āyasmā nigrodho thero gāthaɱ abhāsitthā' ti.|| ||

 

#22
Cittaka Thero

 

[22] Nīlā sugīvā sikhino morā kāraɱciyaɱ abhinadanti.||
Te sītavātakadditakalitā suttaɱ jhāyaɱ nibodhentī' ti.|| ||

Itthaɱ sudaɱ āyasmā cittako thero gāthaɱ abhāsitthā' ti.|| ||

 

#23
Gosāla Thero

 

[23] Ahaɱ [5] kho veegumbasmiɱ bhutvāna madhupāyasaɱ||
Padakkhiṇaɱ sammasanto khandhānaɱ udayabbayaɱ||
Sānuɱ paṭigamissāmi vivekamanubrūhayanti.|| ||

Itthaɱ sudaɱ āyasmā gosālo thero gāthaɱ abhāsitthā' ti.|| ||

 

#24
Sugandha Thero

 

[24] Anuvassiko pabba-jito passa dhammasudhammataɱ||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā sugandho thero gāthaɱ abhāsitthā' ti.|| ||

 

#25
Nandiya Thero

 

[25] Obhāsajātaɱ phalagaɱ cittaɱ yassa abhiṇhaso||
Tādisaɱ bhikkhumāsajja kaṇha dukkhaɱ nigacchasī' ti.|| ||

Itthaɱ sudaɱ āyasmā nandiyo thero gāthaɱ abhāsitthā' ti.|| ||

 

#26
Ubhaya Thero

 

[26] Sutvā su-bhāsitaɱ vācaɱ buddhassādiccabandhuno||
Paccavyadhiɱ hi nipuṇaɱ vālaggaɱ usunā yathā' ti.|| ||

Itthaɱ sudaɱ āyasmā ubhayo thero gāthaɱ abhāsitthā' ti.|| ||

 

#27
Lomasakaŋgiya Thero

 

[27] Dabbaɱ kusaɱ poṭakilaɱ usīraɱ muñjababbajaɱ||
Urasā panudissāmi vivekamanubrūhayan' ti.|| ||

Itthaɱ sudaɱ āyasmā lomasakaŋgiyo thero gāthaɱ abhāsitthā' ti.|| ||

 

#28
Jambugāmika Thero

 

[28] Kacci no vatthapasuto kacci no bhūsanārato||
Kacci sīlamayaɱ gandhaɱ kiɱ tvaɱ vāyasi netarā pajā' ti.|| ||

Itthaɱ sudaɱ āyasmā jambugāmikaputto thero gāthaɱ abhāsitthā' ti.|| ||

 

#29
Hārita Thero

 

[29] Samunnamayamattānaɱ usukāro'va tejanaɱ||
Cittaɱ ujuɱ karitvāna avijjaɱ bhinda hāritā' ti.|| ||

Itthaɱ sudaɱ āyasmā hārito thero gāthaɱ abhāsitthā' ti.|| ||

 

#30
Uttiya Thero

 

[30] Ābādhe me samuppanne sati me upapajjatha||
Ābādho me samuppanno kālo me nappamajjitunti.|| ||

Itthaɱ sudaɱ āyasmā uttiyo thero gāthaɱ abhāsitthā' ti.|| ||

 

#31
Gabbharatīriya Thero

 

[31] Phuṭṭho [6] ḍaɱsehi makasehi araññasmiɱ brahāvane||
Nāgo saŋgāmasīseva sato tatrādhivāsaye' ti.|| ||

Itthaɱ sudaɱ āyasmā gabbharatīriyo thero gāthaɱ abhāsitthā' ti.|| ||

 

#32
Suppiya Thero

 

[32] Ajaraɱ jiramānena tappamānena nibbutiɱ||
Nimmisaɱ paramaɱ santiɱ yoga-k-khemaɱ anuttaran' ti.|| ||

Itthaɱ sudaɱ āyasmā suppiyo thero gāthaɱ abhāsitthā' ti.|| ||

 

#33
Sopāka Thero

 

[33] Yathāpi eka-puttasmiɱ piyasmiɱ kusalī siyā||
Evaɱ sabbesu pānesu sabbattha kusalo siyā' ti.|| ||

Itthaɱ sudaɱ āyasmā sopāko thero gāthaɱ abhāsitthā' ti.|| ||

 

#34
Posiya Thero

 

[34] Anāsannavarā etā niccameva vījānatā||
Gāmā araññamāgamma tato gehaɱ upāvisiɱ||
Tato uṭṭhāya pakkamiɱ anāmantiya1 posiyo' ti.|| ||

Itthaɱ sudaɱ āyasmā posiyo thero gāthaɱ abhāsitthā' ti.|| ||

 

#35
Sāmaññakāni Thero

 

[35] Sukhaɱ sukhattho labhate tadācaraɱ||
Kittiɱ ca pappoti yasassa vaḍḍhati||
Yo ariyamaṭṭhaŋgikamañjasaɱ ujuɱ||
Bhāveti Maggaɱ amatassa pattiyā' ti.|| ||

Itthaɱ sudaɱ āyasmā sāmaññakānitthero gāthaɱ abhāsitthā' ti.|| ||

 

#36
Kumāraputta Thero

 

[36] Sādhu sutaɱ sādhu caritakaɱ||
Sādhu sadā aniketavihāro||
Atthapucchanaɱ padakkhiṇakammaɱ||
Etaɱ sāmaññamakiñcanassā' ti.|| ||

Itthaɱ sudaɱ āyasmā kumāraputto thero gāthaɱ abhāsitthā' ti.|| ||

 

#37
Kumāraputtasahāyaka Thero

 

[37] Nānājana-padaɱ yanti vicaranto asaññatā||
Samādhiɱ ca virodhenti kiɱ su raṭṭhacariyā karissati||
Tasmā vineyya sārambhaɱ jhāyeyya apurakkhato' ti.|| ||

Itthaɱ sudaɱ āyasmā kumāraputtattherassa sahāyakā thero gāthaɱ abhāsitthā' ti.|| ||

 

#38
Gavampati Thero

 

[38] Yo iddhiyā sarabhuɱ1 aṭṭhapesi||
So gavampati asito anejo||
Taɱ sabbasaŋgātigataɱ mahāmuniɱ||
Devā namassanti bhavassa pāragun' ti.|| ||

Itthaɱ sudaɱ āyasmā gavampatitthero gāthaɱ abhāsitthā' ti.|| ||

 

#39
Tissa Thero

 

[39] Sattiyā viya omaṭṭho ḍayha-māno'va matthake||
Kāmarāga-p-pahānāya sato bhikkhu paribbaje' ti.|| ||

Itthaɱ sudaɱ āyasmā tisso thero gāthaɱ abhāsitthā' ti.|| ||

 

#40
Vaḍḍhamāna Thero

 

[40] Sattiyā [7] viya omaṭṭho ḍayha-māno'va matthake||
Bhava-rāga-p-pahānāya sato bhikkhu paribbaje' ti.|| ||

Itthaɱ sudaɱ āyasmā vaḍḍha-māno thero gāthaɱ abhāsitthā' ti.|| ||

 

#41
Sirivaḍḍha Thero

 

[41] Vivaramanupatanti vijjutā vebhārassa ca paṇḍavassa ca||
Nagavivaragato ca jhāyati putto appaṭimassa tādino' ti.|| ||

Itthaɱ sudaɱ āyasmā sirivaḍḍho thero gāthaɱ abhāsitthā' ti.|| ||

 

#42
Khadiravaniyarevata Thero

 

[42] Cāle upacāle sīsūpacāle||
Patissatā nu kho viharatha||
Āgato vo vālaɱ viya vedhī' ti.|| ||

Itthaɱ sudaɱ āyasmā khadiravaniyo revato thero gāthaɱ abhāsitthā' ti.|| ||

 

#43
Sumaŋgala Thero

 

[43] Sumuttiko sumuttiko sāhu sumuttikomhi tīhi khujjakehi||
Asitāsu mayā naŋgalāsu mayā kuddālāsu1 mayā||
Yadi pi idham-eva idham-eva atha vā pi alameva alameva||
Jhāya sumaŋgala jhāya sumaŋgala appamatto vihara sumaŋgalā' ti.|| ||

Itthaɱ sudaɱ āyasmā sumaŋgalo thero gāthaɱ abhāsitthā' ti.|| ||

 

#44
Sānu Thero

 

[44] Mataɱ vā amma rodanti yo vā jīvaɱ na dissati||
Jīvantaɱ maɱ amma passantī kasmā maɱ amma rodasī' ti.|| ||

Itthaɱ sudaɱ āyasmā sānutthero gāthaɱ abhāsitthā' ti.|| ||

 

#45
Ramaṇīyavihāri Thero

 

[45] Yathāpi bhaddo ājañño khalitvā patitiṭṭhati||
Evaɱ dassana-sampannaɱ Sammā-Sam-Buddha-sāvakanti.|| ||

Itthaɱ sudaɱ āyasmā ramaṇīyavihāritthero gāthaɱ abhāsitthā' ti.|| ||

 

#46
Samiddhi Thero

 

[46] Saddhāyāhaɱ pabba-jito agārasmānagāriyaɱ||
Sati paññā ca me vuddhā cittaɱ ca susamāhitaɱ||
Kāmaɱ karassu rūpāni n'eva maɱ bādhayissasī' ti.|| ||

Itthaɱ sudaɱ āyasmā samiddhitthero gāthaɱ abhāsitthā' ti.|| ||

 

#47
Ujjaya Thero

 

[47] Namo [8] te buddhavīratthu vippamuttosi sabbadhi||
Tuyhāpadāne viharaɱ viharāmi anāsavo' ti.|| ||

Itthaɱ sudaɱ āyasmā ujjayo thero gāthaɱ abhāsitthā' ti.|| ||

 

#48
Sañjaya Thero

 

[48] Yato ahaɱ pabba-jito agārasmānagāriyaɱ||
Nābhijānāmi saŋkappaɱ anariyaɱ dosasaɱhitan' ti.|| ||

Itthaɱ sudaɱ āyasmā sañjayo thero gāthaɱ abhāsitthā' ti.|| ||

 

#49
Rāmaṇeyyaka Thero

 

[49] Vihavihābhinadite sippikābhirutehi ca||
Na me taɱ phandati cittaɱ ekattanirataɱ hi me' ti.|| ||

Itthaɱ sudaɱ āyasmā rāmaṇeyyako thero gāthaɱ abhāsitthā' ti.|| ||

 

#50
Vimala Thero

 

[50] Dharaṇī ca siñcati1 vāti māluto vijjutā carati nabhe||
Upasamanti vitakkā cittaɱ susamāhitaɱ mamā' ti.|| ||

Itthaɱ sudaɱ vimalo thero gāthaɱ abhāsitthā' ti.|| ||

 

#51
Godhika Thero

 

[51] Vassati devo yathā sugītaɱ||
Channā me kuṭikā sukhā nivātā||
Cittaɱ susamāhitaɱ ca mayhaɱ||
Atha ce patthayasi pavassa devā' ti.|| ||

Itthaɱ sudaɱ āyasmā godhiko thero gāthaɱ abhāsitthā' ti.|| ||

 

#52
Subāhu Thero

 

[52] Vassati devo yathā sugītaɱ||
Channā me kuṭikā sukhā nivātā||
Cittaɱ susamāhitaɱ ca kāye||
Atha ce patthayasi pavassa devā' ti.|| ||

Itthaɱ sudaɱ āyasmā subāhutthero gāthaɱ abhāsitthā' ti.|| ||

 

#53
Valliya Thero

 

[53] Vassati devo yathā sugītaɱ||
Channā me kuṭikā sukhā nivātā||
Tassaɱ viharāmi appamatto||
Atha ce patthayasi pavassa devā' ti.|| ||

Itthaɱ sudaɱ āyasmā valliyo thero gāthaɱ abhāsitthā' ti.|| ||

 

#54
Uttiya Thero

 

[54] Vassati [9] devo yathā sugītaɱ||
Channā me kuṭikā sukhā nivātā||
Tassaɱ viharāmi adutiyo||
Atha ce patthayasi pavassa devā' ti.|| ||

Itthaɱ sudaɱ āyasmā uttiyo thero gāthaɱ abhāsitthā' ti.|| ||

 

#55
Añjanavaniya Thero

 

[55] Āsandi kuṭikaɱ katvā ogayha añjanaɱ vanaɱ||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ añjanavaniyo thero gāthaɱ abhāsitthā' ti.|| ||

 

#56
Kuṭivihāri Thero

 

[56] Ko kuṭikāyaɱ bhikkhu kiṭikāyaɱ||
Vītarāgo susamāhita citto||
Evaɱ jānāhi āvuso||
Amoghā te kuṭikā katā' ti.|| ||

Itthaɱ sudaɱ āyasmā kuṭivihāritthero gāthaɱ abhāsitthā' ti.|| ||

 

#57
Dutiyakuṭivihāri Thero

 

[57] Ayamāhu purāṇiyā kuṭi aññaɱ patthayase navaɱ kuṭiɱ||
Āsaɱ kuṭiyā virājaya dukkhā bhikkhu puna navā kuṭī' ti.|| ||

Itthaɱ sudaɱ āyasmā dutiyakuṭivihāritthero gāthaɱ abhāsitthā' ti.|| ||

 

#58
Ramaṇīyakuṭika Thero

 

[58] Ramaṇīyo me kuṭikā saddhādeyyā manoramā||
Na me attho kumārīhi yesaɱ attho tahiɱ gacchatha nāriyo' ti.|| ||

Itthaɱ sudaɱ āyasmā ramaṇīyakuṭiko thero gāthaɱ abhāsitthā' ti.|| ||

 

#59
Kosalavihāri Thero

 

[59] Saddhāyāhaɱ pabba-jito araññe me kuṭikā katā||
Appamatto ca ātāpī sampajāno patissato' ti.|| ||

Itthaɱ sudaɱ āyasmā Kosalavihāritthero gāthaɱ abhāsitthā' ti.|| ||

 

#60
Sīvali Thero

 

[60] Te me ijjhaɱsu saŋkappā yadattho pavisiɱ kuṭiɱ||
Vijjā-vimuttiɱ paccessaɱ mān-ā-nusayamujjahin' ti.|| ||

Itthaɱ sudaɱ āyasmā sīvalitthero gāthaɱ abhāsitthā' ti.|| ||

 

#61
Vappa Thero

 

[61] Passati passo passantaɱ apassantaɱ ca passati||
Apassanto apassantaɱ passantaɱ ca na passatī' ti.|| ||

Itthaɱ sudaɱ āyasmā vappo thero gāthaɱ abhāsitthā' ti.|| ||

 

#62
Vajjiputta Thero

 

[62] Ekakā [10] mayaɱ araññe viharāma||
Apaviddhaɱ va vanasmiɱ dārukaɱ||
Tassa me bahukā pihayanti||
Terayikā viya saggagāminanti.|| ||

Itthaɱ sudaɱ āyasmā Vajjīputto thero gāthaɱ abhāsitthā' ti.|| ||

 

#63
Pakkha Thero

 

[63] Cutā patanti patitā giddhā ca punarāgatā||
Kataɱ kiccaɱ rataɱ rammaɱ sukhenanvāgataɱ sukhanti.|| ||

Itthaɱ sudaɱ āyasmā pakkho thero gāthaɱ abhāsitthā' ti.|| ||

 

#64
Koṇḍaññotheragāthā

 

[64] Dumavhayāya uppanno jāto paṇḍaraketunā||
Ketuhā ketunāyeva mahāketuɱ padhaɱsayīti.|| ||

Itthaɱ sudaɱ āyasmā vimalo koṇḍañño thero gāthaɱ abhāsitthā' ti.|| ||

 

#65
Ukkhepakaṭavaccha Thero

 

[65] Ukkhepakaṭavacchassa saŋkalitaɱ bahūhiva ssehi||
Taɱ bhāsati gaha-ṭ-ṭhānaɱ sunisinno uḷārapāmojjo'ti.|| ||

Itthaɱ sudaɱ āyasmā ukkhepakaṭavaccho thero gāthaɱ abhāsitthā' ti.|| ||

 

#66
Meghiya Thero

 

[66] Anusāsi mahāvīro sabba-dhammānapāragu||
Tassāhaɱ dhammaɱ sutvāna vihāsiɱ santike sato||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā meghiyo thero gāthaɱ abhāsitthā' ti.|| ||

 

#67
Ekadhamma-savanīya Thero

 

[67] Kilesā jhāpitā mayhaɱ bhavā sabbe samūhatā||
Vikkhīṇo jāti-saɱsāro n'atthi dāni puna-b-bhavo' ti.|| ||

Itthaɱ sudaɱ āyasmā ekadhamma-savanīyo thero gāthaɱ abhāsitthā' ti.|| ||

 

#68
Ekudāniya Thero

 

[68] Adhicetaso appamajjato munino monapathesu sikkhato||
Sokā na bhavanti tādino upasantassa sadā satīmato' ti.|| ||

Itthaɱ sudaɱ āyasmā ekudāniyo thero gāthaɱ abhāsitthā' ti.|| ||

 

#69
Channa Thero

 

[69] Sutvāna dhammaɱ mahato mahārasaɱ||
Sabbaññutaññaṇavarena desitaɱ||
Maggaɱ papajjiɱ amatassa pattiyā||
So yoga-k-khemassa pathassa kovido' ti.|| ||

Itthaɱ sudaɱ āyasmā channo thero gāthaɱ abhāsitthā' ti.|| ||

 

#70
Puṇṇa Thero

 

[70] Sīlameva [11] idha aggaɱ paññavā pana uttamo||
Manussesu ca deve su sīla-paññāṇato jayan' ti.|| ||

Itthaɱ sudaɱ āyasmā puṇṇo thero gāthaɱ abhāsitthā' ti.|| ||

 

#71
Vacchapāla Thero

 

[71] Susukhumanipuṇatthadassinā matikusalena nivāta-vuttinā||
Saɱsevita vuddhasīlinā Nibbānaɱ na hi tena dullabhan' ti.|| ||

Itthaɱ sudaɱ āyasmā vacchapālo thero gāthaɱ abhāsitthā' ti.|| ||

 

#72
Ātuma Thero

 

[72] Yathā kaḷīro susu vaḍḍhataggo||
Dunni-k-khamo hoti pasākhajāto||
Evaɱ ahaɱ bhariyāyānītāya||
Anumañña maɱ pabba-jitomhi dānī' ti.|| ||

Itthaɱ sudaɱ āyasmā ātumo thero gāthaɱ abhāsitthā' ti.|| ||

 

#73
Māṇava Thero

 

[73] Jiṇṇaɱ ca disvā dukhitaɱ ca byādhitaɱ||
Mataɱ ca disvā gatamāyusaŋkhayaɱ||
Tato ahaɱ ni-k-khamitūna pabbajiɱ||
Pahāya kāmāni manoramānī' ti.|| ||

Itthaɱ sudaɱ āyasmā māṇavo thero gāthaɱ abhāsitthā' ti.|| ||

 

#74
Suyāma Thero

 

[74] Kāma-c-chando ca vyāpādo thīna-middhaɱ ca bhikkhuno||
Uddhaccaɱ vicikicchā ca sabbaso'va na vijjatī' ti.|| ||

Itthaɱ sudaɱ āyasmā suyāmo thero gāthaɱ abhāsitthā' ti.|| ||

 

#75
Susārada Thero

 

[75] Sādhu suvihitāna dassanaɱ kaŋkhā chijjati buddhi vaḍḍhati||
Bālampi karonti paṇaḍitaɱ tasmā sādhu sataɱ samāgamo' ti.|| ||

Itthaɱ sudaɱ āyasmā susārado thero gāthaɱ abhāsitthā' ti.|| ||

 

#76
Piyañjaha Thero

 

[76] Uppatantesu nipate nipatantesu uppate||
Vase avasamānesu rama-mānesu ni rame' ti.|| ||

Itthaɱ sudaɱ āyasmā piyañjaho thero gāthaɱ abhāsitthā' ti.|| ||

 

#77
Hatthārohaputta Thero

 

[77] Idaɱ [12] pure cittamacāri cārikaɱ||
Yenicchakaɱ yatthakāmaɱ yathā sukhaɱ||
Tadajjahaɱ niggahessāmi yoniso||
Hatthippabhannaɱ viya aŋkusaggaho' ti.|| ||

Itthaɱ sudaɱ āyasmā hatthārohaputto thero gāthaɱ abhāsitthā' ti.|| ||

 

#78
Meṇaḍasira Thero

 

[78] Anekajatisaɱsāraɱ sanudhāvissaɱ anibbisaɱ||
Tassa me dukukhajātassa dukkha-k-khandho aparaddho' ti.|| ||

Itthaɱ sudaɱ āyasmā meṇaḍasiro thero gāthaɱ abhāsitthā' ti.|| ||

 

#79
Rakkhita Thero

 

[79] Sabbo rāgo pahīno me sabbo doso samūhato||
Sabbo me vigato moho sītibhūtosmi nibbuto' ti.|| ||

Itthaɱ sudaɱ āyasmā rakkhito thero gāthaɱ abhāsitthā' ti.|| ||

 

#80
Ugga Thero

 

[80] Yaɱ mayā pakataɱ kammaɱ appaɱ vā yadi vā bahuɱ||
Sabbametaɱ parikkhīṇaɱ n'atthi dāni puna-b-bhavo' ti.|| ||

Itthaɱ sudaɱ āyasmā uggo thero gāthaɱ abhāsitthā' ti.|| ||

 

#81
Samitigutta Thero

 

[81] Yaɱ mayā pakataɱ pāpaɱ pubbe aññāsu jātisu||
Idh'eva taɱ vedanīyaɱ vatthu aññaɱ na vijjatī' ti.|| ||

Itthaɱ sudaɱ āyasmā samitigutto thero gāthaɱ abhāsitthā' ti.|| ||

 

#82
Kassapa Thero

 

[82] Yena yena subhikkhāni sivāni abhayāni ca||
Tena puttaka gacchassu mā sokāpahato bhavā' ti.|| ||

Itthaɱ sudaɱ āyasmā Kassapo thero gāthaɱ abhāsitthā' ti.|| ||

 

#83
Sīha Thero

 

[83] Sīhappamattā vihara rattin-divamatandito||
Bhāvehi kusalaɱ dhammaɱ jaha sīghaɱ samussayanti.|| ||

Itthaɱ sudaɱ āyasmā sīho thero gāthaɱ abhāsitthā' ti.|| ||

 

#84
Nīta Thero

 

[84] Sabbarattiɱ [13] supitvāna sangaṇ'ike rato,||
Kudassu1 nāma dummedho dukkhassantaɱ karissatī' ti.|| ||

Itthaɱ sudaɱ āyasmā nīto thero gāthaɱ abhāsitthā' ti.|| ||

 

#85
Sukāga Thero

 

[85] Cittanimittassa kovido paviveka-rasaɱ vijāniya,||
Jhāyaɱ nipako patissato adhigaccheyya sukhaɱ nirāmisanti.|| ||

Itthaɱ sudaɱ āyasmā sunāgo thero gāthaɱ abhāsitthā' ti.|| ||

 

#86
Nāgita Thero

 

[86] Ito bahiddhā puthu aññavādinaɱ||
Maggo na Nibbānagamo yathā ayaɱ,||
Itissu Saŋghaɱ bhagavānusāsati||
Satthā sayaɱ pāṇitaleva dassayan' ti.|| ||

Itthaɱ sudaɱ āyasmā nāgito thero gāthaɱ abhāsitthā' ti.|| ||

 

#87
Paviṭṭha Thero

 

[87] Khandhā diṭṭhā yathā-bhūtaɱ bhavā sabbe padālitā||
Vikkhīṇo jāti-saɱsāro n'atthi dāni puna-b-bhavo' ti.|| ||

Itthaɱ sudaɱ āyasmā paviṭṭho thero gāthaɱ abhāsitthā' ti.|| ||

 

#88
Ajjuna Thero

 

[88] Asakkhiɱ vata attānaɱ uddhātuɱ udakā jalaɱ||
Vuyhamāno mahogheva sacaccāni paṭivijjhahan' ti.|| ||

Itthaɱ sudaɱ āyasmā ajjuno thero gāthaɱ abhāsitthā' ti.|| ||

 

#89
Paṭhamadevasabha Thero

 

[89] Uttiṇṇā paŋkapalipā pātālā pariVajjītā,||
Muttā oghā ca ganthā ca sabbe mānā visaɱhatā' ti.|| ||

Itthaɱ sudaɱ āyasmā devasabho thero gāthaɱ abhāsitthā' ti.|| ||

 

#90
Sāmidatta Thero

 

[90] Pañca-k-khandhā pariññātā tiṭṭhanti chinna-mūlakā,||
Vikkhīṇo jāti-saɱsāro n'atthi dāni puna-b-bhavo' ti.|| ||

Itthaɱ sudaɱ āyasmā sāmidatto thero gāthaɱ abhāsitthā' ti.|| ||

 

#91
Paripuṇṇaka Thero

 

[91] Na tathā' mataɱ satarasaɱ sudhannaɱ yaɱ mayajja paribhuttaɱ,||
Aparimita dassinā gotamena Buddhena desito dhammo' ti.|| ||

Itthaɱ sudaɱ āyasmā paripuṇṇako thero gāthaɱ abhāsitthā' ti.|| ||

 

#92
Vijaya Thero

 

[92] Yassāsavā [14] parikkhīṇā āhāre ca anissito,||
Suññatā animitto ca vimokkho yassa gocaro,||
Ākāseva sakuntānaɱ padaɱ tassa durannayanti.|| ||

Itthaɱ sudaɱ āyasmā vijayo thero gāthaɱ abhāsitthā' ti.|| ||

 

#93
Eraka Thero

 

[93] Dukkhā kāmā eraka na sukhā kāmā eraka,||
Yo kāme kāmayati dukkhaɱ so kāmayati eraka,||
Yo kāme na kāmayati eraka dukkhaɱ so na kāmayati erakā' ti.|| ||

Itthaɱ sudaɱ āyasmā erako thero gāthaɱ abhāsitthā' ti.|| ||

 

#94
Mettaji Thero

 

[94] Name hi tassa bhagavato Sakya-puttassa sirīmato,||
Ten'āyaɱ aggappattena aggo dhammo sudesito' ti.|| ||

Itthaɱ sudaɱ āyasmā mettaji thero gāthaɱ abhāsitthā' ti.|| ||

 

#95
Cakkhupāla Thero

 

[95] Andhohaɱ hatanettosmi kantāraddhānapakkanto,||
Sayamāno pi gacchissaɱ na sahāyena pāpenā' ti.|| ||

Itthaɱ sudaɱ āyasmā cakkhupālo thero gāthaɱ abhāsitthā' ti.|| ||

 

#96
Khaṇḍasumaṇa Thero

 

[96] Ekapupphaɱ cajitvāna asītiɱ vassa koṭiyo,||
Saggesu paracāretvā sesakenamhi nibbuto' ti.|| ||

Itthaɱ sudaɱ āyasmā khaṇḍasumano thero gāthaɱ abhāsitthā' ti.|| ||

 

#97
Tissa Thero

 

[97] Hitvā sataphalaɱ kaɱsaɱ sovaṇṇaɱ satarājikaɱ,||
Aggahiɱ mattikāpattaɱ idaɱ dutiyābhasevanan' ti.|| ||

Itthaɱ sudaɱ āyasmā tisso thero gāthaɱ abhāsitthā' ti.|| ||

 

#98
Abhaya Thero

 

[98] Rūpaɱ disvā sati muṭṭhā piyanimittaɱ mana-sikaroto,||
Sārattacitto vedeti taɱ ca ajjhosa tiṭṭhati,||
Tassa vaḍḍhanti āsavā bhavamūlā bhavagāmino'ti.|| ||

Itthaɱ sudaɱ āyasmā abhayo thero gāthaɱ abhāsitthā' ti.|| ||

 

#99
Uttiya Thero

 

[99] Saddaɱ sutvā sati muṭṭhā piyanimittaɱ mana-sikaroto,||
Sārattacitto vedeti taɱ ca ajjhosa tiṭṭhati,||
Tassa vaḍḍhanti āsavā saɱsāramupagāmino'ti.|| ||

Itthaɱ sudaɱ āyasmā uttiyo thero gāthaɱ abhāsitthā' ti.|| ||

 

#100
Devasabha Thero

 

[100] Sammappadhānasampanno sati-paṭṭhānagocaro,||
Vimuttikusumasañchanno parinibbissatyanāsavo' ti.|| ||

Itthaɱ sudaɱ āyasmā devasabho thero gāthaɱ abhāsitthā' ti.|| ||

 

#101
Belaṭṭhānika Thero

 

[101] Hatvā gihittaɱ anavositatto||
Mukhanaŋgalī odariko kusīto,||
Mahāvarāho'va nivāpapuṭṭho||
Punappunaɱ gabbhamupeti mando.|| ||

Itthaɱ sudaɱ āyasmā belaṭṭhāniko thero gāthaɱ abhāsitthā' ti.|| ||

 

#102
Setuccha Thero

 

[102] Mānena vañcitāse sankhāresu saŋkilissamānāse,||
Lābhālābhena mathitā samādhiɱ nādhigacchantī' ti.|| ||

Itthaɱ sudaɱ āyasmā setuccho thero gāthaɱ abhāsitthā' ti.|| ||

 

#103
Bandhura Thero

 

[103] Nāhaɱ etena atthiko sukhito dhammarasena tappito,||
Pītvāna2 ras'aggamuttamaɱ na ca kāhāmi visena santhavan' ti.|| ||

Itthaɱ sudaɱ āyasmā bandhuro3 thero gāthaɱ abhāsitthā' ti.|| ||

 

#104
Khitaka Thero.

 

[104] Lahuko vata me kāyo phuṭṭho ca pīti-sukhena vipulena||
Tūlamiva eritaɱ mālutena pilavatīva me kāyo' ti.|| ||

Itthaɱ sudaɱ āyasmā khitako thero gāthaɱ abhāsitthā' ti.|| ||

 

#105
Malitavambha Thero

 

[105] Ukkaṇaṭhitopi na vase rama-mānopi pakkame,||
Natvevānatthasaɱmitaɱ vase vāsaɱ vicakkhaṇo' ti.|| ||

Itthaɱ sudaɱ āyasmā malitavambho thero gāthaɱ abhāsitthā' ti.|| ||

 

#106
Suhemanta Thero

 

[106] Sataliŋgassa atthassa satalakkhaṇadhārino,||
Ekaŋgadassī dummedho satadassī ca paṇḍito' ti.|| ||

Itthaɱ sudaɱ āyasmā suhemanto thero gāthaɱ abhāsitthā' ti.|| ||

 

#107
Dhammasava Thero

 

[107] Pabbajiɱ tulayatvāna agārasmānagāriyaɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā dhammasavo thero gāthaɱ abhāsitthā' ti.|| ||

 

#108
Dhammasava pitu Thero

 

[108] Sa vīsaɱvassa-satiko pabbajiɱ anagāriyaɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā Dhamma-savapitutthero gāthaɱ abhāsitthā' ti.|| ||

 

#109
Saŋgharakkhita Thero

 

[109] Na [16] nūnāyaɱ paramahitānukampino||
Rahogato anuvigaṇeti sāsanaɱ,||
Tathāhayaɱ viharati pākat'indriyo||
Migī yathā taruṇajātikā vane' ti.|| ||

Itthaɱ sudaɱ āyasmā Saŋgharakkhito thero gāthaɱ abhāsitthā' ti.|| ||

 

#110
Usabha Thero

 

[110] Nagā nagaggesu susaɱvirūḷhā||
Udaggameghena navena sittā||
Vivekakāmassa araññasaññino||
Janeti bhiyyo usabhassa kalyatan' ti.|| ||

Itthaɱ sudaɱ āyasmā usabho thero gāthaɱ abhāsitthā' ti.|| ||

 

#111
Jenta Thero
Proofread

 

[111] Duppabbajjaɱ ve,||
duradhivāsā gehā||
Dhammo gambhīro,||
duradhigamā bhogā,||
Kicchā vutti no itarītaren'eva;||
Yuttaɱ cintetuɱ satatam aniccatan' ti.|| ||

Itthaɱ sudaɱ āyasmā jento thero gāthaɱ abhāsitthā' ti.|| ||

 

#112
Jenta Thero

 

[112] Tevijjohaɱ mahājhāyī ceto-samathakovido||
Sadattho me anuppatto kataɱ Buddhassa sāsanan' ti.|| ||

Itthaɱ sudaɱ āyasmā jento thero gāthaɱ abhāsitthā' ti.|| ||

 

#113
Vanavaccha Thero

 

[113] Acchodikā puthu-sīlā gonaŋgulamigāyutā,||
Ambusevālasañjannā te selā ramayanti man' ti.|| ||

Itthaɱ sudaɱ āyasmā vanavaccho thero gāthaɱ abhāsitthā' ti.|| ||

 

#114
Adhimutta Thero

 

[114] Kāyaduṭṭhullagaruno hīyamānamhi jīvite,||
Sarīrasukhagiddhassa kuto samaṇa sādhutā' ti.|| ||

Itthaɱ sudaɱ āyasmā adhimutto thero gāthaɱ abhāsitthā' ti.|| ||

 

#115
Mahānāma Thero

 

[115] Esāvahiyyase pabbatena bahukuṭajasallakikena,||
N'esādakena girinā yasassinā paricchadenā' ti.|| ||

Itthaɱ sudaɱ āyasmā mahānāmo thero gāthaɱ abhāsitthā' ti.|| ||

 

#116
Parāsariya Thero

 

[116] Cha [17] phassāyatane hitvā gutta-dvāro susaɱvuto,||
Aghamūlaɱ vamitvāna patto me āsavakkhayo' ti.|| ||

Itthaɱ sudaɱ āyasmā pārāsariyatthero gāthaɱ abhāsitthā' ti.|| ||

 

#117
Yasa Thero

 

[117] Suvilitto suvasano sabbābharaṇabhaṇūsito,||
Tisso vijjā ajjhagamiɱ kataɱ Buddhassa sāsanan' ti.|| ||

Itthaɱ sudaɱ āyasmā yaso thero gāthaɱ abhāsitthā' ti.|| ||

 

#118
Kimbila Thero

 

[118] Abhisatthova nipatati||
Vayo rūpaɱ aññamiva tatheva santaɱ,||
Tass'eva sato avippavasato||
Aññasseva sarāmi attānan' ti.|| ||

Itthaɱ sudaɱ āyasmā kimbilo thero gāthaɱ abhāsitthā' ti.|| ||

 

#110
Vajjiputta Thero

 

[119] Rukkha-mūlagahanaɱ pasakkiya||
Nibbānaɱ hadayasmiɱ opiya||
Jhāya Gotama mā ca pāmado||
Kiɱ te bilibilikā karissatī' ti.|| ||

Itthaɱ sudaɱ āyasmā Vajjīputto thero gāthaɱ abhāsitthā' ti.|| ||

 

#120
Isidatta Thero

 

[120] Pañca-k-khandhā pariññātā tiṭṭhanti chinna-mūlakā,||
Dukkhakkhayo anuppatto patto me āsavakkhayo' ti.|| ||

Itthaɱ sudaɱ āyasmā isidatto thero gāthaɱ abhāsitthā' ti.|| ||

 

Dutakanipāto

#121
Uttara Thero

 

[121] N'atthi koci bhavo nacco sankhārā vā pi sassatā,||
Uppajjanti ca te khandhā vacanti aparāparaɱ.|| ||

[122] Etamādīnavaɱ ñatvābhavenamhi an'atthi ko,||
Nissaṭo sabbakāmehi patto me āsavakkhayo' ti.|| ||

Itthaɱ sudaɱ āyasmā attaro thero gāthāyo abhāsitthā' ti.|| ||

 

#122
Paṇḍolabhādvāja Thero

 

[123] Na-y-idaɱ anayena jīvitaɱ nāhāro hadayassa santiko,||
Āhāraṭṭhitiko samussayo iti disvāna carāmi esanaɱ.|| ||

[124] Paŋkoti hi naɱ pavedayuɱ yā'yaɱ vandanapūjanā kulesu,||
Sukhumaɱ sabbaɱ darullahaɱ sakkāro kāpurisena dujjaho' ti.|| ||

Itthaɱ sudaɱ āyasmā piṇḍolaBhāradvājo thero gāthāyo abhāsitthā' ti.|| ||

 

#123
Valliya Thero

 

[125] Makkaṭo pañcadvārāyaɱ kuṭikāyaɱ pasakkiya,||
Dvārena anupariyeti ghaṭṭayento muhuɱ muhuɱ.|| ||

[126] Tiṭṭha makkaṭa mā dhāvi nahi te taɱ yathā pure,||
Niggahītosi paññāya n'eva1 dūraɱ gamissasī' ti.|| ||

Itthaɱ sudaɱ āyasmā valliyo thero gāthāyo abhāsitthā' ti.|| ||

 

#124
Gaŋgātīriya Thero

 

[127] Tiṇṇaɱ me tālapattānaɱ gaŋgātīre kuṭī katā,||
Javasittova me patto paɱsukūlaɱ ca cīvaraɱ.|| ||

[128] Dvinnaɱ antaravassānaɱ ekā vācā me bhāsitā,||
Tatiye antaravassamhi tamokkhandho padālito.|| ||

Itthaɱ sudaɱ āyasmā gaŋgātīriyo thero gāthāyo abhāsitthā' ti.|| ||

 

#125
Ajina Thero

 

[129] Api ce hoti tevijjo maccuhāyī anāsavo,||
Appaññātoti naɱ bālā avajānanti ajānatā.|| ||

[130] Yo [19] ca kho annapānassa lābhī hotīdha puggalo,||
Pāpadhammopi ce hoti so n'esaɱ hoti sakkato' ti.|| ||

Itthaɱ sudaɱ āyasmā ajino thero gāthāyo abhāsitthā' ti.|| ||

 

#126
Melajina Thero

 

[131] Yadāhaɱ dhammamassosiɱ bhāsa-mānassa Satthuno,||
Na kaŋkhamabhijānāmi sabbaññū aparājite.|| ||

[132] Satthavāhe mahāvīre sārathīnaɱ varuttame,||
Magge paṭipadāyaɱ vā kaŋkhā mayhaɱ na vijjatī' ti.|| ||

Itthaɱ sudaɱ āyasmā melajino thero gāthāyo abhāsitthā' ti.|| ||

 

#127
Rādha Thero

 

[133] Yathā agāraɱ ducchannaɱ vuṭṭhi samativijjhati,||
Evaɱ abhāvitaɱ cittaɱ rāgo samativijjhati.|| ||

[134] Yathaagāraɱ succhannaɱ vuṭṭhi na samativijjhati,||
Evaɱ abhāvitaɱ cittaɱ rāgo na samativijjhati.|| ||

Itthaɱ sudaɱ āyasmā rādho thero gāthāyo abhāsitthā' ti.|| ||

 

#128
Surādha Thero

 

[135] Khīṇā hi mayhaɱ jāti vusitaɱ jinasāsanaɱ,||
Pahīno jālasaŋkhāto bhavanetti samūhatā.|| ||

[136] YasSatthāya pabba-jito agārasmānagāriyaɱ,||
So me attho anuppatto sabba-saŋyojana-k-khayo' ti.|| ||

Itthaɱ sudaɱ āyasmā surādho thero gāthāyo abhāsitthā' ti.|| ||

 

#129
Gotama Thero

 

[137] Sukhaɱ supanti munayo ye itthīsu na bajjhare,||
Sadā ve rakkhitabbāsu yāsu saccaɱ sudullabhaɱ.|| ||

[138] Vadhaɱ carimha te kāma anaṇā dāni te mayaɱ,||
Gacchāma dāni Nibbānaɱ yattha gantvā na socatī' ti.|| ||

Itthaɱ sudaɱ āyasmā gotamo thero gāthāyo abhāsitthā' ti.|| ||

 

#130
Vasabha Thero

 

[139] Pubbe hanti attānaɱ pacchā hanti so pare,||
Suhataɱ hanti attānaɱ vītasen'eva pakkhimā.|| ||

[140] Na brāhmaṇo bahivaṇṇo anto vaṇṇo hi brāhmaṇo,||
Yasumiɱ pāpani kammāni sa ve kaṇho sujampatī' ti.|| ||

Itthaɱ sudaɱ āyasmā vasabho thero gāthāyo abhāsitthā' ti.|| ||

 

#131
Mahācunda Thero

 

[141] Sussūsā [20] sutavaddhanī sutaɱ paññāya vaddhanaɱ,||
Paññāya atthaɱ jānāti ñāto attho sukhāvaho.|| ||

[142] Sevetha pantāni sen'āsanāni||
Careyya saŋyojana vippamokkhaɱ,||
Sace ratiɱ nādhigaccheyya tattha||
Saŋghe vase rakkhitatto satīmā' ti.|| ||

Itthaɱ sudaɱ āyasmā mahācundo thero gāthāyo abhāsitthā' ti.|| ||

 

#132
Jotidāsa Thero

 

[143] Ye kho te veghamissena nānatthena ca kammunā||
Manusse uparundhanti pharusūpakkamā janā,||
Te pi tatth'eva kīranti nahi kammaɱ panassati.|| ||

[144] Yaɱ karoti naro nammaɱ kalyāṇaɱ yadi pāpakaɱ,||
Tassa tass'evadāyādo yaɱ yaɱ kammaɱ pakubbatī' ti.|| ||

Itthaɱ sudaɱ āyasmā jotidāso thero gāthāyo abhāsitthā' ti.|| ||

 

#133
Heraññakāni Thero

 

[145] Accayanti ahorattā jīvitaɱ uparujjhati,||
Ayu khīyati maccānaɱ kunnadīnaɱ va odakaɱ.|| ||

[146] Atha pāpāni kammāni karaɱ bālo na bujjhati,||
Pacchāssa kaṭukaɱ hoti vipāko hissa pāpako' ti.|| ||

Itthaɱ sudaɱ āyasmā heraññakānitthero gāthāyo abhāsitthā' ti.|| ||

 

#134
Somacitta Thero

 

[147] Parittaɱ dārumāruyha yathā sīde mahaṇṇave,||
Evaɱ kusītamāgamma sādhujīvī pi sīdati,||
Tasmā taɱ parivajjeyya nusītaɱ hīnavīriyaɱ.|| ||

[148] Pavivittehi ariyehi pahit'attehi jhāyihi,||
Niccaɱ āraddha-viriyehi paṇḍitehi sahāvase' ti.|| ||

Itthaɱ sudaɱ āyasmā somacitto thero gāthāyo abhāsitthā' ti.|| ||

 

#135
Sabbamitta Thero

 

[149] Jano janamhi sambuddho janamevassito jano,||
Jano janena heṭhīyati heṭheti ca jano janaɱ.|| ||

[150] Kohi [21] tassa janenattho janena janitena vā,||
Janaɱ ohāya gacchaɱ taɱ heṭhayitvā bahuɱ jananti.|| ||

Itthaɱ sudaɱ āyasmā sabbamitto thero gāthāyo abhāsitthā' ti.|| ||

 

#136
Mahākāḷa Thero

 

[151] Kāḷi itthī brahatī dhaŋkarūpā||
Satthiɱ ca bhetvā aparaɱ ca satthiɱ,||
Bāhaɱ ca bhetvā aparaɱ ca bāhuɱ||
Sīsaɱ ca bhetvā dadhithālakaɱ va||
Esā nisinnā abhisaddahitvā.|| ||

[152] Yo ve avidvā upadhiɱ karoti||
Punappunaɱ dukkhamupeti mando,||
Tasmā pajānaɱ upadhiɱ na kayirā||
Māhuɱ puna bhinnasiro sayissanti.|| ||

Itthaɱ sudaɱ āyasmā mahākāḷo thero gāthāyo abhāsitthā' ti.|| ||

 

#137
Tissa Thero

 

[153] Bahū sapatte labhati muṇaḍo saŋghāṭipāruto,||
Lābhī annassa pānassa vatthassa sayanassa ca.|| ||

[154] Etamādīnavaɱ ñatvā sakkāresu mahabbhayaɱ,||
Appalābho 'navassuto sato bhikkhu paribbaje' ti.|| ||

Itthaɱ sudaɱ āyasmā tisso thero gāthāyo abhāsitthā' ti.|| ||

 

#138
Kimbila Thero

 

[155] Pācīnavaɱsadāyamhi Sakya-puttā sahāyakā,||
Pahāyānappake bhoge uñchāpattāgate ratā.|| ||

[156] Āraddha-viriyā pahit'attā niccaɱ daḷahaparakkamā,||
Ramanti dhamma-ratiyā hitvāna lokiyaɱ ratinti.|| ||

Itthaɱ sudaɱ āyasmā kimbilo thero gāthāyo abhāsitthā' ti.|| ||

 

#139
Nanda Thero

 

[157] Ayeniso mana-sikārā maṇḍanaɱ anuyuñjisaɱ,||
Uddhato capalo cāsiɱ kāmarāgena aṭṭito.|| ||

[158] Upāya-kusalenāhaɱ buddhenādiccabandhunā,||
Yoniso paṭipajjitvā bhave cittaɱ udabbahinti.|| ||

Itthaɱ sudaɱ āyasmā nando thero gāthāyo abhāsitthā' ti.|| ||

 

#140
Sirimā Thero

 

[159] Pare ca naɱ pasaɱ-santi attā ce asamāhito,||
Moghaɱ pare pasaɱ-santi attā hi asamāhito.|| ||

[160] Pare ca naɱ garahanti attā ce susamāhi,||
Moghaɱ pare garahanti attā hi susamāhito' ti.|| ||

Itthaɱ sudaɱ āyasmā sirimā thero gāthāyo abhāsitthā' ti.|| ||

 

#141
Uttara Thero

 

[161] Khandhā mayā pariññātā taṇhā me susamūhatā,||
Bhāvitā mama bojjhaŋgā patto me āsavakkhayo.|| ||

[162] So'haɱ khandhe pariññāya abbūhitvāna jāliniɱ,||
Bhāvayitvāna bojjhaŋge nibbāyissaɱ anāsavo' ti.|| ||

Itthaɱ sudaɱ āyasmā uttaro thero gāthāyo abhāsitthā' ti.|| ||

 

#142
Bhaddaji Thero

 

[163] Panādo nāma so rājā yassa yūpo suvaṇṇayo,||
Tiriyaɱ soḷasapabbedho uddhamāhu sahassadhā.|| ||

[164] Sahassakaṇḍo satabheṇḍu dhajālū haritāmayo,||
Anaccuɱ tattha gandhabbā chasahassāni sattadhā' ti.|| ||

Itthaɱ sudaɱ āyasmā bhaddaji thero gāthāyo abhāsitthā' ti.|| ||

 

#143
Sobhita Thero

 

[165] Satimā paññavā bhikkhu āraddhabalavīriyo,||
Pañcakappa-satānāhaɱ ekarattiɱ anussariɱ.|| ||

[166] Cattāro sati-paṭṭhāne sattaaṭṭha ca bhāvayaɱ,||
Pañcakappa-satānāhaɱ ekarattiɱ anussarinti.|| ||

Itthaɱ sudaɱ āyasmā sobhito thero gāthāyo abhāsitthā' ti.|| ||

 

#144
Valliya Thero

 

[167] Yaɱ kiccaɱ saḷhaviriyo yaɱ kaccaɱ boddhumicchatā,||
Karissaɱ nāvarujjhassaɱ passa viriyaɱ parakkamaɱ.|| ||

[168] Tvaɱ ca me Maggamakkhāhi añjasaɱ amato-gadhaɱ,||
Ahaɱ monena monissaɱ gaŋgāsoto'va sāgaranti.|| ||

Itthaɱ sudaɱ āyasmā valliyo thero gāthāyo abhāsitthā' ti.|| ||

 

#145
Vītasoka Thero

 

[169] Kese me salikhissa'nti kappako upasankami,||
Tato adāsamādāya sarīraɱ pacc-a-vekkhisaɱ.|| ||

[170] Tuccho [23] kāyo adissittha andhakāro1 tamo vyagā,||
Sabbecāḷā smaiucchinnā n'atthi dāni puna-b-bhavo' ti.|| ||

Itthaɱ sudaɱ āyasmā vītasoko thero gāthāyo abhāsitthā' ti.|| ||

 

#146
Paṇṇamāsa Thero

 

[171] Pañcanīvarāṇa hitvā yoga-k-khemassa pattiyayā,||
Dhammādāsaɱ gahetvāna ñāṇa-dassanamattano.|| ||

[172] Paccavekakhiɱ imaɱ kāyaɱ sabbaɱ santara-bāhiraɱ,||
Ajjhattañ ca bahiddhā ca tuccho kāyo adissathā' ti.|| ||

Itthaɱ sudaɱ āyasmā puṇṇamāso thero gāthāyo abhāsitthā' ti.|| ||

 

#147
Nandaka Thero

 

[173] Yathāpi bhaddo ājañño khalitvā patitiṭṭhati,||
Bhiyyo laddhāna saɱvegaɱ adīno vahate dhuraɱ.|| ||

[174] Evaɱ dassana-sampannaɱ Sammā-Sam-Buddha-sāvakaɱ,||
Ājānīyaɱ maɱ dhāretha puttaɱ Buddhassa orasanti.|| ||

Itthaɱ sudaɱ āyasmā nandako thero gāthāyo abhāsitthā' ti.|| ||

 

#148
Bharata Thero

 

[175] Ehi nandaka gaccāma upajjhāyassa santikaɱ,||
Sīhanādaɱ nadissāma buddhaseṭṭhassa sammukhā.|| ||

[176] Yāya no anukampāya amhe pabbājayī muni,||
So no attho anuppatto sabba-saŋyojana-k-khayo' ti.|| ||

Itthaɱ sudaɱ āyasmā bharato thero gāthāyo abhāsitthā' ti.|| ||

 

#149
Bhāradvāja Thero

 

[177] Nadanti evaɱ sappaññā sīhāva girigabbhare,||
Vīrā vijita-saŋgāmā chetvā Māraɱ savāhiniɱ, || ||

[178] Satthā ca pariciṇṇo me dhammo saŋgho ca pūjito,||
Ahaɱ ca vitto sumano puttaɱ disvā anāsavanti.|| ||

Itthaɱ sudaɱ āyasmā Bhāradvājo thero gāthāyo abhāsitthā' ti.|| ||

 

#150
Kaṇhadinna Thero

 

[179] Upāsitā sappurisā sutā dhammā abhiṇhaso,||
Suttāna paṭipajjissaɱ añjasaɱ amato-gadhaɱ.|| ||

[180] Bhava-rāgahatassa me sato bhava-rāgo puna me na vijjati,||
Na cāhu na ca me bhavissati na ca me etarahi pi vijjatī' ti.|| ||

Itthaɱ sudaɱ āyasmā kaṇhadinno thero gāthāyo abhāsitthā' ti.|| ||

 

#151
Migasira Thero

 

[181] Yato [24] ahaɱ pabba-jito Sammā-Sam-Buddha-sāsane,||
Vimuccamāno uggacchiɱ kāma-dhātuɱ upaccagaɱ.|| ||

[182] Brahmuno pekkhamānassa tato cittaɱ vimucci me,||
Akuppā me vimuttīti sabba-saŋyojana-k-khayā' ti.|| ||

Itthaɱ sudaɱ āyasmā migasiro thero gāthāyo abhāsitthā' ti.|| ||

 

#152
Sīvaka Thero

 

[183] Aniccāni gahakāni tattha puna-p-punaɱ,||
Gahakāraɱ gavesanto dukkhā jāti puna-p-punaɱ.|| ||

[184] Gahakāraka diṭṭho'si puna gehaɱ na kāhasi,||
Sabbā te phāsukā bhaggā thūṇikā ca vidāḷitā,||
Vimariyādīkataɱ cittaɱ idh'eva vidhamissatī' ti.|| ||

Itthaɱ sudaɱ āyasmā sīvako thero gāthāyo abhāsitthā' ti.|| ||

 

#153
Upavāna Thero

 

[185] Arahaɱ Sugato loke vātehābādhito muni,||
Sace uṇhādakaɱ atthi munino dehi brāhmaṇa.|| ||

[186] Pūjito pūjanīyānaɱ sakkareyyāna sakkato,||
Apacitopacanīyānaɱ tassa icchāmi hātave' ti.|| ||

Itthaɱ sudaɱ āyasmā upavāno thero gāthāyo abhāsitthā' ti.|| ||

 

#154
Isidinna Thero

 

[187] Diṭṭhā mayā dhamma-dharā upāsakā||
Kāmā aniccā iti bhāsa-mānā,||
Sārattarattā maṇikuṇḍalesu||
Puttesu dāresu ca te apekkhā.|| ||

[188] Addhā na jānanti yathāva6 dhammaɱ||
Kāmā aniccā iti cāpi āhu,||
Rāgaɱ ca tesaɱ na balatthi chettuɱ||
Tasmā sitā putta-dāraɱ dhanañcā' ti.|| ||

Itthaɱ sudaɱ āyasmā isidinno thero gāthāyo abhāsitthā' ti.|| ||

 

#155
Sambulakaccāna Thero

 

[189] Devo ca vassati devo ca gaḷagaḷāyati||
Ekako c'āhaɱ bherave bile viharāmi,||
Tassa mayhaɱ ekakassa bherave bile viharato||
N'atthi bhayaɱ vā chambhitattaɱ vā lomahaɱso vā.|| ||

[190] Dhammatā mama sā yassa me||
Ekakassa bherave bile||
Viharato n'atthi bhayaɱ vā||
Chambhitattaɱ vā lomahaɱso vā' ti.|| ||

Itthaɱ sudaɱ āyasmā sambulakaccāno thero gāthāyo abhāsitthā' ti.|| ||

 

#156
Khitaka Thero

 

[191] Kassa [25] selūpamaɱ cittaɱ ṭhitaɱ nānūpakampati,||
Virattaɱ rajanīyesu kuppanīye na kuppati,||
Yass'evaɱ bhāvitaɱ cittaɱ kuto taɱ dukkhamessati.|| ||

[192] Mama selūpamaɱ cittaɱ ṭhitaɱ nānūpakampati,||
Virattaɱ rajanīyesu kuppanīye na kuppati,||
Mamevaɱ bhāvitaɱ cittaɱ kuto maɱ dukkhamessatī' ti.|| ||

Itthaɱ sudaɱ āyasmā khitako thero gāthāyo abhāsitthā' ti.|| ||

 

#157
Selissariya Thero

 

[193] Na tāva supituɱ hoti ratti nakkhattamālinī,||
Paṭijaggitumevesā ratti hoti vijānatā.|| ||

[194] Hatthi-k-khandhāvapatitaɱ kuñjaro ce anukkame,||
Saŋgāme me mataɱ seyyo yaɱ ce jīve parājito' ti.|| ||

Itthaɱ sudaɱ āyasmā soṇo selissariya1puttatthero gāthāyo abhāsitthā' ti.|| ||

 

#158
Nisabha Thero

 

[195] Pañcakāma-guṇe hitvā piyarūpe manorame,||
Saddhāya abhini-k-khamma dukkhass-antakaro bhave.|| ||

[196] Nābhinandāmi maraṇaɱ nābhanandāmi jīvitaɱ,||
Kālaɱ ca paṭikaŋkhāmi sampajāno patissato' ti.|| ||

Itthaɱ sudaɱ āyasmā nisabho thero gāthāyo abhāsitthā' ti.|| ||

 

#159
Usabha Thero

 

[197] Ambapallava saŋkāsaɱ aɱse katvāna cīvaraɱ,||
Nisinno hatthi gīvāya gāmaɱ piṇḍāya pāvisiɱ.|| ||

[198] Hatthi-k-khandhato oruyha saɱvegaɱ alabhiɱ tadā,||
So'haɱ ditto tadā santo patto me āsavakkhayo' ti.|| ||

Itthaɱ sudaɱ āyasmā usabho thero gāthāyo abhāsitthā' ti.|| ||

 

#160
Kappaṭakura Thero

 

[199] Ayamiti kappaṭo kappaṭakuro acchāya atibharitāya||
Amataghaṭikāyaɱ dhammakatamatto katapadaɱ jhānāni ocetuɱ.|| ||

[200][26] kho tvaɱ kappaṭa pacālesi||
Mā taɱ upakaṇṇakamhi tāḷessaɱ,||
Naha tvaɱ kappaṭa mattamaññāsi||
Saŋghamajjhamhi pacalāyamāno' ti.|| ||

Itthaɱ sudaɱ āyasmā kappaṭakuro thero gāthāyo abhāsitthā' ti.|| ||

 

#161
KumāraKassapa Thero

 

[201] Aho buddhā aho dhammā aho no Satthu sampadā,||
Yattha etādisaɱ dhammaɱ sāvako sacchikāhisi.|| ||

[202] Asaŋkheyyemu kappesu sakkāyādhigatā ahū||
Tesamayaɱ pacchiko carimo' yaɱ samussayo,||
Jātimaraṇasaɱsāro n'atthi dāni puna-b-bhavo' ti.|| ||

Itthaɱ sudaɱ āyasmā kumāraKassapo thero gāthāyo abhāsitthā' ti.|| ||

 

#162
Dhammapāla Thero

 

[203] Yo have daharo bhikkhu yuñjati Buddha-sāsane,||
Jāgaro patisuttesu amāghaɱ tassa jīvitaɱ.|| ||

[204] Tasmā saddhañca sīlañca pasādaɱ Dhamma-dassanaɱ,||
Anuyuñjetha medhāvī saraɱ Buddhāna sāsanan' ti.|| ||

Itthaɱ sudaɱ āyasmā dhammapālo thero gāthāyo abhāsitthā' ti.|| ||

 

#163
Brahmāli Thero

 

[205] Kassindriyāni samathaŋgatāni||
Assā yathā sārathinā sudantā||
Pahīnamānassa anāsavassa||
Devāpi mayhaɱ pihayanti tādino' ti.|| ||

[206] Mahindriyāni samathaŋgatāni||
Assā yathā sārathinā sudantā||
Pahīnamānassa anāsavassa||
Devāpi mayhaɱ pihayanti tādino' ti.|| ||

Itthaɱ sudaɱ āyasmā brahamāli thero gāthāyo abhāsitthā' ti.|| ||

 

#164
Mogharāja Thero

 

[207] Chavipāpaka [27] cittabhaddaka||
Mogharāja satataɱ samāhito,||
Hemantikasītakālarattiyo||
Bhikkhu tvaɱsi kathaɱ karissasi.|| ||

[208] Sampannasassā magadhā kevalā iti me sutaɱ,||
Palālacchannako seyyaɱ yathaññe sukhajīvino' ti.|| ||

Itthaɱ sudaɱ āyasmā mogharājatthero gāthāyo abhāsitthā' ti.|| ||

 

#165
Visākhapañcālaputta Thero

 

[209] Na ukkhipe no ca parikkhipe pare||
Na okkhipe pāragataɱ na eraye,||
Na cattavaṇṇaɱ parisāsu byāhare||
Anuddhato sammitabhāṇi subbato.|| ||

[210] Susukhumanipuṇatthadassinā||
Matikusalena nivāta-vuttinā,||
Saɱsevitavuddhasīlinā||
Nibbānaɱ na hi tena dullabhanti.|| ||

Itthaɱ sudaɱ āyasmā visākho pañcālaputto thero gāthāyo abhāsitthā' ti.|| ||

 

#166
Cūḷaka Thero

 

[211] Nadanti morā susikhā supekhuṇā||
Sunīlagīvā sumukhā sugajjino,||
Susaddalā cāpi mahāmahī ayaɱ||
Subyāpitambu suvalāhakaɱ nabhaɱ.|| ||

[212] Sukallarūpo sumanassa jhāya taɱ||
Suni-k-khamo sādhu suBuddha-sāsane,||
Susukkasukkaɱ nipaṇaɱ sududdasaɱ||
Phusāmi taɱ uttamamaccutaɱ padanti.|| ||

Itthaɱ sudaɱ āyasmā cūḷako thero gāthāyo abhāsitthā' ti.|| ||

 

#167
Anupama Thero

 

[213] Nandamānāgataɱ cittaɱ sūlamāropamānakaɱ,||
Tena ten'eva vajasi yena sūlaɱ kaliŋgaraɱ.|| ||

[214] Tāhaɱ cittakaliɱ brūmi taɱ brūmi cittadubbhakaɱ,||
Satthā te dullabho laddho mānatthe maɱ niyojayīti.|| ||

Itthaɱ sudaɱ āyasmā anupamo thero gāthāyo abhāsitthā' ti.|| ||

 

#168
Vajjita Thero

 

[215] Saɱsaraɱ dīgha-maddhānaɱ gatīsu parivattisaɱ,||
Apassaɱ ariya-saccāni andhabhūto puthujjano.|| ||

[216] Tassa [28] me appamattassa saɱsārā vinalīkatā,||
Gati1 sabbā samucchinnā n'atthi dāni puna-b-bhavo' ti.|| ||

Itthaɱ sudaɱ āyasmā Vajjīto thero gāthāyo abhāsitthā' ti.|| ||

 

#169
Sandhita Thero

 

[217] Assatthe haritokāse saɱvirūḷhampi pādape,||
Ekaɱ buddhagataɱ saññaɱ alabhitthaɱ patissato.|| ||

[218] Ekatiɱse ito kappe yaɱ saññamalabhiɱ tadā,||
Tassā saññāya vāhasā patto me āsavakkhayo' ti.|| ||

Itthaɱ sudaɱ āyasmā sandhito thero gāthāyo abhāsitthā' ti.|| ||

 

Tikanipāto

#170
AggikaBhāradvāja Thero

 

[219] Ayoni [29] suddhimanvesaɱ aggiɱ paricariɱ vane,||
SuddhiMaggaɱ ajānanto akāsiɱ amaraɱ tapaɱ.|| ||

[220] Taɱ sukhena sukhaɱ laddhaɱ passa dhammasudhammataɱ,||
Tisso vijjā anuppattā kataɱ Buddhassa sāsanaɱ.|| ||

[221] Brahumabandhu pure āsiɱ idāni khomhi brāhmaṇo,||
Tevijjo nahātako c'amhi setthiyo c'amhi vedagū' ti.|| ||

Itthaɱ sudaɱ āyasmā aggikaBhāradvājo thero gāthāyo abhāsitthā' ti.|| ||

 

#171
Paccaya Thero

 

[222] Pañcāhāhaɱ pabba-jito sekho appattamānaso,||
Vihāraɱ me paviṭṭhassa cetaso paṇidhī ahu.|| ||

[223] Nāsissaɱ na pivissāmi vihārato na ni-k-khame,||
Na pi passaɱ nipātessaɱ taṇhāsalle anūhate.|| ||

[224] Tassa c'evaɱ viharato passa viriyaparakkamaɱ,||
Tisso vijjā anupupattā kataɱ Buddhassa sāsanan' ti.|| ||

Itthaɱ sudaɱ āyasmā paccayo thero gāthāyo abhāsitthā' ti.|| ||

 

#172
Bakukula Thero

 

[225] Yo pubbe karaṇīyāni pacchā so kātumicchati,||
Sukhā so dhaɱsate ṭhānā pacchā ca manutappati.|| ||

[226] Yaɱ hi kayirā taɱ hi vade yaɱ na kayirā na taɱ vade,||
Akarontaɱ bhāsa-mānaɱ parijānanti paṇaḍitā.|| ||

[227] Susukhaɱ vata Nibbānaɱ Sammā-Sam-Buddhadesitaɱ,||
Asokaɱ virajaɱ khemaɱ yattha dukkhaɱ nirujjhatī' ti.|| ||

Itthaɱ sudaɱ āyasmā bakkulo thero gāthāyo abhāsitthā' ti.|| ||

 

#173
Dhaniya Thero

 

[228] Sukhañce [30] jīvituɱ icche sāmaññasmiɱ apekkhavā,||
Saŋghikaɱ nātimaññeyya cīvaraɱ pānabhojanaɱ.|| ||

[229] Sukhañce jīvituɱ icche sāmaññasmiɱ apekkhavā,||
Ahi musikasobbhaɱ va sevetha sayanāsanaɱ.|| ||

[230] Sukhañce jīvituɱ icche sāmaññasmiɱ apekkhavā,||
Itarītarena tusseyya eka-Dhammañ ca bhāvayeti.|| ||

Itthaɱ sudaɱ āyasmā dhaniyo thero gāthāyo abhāsitthā' ti.|| ||

 

#174
Mataŋgaputta Thero

 

[231] Atisītaɱ atiuṇhaɱ atisāyamidaɱ ahu,||
Iti vissaṭṭhakammante khaṇā accenti māṇave.|| ||

[232] Yo ca sītañ ca uṇhañca tiṇā bhiyyo na maññati,||
Karaɱ purisakiccāni so sukha na vihāyati.|| ||

[233] Dabbaɱ kusaɱ poṭakilaɱ usīraɱ muñjababbajaɱ||
Urasā panudissāmi vivekamanubrūhayanti.|| ||

Itthaɱ sudaɱ āyasmā mātaŋgaputto thero gāthāyo abhāsitthā' ti.|| ||

 

#175
Khujjasobhita Thero.

 

[234] Ye cittakathī bahu-s-sutā||
Samaṇā pāṭaliputtavāsino,||
Tesaññataroyamāyumā||
Dvāre tiṭṭhati khujjasobhito.|| ||

[235] Ye cittakathī bahu-s-sutā||
Samaṇā pāṭaliputtavāsino,||
Tesaññataroyamāyuvā||
Dvāre tiṭṭhati māluterito.|| ||

[236] Suyuddhena suyiṭṭhena saŋgāmavijayena ca,||
brahma-cariyānucaṇṇena evāyaɱ sukhamedhatī' ti.|| ||

Itthaɱ sudaɱ āyasmā khujjasobhito thero gāthāyo abhāsitthā' ti.|| ||

 

#176
Vāraṇa Thero

 

[237] Yodha koci manussesu parapāṇāni hiɱsati,||
Asmā lokā paramhā ca ubhayā dhaɱsate naro.|| ||

[238] Yo ca mettena cittena sabbapāṇānukampati,||
Bahuɱ1 so pasavati puññaɱ tena tādisako2 naro.|| ||

[239] Subhāsitassa sikkhetha samaṇūpāsanassa ca,||
Ekāsanassa raho cittavūpasamassa cāti.|| ||

Itthaɱ sudaɱ āyasmā vāraṇo thero gāthāyo abhāsitthā' ti.|| ||

 

#177
Passika Thero

 

[240] Eko pi saddho medhāvī assaddhānīdha ñātinaɱ,||
Dhammaṭṭho sīla-sampanno hoti atthāya bandhunaɱ, || ||

[241] Niggayha anukampāya codito ñātayo mayā,||
Ñātibandhavapemena kāraɱ katvāna bhikkhūsu.|| ||

[242] Te abbhatītā kālaɱkatā pattā te tividhaɱ sukhaɱ,||
Bhataro mayuhaɱ mātā ca modanti kāmakimino' ti.|| ||

Itthaɱ sudaɱ āyasmā passiko thero gāthāyo abhāsitthā' ti.|| ||

 

#178
Yasoja Thero

 

[243] Kāḷapabbaŋgasaŋkāso kiso dhamanisanthato,||
Mattaññū annapānamhi adīnamanaso naro.|| ||

[244] Phuṭṭho [31] ḍaɱsehi makasehi araññasmiɱ brahāvane,||
Nāgo saŋgāmasīseva sato tatrādhivāsaye.|| ||

[245] Yathā brahmā tathā eko yathā devo tathā duve,||
Yathā gāmo tathā tayo kolāhālaɱ tatuttarinti.|| ||

Itthaɱ sudaɱ āyasmā yasojo thero gāthāyo abhāsitthā' ti.|| ||

 

#179
Sāṭimattiya Thero

 

[246] Ahutuyhaɱ pure saddhā sā te ajja na vijjati,||
Yaɱ tuyhaɱ tuyhamevetaɱ n'atthi du-c-caritaɱ mama.|| ||

[247] Aniccā hi calā saddhā evaɱ diṭṭhā hi sā mayā,||
Rajjantipi virajjaniti tattha kiɱ jiyyate muni.|| ||

[248] Paccati munino bhattaɱ theka thokaɱ kule kule,||
Piṇḍikāya carissāmi atthi jaŋghābalaɱ mamā' ti.|| ||

Itthaɱ sudaɱ āyasmā sāṭimattiyo thero gāthāyo abhāsitthā' ti.|| ||

 

#180
Upāli Thero

 

[249] Saddhāya abhini-k-khamma navapabba-jito navo,||
Matte bhajeyya kalyāṇe suddhājīve atandite.|| ||

[250] Saddhāya abhini-k-khamma navapabba-jito navo,||
Saŋghasmiɱ viharaɱ bhikkhu sikkhetha vinayaɱ budho.|| ||

[251] Saddhāya abhini-k-khamma navapabba-jito navo,||
Kappākappesu kusalo vihareyya apurakkhato.|| ||

Itthaɱ sudaɱ āyasmā upālitthero gāthāyo abhāsitthā' ti.|| ||

 

#181
Uttarapāla Thero

 

[252] Paṇḍitaɱ vata maɱ santaɱ alamatthavicintakaɱ,||
Pañcakāma-guṇā loke sammohā pātayiɱsu maɱ.|| ||

[253] Pakkhanno māravisaye daḷhasallasamappito,||
Asakkhiɱ maccurājassa ahaɱ pāsā pamuccituɱ.|| ||

[254] Sabbe kāmā pahīnā me bhavā sabbe vidāḷitā,||
Cikkhīṇo jāti-saɱsāro n'atthi dāni puna-b-bhavo' ti.|| ||

Itthaɱ sudaɱ āyasmā uttarapālatthero gāthāyo abhāsitthā' ti.|| ||

 

#182
Abhibhūta Thero

 

[255] Suṇātha ñātayo sabbe yāvantettha samāgatā,||
Dhammaɱ vo desayissami dukkhā jāti puna-p-punaɱ.|| ||

[256] Ārabhatha ni-k-khamatha yuñjatha Buddha-sāsane,||
Dhanātha maccuno senaɱ naḷāgāraɱ va kuñjaro.|| ||

[257] Yo imasmiɱ Dhamma-Vinaye appamatto vihessati,||
Pahāya jāti-saɱsāraɱ dukkhassantaɱ karissatī' ti.|| ||

Itthaɱ sudaɱ āyasmā abhibhūto thero gāthāyo abhāsitthā' ti.|| ||

 

#183
Gotama Thero

 

[258] Saɱsaraɱ [32] hi Nirayaɱ agacchisaɱ||
Petalokamagamaɱ puna-p-punaɱ,||
Dukkhamamhi pi tiracchāna-yoniyaɱ||
Nekadhā hi vusitaɱ ciraɱ mayā.|| ||

[259] Mānuso ca bhavobhirādhito||
Saggakāyamagamaɱ sakiɱ sakiɱ,||
Rūpa-dhātusu arūpadhātusu||
N'evasaññisu asaññīsuṭṭhitaɱ.|| ||

[260] Sambhavā suviditā asārakā||
Saŋkhatā pacalitā saderitā,||
Taɱ viditva mahamattasambhavaɱ,||
Santimeva satimā samajjhagan' ti.|| ||

Itthaɱ sudaɱ āyasmā gotamo thero gāthāyo abhāsitthā' ti.|| ||

 

#184
Hārita Thero

 

[261] Yo pubbe karaṇīyāni pacchā so kātumicchati,||
Sukhā so dhaɱsate ṭhānā pacchā ca manutappati.|| ||

[262] Yañhi kayirā tañhi vade yaɱ na kayirā na taɱ vade,||
Akarontaɱ bhāsa-mānaɱ parijānanti paṇḍitā.|| ||

[263] Susukhaɱ vata Nibbānaɱ sammāmbuddhadesitaɱ,||
Asokaɱ virajaɱ khemaɱ yattha dukkhaɱ nirujjhatī' ti.|| ||

Itthaɱ sudaɱ āyasmā hārito thero gāthāyo abhāsitthā' ti.|| ||

 

#185
Vimala Thero

 

[264] Pāpamitte vivajchetvā bhajeyyuttamapuggale||
Ovāde cassa tiṭṭheyya patthento acalaɱ sukhaɱ.|| ||

[265] Parittaɱ dārumāruyha yathā sīde mahaṇṇave,||
Evaɱ kusītamāgamma sādhujīvīpi sīdati, || ||

[266] Pavivittehi ariyehi pahit'attehi jhāyihi||
Niccaɱ āraddha-viriyehi paṇḍitehi sahāvase' ti.|| ||

Itthaɱ sudaɱ āyasmā vimalo thero gāthāyo abhāsitthā' ti.|| ||

Tikanipāto niṭṭhito.|| ||

 

Catukka Nipāta

#186
Nāgasamāla Thero

 

[33] [267] Alaŋkatā suvasanā mālinī candanussadā,||
Majjhe mahapathe nārī turiye naccanti nāṭakī.|| ||

[268] Piṇḍikāya paviṭṭhohaɱ gacchanto naɱ udikkhisaɱ,||
Alaŋkataɱ savasanaɱ maccupāsaɱva oḍḍitaɱ.|| ||

[269] Tato me manasīkāro yoniso udapajjatha,||
Ādīnavo pāturahu nibbidā samatiṭṭhatha.|| ||

[270] Tato cittaɱ vimucci me passa dhammasudhammataɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā nāgasamālo thero gāthāyo abhāsitthā' ti.|| ||

 

#187
Bhagu Thero

 

[271] Ahaɱ middhena pakato vihārā upani-k-khamiɱ,||
Caŋkamaɱ abhirūhanto tatth'eva papatiɱ 'chamā.|| ||

[272] Gattāni parimajjitvā punapāruyuha caŋkamaɱ,||
Caŋkame caŋkamiɱ sohaɱ ajjhattaɱ susamāhito.|| ||

[273] Tato me manasīkāro yoniso udapajjatha,||
Ādīnavo pāturahu nibbidā samatiṭṭhatha.|| ||

[274] Tato cittaɱ vimucci me passa dhammasudhammataɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā bhaguthero gāthāyo abhāsitthā' ti.|| ||

 

#188
Sabhiya Thero

 

[275] Pare ca na vijānanti mayamettha yamāmase,||
Ye ca tattha vijānanti tato sammanti medhagā.|| ||

[276] Yadā ca avijānantā iriyantyamarā viya,||
Vijānanti ca ye mmaɱ āturesu anāturā.|| ||

[277] Yaɱ kiñci sithilaɱ kammaɱ saŋkiliṭṭhaɱ ca yaɱ vataɱ,||
Saŋkassaraɱ Brahma-cariyaɱ na taɱ hoti maha-p-phalaɱ.|| ||

[278] Yassa sabrahma-cārisu gāravo nūpalabbhati,||
Ārakā hoti Sad'Dhammā nabhaɱ puthuviyā yathā' ti.|| ||

Itthaɱ sudaɱ āyasmā sabhiyo thero gāthāyo abhāsitthā' ti.|| ||

 

#189
Nandaka Thero

 

[279] Dhi-r-atthu pure duggandhe mārapakkhe avassute,||
Navasotāni te kāye yāni sandanti sabbadā.|| ||

[280] Māpurāṇaɱ [34] amaññittho māsā desi Tathāgate,||
Sagge'pi te na rajjanti kimaŋga pana mānuse.|| ||

[281] Ye ca kho bālā dummedhā dummantī mohapārutā,||
Tādisā tattha rajjanti mārakhittamhi bandhate.|| ||

[282] Yesaɱ rāgo ca doso ca avijjā ca virājitā,||
Tādītattha na rajjanti1 chinnasuttā abandhanā' ti.|| ||

Itthaɱ sudaɱ āyasmā nandako thero gāthāyo abhāsitthā' ti.|| ||

 

#190
Jambuka Thero

 

[283] Pañcapaññāsavassāni rajojallamadhārayiɱ,||
Bhuñjanto māsikaɱ bhattaɱ kesa-massuɱ alocayiɱ.|| ||

[284] Ekapādena aṭṭhāsiɱ āsanaɱ parivajjayiɱ,||
Sukkhagūthāni ca khādiɱ udādasaɱ ca na sādiyiɱ.|| ||

[285] Etādisaɱ karitvāna bahuɱ duggatigāminaɱ,||
Vuyhamāno mahoghena Buddhaɱ saraṇam āgamaɱ.|| ||

[286] Saraṇāgamanaɱ passa passa dhammasudhammataɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā jambuko thero gāthāyo abhāsitthā' ti.|| ||

 

#191
Senaka Thero

 

[287] Sā-gataɱ vata me āsi gayāyaɱ gayāphagguyā,||
Yaɱ addasāsiɱ sambuddhaɱ desentaɱ dhammamuttamaɱ.|| ||

[288] Mahappabhaɱ gaṇācariyaɱ aggappattaɱ vināyakaɱ,||
Sadevakassa lekassa jinaɱ atuladassanaɱ.|| ||

[289] Mahānāgaɱ mahāvīraɱ mahā-jutimanasavaɱ,||
Sabbāsavaparikkhīṇaɱ Satthāramakutobhayaɱ.|| ||

[290] Cirasaŋkiliṭṭhaɱ vata maɱ diṭṭhisandānasanditaɱ,||
Vimocayī so bhagavā sabbaganthehi senakan' ti.|| ||

Itthaɱ sudaɱ āyasmā senako thero gāthāyo abhāsitthā' ti.|| ||

 

#192
Sambhūta Thero

 

[291] Yo dandhakāle tarati taraṇīye ca dandhaye||
Ayoni1 saɱvidhānena bālo dukkhaɱ nigacchati.|| ||

[292] TasSatthā parihāyanti kāḷapakkheva candimā||
Āyasasyañ ca pappoti mittehi ca virujjhati.|| ||

[293] Yo dandhakāle dandheti taraṇīye ca tāraye||
Yoniso saɱvidhānena sukhaɱ pappoti paṇḍito.|| ||

[294] TasSatthā paripūrenti sukkhapakkheva candimā||
Yaso kittiñca pappoti mittehi na virujjhatī' ti.|| ||

Itthaɱ sudaɱ āyasmā sambhūto thero gāthāyo abhāsitthā' ti.|| ||

 

#193
Rāhula Thero

 

[295] Ubhayen'eva [35] sampanno rāhulabhaddo' ti maɱ vidū||
Yañc'amhi putto Buddhassa yaɱ ca dhammesu cakkhumā.|| ||

[296] Yaɱ ca āsavā khīṇā yaɱ n'atthi puna-b-bhavo||
Arahā dakkhiṇeyyomhi tevijjo amata-d-daso.|| ||

[297] Kāmandhā jālapacchannā taṇhāchadanachāditā||
Pamattabandhunā baddhā macchāva kumināmukhe.|| ||

[298] Taɱ kāmaɱ ahamujjhatvā chetvā Mārassa bandhanaɱ||
Samūlaɱ taṇhamabbuyha sītibhūtosmi nibbuto' ti.|| ||

Itthaɱ sudaɱ āyasmā rāhulo thero gāthāyo abhāsitthā' ti.|| ||

 

#194
Candana Thero

 

[299] Jātarūpena pacchannā dāsīgaṇapurakkhatā||
Aŋkena puttamādāya bhariyā maɱ upāgami.|| ||

[300] Taɱ ca disvāna āyantiɱ sakaputtassa mātaraɱ||
Alaŋkataɱ suvasanaɱ maccupāsaɱ'va oḍḍitaɱ.|| ||

[301] Tato me manasīkāro yoniso udapajjatha||
Ādīnavo pāturahu nibbidā samatiṭṭhatha.|| ||

[302] Tato cittaɱ vimucci me passa dhammasudhammataɱ||
Tisso vijjā anuppattā kataɱ Buddhassa sāsananti.|| ||

Itthaɱ sudaɱ āyasmā candano thero gāthāyo abhāsitthā' ti.|| ||

 

#195
Dhammika Thero

 

[303] Dhammo have rakikhati dhammacāriɱ||
Dhammo suciṇṇo sukhamāvahāti,||
Esānisaɱso dhamme suciṇṇe||
Na duggatiɱ gacchati dhammacārī.|| ||

[304] Na hi dhammo adhammo ca ubho samavipākino,||
Adhammo Nirayaɱ neti dhammo pāpeti suggatiɱ.|| ||

[305] Tasmā hi dhammesu kareyya 'ndaɱ||
Iti modamāno sugatena tādinā,||
Dhamme ṭhitā Sugatavarassa sāvakā||
Nīyanti dhīrā saraṇavaraggagāmino.|| ||

[306] Vipphoṭito gaṇḍamūlo||
Taṇhājālo samūhato,||
So khīṇa-saɱsāro na catthi niñcanaɱ||
Cando yathā dosinā puṇṇamāsiyāti.|| ||

Itthaɱ sudaɱ āyasmā dhammiko thero gāthāyo abhāsitthā' ti.|| ||

 

#196
Sappaka Thero

 

[307] Yadā [36] balākā sucipaṇḍaracchadā||
Kāḷassa meghassa bhayena tajjitā,||
Palehiti ālayamālayesinī||
Tadā nadī ajakaraṇī rameti maɱ.|| ||

[308] Yadā balākā suvisuddhapaṇaḍarā||
Kāḷassa meghassa bhayena tajjitā,||
Pariyesati leṇamaleṇadassinī||
Tadā nadī ajakaraṇī rameti maɱ.|| ||

[309] Kaɱ nu tattha na ramenti jambuyo ubhato tahiɱ,||
Sobhenti āpagākūlaɱ mama leṇassa pacchato.|| ||

[310] Tā mata-mada-saŋgha-suppahīnā||
Bhekā mandavatī panādayanti,||
Nājja girinadīhi vippavāsasamayo||
Khemā ajakaraṇī sivā surammā' ti.|| ||

Itthaɱ sudaɱ āyasmā sappako thero gāthāyo abhāsitthā' ti.|| ||

 

#197
Mudita Thero

 

[311] Pabbajiɱ jīvikattho'haɱ laddhāna upasampadaɱ,||
Tato saddhaɱ paṭilabhiɱ daḷhaviriyo parakkamiɱ.|| ||

[312] Kāmaɱ bhijjatu'yaɱ kāyo maɱsapesī visīyaruɱ,||
Ubho jaṇṇukasandhīhi jaŋghāyo papatantu me.|| ||

[313] Nāsissaɱ na pivissāmi vihārā ca na ni-k-khame,||
Na'pi passaɱ nipātessaɱ taṇhasalle anūhate.|| ||

[314] Tassa mevaɱ viharato passa viriyaparakkamaɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā mudito thero gāthāyo abhāsitthā' ti.|| ||

Catukka Nipāta niṭṭhito.|| ||

 

Pañcakanipāto

.

#198
Rājadatta Thero

 

[315] Bhikkhu [37] sīvathikaɱ gantvā addasaɱ itthimujjhataɱ,||
Apaviddhaɱ susānasmiɱ khajjantiɱ kimihī phuṭaɱ.|| ||

[316] Yaɱ hi eke jigucchanti mataɱ disvāna pāpakaɱ,||
Kāmarāgo pāturahu andho'va vasatī ahuɱ.|| ||

[317] Oraɱ odanapākamhā tamhā ṭhānā apakkamiɱ,||
Satimā sampajānohaɱ eka-m-antaɱ upāvisiɱ.|| ||

[318] Tato me vanasikāro yoniso udapajjatha,||
Ādīnavo pāturahu nibbidā samatiṭṭhatha.|| ||

[319] Tato cittaɱ vimucci me passa dhammasudhammataɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā rājadatto thero gāthāyo abhāsitthā' ti.|| ||

 

#199
Subhūta Thero

 

[320] Ayoge yuñjamattānaɱ puriso kiccamicchato,||
Caraɱ ce nādhigaccheyya taɱ me dubbhagalakkhaṇaɱ.|| ||

[321] Abbūḷhaɱ aghagataɱ vijitaɱ||
Ekaɱ ce ossajeyya kalīva siyā,||
Sabbānipi ce ossajeyya andhova siyā||
Samavisamassa adassanato.|| ||

[322] Yaɱ hi kayirā taɱ hi vade yaɱ na kayirā na taɱ vade,||
Akarontaɱ bhāsa-mānaɱ parijānanti paṇḍitā.|| ||

[323] Yathā'pi ruciraɱ pupphaɱ vaṇṇavantaɱ agandhakaɱ,||
Evaɱ subhā-sitā vācā aphalā hoti akubbato.|| ||

[324] Yathā'pi ruciraɱ pupphaɱ vaṇṇavantaɱ sagandhakaɱ,||
Evaɱ subhā-sitā vācā saphalā hoti pakubbato'ti.|| ||

Itthaɱ sudaɱ āyasmā subhūto thero gāthāyo abhāsitthā' ti.|| ||

 

#200
Girimānanda Thero

 

[325] Vassati [38] devo yathā sugītaɱ||
Channā me kuṭikā sukhā nivātā,||
Tassaɱ viharāmi vūpasanto||
Atha ve patthayasī pavassa deva.|| ||

[326] Vassati devo yathā sugītaɱ||
Channā me kuṭikā sukhā nivātā,||
Tassaɱ viharāmi santacitto||
Atha ve patthayasī pavassa deva.|| ||

[327] Vassati devo yathā sugītaɱ||
Channā me kuṭikā sukhā nivātā,||
Tassaɱ viharāmi vīta-rāgo||
Atha ve patthayasī pavassa deva.|| ||

[328] Vassati devo yathā sugītaɱ||
Channā me kuṭikā sukhā nivātā,||
Tassaɱ viharāmi vītadoso||
Atha ve patthayasī pavassa deva.|| ||

[329] Vassati devo yathā sugītaɱ||
Channā me kuṭikā sukhā nivātā,||
Tassaɱ viharāmi vītamoho||
Atha ve patthayasī pavassa deva.|| ||

Itthaɱ sudaɱ āyasmā girimānando thero gāthāyo abhāsitthā' ti.|| ||

 

#201
Sumana Thero

 

[330] Yaɱ patthayāno dhammesu upajjhāyo anuggahī,||
Amataɱ abhikaŋkhantaɱ kataɱ kattabbakaɱ mayā.|| ||

[331] Anuppatto sacchi-kato sayaɱ dhammo anītiho,||
Visuddhañāṇo nikkaŋkho vyākaromi tavantike.|| ||

[332] Pubbe-nivāsaɱ jānāmi dibba-cakkhu visodhitaɱ,||
Sadattho me anuppatto kataɱ Buddhassa sāsanaɱ.|| ||

[333] Appamattassa me sikkhā sussutā tava sāsane,||
Sabbe me asavā khīṇā n'atthi dāni puna-b-bhavo.|| ||

[334] Anusāsi maɱ ariyavatā anukampi anuggahi,||
Amogho tuyhamovādo antevāsimhi sikkhito' ti.|| ||

Itthaɱ sudaɱ āyasmā sumano thero gāthāyo abhāsitthā' ti.|| ||

 

#202
Vaḍḍha Thero

 

[335] Sādhū hi kira me mātā patodaɱ upadaɱsayi,||
Yassāhaɱ vacanaɱ sutvā anusiṭṭho janettiyā,||
Āraddha-viriyo pahit'atto patto sambodhimuttamaɱ.|| ||

[336] Arahā dakkhiṇeyyomhi tevijjo amata-d-daso,||
Jetvā1 namucano senaɱ viharāmi anāsavo.|| ||

[337] Ajjhattaɱ ca bahiddhā ca ye me vijjiɱsu āsavā,||
Sabbe asso ucchinnā na ca uppajjare puna.|| ||

[338] Visāradā kho bhagini etam atthaɱ abhāsayi,||
Apihā nūna mayi'pi vanatho te na vijjati.|| ||

[339] Pariyantakataɱ dukkhaɱ antimo'taɱ samussayo,||
Jātimaraṇasaɱsāro n'atthi dāni puna-b-bhavo' ti.|| ||

Itthaɱ sudaɱ āyasmā vaḍḍho thero gāthāyo abhāsitthā' ti.|| ||

 

#203
NadīKassapa Thero

 

[340] Atthāya vata me Buddho nadiɱ nerañjaraɱ agā,||
Yassāhaɱ dhammaɱ sutvāna micchā-diṭṭhiɱ vivajjayiɱ.|| ||

[341] Yajiɱ [39] uccāvace yaññe aggihuttaɱ juhiɱ ahaɱ,||
Esā suddhiti maññanto andhabhūto puthujjano.|| ||

[342] Diṭṭhigahanapakkhanno parāmāsena mohito,||
Asuddhiɱ maññisaɱ suddhiɱ andhabhūto aviddasu.|| ||

[343] Micchā-diṭṭhi pahīnā me bhavā sabbe vidālitā,||
Juhāmi dakkhiṇeyy'aggiɱ namassāmi Tathāgataɱ.|| ||

[344] Mohā sabbe pahīnā me bhava-taṇhā padālitā,||
Vikkhīṇo jāti-saɱsāro n'atthi dāni puna-b-bhavo' ti.|| ||

Itthaɱ sudaɱ āyasmā nadīKassapo thero gāthāyo abhāsitthā' ti.|| ||

 

#204
GayāKassapa Thero

 

[345] Pāto majjhantikaɱ sāyaɱ ti-k-khattuɱ divasassahaɱ,||
Otariɱ udakaɱ so'haɱ gayāya gayaphagguyā.|| ||

[346] Yaɱ mayā pakataɱ pāpaɱ pubbe aññāsu jātisu,||
Taɱ dānīdha pavāhemi evaɱ-diṭṭhi pure ahuɱ.|| ||

[347] Sutvā su-bhāsitaɱ vācaɱ dhammatthasahitaɱ padaɱ,||
Tathaɱ yāthāvataɱ atthaɱ yoniso pacc-a-vekkhisaɱ.|| ||

[348] Ninhātasabbapāpomhi nimmalo payato suci,||
Suddho suddhassa dāyādo putto Buddhassa oraso.|| ||

[349] Ogayhaṭṭhaŋgikaɱ sotaɱ sabbapāpaɱ pavāhayiɱ,||
Tisso vijjā ajjhagamiɱ kataɱ Buddhassa sāsanan' ti.|| ||

Itthaɱ sudaɱ āyasmā gayāKassapo thero gāthāyo abhāsitthā' ti.|| ||

 

#205
Vakkali Thero

 

[350] Vātarogābhinīto tvaɱ viharaɱ kānane vane,||
Paviddhagocare lūkhe kathaɱ bhikkhu karissasi.|| ||

[351] Pītisukhena vipulena pharamāno samussayaɱ,||
Lūkhampi abhisambhonto viharissāmi kānane.|| ||

[352] Bhāvento sati-paṭṭhāne indriyāni balāni ca,||
Bojjhaŋgāni ca bhāvento viharissāmi kānane.|| ||

[353] Āraddha-viriyo pahit'atto niccaɱ daḷha-parakkamo,||
Samagge sahāte disvā viharissāmi kānane.|| ||

[354] Anussaranto sambuddhaɱ aggaɱ dantaɱ samāhitaɱ,||
Atandito rattin-divaɱ viharissāmi kānane' ti.|| ||

Itthaɱ sudaɱ āyasmā vakkalitthero gāthāyo abhāsitthā' ti.|| ||

 

#206
Vijitasena Thero

 

[355] Olaggessāmi te citta āṇidvāreva hatthinaɱ,||
Na taɱ pāpe niyojessaɱ kāmajāla sarīraja.|| ||

[356] Tvaɱ [40] olaggo na gacchasi dvāravivaraɱ gajo'va alabhanto,||
Na ca cittakali puna-p-punaɱ pasahaɱ pāparato carissasi.|| ||

[357] Yathā kuñjaraɱ madantaɱ navaggahamaŋkusallaho,||
Balavā āvatteti akāmaɱ evaɱ āvattayissaɱ taɱ.|| ||

[358] Yathā varahayadamakusalo sārathi pavaro dameti ājaññaɱ,||
Evaɱ damayissaɱ taɱ patiṭṭhito pañcasu balesu.|| ||

[359] Satiyā taɱ nabandhissaɱ payatatto vodapessāmi,||
Viriyadhuraniggahito na niyato dūraɱ gamissase cittā' ti.|| ||

Itthaɱ sudaɱ āyasmā vijitaseno thero gāthāyo abhāsitthā' ti.|| ||

 

#207
Yasadatta Thero

 

[360] Upārambha-citto dummedho suṇāti jinasāsanaɱ,||
Ārakā hoti Sad'Dhammā nabhaso paṭhavī yathā.|| ||

[361] Upārambha-citto dummedho suṇāti jinasāsanaɱ,||
Parihayati Sad'Dhammā kāḷapakkheva candimā.|| ||

[362] Upārambha-citto dummedho suṇāti jinasāsanaɱ,||
Parisusti Sad'Dhamme macchā appodake yathā.|| ||

[363] Upārambha-citto dummedho suṇāti jinasāsanaɱ,||
Na virūhati Sad'Dhamme khette bījaɱva pūtikaɱ.|| ||

[364] Yo ca tuṭṭhena cittena suṇāti jinasāsanaɱ,||
Khepetvā āsave sabbe sacchi-katvā akuppataɱ,||
Pappuyya paramaɱ santiɱ parinibbāti anāsavo'ti.|| ||

Itthaɱ sudaɱ āyasmā yasadatto thero gāthāyo abhāsitthā' ti.|| ||

 

#208
Soṇakuṭikaṇṇa Thero

 

[365] Upasampadā ca me laddhā vimutto c'amhi anāsavo,||
So ca me bhagavā diṭṭho vihāre ca sahāvasiɱ.|| ||

[366] Bahudeva rattiɱ bhagavā abbho kāsetināmayi,||
Vihārakusalo Satthā vihāraɱ pāvisī tadā.|| ||

[367] Santharitvāna saŋghāṭiɱ seyyaɱ kappesi gotamo,||
Sīho selaguhāyaɱ'va pahīnabhayabheravo.|| ||

[368] Tato kalyāṇa-vākkaraṇo Sammā-Sam-Buddha-sāvako,||
Soṇo abhāsi Sad'Dhammaɱ buddhaseṭṭhassa sammukhā.|| ||

[369] Pañca-k-khandhe pariññāya bhāvayitvāna añjasaɱ,||
Pappuyya paramaɱ santiɱ parinibbissatyanāsavo' ti.|| ||

Itthaɱ sudaɱ āyasmā soṇo thero gāthāyo abhāsitthā' ti.|| ||

 

#209
Kosiya Thero

 

[370] Yo [41] ve garūnaɱ cenaññu dhīro||
Vase ca tamhi janaye ca pemaɱ,||
So bhattimā nāma ca hoti paṇḍito||
Ñatvā ca dhammesu visesi assa.|| ||

[371] Yaɱ āpadā uppatitā uḷārā||
Nakkhamphayante paṭisaŋkhayantaɱ,||
So thāmavā nāma ca hoti paṇḍito||
Ñatvā ca dhammesu visesi assa.|| ||

[372] Yo ve samuddo'va ṭhito anejo||
Gambhirapañño nipuṇatthadassī,||
Asaɱhāriyo nāma ca hoti paṇḍito||
Ñatvā ca dhammesu visesi assa.|| ||

[373] Bahu-s-suto dhamma-dharo ca hoti||
Dhammassa hoti anudhassacārī,||
So tādiso nāma ca hoti paṇḍito||
Ñatvā ca dhammesu visesi assa.|| ||

[374] Atthaɱ ca yo jānāti bhāsitassa||
Atthaɱ ca ñatvāna tathā karoti||
Atthantaro nāma sa hoti paṇḍito||
Ñatvā ca dhammesu visesi assā' ti.|| ||

Itthaɱ sudaɱ āyasmā kosiyo thero gāthāyo abhāsitthā' ti.|| ||

Pañcakanipāto niṭṭhito.|| ||

 

Chakkanipāto

#210
UruvelaKassapa Thero

 

[42] [375] Disvāna pāṭihīrāni Gotamassa yasassino,||
Na tāvāhaɱ paṇipatiɱ issāmānena vañcito.|| ||

[376] Mama saŋkappamaññāya codesi narasārathi,||
Tato me āsi saɱvego abbhuto lomahaɱsano.|| ||

[377] Pubbe jaṭilabhūtassa yā me siddhi1 parittikā,||
Tāhaɱ tadā niraɱkatvā pabbajiɱ jinasāsane.|| ||

[378] Pubbe yaññena santuṭṭho kāma-dhātupurakkhato,||
Pacchā rāgaɱ ca dosaɱ ca mohaɱ cāpi samūhaniɱ.|| ||

[379] Pubbe-nivāsaɱ jānāmi dabbacakkhu visodhitaɱ,||
Iddhimā para-cittaññū dibbasotañ ca pāpuṇiɱ.|| ||

[380] Yassa catthāya pabba-jito agārasmānagāriyaɱ,||
So me attho anuppatto sabba-saŋyojana-k-khayo' ti.|| ||

Itthaɱ sudaɱ āyasmā uruvelaKassapo thero gāthāyo abhāsitthā' ti.|| ||

 

#211
Tekicchakāni Thero

 

[381] Atihitā vīhi khalagatā sālī,||
Na ca labhe piṇḍaɱ kathamahaɱ kassaɱ.|| ||

[382] Buddhamappameyyaɱ anussara pasanno,||
Pītiyā phuṭasarīro hohisi satatamudaggo.|| ||

[383] Dhammamappameyyaɱ anussara pasanno,||
Pītiyā phuṭasarīro hohisi satatamudaggo.|| ||

[384] Saŋghamappameyyaɱ anussara pasanno,||
Pītiyā phuṭasarīro hohisi satatamudaggo.|| ||

[385] Abbhokāse viharasi sītā hemantikā imā rattiyo,||
Mā sītena pareto vihaññittho pavisa tvaɱ vihāraɱ phusitaggaḷaɱ.|| ||

[386] Phusissaɱ catasso appamaññāyo||
Tāhi ca sukhito viharissaɱ,||
Nāhaɱ sītena vihaññissaɱ||
Aniñjito viharanto' ti.|| ||

Itthaɱ sudaɱ āyasmā tekicchakāni thero gāthāyo abhāsitthā' ti.|| ||

 

#212
Mahānāga Thero

 

[387] Yassa [43] sabrahma-cārīsu gāravo nūpalabbhati,||
Parihāyati Sad'Dhammā maccho appodake yathā.|| ||

[388] Yassa sabrahma-cārīsu gāravo nūpalabbhati,||
Na virūhati Sad'Dhamme khette bījaɱva pūtikaɱ.|| ||

[389] Yassa sabrahma-cārīsu gāravo nūpalabbhati,||
Arako hoti nibbānā, dhammarājassa sāsane.|| ||

[390] Yassa sabrahma-cārīsu gāravo nūpalabbhati,||
Na vihāyati Sad'Dhammā maccho bavhodake yathā.|| ||

[391] Yassa sabrahma-cārīsu gāravo nūpalabbhati,||
So virūhati Sad'Dhamme khette bījaɱva bhaddakaɱ.|| ||

[392] Yassa sabrahma-cārīsu gāravo nūpalabbhati,||
Santike hoti Nibbānaɱ dhammarājassa sāsane' ti.|| ||

Itthaɱ sudaɱ āyasmā mahānāgo thero gāthāyo abhāsitthā' ti.|| ||

 

#213
Kulla Thero

 

[393] Kullo sīvathikaɱ gantvā addasa itthimujjhataɱ,||
Apaviddhaɱ susānasmiɱ khajjantiɱ kimihī phuṭaɱ.|| ||

[394] Āturaɱ asuciɱ pūtiɱ passa kulla samussayaɱ,||
Uggharantaɱ paggharantaɱ bālānaɱ abhinanditaɱ.|| ||

[395] Dhammādāsaɱ gahetvāna ñāṇa-dassanapattiyā,||
Paccavekkhiɱ imaɱ kāyaɱ tucchaɱ santara-bāhiraɱ.|| ||

[396] Yathā idaɱ tathā etaɱ, yathā etaɱ tathā idaɱ,||
Yathā adho tathā uddhaɱ yathi uddhaɱ tathā adho.|| ||

[397] Yathā divā tathā rattiɱ yathā rattiɱ tathā divā,||
Yathā pure tathā pacchā yathā pacchā tathā pure.|| ||

[398] Pañcaŋgikena turiyena na ratī hoti tādisī,||
Yathā ek'agga-cittassa sammā dhammaɱ vipassato' ti.|| ||

Itthaɱ sudaɱ āyasmā kullo thero gāthāyo abhāsitthā' ti.|| ||

 

#214
Māluŋkya-putta Thero

 

[399] Manujassa pamatta-cārino taṇhā vaḍḍhati māluvā viya,||
So palavati hurā huraɱ phalamicchaɱ va vanasmiɱ vānaro.|| ||

[400] Yaɱ esā sahate jammi taṇhā loke visattikā,||
Sokā tassa pavaḍḍhati abhivaṭṭhaɱ va bīraṇaɱ.|| ||

[401] Yo cetaɱ sahate jammiɱ taṇhaɱ loke duraccayaɱ,||
Sokā tamhā papatanti udabinduva pokkharā.|| ||

[402] Taɱ [44] vo vadāmi bhaddaɱ vo yāvantettha samāgatā,||
Taṇhāya mūlaɱ khaṇatha usīrattheva bīraṇaɱ,||
Mā vo naḷaɱ va soto va māro bhañji puna-p-punaɱ.|| ||

[403] Karotha buddhavacakaɱ khaṇo vo mā upaccagā,||
Khaṇatītā hi socanti Nirayamhi samappitā.|| ||

[404] Pamādo rajo sabbadā pamādānupatito rajo,||
Appamādena vijjāya abbahe sallamattano' ti.|| ||

Itthaɱ sudaɱ āyasmā māluŋkyaputto thero gāthāyo abhāsitthā' ti.|| ||

 

#215
Sappadāsa Thero

 

[405] Paṇṇavīsati vassāni yato pabba-jito ahaɱ,||
Accharāsaŋghātamattampi cetosantimanajjhagaɱ.|| ||

[406] Aladdhā cittassek'aggaɱ kāmarāgena addito,||
Bāhā paggayha kandanto vihārā upani-k-khamiɱ.|| ||

[407] Satthaɱ vā āharissāmi ko attho jīvitena me,||
Kathaɱ hi sikkhaɱ paccakkhaɱ kālaɱ kubbetha mādiso.|| ||

[408] Tadāhaɱ khuramādāya mañcakamhi upāvisiɱ,||
Parinīto khuro āsi dhamaniɱ chettumattano.|| ||

[409] Tato me mana-sikāro yoniso udapajjatha,||
Ādīnavo pāturahu nibbidā samatiṭṭhatha.|| ||

[410] Tato cittaɱ vimucci me passa dhammasudhammataɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā sappadāso thero gāthāyo abhāsitthā' ti.|| ||

 

#216
Kātiyāna Thero

 

[411] Uṭṭhehi nisīdi kātiyāna||
Mā niddābahulo ahu jāgarassu,||
Mā taɱ alasaɱ pamattabandhu||
Kūṭen'eva jinātumaccurājā.|| ||

[412] Sayathāpi mahā-samuddavego||
Evaɱ jāti-jarātivattate taɱ,||
So karohi sudīpamattanā tvaɱ||
Na hi tāṇaɱ tava vijjateva aññaɱ.|| ||

[413] Satthā hi vijesi Maggametaɱ||
Saŋgā jāti-jarābhayā atītaɱ,||
Pubbāpararattamappamatto||
Anuyuñjassu daḷhaɱ karohi yogaɱ.|| ||

[414] Purimāni pamuñca bandhanāni||
Saŋghāṭi khura-muṇḍabhikkhabhojī,||
Mā khiḍḍāratiñca niddaɱ||
Anuyuñjittha jhāya kātiyāna. || ||

[415] Jhāyāhi [45] jināhi kātiyāna||
Yogakkhemapathesu kovidosi,||
Pappuyya anuttaraɱ visuddhaɱ||
Parinibbāhisi vārināva joti.|| ||

[416] Pajjotikaro parittaraɱso||
Vātena vinamyate latāva,||
Evampi tuvaɱ anādiyāno||
Māraɱ indasagotta niddhunāhi,||
So vedayitāsu vītarāso||
Kālaɱ kaŋkha idh'eva sītibhūto' ti.|| ||

Itthaɱ sudaɱ āyasmā kātiyāno thero gāthāyo abhāsitthā' ti.|| ||

 

#217
Migajāla Thero

 

[417] Sudesito cakkhu-matā buddhenādiccabandhunā,||
Sabbasaŋyojanātīto sabbavaṭṭavināsano.|| ||

[418] Niyyāniko uttaraṇo taṇhāmūlavisosano,||
Visamūlaɱ āghātanaɱ chetvā pāpeti nibbutiɱ.|| ||

[419] Aññaṇamūlabhedāya kammayantavighāṭano,||
Viññāṇānaɱ parillahe ñāṇavajīranipātino.|| ||

[420] Vedanānaɱ viññapano upādānappamocano,||
Bhavaɱ aŋg'ārakāsuɱ va ñāṇena anupassako|| ||

[421] Mahāraso sugambhīro jarāmaccunivāraṇo,||
Ariyo aṭṭhaŋgiko Maggo dukkhūpasamano sivo.|| ||

[422] Kammaɱ kammanti ñatvāna vipākaɱ ca vipākato,||
Paṭiccuppannadhammānaɱ yathā vā lokadassano||
Mahākhemaŋgamo santo pariyosānabhaddako' ti.|| ||

Itthaɱ sudaɱ āyasmā migajālo thero gāthāyo abhāsitthā' ti.|| ||

 

#218
Jenta Thero

 

[423] Jātimadena mattohaɱ bhogaissariyena ca,||
Saṇaṭhānavaṇṇarūpena madamatto acārihaɱ.|| ||

[424] Nāttano samakaɱ kañci atirekaɱ ca maññisaɱ,||
Atimānahato bālo patthaddho ussitaddhajo.|| ||

[425] Mātaraɱ pitarañcāpi aññepi garusammate,||
Na kañci abhivādesiɱ mānatthaddho anādaro.|| ||

[426] Disvā vināyakaɱ aggaɱ sārathīnaɱ varuttamaɱ,||
Tapantam iva ādiccaɱ bhikkhu-Saŋghapurakkhataɱ.|| ||

[427] Mānaɱ madaɱ ca chaḍḍetvā vippasannena cetasā,||
Siranā abhivādesiɱ sabbasattānamuttamaɱ.|| ||

[428] Atimāno [46] ca o-māno pahīnā susamūhatā,||
Asumimāno samucchinno sabbe mānavidhā hatā' ti.|| ||

Itthaɱ sudaɱ āyasmā jento thero gāthāyo abhāsitthā' ti.|| ||

 

#219
Sumana Thero

 

[429] Yadā navo pabba-jitā jātiyā sattavassiko,||
Iddhiyā abhibhotvāna pannagindaɱ mahiddhikaɱ.|| ||

[430] Upajjhāyassa udakaɱ anotattā mahāsarā,||
Āharāmi tato disvā maɱ Satthā etadabravī.|| ||

[431] Sāriputta imaɱ passa āga-c-chantaɱ kumārakaɱ,||
Udakumbhakamādāya ajjhattaɱ susamāhitaɱ.|| ||

[432] Pāsādikena vattena kalyāṇairiyāpatho,||
Sāmaṇeronuruddhassa iddhiyā ca visārado.|| ||

[433] Ājānīyena ājañño sādhunā sādhukārito,||
Vinīto anuruddhena katakiccena sikkhito.|| ||

[434] So patvā paramaɱ santiɱ sacchi-katvā akuppataɱ,||
Sāmaṇero sa sumano mā maɱ jaññāti icchatī' ti.|| ||

Itthaɱ sudaɱ āyasmā sumano thero gāthāyo abhāsitthā' ti.|| ||

 

#220
Nhātakamuni Thero

 

[435] Vātarogābhinīto tvaɱ viharaɱ kānane vane,||
Paviddhagocare lūkhe kathaɱ bhikkhu karissasi.|| ||

[436] Pītimukhena vipulena pharitvāna samussayaɱ,||
Lūkhampi abhisambhonto viharissāmi kānane.|| ||

[437] Bhāvento sattabejjhaŋge indriyāni balāni ca,||
Jhānasokhummasampanno viharissaɱ anāsavo.|| ||

[438] Vippamuttaɱ kilesehi suddhacittaɱ anāvilaɱ,||
Abhiṇhaɱ pacc-a-vekkhanto viharissaɱ anāsavo.|| ||

[439] Ajjhattaɱ ca bahiddhā ca ye me vijjiɱsu āsavā,||
Sabbe asesā ucchinnā na ca uppajjare puna.|| ||

[440] Pañca-k-khandhā pariññātā tiṭṭhanti chinna-mūlakā,||
Dukkhakkhayo anuppatto n'atthi dāni puna-b-bhavo' ti.|| ||

Itthaɱ sudaɱ āyasmā nhātakamunitthero gāthāyo abhāsitthā' ti.|| ||

 

#221
Brahmadatta Thero

 

[441] Akko'dhassa kuto kodho dantassa savajīvino,||
Sammadaññā vimuttassa upasantassa tādino, || ||

[442] Tass'eva [47] tena pāpiyo yo kuddhaɱ paṭikujjhati,||
Kuddhaɱ appaṭikujjhanto saŋgāmaɱ jeti dujjayaɱ.|| ||

[443] Ubhinnamatthaɱ carati attano ca parassa caɱ||
Paraɱ saŋkupitaɱ ñatvā yo sato upasammati.|| ||

[444] Ubhikkaɱ tikicchantaɱ taɱ attano ca parassa ca,||
Janā maññanti bāloti ye dhammassa akovidā.|| ||

[445] Uppajje te sace kodho āvajja kakacūpamaɱ,||
Uppajjaje ce rase taṇhā puttamaɱsūpamaɱ sara.|| ||

[446] Sace dhāvati cittaɱ te kāmesu ca bhavesu ca,||
Khippaɱ niggaṇha satiyā kiṭṭhādaɱ viya duppasun' ti.|| ||

Itthaɱ sudaɱ āyasmā brahmadatto thero gāthāyo abhāsitthā' ti.|| ||

 

#222
Sirimanda Thero

 

[447] Channamativassati vivaṭaɱ nātivassati,||
Tasmā channaɱ vivaretha evaɱ taɱ nātivassati.|| ||

[448] Maccunābbhāhato loko jarāya parivārito,||
Taṇhāsallena otiṇṇo icchādhūpāyito2 sadā.|| ||

[449] Maccunābbhāhato loko parikkhitto jarāya ca,||
Haññati niccamattāṇo pattadaṇḍo'va takkaro.|| ||

[450] Āgacchantaggikhandhā'va maccu vyādhi jarā tayo,||
Paccuggantuɱ balaɱ n'atthi javo n'atthi palāyituɱ.|| ||

[451] Amoghaɱ divasaɱ kayirā appena bahukena vā,||
Yaɱ ya vijahate rattiɱ tadūnaɱ tassa jīvitaɱ.|| ||

[452] Carato tiṭṭhato vā pi āsīnasayanassa vā,||
Upeti carimā ratti na te kālo pamajjitun' ti.|| ||

Itthaɱ sudaɱ āyasmā sirimando thero gāthāyo abhāsitthā' ti.|| ||

 

#223
Sabbakāmi Thero

 

[453] Dipādakoyaɱ asuci duggandho parihīrati,||
Nānākuṇapaparipūro vissavanto tato tato.|| ||

[454] Migaɱ nilīnaɱ kūṭena baḷisen'eva ambujaɱ,||
Vānaraɱ viya lepena bādhayanti puthujjanaɱ.|| ||

[455] Rūpā saddā rasā gandhā phoṭṭhabbā ca maneramā,||
Pañcakāma-guṇā ete itthi rūpasmiɱ dissare.|| ||

[456] Ye [48] etā upasevanti rattacittā puthujjanā,||
Vaḍḍhenti kaṭasiɱ ghoraɱ anacinanti puna-b-bhavaɱ.|| ||

[457] Yo cetā parivajjeti sappasseva padā siro,||
So'maɱ misattikaɱ loke sato samativattati.|| ||

[458] Kāmesvādīnavaɱ disvā nekkhammaɱ daṭṭhu khemato,||
Nissaṭo sabbakāmehi patto me āsavakkhayo' ti.|| ||

Itthaɱ sudaɱ āyasmā sabbakāmī thero gāthāyo abhāsitthā' ti.|| ||

Chakkanipāto niṭṭhito.|| ||

 

Sattakanipāto

#224
Sundarasamudda Thero

 

[459] Alaŋkatā [49] suvasanā mālabhārī1 vibhūsitā,||
Alattakakatāpādā pādukāruyha vesikā.|| ||

[460] Pādukā oruhitvāna purato pañjalīkatā,||
Sā maɱ saṇhena mudunā mihitapubbaɱ abhāsatha.|| ||

[461] Yuvāsi tvaɱ pabba-jito tiṭṭhāhi mama sāsane,||
Bhuñja mānusake kāme ahaɱ vittaɱ dadāmi te.|| ||

[462] Saccaɱ te paṭijānāmi aggiɱ vā te harāmahaɱ,||
Yadā jiṇṇā bhavissāma ubho daṇḍaparāyanā,||
Ubho pi pabbajissama ubhayattha kaṭaggaho.|| ||

[463] Taɱ ca disvāna yā cantiɱ vesikaɱ pañjalīkataɱ,||
Alaŋkataɱ suvasanaɱ maccupāsaɱ va oḍḍitaɱ.|| ||

[464] Tato me manasīkārā yoniso udapajjatha,||
Ādīnavo pāturahu nibbidā samatiṭṭhatha.|| ||

[465] Tato cittaɱ vimucci me passa dhammasudhammataɱ,||
Tisso vijjā anuppattā kataɱ Buddhassa sāsanan' ti.|| ||

Itthaɱ sudaɱ āyasmā sundarasamuddo thero gāthāyo abhāsitthā' ti.|| ||

 

#225
Lakuṇṭakabhaddiya Thero

 

[466] Pare ambāṭakārāme vana-saṇḍamhi bhaddiyo,||
Samūlaɱ taṇhamabbuyha tattha bhaddo jhayāyati. || ||

[467] Ramanteke mutiŋgehi vīṇāhi paṇavehi ca,||
Ahaɱ ca rukkha-mūlasmiɱ rato Buddhassa sāsane.|| ||

[468] Buddho ce me varaɱ dajjā so ca labbhetha me varo,||
Gaṇhehaɱ sabba-lokassa niccaɱ kāyagataɱ satiɱ.|| ||

[469] Ye maɱ rūpena pāmiɱsu ye ca ghesena anvagū,||
Chanda-rāgavasūpetā na maɱ jānanti te janā.|| ||

[470] Ajjhattaɱ ca na jānāti bahiddhā ca na passati,||
Samantāvaraṇo bālo sa ve ghesena vuyhati.|| ||

[471] Ajjhattaɱ ca na jānāti bahiddhā ca vipassati,||
Bahiddhā phaladassāvī so pi ghosena vuyhati.|| ||

[472] Ajjhattaɱ ca pajānāti bahiddhā ca vipassati,||
Anāvaraṇadassāvī na so ghosena vuyhatī' ti.|| ||

Itthaɱ sudaɱ āyasmā lakuṇṭakabhaddiyo thero gāthāyo abhāsitthā' ti.|| ||

 

#226
Bhadda Thero

 

[473] Ekaputto ahaɱ āsiɱ piyo mātu piyo pitu||
bahūhi vatacariyāhi laddho āyā canāhi ca.|| ||

[474] Te ca maɱ anukampāya attha-kāmā hitesino,||
Ubho pitā ca mātā ca Buddhassa upanāmayuɱ, || ||

[475] Kicchā laddho ayaɱ putto sukhumālo sukhe ṭhito,||
Imaɱ dadāma te nātha jinassa paricārakaɱ. || ||

[476] Satthā ca maɱ paṭiggayha ānandaɱ etadabravi,||
Pabbājehi imaɱ khippaɱ hessatyājāniyo ayaɱ.|| ||

[477] Pabbāchetvāna maɱ Satthā vihāraɱ pāvisī jino,||
Anoggatasmiɱ suriyasmiɱ tato cittaɱ vimucci me.|| ||

[478] Tato Satthā niraɱkatvā paṭisannānavuṭṭhato,||
Ehi bhaddā' ti maɱ āha sā me āsūpasampadā.|| ||

[479] Jātiyā sattavassena laddhā me upasampadā,||
Tisso vijjā anuppattā aho dhammasudhammatā' ti.|| ||

Itthaɱ sudaɱ āyasmā bhaddo thero gāthāyo abhāsitthā' ti.|| ||

 

#227
Sopāka Thero

 

[480] Disvā pāsādachāyāyaɱ caŋkamantaɱ naruttamaɱ,||
Tattha naɱ upasankamma vandisaɱ purisuttamaɱ.|| ||

[481] Ekaɱ saɱ cīvaraɱ katvā saɱharitvāna pāṇayo,||
Anucaŋkamissaɱ virajaɱ sabbasattānamuttamaɱ.|| ||

[482] Tato pañhe apucchi maɱ pañhānaɱ kovido vidū,||
Acchambhī ca abhīto ca vyākāsiɱ Satthuno ahaɱ.|| ||

[483] Vissajjitesu pañhesu anumodi Tathāgato,||
Bhikkhu-Saŋghaɱ viloketvā imamatthaɱ abhāsatha.|| ||

[484] Lābhā aŋgānamagadhānaɱ yesāyaɱ paribhuñjati,||
Cīvaraɱ piṇḍa-pātaɱ ca paccayaɱ sayanāsanaɱ,||
Paccuṭṭhānaɱ ca sāmīciɱ tesaɱ lābhāti cābravi. || ||

[485] Ajja-t-agge maɱ sopāka assanāyupasankama,||
Esā c'eva te sopāka bhavatu upasampadā.|| ||

[486] Jātiyā sattavassohaɱ laddhāna upasampadaɱ,||
Dhāremi antimaɱ dehaɱ aho dhammasudhammatā' ti.|| ||

Itthaɱ sudaɱ āyasmā sopāko thero gāthāyo abhāsitthā' ti.|| ||

 

#228
Sarabhaŋga Thero

 

[487] Sare hatthehi bhañjitvā katvāna kuṭimacchisaɱ,||
Tena me sarabhaŋgoti nāmaɱ sammutiyā ahu.|| ||

[488] Na [51] mayhaɱ kappate ajja sare hatthehi bhañjituɱ,||
Sikkhāpadā no paññattā gotamena yasassinā.|| ||

[489] Sakalaɱ samattaɱ rogaɱ sarabhaŋgo nāddasaɱ4 pubbe,||
So'yaɱ rogo diṭṭho vacanakarenātidevassa.|| ||

[490] Yen'eva maggena gato vipassī||
Yen'eva maggena sikhī ca nessabhū,||
Kakusandhakoṇāgamanā ca Kassapo||
Tenañjasena agamāsi gotamo.|| ||

[491] Vītataṇhā anādānā satta buddhā khayogadhā,||
Yehayaɱ1 denito dhammo dhammabhūtehi tādihi.|| ||

[492] Cattāri ariya-saccāni anukampāya pāṇinaɱ,||
Dukkhaɱ samudayo Maggo nirodho dukkhasaŋkhayo.|| ||

[493] Yasmiɱ nivattate dukkhaɱ saɱsārasmiɱ anantakaɱ,||
Bhedā imassa kāyassa jīvitassa ca saŋkhayā,||
Añño puna-b-bhavo n'atthi suvimuttomhi sabbadhī' ti.|| ||

Itthaɱ sudaɱ āyasmā sarabhaŋgo thero gāthāyo abhāsitthā' ti.|| ||

Sattakanipāto niṭṭhito.|| ||

 

Aṭṭhakanipāto

#229
Mahākaccāyana Thero

 

[494] Kammaɱ [52] bahukaɱ na kāraye||
Parivajjeyya janaɱ na uyyame,||
So ussukko rasānugiddho||
Atthaɱ riñcati yo sukhādhivāho.|| ||

[495] Paŋko' ti hi naɱ avedayuɱ||
Yāyaɱ vandanapūjanā kulesu,||
Sukhumaɱ sallaɱ durubbahaɱ||
Sakkāro kāpurisena dujjaho.|| ||

[496] Na parassupidhāya nammaɱ maccassa pāsakaɱ,||
Mattanā taɱ na seneyya kamma-bandhūhi mātiyā.|| ||

[497] Na pare vacanā coro na pare vacanā muni,||
Attā ca naɱ yathā vetti devā'pi naɱ tathā viduɱ. || ||

[498] Pare ca na vijānanti mayamettha yamāmase,||
Ye ca tattha vijānanti tato sammanti medhagā.|| ||

[499] Jīvate vā'pi sappacco api vittaparikkhayo,||
Paññāya ca alābhena vittavā'pi na jīvati.|| ||

[500] Sabbaɱ suṇati sotena sabbaɱ passati cakkhunā,||
Na ca diṭṭhaɱ sutaɱ dhīro sabbaɱ ujjhatumarahati.|| ||

[501] Cakkhumāssa yathā andho sotavā badhiro yathā,||
Paññavāssa yathā mūgo balavā dubbaloriva,||
Atha tthe samuppanne sayetha matasāyikan' ti.|| ||

Itthaɱ sudaɱ āyasmā mahākaccāyano thero gāthāyo abhāsitthā' ti.|| ||

 

#230
Sirimitta Thero

 

[502] Akkodhanonupanāhī amāyo rittapesuno,||
Save tādisako bhikkhu evaɱ pecca na socati.|| ||

[503] Akkodhanonupanāhī amāyo rittapesuno,||
Gaattadvāro sadā bhikkhu evaɱ pecca na socati.|| ||

[504] Akkodhanonupanāhī amāyo rittapesuno,||
Kalyāṇasīlo so1 bhikkhu evaɱ pecca na socati.|| ||

[505] Akkodhanonupanāhī amāyo rittapesuno,||
Kalyāṇa-mitto so bhikkhu evaɱ pecca na socati.|| ||

[506] Akkodhanonupanāhī amāyo rittapesuno,||
Kalyāṇapañño [53] so bhikkhu evaɱ pecca na socati.|| ||

[507] Passa saddhā Tathāgate acalā suppati-ṭ-ṭhitā||
Sīlaɱ ca yassa kalyāṇaɱ ariya-kantaɱ pasaɱsitaɱ.|| ||

[508] Saŋghe pasādo yassatthi uju bhūtaɱ ca dassanaɱ,||
Adaḷiddoti taɱ āhu amoghaɱ tassa jīvitaɱ.|| ||

[509] Tasmā saddhaɱ ca sīlaɱ ca pasādaɱ Dhamma-dassanaɱ,||
Anuyuñjetha medhāvī saraɱ Buddhāna-sāsanan' ti.|| ||

Itthaɱ sudaɱ āyasmā sirimitto thero gāthāyo abhāsitthā' ti.|| ||

 

#231
Mahā-Panthaka Thero

 

[510] Yadā paṭhamamaddakkhiɱ Satthāramakutobhayaɱ,||
Tato me ahu saɱvego passitvā purisuttamaɱ.|| ||

[511] Siriɱ hatthehi pādehi yo paṇāmeyya āgataɱ,||
Etādisaɱ so Satthāraɱ ārādhetvā virādhaye.|| ||

[512] Tadāhaɱ putta-dāraɱ ca dhana-dhaññaɱ va chaḍḍayiɱ,||
Kesamassūni chedetvā pabbajiɱ anagāriyaɱ, || ||

[513] Sikkhāsā-jīva-sampanno indriyesu susaɱvuto.||
Nama-s-samāno sambuddhaɱ vihāsiɱ aparājito.|| ||

[514] Tato me paṇidhī āsi cetaso abhipatthito,||
Na nisīde muhuttampi taṇhāsalle anūhate.|| ||

[515] Tassa mevaɱ viharato passa viriyaparakkamaɱ,||
Tisso vijjā anuppattā kataɱ Buddhassa sāsanaɱ.|| ||

[516] Pubbe-nivāsaɱ jānāmi dibba-cakkhuɱ4 visodhitaɱ,||
Arahā dakkhiṇeyyomhi vippamutto nirūpadhi.|| ||

[517] Tato ratyā vivasane suriyassuggamanaɱ pati,||
Sabbaɱ taṇhaɱ nisonetvā pallaŋkena upāvisin' ti.|| ||

Itthaɱ sudaɱ āyasmā mahāpanthako thero gāthāyo abhāsitthā' ti.|| ||

Aṭṭhakanipāto niṭṭhito.|| ||

Navakanipāto

#232
Bhūta Thero

[54] [518] Yadā dukkhaɱ jarā-maraṇanti paṇḍito||
Aviddasū vattha sitā puthujjanā,||
Dukkhaɱ pariññāya satova jhāyati||
Tato ratiɱ paramataraɱ na vindati.|| ||

[519] Yadā dukkhakha ssāvahaniɱ vīsattikaɱ||
Papañcasaŋghāṭa dukhādhivāhiniɱ,||
Taṇhaɱ pahatvāna satova jhāyati||
Tato ratiɱ paramataraɱ na vindati.|| ||

[520] Yadā sivaɱ dve caturaŋgagāminaɱ||
Magguttamaɱ sabbakilesasodhanaɱ,||
Paññāya passitva satova jhāyati||
Tato ratiɱ paramataraɱ na vindati.|| ||

[521] Yadā asokaɱ virajaɱ asaŋkhataɱ||
Santaɱ padaɱ sabbakilesasodhanaɱ,||
Bhāveti saŋyojanabandhanacch'idaɱ||
Tato ratiɱ paramataraɱ na vindati.|| ||

[522] Yadā nabhe gajjati meghadundubhi||
Dhārākulā vihagapathe samantato,||
Bhikkhū ca pabbhāragato'va jhāyati||
Tato ratiɱ paramataraɱ na vindati.|| ||

[523] Yadā nadīnaɱ kusumākulānaɱ||
Vicittavāneyyavaṭaɱsakānaɱ,||
Tīre nisinno samaṇo'va jhāyati||
Tato ratiɱ paramataraɱ na vindati.|| ||

[524] Yadā nisīthe rahikamhi kānane||
Deve gaḷantamhi nadanti dāṭhino,||
Bhikkhū ca pabbhāragato'va jhāyati||
Tato ratiɱ paramataraɱ na vindati.|| ||

[525] Yadā vitakke uparundhiyattano||
Nagantare nagavivaraɱ samassito,||
Vītaddaro vigatakhilo'va1 jhāyati||
Tato ratiɱ paramataraɱ na vindati.|| ||

[526] Yadā [55] sukhī valakhilasokanāsano||
Niraggaḷo nibbanathe visallo,||
Sabbāsave byantikato'va jhāyati||
Tato ratiɱ paramataraɱ na vindatī' ti.|| ||

Itthaɱ sudaɱ āyasmā bhūto thero gāthāyo abhāsitthā' ti.|| ||

Navakanipāto niṭṭhito.|| ||

 

Dasakanipāto

#233
Kāphadāyī Thero

 

[56] [527] Aŋgārino dāni dumā bhadante||
Phalesino chadanaɱ vippahāya,||
Te accimanto'va pabhāsayanti||
Samayo mahāvīra bhagīrathānaɱ. || ||

[528] Dumāni phullāni manoramāni||
Samantato sabbadisā pavanti,||
Pattaɱ pahāya phalamāsasānā||
Kālo ito pakkamanāya vīra.|| ||

[529] Nevātisītaɱ na panātiuṇhaɱ||
Sukhā utu addhaniyā bhadante,||
Passantu taɱ Sākiyā koḷiyā ca||
Pacchāmukhaɱ rohiṇiɱ tārayantaɱ. || ||

[530] Āsāya kasate khettaɱ bījaɱ āsāya vappati,||
Asāya vāṇijā yanti samuddaɱ dhanahārakā,||
Yāya āsāya tiṭṭhāmi sā me āsā samijjhatu.|| ||

[531] Punappunaɱ c'eva vapanti bījaɱ||
Punappunaɱ vassati devarājā,||
Punappunaɱ khettaɱ kasanti kassakā||
Punappunaɱ dhaññamupeti raṭṭhaɱ.|| ||

[532] Punappunaɱ yā canakā caranti||
Punappunaɱ dāna-pati dadanti,||
Punappunaɱ dānapatī daditvā||
Punappunaɱ saggamupentiṭhānaɱ.|| ||

[533] Vīro [57] have sattayugaɱ puneti||
Yasumiɱ kule jāyati bhūripañño,||
Maññāmahaɱ sakkati devādavo||
Tayā hi jāto muni saccanāmo.|| ||

[534] Suddhedano nāma pitā mahosino||
Buddhassa mātā pana māyanāmā,||
Yābodhisattaɱ parihariya kucchinā||
Kāyassa bhedā tidivamhi modati.|| ||

[535] Sā gotamī kāla-katā ito cutā||
Dibbehi kāmehi samaŋgi-bhūtā,||
Sāmodati kāma-guṇehi pañcahi||
Parivāritā devagakhehi tehi.|| ||

[536] Buddhassa puttomhi asayhasāhino||
Aŋgīrasassappaṭimassa tādino,||
Pitupitā mayhaɱ tuvaɱsi sakka||
Dhammena me Gotama ayyakosī' ti.|| ||

Itthaɱ sudaɱ āyasmā kāphadāyī thero gāthāyo abhāsitthā' ti.|| ||

 

#234
Ekavihāriya Thero

 

[537] Purato pacchato vā pi aparo ce na vijjati,||
Atīva phāsu bhavati rakassa vasato vane.|| ||

[538] Handa eko gamissāmi araññaɱ buddhavaṇṇitaɱ,||
Phāsu1 ekaviharissa pahit'attassa bhikkhuno.|| ||

[539] Yogī pītikaraɱ rammaɱ mattakuñjarasevitaɱ,||
Eko atthavasī khippaɱ pavisissāmi kānanaɱ.|| ||

[540] Supupphite sītavane sītale girikandare,||
Gattāni parisiñcitvā caŋkamissāmi ekako.|| ||

[541] Ekākiyo adutiyo ramaṇīye Mahāvane,||
Kadāhaɱ viharissāmi katakicco anāsavo.|| ||

[542] Evaɱ me kattukāmassa adhippāyo samijjhatu,||
Sādhayissāmahaɱ yeva nāñño aññassa kārako.|| ||

[543] Esabandhāmi sannāhaɱ pavisissāmi kānanaɱ,||
Na tato ni-k-khamissāmi appatto āsavakkhayaɱ.|| ||

[544] Mālute upavāyante sīte surabhigandhike,||
Avijjaɱ dāḷayissāmi nisinno nagamuddhani.|| ||

[545] Vane kusumasañjanne pabbhāre nūna sītale,||
Vimuttisukhena sukhito ramissāmi giribbaje.|| ||

[546] So'haɱ [58] paripuṇṇa-saɱkappo cando paṇṇaraso yathā,||
Sabbāsava parikkhīṇo n'atthi dāni puna-b-bhavo' ti.|| ||

Itthaɱ sudaɱ āyasmā eka-vihāriyo thero gāthāyo abhāsitthā' ti.|| ||

 

#235
Mahākappina Thero

 

[547] Anāgataɱ yo paṭigacca passati||
Hitaɱ ca atthaɱ ahitaɱ ca taɱ dvayaɱ,||
Viddesino tassa hitesino vā||
Randhaɱ na passanti same-k-khamānā.|| ||

[548] Ānāpānasatī yassa paripuṇṇā subhāvitā,||
Anupubbaɱ paricitā yathā Buddhena desitā,||
Somaɱ lokaɱ pabhāseti abbhā muttova candimā.|| ||

[549] Odātaɱ vata me cittaɱ appamāṇaɱ subhāvitaɱ,||
Nibbiddhaɱ paggahītaɱ ca sabbā obhāsate disā.|| ||

[550] Jīvite vā pī sappañño api vittaparikkhayo,||
Paññāya ca alābhena vittavā pi na jīvati.|| ||

[551] Paññā sutavinicchinī paññākittisilokavaḍḍhanī,||
Paññā sahito naro idha api dukkhesu sukhāni vindati.|| ||

[552] Nāyaɱ ajjatano dhammo na cchero na pi abbhuto,||
Yattha jāyetha mīyetha tattha kiɱ viya abbhutaɱ.|| ||

[553] Anantaraɱ hi jātassa jīvitā maraṇaɱ dhuvaɱ,||
Jātā jātā marantīdha evaɱ dhammā hi pāṇino.|| ||

[554] Na hetadatthaya matassa hoti||
Yaɱ jīvitatthaɱ paraporisānaɱ,||
Matamhi ruṇṇaɱ na yaso na lokyaɱ||
Na vaṇṇitaɱ samaṇa-brāhmaṇehi.|| ||

[555] Cakkhuɱ sarīraɱ upahanti ruṇṇaɱ||
Nihīyati vaṇṇabalaɱ matī ca,||
Ānandino tassa disā bhavanti||
Hitesino nāssa sukhī bhavanti.|| ||

[556] Tasmā hi iccheyya kule vasante||
Medhāvino c'eva bahu-s-sute ca,||
Yesaɱ [59] hi paññāvibhafavana kiccaɱ||
Taranti nāvāya nadiɱ va puṇṇan' ti.|| ||

Itthaɱ sudaɱ āyasmā mahākappiko thero gāthāyo abhāsitthā' ti.|| ||

 

#236
Cūḷapanthaka Thero

 

[557] Dandhā mayhaɱ gati āsi paribhūto pure ahaɱ,||
Bhātā ca maɱ paṇāmesi gaccha dāni tuvaɱ gharaɱ.|| ||

[558] So'haɱ paṇāmito bhātā saŋghārāmassa koṭṭhake,||
Dummano tattha aṭṭhāsiɱ sāsanasmiɱ apekhavā. || ||

[559] Bhagavā tattha āgañchi sīsaɱ mayhaɱ parāmasi,||
Bāhāya maɱ gahetvāna saŋghārāmaɱ pavesayī.|| ||

[560] Anukampāya me Satthā pādāsi pādapuñjaniɱ||
Etaɱ suddhaɱ adhiṭṭhehi eka-m-antaɱ svadhiṭṭhitaɱ.|| ||

[561] Tassāhaɱ vacanaɱ sutvā vihāsiɱ sāsane rato,||
Samādhiɱ paṭipādesiɱ uttamatthassa pattiyā.|| ||

[562] Pubbe-nivāsaɱ jānāmi dibba-cakkhu visodhitaɱ,||
Tisso vijjā anuppattā kataɱ Buddhassa sāsanaɱ.|| ||

[563] Sahassakkhattumattānaɱ nimminitvāna panthako,||
Nisīdambavane ramme yāva kālappavedanā. || ||

[564] Tato me Satthā pāhesi dūtaɱ kālappavedakaɱ,||
Paveditamhi kālamhi vehāsādupasankamiɱ. || ||

[565] Vanditvā Satthuno pāde eka-m-antaɱ nisīdahaɱ,||
Nisinnaɱ maɱ vidit'vāna atha Satthā paṭiggahī.|| ||

[566] Āyāgo sabba-lokassa āhutīnaɱ paṭiggaho,||
Puññakkhettaɱ manussānaɱ paṭigaṇhittha dakkhiṇan' ti.|| ||

Itthaɱ sudaɱ āyasmā cūḷapanthako thero gāthāyo abhāsitthā' ti.|| ||

 

#237
Kappa Thero

 

[567] Nānākuṇapasampuṇṇo mahāukkārasambhavo,||
Candanikaɱ va paripakkaɱ mahāgaṇḍo mahāvaṇo.|| ||

[568] Pubbaruhirasampuṇṇo gūtha-kūpena gāḷahito,||
Āpo paggharaṇo kāyo sadā sandati pūtikaɱ.|| ||

[569] Saṭṭhikaṇḍarasambandho [60] maɱsalepanalepito,||
Cammakañcukasannaddho pūtikāyo niratthako.|| ||

[570] Aṭṭhasaŋghāṭaghaṭito nahāru suttanibandhano,||
Nekesaɱ saŋgatibhāvā kappeti iriyāpathaɱ.|| ||

[571] Dhuvappayāto maraṇassa maccurājassa santike,||
Idh'eva chaḍḍayitvāna yena kām'aŋgamo naro.|| ||

[572] Avijjā nivuto kāyo catuganthena gatthito,||
Oghasaɱsīdano kāyo anusayajālamotthato.|| ||

[573] Pañca-nīvaraṇe yutto vitakkena samappito,||
Taṇhāmūlenānugato mohacchadanachādito.|| ||

[574] Evāyaɱ vattate kāyo kammayantena yantito,||
Sampatti ca vipattyantā ninābhāvo vipajjati.|| ||

[575] Yemaɱ kāyaɱ mamāyanti andhabālā puthujjanā,||
Vaḍḍhenti kaṭasiɱ gheraɱ ādiyanti puna-b-bhavaɱ.|| ||

[576] Ye'maɱ kāyaɱ vivajjenti gūthalittaɱ'va pannagaɱ,||
Bhavamūlaɱ vamitvāna parinibbantyanāsavā. || ||

Itthaɱ sudaɱ āyasmā kappo thero gāthāyo abhāsitthā' ti.|| ||

 

#238
Upasena Thero

 

[577] Vivittaɱ appa-nigghosaɱ vāḷamiganisevitaɱ,||
Seve sen'āsanaɱ bhakkhu paṭisallānakāraṇā.|| ||

[578] Saŋkārapuñjā āhatvā susānā rathiyāhi ca,||
Tato saŋghāṭikaɱ katvā lūkhaɱ dhāreyya cīvaraɱ.|| ||

[579] Nīcaɱ manaɱ karitvāna sapadānaɱ kulākulaɱ,||
Piṇḍikāya care bhikkhu gutta-dvāro susaɱvuto.|| ||

[580] Lūkhena'pi ca santusse nāññaɱ patthe rasaɱ bahuɱ,||
Rasesu anugiddhassa jhāne naramatī mano.|| ||

[581] Appiccho c'eva santuṭṭhehi pavivitto vase muni,||
asaɱsaṭṭho gahaṭṭhehi anāgārehi c'ūbhayaɱ|| ||

[582] Yathā jaḷo'va mūgo'va attānaɱ dassaye tathā,||
Nātivelaɱ pabhāseyya Saŋghavajjhamhi paṇḍito.|| ||

[583] Na so upavade kañci upaghātaɱ vivajjaye,||
Saɱvuto Pātimokkhasmiɱ matt'aññū cassa bhojane.|| ||

[584] Paggahītanimittassa cittassuppādakovido,||
Samathaɱ anuyuñjeyya kālana ca vipassanaɱ.|| ||

[585] Viriyasātaccasampanno [61] yuttayogo sadā siyā,||
Na ca appatvā dukkhantaɱ vissāsaɱ eyya paṇḍito.|| ||

[586] Evaɱ viharamānassa suddhikāmassa bhikkhuno,||
Khīyanti āsavā sabbe kibbutiñcādhigacchatī' ti.|| ||

Itthaɱ sudaɱ āyasmā upaseno vaŋgantaputto thero gāthāyo abhāsitthā'ti.|| ||

 

#239
AparaGotama Thero

 

[587] Vijāneyya sakaɱ atthaɱ avalokeyyātha pāvacanaɱ,||
Yañcettha assa patirūpaɱ sāmaññaɱ ajjhapagatassa.|| ||

[588] Mittaɱ idha ca kalyāṇaɱ sikkhā vipulaɱ samādānaɱ,||
Sussūsā ca garūnaɱ etaɱ samaṇassa patirūpaɱ, || ||

[589] Buddhesu ca sagāravatā dhamme apaciti yathā-bhūtaɱ,||
Saŋghe ca cittīkāro etaɱ samaṇassa patirūpaɱ.|| ||

[590] Ācāragocare yutto ājīvo sodhito agārayho,||
Cttassa ca saṇṭhapanaɱ etaɱ samaṇassa patirūpaɱ.|| ||

[591] Cārittaɱ atha mārittaɱ iriyāpathiyaɱ pasādaniyaɱ,||
Adhicitte ca āyogo etaɱ samaṇassa patirūpaɱ.|| ||

[592] Āraññakāni sen'āsanāni pantāni appa-saddāni,||
Bhajitabbāni muninā etaɱ samaṇassa patirūpaɱ.|| ||

[593] Sīlaɱ ca bāhu-saccañca dhammānaɱ pavicayo yathā-bhūtaɱ,||
Saccānaɱ abhisamayo etaɱ samaṇassa patirūpaɱ.|| ||

[594] Bhāvaye ca aniccanti anatta-saññaɱ asubha-saññaɱ ca,||
Lokamhi ca anabhiratiɱ etaɱ samaṇassa patirūpaɱ.|| ||

[595] Bhaveyya ca bojjhaŋge iddhi-pādāni indriyāni balāni,||
Aṭṭh'aŋgaMaggamariyaɱ etaɱ samaṇassa patirūpaɱ.|| ||

[596] Taṇhaɱ pajaheyya muni samūlake āsave padāleyya,||
Vihareyya vippamutto etaɱ samaṇassa patirūpan' ti.|| ||

Itthaɱ sudaɱ āyasmā gotamo thero gāthāyo abhāsitthā' ti.|| ||

Dasakanipāto niṭṭhito.|| ||

 

Ekādasanipāto

#240
Saŋkicca Thero

 

[62] [597] Kiɱ tavattho vane tāta ujjuhāno va pāvuse,||
Verambā ramaṇīyā te paviveko hi jhāyinaɱ.|| ||

[598] Yathā abbhāni verambo vāto nudati pāvuse,||
Saññā me abhikīranti vivekapaṭisaññutā.|| ||

[599] Apaṇḍaro aṇḍasambhavo sīvathikāya niketavāriko,||
Uppādayātava me satiɱ sandehasmiɱ1 virāga-nissitaɱ.|| ||

[600] Yaɱ ca aññe na rakkhanti yo ca aññe na rakkhati,||
Sa ve bhikkhu sukhaɱ seti kāmesu anapekkhavā.|| ||

[601] Acchodikā puthu-sīlā gonaŋgulamigāyutā,||
Ambusevālasañchannā te selā ramayanti maɱ.|| ||

[602] Vasitaɱ me araññesu kandarāsu guhāsu ca,||
Senāsanesu pantesu vāḷamiganisevite.|| ||

[603] Ime haññantu vajjhantu dukkhaɱ pappontu pāṇino.||
Naŋkappaɱ nābhijānāmi anariyaɱ dosasaɱhitaɱ.|| ||

[604] Pariciṇṇo mayā Satthā kataɱ Buddhassa sāsanaɱ,||
Ohito garuko bhāro bhavanetti samūhatā.|| ||

[605] Yassa catthāya pabba-jito agārasmānagāriyaɱ,||
So me attho anuppatto sabba-saŋyojana-k-khayo.|| ||

[606] Nābhinandāmi maraṇaɱ nābhinandāmi jīvitaɱ,||
Kālaɱ ca paṭikaŋkhāmi nibbisaɱ bhatako yathā.|| ||

[607] Nābhinandāmi maraṇaɱ nābhinandāmi jīnitaɱ,||
Kālaɱ ca paṭikaŋkhāmi sampajāno patissato' ti.|| ||

Itthaɱ sudaɱ āyasmā saŋkicco thero gāthāyo abhāsitthā' ti.|| ||

Ekādasanipāto niṭṭhito.|| ||

 

Dvādasanipāto

#241
Sīlava Thero

 

[63] [608] Sīlamevidha sikkhetha asmiɱ loke susikkhitaɱ,||
Sīlaɱ hi sabbasampattiɱ upanāmeti sevitaɱ.|| ||

[609] Sīlaɱ rakkheyya medhāvī patthayāno tayo sukhe,||
Pasaɱsaɱ vittilābhaɱ ca pecca sagge ca modanaɱ.|| ||

[610] Sīlavā hi bahū mitte saññamenādhigacchati,||
Dussīlo pana mittehi dhaɱ sate pāpamācaraɱ.|| ||

[611] Avaṇṇaɱ ca akittiɱ ca dusīlo labhate naro,||
Vaṇṇaɱ kittiɱ pasaɱsaɱ ca sadā labhati sīlavā.|| ||

[612] Ādi sīlaɱ patiṭṭhā ca kalyāṇā naɱ ca mātukaɱ,||
Pamukhaɱ sabba-dhammānaɱ tasmā sīlaɱ visodhaye.|| ||

[613] Velā ca saɱvaro sīlaɱ cittassa abhihāsanaɱ,||
Titthaɱ ca sabbaBuddhānaɱ tasmā sīlaɱ visodhaye.|| ||

[614] Sīlaɱ balaɱ appaṭimaɱ sīlaɱ āvudhamuttamaɱ,||
Sīlamābharaṇaɱ seṭṭhaɱ sīlaɱ kavacamabbhutaɱ.|| ||

[615] Sīlaɱ setu mahesakkho sīlaɱ gandho2 anuttaro,||
Sīlaɱ vilepanaɱ seṭṭhaɱ yena vāti disodisaɱ.|| ||

[616] Sīlaɱ sambalamenaggaɱ sīlaɱ pātheyyamuttamaɱ,||
Sīlaɱ seṭṭho ativāho yena yāti disodisaɱ.|| ||

[617] Idh'eva nindaɱ labhati peccāpāye ca dummano,||
Sabbattha dummano bālo sīlesu asamāhito.|| ||

[618] Idh'eva kittiɱ labhati pecca sagge ca summano,||
Sabbattha sumano dhīro sīlesu susamāhito.|| ||

[619] Sīlameva idha aggaɱ paññavā pana uttamo,||
Manussesu ca devesu sīla-paññāṇato jayan' ti.|| ||

Itthaɱ sudaɱ āyasmā sīlavo thero gāthāyo abhāsitthā' ti.|| ||

 

#242
Dunīta Thero

 

[620] Nīce kulamhi jāto'haɱ daḷiddo appabhojano,||
Hīnakammaɱ mamaɱ āsi ahosi pupphachaḍḍako.|| ||

[621] Jigucchito panussānaɱ paribhūto ca vamhito,||
Nīcaɱ manaɱ karitvāna vandisaɱ1 bahukaɱ janaɱ.|| ||

[622] Athaddasāsiɱ [64] sambuddhaɱ bhikkhu-Saŋghapurakkhataɱ,||
Pavisantaɱ mahāvīraɱ magadhānaɱ puruttamaɱ.|| ||

[623] Nikkhipitvāna vyābhaŋgiɱ vandituɱ upasankamiɱ,||
Mameva anukampāya aṭṭhāsi purisuttamo.|| ||

[624] Manditvā Satthuno pāde eka-m-antaɱ ṭhito tadā,||
Pabbajjaɱ ahamāyāciɱ sabbasattānamuttamaɱ.|| ||

[625] Tato kāruṇiko Satthā sabba-lokānukampako,||
Ehi bhikkhūti maɱ āha sā me āsūpasampadā.|| ||

[626] So'haɱ eko araññasmiɱ viharanto atandito,||
Akāsiɱ Satthu vacanaɱ yathā maɱ ovadī jino.|| ||

[627] Rattiyā paṭhamaɱ yāmaɱ pubba-jātimanussariɱ,||
Rattiyā majjhamaɱ yāmaɱ dibba-cakkhuɱ visodhayiɱ,||
Rattiyā pacchime yāme tamekhandhaɱ padālayiɱ.|| ||

[628] Tato ratyā vivasane suriyassuggamanaɱ pati,||
Indo brahmā ca āgantvā maɱ namassiɱsu pañjilī.|| ||

[629] Namo te purisājañña namo te purisuttama,||
Yassa te āsavā khīṇā dakkhiṇeyyosi mārisa.|| ||

[630] Tato disvāna maɱ Satthā devaSaŋghapurakkhataɱ,||
Sitaɱ pātu-karitvāna imamatthaɱ abhāsatha.|| ||

[631] Tapena brahma-cariyena saññamena damena ca,||
Etena brāhmaṇo hoti etaɱ brāhmaṇamuttama, nti.|| ||

Itthaɱ sudaɱ āyasmā sunīto thero gāthāyo abhāsitthā' ti.|| ||

Dvādasanipāto niṭṭhito.|| ||

 

Terasanipatā

#243
Soṇa Thero

 

[65] [632] Yāhu raṭṭhe samaiukkaṭṭho rañño aŋgassa paddhagū,||
Svājja dhamme su ukkaṭṭho soṇo dukkhassa pāragū.|| ||

[633] Pañca chinde pañca jahe pañca cuttari bhāvaye,||
Pañca saŋgātigo bhikkhu oghatiṇṇo' ti vuccati.|| ||

[634] Unnaḷassa pamattassa bāhirāsassa bhikkhuno,||
Sīlaɱ samādhi paññā ca pāripūriɱ na gacchati.|| ||

[635] Yaɱ hi kiccaɱ tadapaviddhaɱ akiccaɱ pana kayirati,||
Unnaḷānaɱ pamattānaɱ tesaɱ vaḍḍhanti āsavā.|| ||

[636] Yesaɱ ca susamāraddhā niccaɱ kāyagatā sati,||
Akiccaɱ te na sevanti kicce sātaccakārino,||
Satānaɱ sampajānānaɱ atthaɱ gacchanti āsavā.|| ||

[637] UjuMaggamhi akkhāte gacchatha mā nivattatha,||
Attanā codayattānaɱ Nibbānamabhihāraye.|| ||

[638] Accāraddhamhi viriyamhi Satthā loke anuttaro,||
Vīṇopamaɱ kiritvā me dhammaɱ desesi cakkhumā.|| ||

[639] Tassāhaɱ vacanaɱ sutvā vihāsiɱ sāsane rato,||
Samathaɱ paṭipādesiɱ uttamatthassa pattiyā,||
Tisso vijjā anuppattā kataɱ Buddhassa sāsanaɱ.|| ||

[640] Nekkhamme adhimuttassa pavivekaɱ ca cetaso,||
Avyāpajjh-ā-dhimuttassa upādāna-k-khayassa ca.|| ||

[641] Taṇha-k-khay-ā-dhimuttassa asa-m-mohaɱ ca cetaso,||
Disvā āyatan'uppādaɱ sammā cittaɱ vimuccati.|| ||

[642] Tassa [66] sammā vimuttassa santa-cittassa bhikkhuno,||
Katassa paticayo n'atthi karaṇīyaɱ na vijjati.|| ||

[643] Selo yathā ekaghano vātena na samīrati,||
Evaɱ rūpā rasā saddā gandhā phassā ca kevalā.|| ||

[644] Iṭṭhā dhammā aniṭṭhā ca nappamedhenti tādino,||
Ṭhitaɱ cittaɱ visaññuttaɱ vayañ cassātupassatī' ti.|| ||

Itthaɱ sudaɱ āyasmā soṇo koḷivīso thero gāthāyo abhāsitthā' ti.|| ||

Terasanipāto niṭṭhito.|| ||

 

Cuddasanipāto

#244
Khadiravaniya-Revata Thero

 

[67] [645] Yadā ahaɱ pabba-jito agārasmānagāriyaɱ,||
Nābhijānāmi saŋkappaɱ anariyaɱ dosasaɱhitaɱ.|| ||

[646] Ime haññantu vajjhantu dukkhaɱ pappontu pāṇino,||
Saŋkappaɱ nābhijānāmi imasmiɱ dīghamantare.|| ||

[647] Mettaɱ ca abhijānāmi appamāṇaɱ subhāvitaɱ,||
Anupubbaɱ paricitaɱ yathā Buddhena desitaɱ.|| ||

[648] Asaɱhīraɱ asaɱkuppaɱ cittaɱ āmodayāmahaɱ,||
Brahmavihāraɱ bhavemi ānāpurisasevitaɱ.|| ||

[650] Avitakkaɱ samāpanno Sammā-Sam-Buddha-sāvako,||
Ariyena tuṇhī-bhāvena upeto hoti tāvade.|| ||

[651] Yathā'pi pabbato selo acalo suppati-ṭ-ṭhito,||
Evaɱ moha-k-khayā bhakkhu pabbato'va na vedhati.|| ||

[652] Anaŋgaṇassa posassa niccaɱ sucigavesino,||
Vālaggamattaɱ pāpassa abbhamattaɱ va khāyati.|| ||

[653] Nagaraɱ yathā paccantaɱ guttaɱ santara-bāhiraɱ,||
Evaɱ gepetha attānaɱ khaṇo vo mā upaccagā.|| ||

[654] Nābhinandāmi maraṇaɱ nibhinandāmi jīvitaɱ,||
Kālaɱ ca paṭikaŋkhāmi sampajānā patissato.|| ||

[655] Nābhinandāmi maraṇaɱ nābhinandāmi jīvitaɱ,||
Kālaɱ ca paṭikaŋkhāmi sampajāno patissato.|| ||

[656] Pariciṇṇo mayā Satthā kataɱ Buddhassa sāsanaɱ,||
Ohito garuko bhāro bhavanetti samūhatā.|| ||

[657] Yassa catthāya pabba-jito agārasmānagāriyaɱ,||
So me attho anuppatto sabbasañño janakkhayo.|| ||

[658] Sampādethappamādena esā me anusāsanī,||
Handāhaɱ parinibbassaɱ vippamuttomhi sabbadhī' ti.|| ||

Itthaɱ sudaɱ āyasmā khadiravaniyo revato thero gāthāyo abhāsitthā' ti.|| ||

 

#245
Godatta Thero

 

[659] Yathā'pi bhaddo ājañño dhure yutto dhurāsaho,||
Mathito atibhārena saɱyugaɱ nāti-vattati.|| ||

[660] Evaɱ paññāya ye tittā samuddo vārinā yathā,||
Na pare atimaññanti ariya-Dhammo'va pāṇinaɱ.|| ||

[661] Kāle [68] kālavasaɱ pattā bhav-ā-bhavavasaɱ gatā,||
Narā dukkhaɱ nigacchanti tedha socanti mānavā.|| ||

[662] Unnatā sukhadhammena dukkha-dhammena conatā,||
Dvayena bālāhaññanti yathā-bhūtaɱ adassino.|| ||

[663] Ye ca dukkhe sukhasmiɱ ca majjhasibbanimaccagū||
Ṭhitā te indakhīlo'va na te unnataonatā.|| ||

[664] Naheva lābhe nālābhe ayase na ca kittiyā,||
Na nindāyaɱ pasaɱsāya na te dukkhe sukhamhi ca.|| ||

[665] Sabbattha te na lippanti udabindūva pokkhare,||
Sabbattha sukhitā dhīrā sabbattha aparājitā.|| ||

[666] Dhammena ca alābho yo yo ca lābho adhammiko,||
Alābho dhammiko seyye yaɱ ve lābho adhammiko.|| ||

[667] Yaso ca appabuddhīnaɱ viññūnaɱ ayaso ca yo,||
Ayaso'va seyyo viññūnaɱ na yaso appabuddhinaɱ.|| ||

[668] Dummedhehi pasaɱsā ca miññūhi garahā ca yā,||
Garahā'va seyyo viññūhi yaɱ ce bālapasaɱsanā.|| ||

[669] Sukhaɱ ca kāmamayikaɱ dukkhaɱ ca pavivekiyaɱ,||
Paviveka1 dukkhaɱ seyyo yaɱ ce kāmamayaɱ sukhaɱ.|| ||

[670] Jīvitaɱ ca adhammena dhammena maraṇaɱ ca yaɱ,||
Maraṇaɱ dhammikaɱ seyyo yaɱ ce jīve adhammikaɱ.|| ||

[671] Kāmakopappahīnā ye santacittā bhav-ā-bhave,||
Caranti loke asitā n'atthi tesaɱ piy-ā-p-piyaɱ.|| ||

[672] Bhāvayitvāna bojjhaŋge indriyāni balāni ca,||
Pappuyya paramaɱ santiɱ parinibbantyanāsavā'ti. || ||

Itthaɱ sudaɱ āyasmā godatto thero gāthāyo abhāsitthā' ti.|| ||

Cuddasanipāto niṭṭhito.|| ||

 

Soḷasanipato

#246
Aññā-Koṇḍañña Thero

 

[673] Esa [69] bhiyyo pasīdāmi sutvā dhammaɱ mahārasaɱ,||
Virāgo desito dhammo anupādāya sabbaso.|| ||

[674] Bahūni loke citrāni asamiɱ paṭhavimaṇḍale,||
Mathenti maññe saŋkappaɱ subhaɱ rāgūpasaɱhitaɱ.|| ||

[675] Rajamuhataɱ ca vātena yathā meghopasammaye,||
Evaɱ sammanti saŋkappā yadā paññāya passati, || ||

[676] Sabbe sankhārā aniccāti yadā paññāya passati,||
Atha nibbindati dukkhe esa Maggo visuddhiyā.|| ||

[677] Sabbe sankhārā dukkhāti yadā paññāya passati,||
Atha nibbindati dukkhe esa Maggo visuddhiyā.|| ||

[678] Sabbe dhammā anattā' ti yadā paññāya passati,||
Atha nibbindati dukkhe esa Maggo visuddhiyā.|| ||

[679] BuddhānuBuddho yo thero koṇḍañño tibbanikkamo,||
Pahīnajātimaraṇo Brahma-cariyassa kevalī.|| ||

[680] Oghapāso daḷhakhilo pabbato duppadāliyo,||
Chetvā khilaɱ ca pāsaɱ ca selaɱ bhetvāna dubbh'idaɱ,||
Tiṇṇo pāraŋgato jhāyī mutto so mārabandhanā.|| ||

[681] Uddhato capalo bhakkhu mitte āgamma pāpake,||
Saɱsīdati mahoghasmiɱ ūmiyā paṭikujjito.|| ||

[682] Anuddhato acapalo nipako saɱvut'indriyo,||
Kalyāṇa-mitto medhāvī dukkhass-antakaro siyā.|| ||

[683] Kālapabbaŋgasaŋkāso kiso dhamanisanthato,||
Mattaññū annapānasmiɱ adīnamānaso naro.|| ||

[684] Phuṭṭho ḍaɱsehi makasehi araññasmiɱ brahāvane,||
Nāgo saŋgāmasīse'va sato tatrādhivāsaye.|| ||

[685] Nābhinandāmi maraṇaɱ nābhinandāmi jīvitaɱ,||
Kālaɱ ca patikaŋkhāmi nibbisaɱ bhatako yathā.|| ||

[686] Nābhinandāmi maraṇaɱ nābhinandāmi jīvitaɱ,||
Kālaɱ ca patikaŋkhāmi sampajāno patissato.|| ||

[687] Pariciṇṇo mayā Satthā kataɱ Buddhassa sāsanaɱ,||
Ohito garuko bhāro bhavanetti samūhatā.|| ||

[688] YasSatthāya pabba-jito agārasmānagāriyaɱ,||
So me attho anuppatto kiɱ me saddhi-vihārinā'ti. || ||

Itthaɱ sudaɱ āyasmā aññākoṇḍañño thero gāthāyo abhāsitthā' ti.|| ||

 

#247
Udāyi Thero

 

[689] Manussabhūtaɱ sambuddhaɱ attadantaɱ samāhitaɱ,||
Iriyamānaɱ3 brahmapathe cittassūpasame rataɱ.|| ||

[690] Yaɱ manussā namassanti sabba-dhammāna pāraguɱ,||
Devā'pi taɱ namassanti iti me arahato sutaɱ.|| ||

[691] Sabbasaɱyejanātītaɱ [70] vanā nibbanamāgataɱ,||
Kāmehi nekkhammarataɱ muttaɱ selā'va6 kañcanaɱ.|| ||

[692] Sa ve accantaruci nāgo himavā maññe siluccaye,||
Sabbesaɱ nāganāmānaɱ saccanāmo anuttaro.|| ||

[693] Nāgaɱ vo kittayissāmi na hi āguɱ karoti so,||
Soraccaɱ avihiɱsā ca pādā nāgassa te duve.|| ||

[694] Sati ca sampajaññaɱ ca caraṇā nāgassa te pare,||
Saddhā hattho mahānāgo upekkhāsetadantavā.|| ||

[695] Sati ca sampajaññaɱ caraṇā nāgassa te pare,||
Dhammakucchisamāvāso viveko tassa vāladhi.|| ||

[696] So jhāyī assāsarato ajjhattaɱ susamāhito,||
Gacchaɱ samāhito nāgo ṭhito nāgo samāhito.|| ||

[697] Sayaɱ samāhito nāgo nisinno pi samāhito,||
Sabbattha saɱvuto nāgo esā nāgassa sampadā.|| ||

[698] Bhuñjati anavajjāni sāvajjāni na bhuñjati,||
Ghāsamacchādanaɱ laddhā sanni'dhiɱ parivajjayaɱ.|| ||

[699] Saŋyojanaɱ aṇuɱ thūlaɱ sabbaɱ chetvāna bandhanaɱ,||
Yena yen'eva gacchati anapekkhova gacchati.|| ||

[700] Yathāpi udake jātaɱ puṇḍarīkaɱ pavaḍḍhati,||
Nopalippati toyena sucigandhaɱ manoramaɱ.|| ||

[701] Tath'eva ca loke jāto Buddho loke viharati,||
Nopalippati lokena toyena padumaɱ yathā.|| ||

[702] Mahāgini pajjalito an-āhāropasammati,||
Aŋgāresu ca santesu nibbuto' ti pavuccati.|| ||

[703] Atthassāyaɱ viññāpanī upamā viññūhi desitā,||
Viññissanti mahānāgā nāgaɱ nāgena desitaɱ.|| ||

[704] Vītarāgo vītadoso vītamoho anāsavo,||
Sarīraɱ vijahaɱ nāgo parinibbissantyanāsavo' ti.|| ||

Itthaɱ sudaɱ āyasmā udāyī thero gāthāyo abhāsitthā' ti.|| ||

Soḷasanipāto niṭṭhito.|| ||

 

Vīsatinipāto

#248
Adhimutta Thero

 

[71] [705] Yaññatthaɱ vā dhanatthaɱ vā ye hanāma mayaɱ pure,||
Avase taɱ bhayaɱ hoti vedhanti vilapanti ca.|| ||

[706] Tassa te n'atthī bhītattaɱ bhiyyo vaṇṇo pasīdati,||
Kasmā na paridevesi eva-rūpe mahabbhaye.|| ||

[707] N'atthi cetadikaɱ dukkhaɱ anapekkhassa gāmaṇi,||
Atikkantā bhayā sabbe khīṇasaŋyojanassa ve.|| ||

[708] Khīṇāya bhavanettiyā daṭṭhe dhamme yathātathe,||
Na bhayaɱ maraṇe hoti bhāranikkhepane yathā.|| ||

[709] Suciṇṇaɱ Brahma-cariyaɱ me Maggo cāpi subhāvito,||
Maraṇe me bhayaɱ n'atthi rogānamiva saŋkhaye.|| ||

[710] Suciṇṇaɱ Brahma-cariyaɱ me Maggo cāpi subhāvito,||
Nirassādā bhavā diṭṭhā visaɱ pītvāva chaḍḍitaɱ.|| ||

[711] Pāragū anupādāno katakicco anāsavo,||
Tuṭṭho āyukkhayā hoti mutto āghātanā yathā.|| ||

[712] Uttamaɱ dhammataɱ patto sabba-loke an'atthiko,||
Ādittāva gharā mutto maraṇasmiɱ na socati.|| ||

[713] Yadatthi saŋgataɱ kiñci bhavo vā yattha labbhati,||
Sabbaɱ anissaraɱ etaɱ iti vuttaɱ mahesinā.|| ||

[714] Yo taɱ tathā pajānāti yathā Buddhena desitaɱ,||
Na gaṇhāti bhavaɱ kiñci sutattaɱva ayoguḷaɱ.|| ||

[715] Na me hoti ahosinti bhavissanti na hoti me,||
Sankhārā vigamissanti tattha kā paridevanā.|| ||

[716] Suddhaɱ dhammasamuppādaɱ suddhaɱ sankharasantatiɱ,||
Passantassa yathā-bhūtaɱ na bhayaɱ hoti gāmaṇi.|| ||

[717] Tiṇakaṭṭhasamaɱ lonaɱ yadā paññāya passati,||
Mamattaɱ so asaɱvindaɱ 'n'atthi me' ti na socati.|| ||

[718] Ukkaṇṭhāmi [72] sarīrena bhavenamhi an'atthiko,||
So'yaɱ bhijjissati kāyo añño ca na bhavissati.|| ||

[719] Yaɱ vo kiccaɱ sarīrena taɱ karotha yadicchatha,||
Na me ta-p-paccayā tattha doso pemaɱ ca hohiti.|| ||

[720] Tassa taɱ vacanaɱ sutvā abbhutaɱ lomahaɱsanaɱ,||
Satthāni nikkhi-pitvāna māṇavā etadabravuɱ.|| ||

[721] Kiɱ bhaddante1 karitvāna ko vā ācariyo tava,||
Kassa sāsanamāgamma labbhafata taɱ asokatā.|| ||

[722] Sabbaññū sabba-dassāvī jino ācariyo mama,||
Mahākāruṇiko Satthā sabba-lokatikicchako.|| ||

[723] Ten'āyaɱ desito dhammo khayagāmī anuttaro,||
Kassa sāsanamāgamma labbhato taɱ asokatā.|| ||

[724] Sutvāna corā isino su-bhāsitaɱ,||
Nikkhippa Satthāni ca āvudhāni ca||
Tamhā ca kammā viramiɱsu eke||
Eke pabbajja marocayiɱsu.|| ||

[725] Te pabba-jitvā Sugatassa sāsane||
Bhavetva bojjh-a-ŋgabalāni paṇḍitā||
Udaggacittā sumanā katindriyā||
Phusiɱsu Nibbānapadaɱ asaŋkhatan' ti.|| ||

Itthaɱ sudaɱ āyasmā adhimutto thero gāthāyo abhāsitthā' ti.|| ||

 

#249
Pārāsariya Thero

 

[726] Samaṇassa ahu cintā pārāsariyassa bhikkhuno,||
Ekakassa nisinnassa pavivittassa jhāyino.|| ||

[727] Kimānupubbaɱ puriso kiɱ vataɱ kiɱ samācaraɱ,||
Attano kiccakirissa na ca kiñci viheṭhaye.|| ||

[728] Indriyāni manussānaɱ hitāya ahitāya ca,||
Arakkhitāni ahitāya rakkhitāni hitāya ca.|| ||

[729] Indriyān'evaɱ sārakkhaɱ indriyāni ca gopayaɱ,||
Attano kiccakārisusa na ca nakiñci viheṭhaye.|| ||

[730] Cakkhundriyaɱ ce rūpesu gacchantaɱ anivārayaɱ,||
Anādīnava-dassāvī so dukkhā na hi muccati.|| ||

[731] Sotindriyaɱ ce1 saddesu gacchantaɱ anivārayaɱ,||
Anādīnava-dassāvī so mukkhā na hi muccati.|| ||

[732] Anissaraṇadassāvī [73] gandhe ce paṭisevati,||
Na so muccati dukkhamhā gandhesu adhimucchito.|| ||

[733] Ambilaɱ madhuraggaɱ ca tittakaggamanussaraɱ,||
Rasataṇhāya gadhito hadayaɱ nāvabujjhati.|| ||

[734] Subhānyappaṭikūlāni phoṭṭhabbāni anussaraɱ,||
Ratto ragādhikaraṇaɱ vividhaɱ vindate dukhaɱ.|| ||

[735] Manaɱ cetehi dhammehi yo na Sakkoti rakkhituɱ,||
Tato naɱ dukkhamanveti sabbehetehi pañcahi.|| ||

[736] Pubbalohitasampuṇṇaɱ bahussa kuṇapassa ca,||
Naravīrakataɱ vagguɱ samuggamiva cittitaɱ.|| ||

[737] Kaṭukaɱ madhurassādaɱ piyanibandhanaɱ dukhaɱ,||
Khuraɱva madhunā littaɱ ullihaɱ nāvabujjhati.|| ||

[738] Itthirūpe itthisare phoṭṭhabbe'pi itthiyā,||
Itthigandhesu sāratto vividhaɱ vindate dukhaɱ.|| ||

[739] Itthisotāni sabbāni sandanti pañca pañcasū,||
Tesamāvaraṇaɱ kātuɱ so Sakkoti viriyavā.|| ||

[740] So atthavā so dhammaṭṭho so dukkho so vicakkhaṇo,||
Kareyya rama-māno pi kiccaɱ dhammattha-saɱhitaɱ.|| ||

[741] Atho sīdati saññuttaɱ majje kiccaɱ niratthakaɱ,||
Na taɱ kiccanti maññitvā appamatto vicakkhaṇo.|| ||

[742] Yaɱ ca atthena saññuntaɱ yā ca dhammagatā rati,||
Taɱ samādāya vattetha sā hi uttamā rati.|| ||

[743] Uccāvacehupāyehi||
Paresamabhijigīsati,||
Hantvā vadhitvā atha socayitvā,||
Ālopati sāhasā yo paresaɱ.|| ||

[744] Tacchanto āṇiyā āṇiɱ nihanti balavā yathā,||
Indriyānindreyeheva nihanti kusalo tathā.|| ||

[745] Saddhaɱ viriyaɱ samādhiɱ ca satiɱ paññañca1 bhāvayaɱ,||
Pañca pañcahi hantvāna anīgho yāti brāhmaṇo.|| ||

[746] So atthavā so dhammaṭṭho katvā vākyānusāsaniɱ,||
Sabbena sabbaɱ Buddhassa so naro sukhamedhatī' ti.|| ||

Itthaɱ sudaɱ āyasmā parāsariyo thero gāthāyo abhāsitthā' ti.|| ||

 

#250
Telakāni Thero

 

[747] Cirarattaɱ matātāpī dhammaɱ anuvicintayaɱ,||
Samaɱ cittassa nālatthaɱ pucchaɱ samaṇa-brāhmaṇe.|| ||

[748] Ko [74] so pāraŋgato loke ko patto amato-gadhaɱ,||
Kassa dhammaɱ paṭicchāmi paramatthavijānanaɱ.|| ||

[749] Antovaŋkagato āsi macchova ghasamāmisaɱ,||
Baddho3 mahindapāsena vepacittyasuro yathā.|| ||

[750] Añchāmi naɱ na muñcāmi asmā soka-pariddavā,||
Ko me bandhaɱ muñcaɱ loke sambodhiɱ vedayissati.|| ||

[751] Samaṇaɱ brāhmaṇaɱ vā kaɱ ādisantaɱ pabhaŋgunaɱ,||
Kassa dhammaɱ paṭicchāmi jarāmaccupavāhanaɱ.|| ||

[752] Vicikicchākaŋkhāgathitaɱ sārambhabalasaññutaɱ,||
Kodhappatta-manatthaddhaɱ abhijappappadāraṇaɱ.|| ||

[753] Taṇhādhanusamuṭṭhānaɱ dve ca pannarasāyutaɱ,||
Passa orasikaɱ bāḷhaɱ bhetvā yadi tiṭṭhati.|| ||

[754] Anudiṭṭhīnaɱ appahānaɱ saŋkappaparatejitaɱ,||
Tena viddho pavedhāmi pattaɱ'va māluteritaɱ.|| ||

[755] Ajjhattaɱ me samuṭṭhāya khippaɱ paccati māmakaɱ,||
Chaphassāyatanī kāyo yattha sarati sabbadā.|| ||

[756] Taɱ na passāmi tekicchaɱ yo metaɱ sallamuddhare,||
Nānārajjena satthena nāññena vici-kicchitaɱ.|| ||

[757] Ko me asattho avaṇo sallamabbhantarapassayaɱ,||
Ahiɱsaɱ sabbagattānā sallaɱ me uddharissataɱ.|| ||

[758] Dhammappati hi so seṭṭho visadosappavāhako,||
Gambhīfara patitassa me thalaɱ pāṇiɱ ca dassaye.|| ||

[759] Rahade'hamasmi ogāḷho ahāriyarajamattike,||
Māyāusūyasārambha thīna-middhamapatthaṭe.|| ||

[760] Uddhaccameghathanitaɱ saŋyojanavalāhakaɱ,||
Vāhā vahanti duddiṭṭhiɱ saŋkappā rāganissitā.|| ||

[761] Savanti sabbadhi sotā latā ubbhijja tiṭṭhati,||
Te sote ko nivāreyya taɱ lataɱ ko hi checcati.|| ||

[762] Velaɱ [75] karotha bhaddante sotānaɱ sannivāraṇaɱ,||
Mā te mano-mayo soto rukkhaɱ'va sahasā luve.|| ||

[763] Evaɱ me bhayajātassa apārā pāramesato,||
Tāṇo paññāvudho Satthā isiSaŋghanisevito.|| ||

[764] Sopāṇaɱ sukataɱ suddhaɱ dhammasāramayaɱ daḷaɱ,||
Pādāsi vuyhamānassa 'mā bhāyī' ti ca abravī.|| ||

[765] Satipaṭṭhānapāsādaɱ āruyha pacc-a-vekkhisaɱ,||
Yaɱ taɱ pubbe amaññisisaɱ sakkāyābhirataɱ pajaɱ.|| ||

[766] Yadā ca Maggamaddakkhiɱ nāvāya abhirūhanaɱ,||
Anadhiṭṭhaya attānaɱ titthamaddakkhimuttamaɱ.|| ||

[767] Sallaɱ attasamuṭṭhānaɱ bhavanettipabhāvitaɱ,||
Etesaɱ appavattāya desesi Maggamuttamaɱ.|| ||

[768] Dīgharattānusayitaɱ cirarattamadhiṭṭhitaɱ,||
Buddho me pānudī ganthaɱ visadosappavāhano' ti.|| ||

Itthaɱ sudaɱ āyasmā telakāni thero gāthāyo abhāsitthā' ti.|| ||

 

#251
Raṭṭhapāla Thero

 

[769] Passa cittakataɱ bimbaɱ arukāyaɱ samussitaɱ,||
Āturaɱ bahusaŋkappaɱ yassa n'atthi dhuvaɱ ṭhiti.|| ||

[770] Passa cittaka rūpaɱ maṇinā ka1ṇḍalena ca,||
Aṭṭhiɱ tacena onaddhaɱ saha vatthehi sobhati.|| ||

[771] Alattakatā pādā mukhaɱ cuṇṇakamakkhitaɱ,||
Alaɱ bālassa mohāya no ca pāragavesino.|| ||

[772] Aṭṭhapādakatā kesā nettā añjanamakkhitā,||
Alaɱ bālassa mohāya no ca pāragavesino.|| ||

[773] Añjanīva navā cittā pūtikāyo alaŋkato,||
Alaɱ bālassa mohāya no ca pāragavesino.|| ||

[774] Odahi migavo pāsaɱ nāsadā vāguraɱ migo,||
Bhatvā nivāpaɱ gacchāma kandante migabandhake.|| ||

[775] Chinno pāso migavassa nāsadā vāguraɱ migo,||
Bhutvā nivāpaɱ gacchāma socante migaluddake.|| ||

[776] Pasisāmi loke sadhane manusse||
Laddhāna vittaɱ na dadanti mohā,||
Luddhā [76] dhanaɱ sannicayaɱ karonti||
Bhiyyo va kāme abhipatthayanti.|| ||

[777] Rājā pasayha paṭhaviɱ visetvā||
Sasāgarantaɱ mahimāvasanto,||
Oraɱ samuddassa atittarūpo||
Pāraɱ samuddassa'pi patthayetha.|| ||

[778] Rājā ca aññe ca bahū manussā||
Avītataṇhā maraṇaɱ upenti,||
Ūnāva hutvāna jahanti dehaɱ||
Kāmehi lokamhi na hatthi titti.|| ||

[779] Kandanti naɱ ñāti pakiriya kese||
Aho vatā no amarāti cāhu,||
Vatthena naɱ pārutaɱ nīharitavā||
Citaɱ samedhāya tato ḍahanti.|| ||

[780] So ḍayhati sūlehi tujjamāno||
Ekena vatthena pahāya bhoge,||
Na mīyamānassa bhavanti tāṇā||
Gñātī ca mittā atha vā sahāyā.|| ||

[781] Dāyādakā tassa dhanaɱ haranti||
Satto pana gacchati yena kammaɱ,||
Na mīyamānaɱ dhanamanveti kiñci||
Puttā ca dārā ca dhanaɱ ca raṭṭhaɱ.|| ||

[782] Na dīghamāyu labhate dhanena||
Na cā'pi vittena jaraɱ vihanti,||
Appaɱ hi taɱ jīvitamāhu dhīrā||
Asassataɱ vippariṇāmadhammaɱ.|| ||

[783] Aḍḍhā daḷiddā ca phusanti phassaɱ||
Bālo ca dhīro ca tatheva phuṭṭho,||
Bālo hi bālyā vadhito'va seti||
Dīro ca no vedhati phassaphuṭṭho.|| ||

[784] Tasmā hi paññā'va dhanena seyyā||
Yāya vosānamidādhigacchati,||
Abyositattā hi bhav-ā-bhavesu,||
Pāpāni kammāni karoti mohā.|| ||

[785] Upeti [77] gabbhañ ca parañ ca lokaɱ||
Saɱsāramāpajja paramparāya,||
Tassappañ ca abhisaddahanto||
Upeti gabbhañ ca parañca lokaɱ.|| ||

[786] Coro yathā sandhimukhe gahīto||
Sakammunā haññati pāpa-dhammo,||
Evaɱ pajā pacca paramhi loke||
Sakammukā haññati pāpa-dhammā. || ||

[787] Kāmā hi citrā madhurā manoramā||
Virūparūpena mathenti cittaɱ,||
Ādīnavaɱ kāma-guṇesu disvā||
Tasmā ahaɱ pabba-jitomhi rāja.|| ||

[788] Dumapphalānīva patanti mānavā||
Daharā ca vuddhā ca sarīrabhedā,||
Etam pi disvā pabba-jitomhi rāja||
Apaṇṇakaɱ sāmaññameva seyyo, || ||

[789] Saddhāyāhaɱ pabba-jito upeto jinasāsane,||
Avañjhā mayhaɱ pabbajjā anaṇo bhuñjāmi bhojanaɱ.|| ||

[790] Kāme ādittato disvā jātarūpāni satthato,||
Gabbhavokkantito dukkhaɱ Nirayesu mahabbhayaɱ.|| ||

[791] Etam ādīnavaɱ ñatvā saɱvegaɱ alabhiɱ tadā,||
So'haɱ viddho tadā santo sampatto āsavakkhayaɱ.|| ||

[792] Pariciṇṇo mayā Satthā kataɱ Buddhassa sāsanaɱ,||
Ohito garuko bhāro bhavanetti samūhatā.|| ||

[793] YasSatthāya pabba-jito agārasmānagāriyaɱ,||
So me atthe anuppatto sabba-saŋyojana-k-khayo' ti.|| ||

Itthaɱ sudaɱ āyasmā raṭṭhapālo thero gāthāyo abhāsitthā' ti.|| ||

 

#252
Māluŋkya-putta Thero

 

[794] Rūpaɱ disvā sati muṭṭhā piyaɱ nimittaɱ mana-sikaroto,||
Sārattacitto vedeti taɱ ca ajjhossa tiṭṭhati.|| ||

[795] Tassa vaḍḍhanti vedanā anekā rūpasambhavā,||
Abhijjhā ca vihesā ca cittamassūpahaññati,||
Evamācinato dukkhaɱ ārā Nibbānaɱ vuccati.|| ||

[796] Saddaɱ sutvā sati muṭṭhā piyaɱ nimittaɱ mana-sikaroto,||
Sārattacitto vedeti taɱ ca ajjhossa tiṭṭhati.|| ||

[797] Tassa vaḍḍhanti vedanā anekā saddasambhavā,||
Abhijjhā ca vihesā ca cittamassūpahaññati,||
Evamācinato dukkhaɱ ārā Nibbānaɱ vuccati.|| ||

[798] Gandhaɱ ghatvā sati muṭṭhā piyaɱ nimittaɱ mana-sikaroto,||
Sārattacitto vedeti taɱ ca ajjhossa2 tiṭṭhati.|| ||

[799] Tassa vaḍḍhanti vedanā anekā gandhasambhavā,||
Abhijjhā ca vihesā ca cittamassūpahaññati,||
Evamācinato dukkhaɱ ārā Nibbānaɱ3 vuccati.|| ||

[800] Rasaɱ bhotvā sati muṭṭhā piyaɱ nimittaɱ mana-sikaroto,||
Sārattacitto vedeti taɱ ca ajjhossa tiṭṭhati.|| ||

[801] Tassa vaḍḍhanti vedanā anekā rasasambhavā,||
Abhijjhā ca vihesā ca cittamassūpahaññati,||
Evamācinato dukkhaɱ ārā Nibbānaɱ vuccati.|| ||

[802] Phassaɱ [78] phussa sati muṭṭhā piyaɱ nimittaɱ mana-sikaroto,||
Sārattacitto vedeti taɱ ca ajjhossa tiṭṭhati.|| ||

[803] Tassa vaḍḍhanti vedanā anekā phassasambhavā,||
Abhijjhā ca vihesā ca cittamassūpahaññati,||
Evamācinato dukkhaɱ ārā Nibbānaɱ vuccati.|| ||

[804] Dhammaɱ ñatvā sati muṭṭhā piyaɱ nimittaɱ mana-sikaroto,||
Sārattacitto vedeti taɱ ca ajjhossa tiṭṭhati.|| ||

[805] Tassa vaḍḍhanti vedanā anekā dhammasambhavā,||
Abhijjhā ca vihesā ca cittamassūpahaññati,||
Evamācinato dukkhaɱ ārā Nibbānaɱ vuccati.|| ||

[806] Naso rajjati rūpesu rūpaɱ disvā patissato,||
Virattacitto vedeti taɱ ca nājjhossa tiṭṭhati.|| ||

[807] Yathāssa passato rūpaɱ sevato cā'pi vedanaɱ,||
Khīyati nopacīyati evaɱ so caratī sato,||
Evaɱ apacinato dukkhaɱ santike Nibbānaɱ3 vuccati.|| ||

[808] Naso rajjati saddesu saddaɱ sutvā patissato,||
Virattacitto vedeti taɱ ca nājjhossa1 tiṭṭhati.|| ||

[809] Yathāssa suṇato saddaɱ sevato cā'pi vedanaɱ,||
Khīyati nopacīyati evaɱ so caratī sato,||
Evaɱ apacinato dukkhaɱ santike Nibbānaɱ2 vuccati.|| ||

[810] Naso rajjati gandhesu gandhaɱ ghatvā patissato,||
Virattacitto vedeti taɱ ca nājjhossa1 tiṭṭhati.|| ||

[811] Yathāssa ghāyato gandhaɱ sevato cā'pi vedanaɱ,||
Khīyati nopacīyati evaɱ so caratī sato,||
Evaɱ apacinato dukkhaɱ santike Nibbānaɱ2 vuccati.|| ||

[812] Naso rajjati rasesu rasaɱ bhotvā3 patissato,||
Virattacitto vedeti taɱ ca nājjhossa tiṭṭhati.|| ||

[813] Yathāssa sāyato rasaɱ sevato cā'pi vedanaɱ,||
Khīyati nopacīyati evaɱ so caratī sato,||
Evaɱ apacinato dukkhaɱ santike Nibbānaɱ vuccati.|| ||

[814] Naso rajjati phassesu phassaɱ phussa patissato,||
Virattacitto vedeti taɱ ca nājjhossa tiṭṭhati.|| ||

[815] Yathāssa phusato phassaɱ sevato cā'pi vedanaɱ,||
Khīyati nopacīyati evaɱ so caratī sati,||
Evaɱ apacinato dukkhaɱ santike Nibbānaɱ vuccati.|| ||

[816] Naso rajjati dhammesu dhammaɱ ñatvā patissato,||
Virattacitto vedeti taɱ ca nājjhossa tiṭṭhati.|| ||

[817] Yathāssa vijānato dhammaɱ sevato cā'pi vedanaɱ,||
Khīyati nopacīyati evaɱ so caratī sato,||
Evaɱ apacinato dukkhaɱ santike Nibbānaɱ2 vuccati.|| ||

Itthaɱ sudaɱ āyasmā māluŋkyaputto thero gāthāyo abhāsitthā' ti.|| ||

 

#253
Sela Thero

 

[818] Paripuṇṇakāyo suruci sujāto cārudassano,||
Suvaṇṇavaṇaṇosi bhagavā susukkadāṭho viriyavā.|| ||

[819] Narassa hi sujātassaye bhavanti viyañjanā,||
Sabb'ete tava kāyasmiɱ mahā-purisa-lakkhaṇā.|| ||

[820] Pasannanetto sumukho brahmā uju patāpavā,||
Majjhe samaṇaSaŋghassa ādicco'va virocasi.|| ||

[821] Kalyāṇadassano bhikkhu kañcanasannibhattaco,||
Kiɱ te samaṇabhāvena evaɱ uttamavaṇṇino.|| ||

[822] Rājā arahasi bhavituɱ cakka-vattī rathesabho,||
Cāturanto vijitāvī jambusaṇḍassa issaro.|| ||

[823] Khattiyā bhogā rājāno anuyantā bhavanti te,||
Rājādhirājā4 manujindo rajjaɱ kārehi Gotama.|| ||

[824] Rājāhamasuhi [79] sela (selati bhagavā) Dhamma-rājā anuttaro,||
Dhammena vakkaɱ vattemu cakkaɱ appati-vattiyaɱ.|| ||

[825] SamBuddho paṭijānāsi (iti selo brāhmaṇo) Dhamma-rājā sanuttaro,||
Dhammena cakkaɱ vattemi iti bhāsasi Gotama.|| ||

[826] Ko nu senāpati bhoto sāvako Satthu anvayo,||
Ko te maɱ anuvatteti Dhamma-cakkaɱ pavattitaɱ.|| ||

[827] Mayā pavattitaɱ cakkaɱ (selāti bhagavā) Dhamma-cakkaɱ anuttaraɱ,||
Sāriputto anuvatteti anujāto Tathāgataɱ.|| ||

[828] Abhiññeyyaɱ abhiññātaɱ bhāvetabbaɱ ca bhāvitaɱ,||
Pahātabbaɱ pahīnaɱ me tasmā Buddhosmi brāhmaṇa.|| ||

[829] Vinayassu mayi kaŋkhaɱ adhimuccassu brāhmaṇa,||
Dullabhaɱ dassanaɱ hoti sambuddhānaɱ abhiṇhaso.|| ||

[830] Yesaɱ ve dullabho loke pātu-bhāvo abhiṇhaso,||
So'haɱ brāhmaṇa sambuddho salla-katto anuttaro.|| ||

[831] Brahmabhūto atitulo mārasenappamaddano,||
Sabbāmitte vase katvā modāmi akutobhayo.|| ||

[832] Idaɱ bhonto nisāmetha yathā bhāsati cakkhumā,||
Sallakatto1 mahāvīro nīho'va nadatī vane.|| ||

[833] Brahmabhūtaɱ atitulaɱ mārasenappamaddanaɱ,||
Ko disvā nappasīdeyya api kaṇh'ābhijātiko.|| ||

[834] Yo maɱ icchati anvetu yo vā nicchati gacchatu,||
Idh'āhaɱ pabbajissāmi varapaññassa santike.|| ||

[835] Etaɱ ce ruccati bhoto Sammā-Sam-Buddha-sāsanaɱ,||
Mayam pi pabbajissāma varapaññassa santike.|| ||

[836] Brāhmaṇā tisatā ime yā canti pañjalīkatā,||
Brahma-cariyaɱ carissāma bhagavā tava santike.|| ||

[837] Svākkhātaɱ Brahma-cariyaɱ (selāti bhagavā) sandiṭṭhikamakālikaɱ,||
Yattha amoghā pabbajjā appamattassa sikkhato.|| ||

[839] Tuvaɱ [80] Buddho tuvaɱ Satthā tuvaɱ mārābhibhū muni,||
Tuvaɱ anusaye chetvā tiṇṇo tāresimaɱ pajaɱ.|| ||

[840] Upadhī te samatikkantā āsavā te padālitā,||
Sīho'va anupādāno pahīnabhayabheravo.|| ||

[841] Bhikkhavo tisatā ime tiṭṭhanti pañjalīkatā,||
Pāde vīra pasārehi nāgā vandantu Satthuno' ti.|| ||

Itthaɱ sudaɱ āyasmā selo thero gāthāyo abhāsitthā' ti.|| ||

 

#254
Bhaddiya Thero

 

[842] Yātaɱ me hatthigīvāya sukhumā vatthā padhāritā,||
Sālīnaɱ odano bhutto sucimaɱsūpasecano.|| ||

[843] So'jja bhaddo sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[844] Paɱsukūlī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[845] Piṇḍapātī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[846] Tecivarī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[847] Sapadānacārī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[848] Ekāsanī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[849] Pattapiṇḍī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[850] Khalupacchābhattī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[851] Āraññiko sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[852] Rukkhamūliko sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[853] Abbhokāsī sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[854] Sosāniko sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[855] Yathāsanthatiko sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[856] Nesajjiko sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[857] Appiccho sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[858] Santuṭṭho sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[859] Pavivitto sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[860] Asaɱsaṭṭho sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[861] Āraddha-viriyo sātatiko uñchāpattāgate1 rato,||
Jhāyati anupādāno putto godhāya bhaddiyo.|| ||

[862] Hitvā satapalaɱ kaɱsaɱ sovaṇṇaɱ satarājikaɱ,||
Aggahiɱ mattikāpattaɱ idaɱ dutiyābhisecanaɱ.|| ||

[863] Ucce maṇḍalipākāre daḷhamaṭṭālakoṭṭhake,||
Rakkhito khaggahatthehi uttasaɱ vihariɱ pure.|| ||

[864] So'jja bhaddo anutrāsī pahīnabhayabheravo,||
Jhāyati vanamogayha putto godhāya bhaddiyo.|| ||

[865] Sīla-k-khandhe patiṭṭhāya satiɱ paññaɱ ca bhāvayaɱ,||
Pāpuṇiɱ anupubbena sabba-saŋyojana-k-khayan' ti.|| ||

Itthaɱ sudaɱ āyasmā bhaddiyo thero gāthāyo abhāsitthā' ti.|| ||

 

#255
Aŋgulimāla Thero

[pts] [olen] [than]

Proofed against the Thera- and Therī-Gāthā, edited by Hermann Oldenberg and Richard Pischel, second edition, by K.R. Norman and L. Alsdorf, Pali Text Society.

 

[866] Gacchaɱ vadesi samaṇa ṭhito'mhi||
Mamaɱ ca brūsi ṭhitam aṭṭhito' ti,||
[81] Pucchāmi taɱ samaṇa etam atthaɱ||
Kasamā aṭṭhito'mhi.|| ||

[867] Ṭhito ahaɱ Aŋgulimāla sabbadā||
Sabbesu bhūtesu nidhāya daṇḍaɱ,||
Tuvañ ca pāṇesu asaññato'si,||
Tasmā ṭhito'haɱ tuvam aṭṭhito'si.|| ||

[868] Cirassaɱ vata me mahito mahesi||
Mahāvanaɱ samaṇo paccupādi,||
So'haɱ cajissāmi sahassapāpaɱ||
Sutvāna gāthaɱ tava dhammayuttaɱ.|| ||

[869] Ity eva coro asim āvudhañ ca||
Sobbhe papāte narake anvakāsi,||
Avandi coro Sugatassa pāde,||
Tatth'eva pabbajjam ayāci Buddhaɱ.|| ||

[870] Buddho ca kho kāruṇiko mahesi||
Yo Satthā lokassa sa-devakassa,||
Tam 'ehi bhikkhū' ti tadā avoca;||
Es'eva tassa ahu bhikkhubhāvo.|| ||

[871] Yo pubbe pamajjitvāna pacchā so na p-pamajjati,||
So'maɱ lokaɱ pabhāseti abbhā mutto va candimā.|| ||

[872] Yassa pāpaɱ kataɱ kammaɱ kusalena pithīyati,||
So'maɱ lokaɱ pabhāseti abbhā mutto va candimā.|| ||

[873] Yo have daharo bhikkhu yuñjati Buddha-sāsane,||
So'maɱ lokaɱ pabhaseti abbhā mutto va candimā.|| ||

[874] Disā hi me dhammakathaɱ suṇantu||
Disā hi me yuñjantu Buddha-sāsane,||
Disā hi me te manusse bhajantu||
Ye'dhammam evādapayanti santo.|| ||

[875] Disā hi me khantivādānaɱ avirodhappasaɱsinaɱ,||
Suṇantu dhammaɱ kālena tañ ca anuvidhīyantu.|| ||

[876] Na hi jātu so mamaɱ hiɱse aññaɱ vā pana kañcinaɱ,||
Pappuyya paramaɱ santiɱ rakkheyya tasathāvare.|| ||

[82] [877] Udakaɱ hi nayanti nettikā, usukārā namayanti tejanaɱ,||
Dāruɱ namayanti tacchakā, attānaɱ damayanti paṇḍitā.|| ||

[878] Daṇḍen'eke damayanti aŋkusehi kasāhi ca:||
Adaṇḍena asatthena ahaɱ antomhi tādinā.|| ||

[879] 'Ahiɱsako' ti me nāmaɱ hiɱsakassa pure sato,||
Ajjāhaɱ saccanāmo'mhi, na naɱ hiɱsāmi kiñcinaɱ.|| ||

[880] Coro ahaɱ pure āsiɱ Aŋgulimālo' ti vissuto,||
Vuyhamāno mahoghena Buddhaɱ saraṇam āgamaɱ.|| ||

[881] Lohitapāṇī pure āsiɱ Aŋgulimālo' ti vissuto,||
Saraṇāgamanaɱ passa; bhavanetti samūhatā.|| ||

[882] Tādisaɱ kammaɱ katvāna bahuɱ duggatigāminaɱ||
Phuṭṭho kammavipākena anaṇo bhuñjāmi bhojanaɱ.|| ||

[883] Pamādam anuyuñjanti bālā dummedhino janā.||
Appamādaɱ ca medhāvī dhanaɱ seṭṭhaɱ va rakkhati.|| ||

[884] Mā pamādam anuyuñjetha mā kāmaratisanthavaɱ,||
Appamatto hi jhāyanto pappoti paramaɱ sukhaɱ.|| ||

[885] Sā-gataɱ nāpagataɱ, n'etaɱ dummantitaɱ mama,||
Saɱvibhattesu dhammesu yaɱ seṭṭhaɱ tad upāgamaɱ.|| ||

[886] Sā-gataɱ nāpagataɱ n'etaɱ dummantitaɱ mama,||
Tisso vijjā anuppattā, kataɱ Buddhassa sāsanaɱ.|| ||

[887] Araññe rukkha-mūle vā pabbatesu guhāsu vā,||
Tattha tatth'eva aṭṭhāsiɱ ubbiggamanaso tadā.|| ||

[888] Sukhaɱ sayāmi ṭhāyāmi, sukhaɱ kappemi jīvitaɱ,||
Ahatthapāso Mārassa: aho Satthānukampito.|| ||

[889] Brahmajacco pure āsiɱ, udicco ubhato ahuɱ,||
So'jja putto Sugatassa dhammarājassa Satthuno.|| ||

[890] Vītataṇho anādāno gutta-dvāro susaɱvuto,||
Aghamūlaɱ vadhitvāna patto me āsavakkhayo.|| ||

[891] Pariciṇṇo mayā Satthā, kataɱ Buddhassa sāsanaɱ,||
Ohito garuko bhāro, bhavanetti samūhatā' ti.|| ||

Itthaɱ sudaɱ āyasmā Aŋgulimālo thero gāthāyo abhāsitthā' ti.|| ||

 

#256
Anuruddha Thero

 

[892] Pahāya [83] mātā-pitaro bhaginī ñātibhātaro,||
Pañcakāma-guṇe hitvā anuruddho'va jhāyatu.|| ||

[893] Sameto naccagītehi sammatāḷappabodhano,||
Na tena suddhimajjhagaɱ Mārassa visaye rato.|| ||

[894] Etaɱ ca samati-k-kamma rato Buddhassa sāsane,||
Sabboghaɱ samati-k-kamma anuruddho'va jhāyati.|| ||

[895] Rūpā saddā rasā gandhā pheṭṭhabbā ca manoramā'||
Ete ca samati-k-kamma anuruddho'va jhāyati.|| ||

[896] Piṇḍapātā paṭikkanto eko adutiyo muni,||
Esati paɱsukūlāni anuruddho anāsavo.|| ||

[897] Vicinī aggahī dhovī rajayī dhārayī muni,||
Paɱsukūlāni matimā anuruddho anāsavo.|| ||

[898] Mahiccho ca asantuṭṭho saɱsaṭṭho yo ca uddhato,||
Tassa dhammā ime honti pāpakā saŋkilesikā.|| ||

[899] Sato ca hoti appiccho santuṭṭho avighātavā,||
Pavivekarato vitto niccamāraddha-vīriyo.|| ||

[900] Tassa dhamma ime honti kusalā bodhi-pakkhikā,||
Anāsavo ca so hoti iti vuttaɱ mahesinā.|| ||

[901] Mama saŋkappamaññāya Satthā loke anuttaro,||
Mano-mayena kāyena iddhiyā upasankami.|| ||

[902] Yadā me ahu saŋkappo tato uttari desayi,||
Nippapañca-rato Buddho nippapañcamadesayi.|| ||

[903] Tasmāhaɱ dhammamaññāya vihāsiɱ sāsane rato,||
Tisso vijjā anuppattā kataɱ Buddhassa sāsanaɱ.|| ||

[904] Pañcapaññāsavassāni yato nesajjiko ahaɱ,||
Pañcavīsati-vassāni yato middhaɱ samūhataɱ.|| ||

[905] Nāhu assāsapassāsā ṭhitavittassa tādino,||
Anejo santimārabbha cakkhumā parinibbuto.|| ||

[906] Asallīnena cittena vedanaɱ ajjhavāsayī,||
Pajjotass'eva Nibbānaɱ vimokkho cetaso ahu.|| ||

[907] Ete pacchimikā dāni munino phassapañcamā,||
Nāññe dhammā bhavissanti samubaddhe parinibbute.|| ||

[908] N'atthi dāni punāvāso deva-kāyamhi jālini,||
Vikkhīṇo jāti-saɱsāro n'atthi dāni puna-b-bhavo.|| ||

[909] Yassa [85] muhuttena sahassadhā loko saɱvidito sabrahmakappo,||
Vasī iddhiguṇe cutūpapāte kāle passati devatā sa bhikkhu. || ||

[910] Annabhāro pure āsiɱ daḷiddo ghāsahārako,||
Samaṇaɱ paṭipādesiɱ upariṭṭhaɱ yasassinaɱ.|| ||

[911] Somhi sakyakule jāto anuruddho' ti maɱ vidū,||
Upeto naccagītehi sammatāḷappabodhano.|| ||

[912] Athaddasāsiɱ sambuddhaɱ Satthāraɱ akutobhayaɱ,||
Tasmiɱ cittaɱ pasādetvā pabbajiɱ anagāriyaɱ.|| ||

[913] Pubbe-nivāsaɱ jānāmi yattha me vusitaɱ pure,||
Tāvatiɱsesu devesu aṭṭhāsiɱ satajātiyā.|| ||

[914] Sattakkhattuɱ manussindo ahaɱ rajjamakārayiɱ,||
Cāturanto vijitāvī jambusaṇḍassa issaro,||
Adaṇḍena asatthena dhammena anusāsayiɱ.|| ||

[915] Ito satta tato satta saɱsārāni catuddasa,||
Nivāsamabhijānissaɱ deva-loke ṭhito tadā.|| ||

[916] Pañcaŋgike samādhimhi sante ekodibhāvite,||
Paṭippassaddhiladdhamhi dibba-cakkhu visujjha me.|| ||

[917] Cutūpapātaɱ jānāvi sattānaɱ āgatiɱ gatiɱ,||
Itthabhāvaññathābhāvaɱ jhāne pañc'aŋgike ṭhito.|| ||

[918] Pariciṇṇo mayā Satthā kataɱ Buddhassa sāsanaɱ,||
Ohito garuko bharo bhavanetti samūhatā.|| ||

[919] Vajjīnaɱ vephavagāme ahaɱ jīvitasaŋkhayā,||
Heṭṭhato vephagumbasmiɱ nibbāyissaɱ anāsavo' ti.|| ||

Itthaɱ sudaɱ āyasmā anuruddho thero gāthāyo abhāsitthā' ti.|| ||

 

#257
Pārāsariya Thero

 

[920] Samaṇassa ahu cintā pupphitamhi Mahāvane,||
Ekaggassa nisinnassa pavivattassa jhāyino.|| ||

[921] Aññathā lokanāthamhi tiṭṭhante purisuttame,||
Iriyaɱ āsi bhakkhūnaɱ aññathā dāni dissati.|| ||

[922] Sīthavātaparittānaɱ hirikopīnachādanaɱ,||
Mattatthiyaɱ abhaañjiɱsu santuṭṭhā itarītare.|| ||

[923] Paṇītaɱ yadi vā lūkhaɱ appaɱ vā yadi vā bahuɱ,||
Yāpanatthaɱ abhuñjiɱsu agiddhā nādhimucchitā.|| ||

[924] Jīvitānaɱ parikkhāre bhesajje atha paccaye,||
Na bāḷhaɱ ussukā āsuɱ yathā te āsavakkhaye.|| ||

[925] Araññe rukkha-mūlesu kandarāsu guhāsu ca,||
Vivekamanubrūhentā vihaɱsu tapparāyanā.|| ||

[926] Nīcā niviṭṭhā subharā mudū atthaddhamānasā,||
Abyāsekā amukharā atthacintāvasānugā.|| ||

[927] Tato pāsādikaɱ āsi gataɱ bhuttaɱ nisevitaɱ,||
Siniddhā teladhārā'va ahosi iriyāpatho.|| ||

[928] Sabbāsavaparikkhīṇā mahājhāyī mahāhitā,||
Nibbutā dāni te therā parittā dāni tādisā.|| ||

[929] Kusalānaɱ ca dhammānaɱ paññāya ca parikkhayā,||
Sabbākāravarūpetaɱ lujjate jinasāsanaɱ.|| ||

[930] Pāpakānaɱ ca dhammānaɱ kilesānaɱ ca yo utu,||
Upaṭṭhitā vivekāya ye ca Sad'Dhammasesakā.|| ||

[931] Te kilesā pavaḍḍhantā āvisanti bahuɱ janaɱ,||
Kīḷanti maññe bālehi ummattehi va rakkhasā.|| ||

[932] Kilesehābhibhūtā te tena tena vidhāvitā,||
Narā kilesavatthūsu sasaŋgāmeva ghosite.|| ||

[933] Pariccajitvā Sad'Dhammaɱ aññamaññehi bhaṇḍare,||
Diṭṭhigatāni anventā idaɱ seyyoti raññare.|| ||

[934] Dhanaɱ ca puttaɱ bhariyaɱ ca chaḍḍayitvāna niggatā,||
Kaṭacchubhikkhāhetū akiccāni nisevare.|| ||

[935] Udarāvadehakaɱ bhutvā sayantuttāna-seyyakā,||
Kathā vaḍḍhenti paṭibuddhā yā kathā Satthugarahitā.|| ||

[936] Sabbakārukasippāni cittīkatvāna sikkhare,||
Avūpasantā ajjhattaɱ sāmaññattho' ti acchati.|| ||

[937] Mattikaɱ telaɱ cuṇṇaɱ ca udakāsanabhojanaɱ,||
Gihīnaɱ upanāmenti ākaŋkhantā bahuttaraɱ.|| ||

[938] Dantaponaɱ kapitthaɱ ca pupphaɱ khādaniyāni ca,||
Piṇḍapāte ca sampanne ambe āmalakāni ca.|| ||

[939] Bhesajjesu yathā vejjā kiccākicce yathā gihī,||
Gaṇikā'va vibhūsāyaɱ issare khattiyā yathā.|| ||

[940] Nekatikā [86] mañcanikā kūṭasakkhi apāṭukā,||
Bahūhi parikappehi āmisaɱ paribhuñjare.|| ||

[941] Lesakappe pariyāye parikappenudhavitā,||
Jīvikatthā upāyena saŋkaḍḍhanti bahuɱ dhanaɱ.|| ||

[942] Upaṭṭhāpenti parisaɱ kammato no ca dhammato,||
Dhammaɱ paresaɱ desenti lābhato no ca atthato.|| ||

[943] Saŋghalābhassa bhaṇḍanti Saŋghato paribāhirā,||
Paralābhūpajīvantā ahirīkā na lajjare.|| ||

[944] Nānuyuttā tathā eke muṇḍā saŋghāṭipārutā,||
Sambhāvanaɱ yevicchanti lābha-sakkāramucchitā.|| ||

[945] Evaɱ nānappayātamhi na dāni sukaraɱ tathā,||
Aphusitaɱ vā phunituɱ phunasitaɱ nānurakkhituɱ.|| ||

[946] Yathā kaṇaṭakaṭṭhānamhi careyya anupāhano,||
Satiɱ upaṭṭha-petvāna evaɱ gāme munī care.|| ||

[947] Saritvā pubbake yogī tesaɱ vattamanussaraɱ,||
Kakiñcā'pi pacchimo kālo phuseyya amataɱ padaɱ.|| ||

[948] Idaɱ vatvā sālavane samaṇo bhāvitindriyo,||
Brāhmaṇo parinibbāyī isi khīṇapuna-b-bhavo' ti.|| ||

Itthaɱ sudaɱ āyasmā pārāsariyo thero gāthāyo abhāsitthā' ti.|| ||

Vīsatinipāto niṭṭhito.|| ||

 

Tiɱsatinipāto

#258
Phussa Thero

 

[949] Pāsādike bahū disvā bhavitatte susaɱvute,||
Isi paṇḍarassa gotto apucchi phussasavhayaɱ.|| ||

[950] Kiɱchandā kimadhippāyā kimākappā bhavissare,||
Anāgatamhi kālamhi taɱ me akkhāhi pucchito.|| ||

[951] Suṇohi vacanaɱ mayhaɱ isipaṇḍarasavhaya,||
Sakkaccaɱ upadhārehi ākkhicissāmyanāgataɱ.|| ||

[952] Kodhanā upanāhī ca makkhī thambhī saṭhā bahū,||
Issukī nānāvādā ca bhavissanti anāgate.|| ||

[953] Aññātamānino dhamme gambhīre tīragocarā,||
Lahukā agarū dhamme añña-maññamagāravā.|| ||

[954] Bahū ādīnavā loke uppajjissantyanāgate,||
Sudesitaɱ imaɱ dhammaɱ kilesissanti dummatī.|| ||

[955] Guṇahīnā'pi Saŋghamhi voharantā2 visāradā,||
Balavanto bhavissanti mukharā assutāvino.|| ||

[956] Guṇavanto pi Saŋghamhi voharantā yathātthato,||
Dubbalā te bhavissanti hirī-manā an'atthikā.|| ||

[957] Rajataɱ jāta-rūpaɱ ca khettaɱ vatthumajeḷakaɱ,||
Dāsidāsaɱ ca dummedha sādiyissantyanāgate. || ||

[958] Ujjhāna-saññino bālā sīlesu asamāhitā,||
Unnaḷā vicarissanti kalahābhiratā magā.|| ||

[959] Uddhatā ca bhavissanti nīlacīvarapārutā,||
Kuhā thaddhā lapā siŋgī carissantyariyā viya.|| ||

[960] Telasaṇṭhehi kesehi capalaɱ añjitakkhikā,||
Rathiyāya gamissanti dantavaṇṇikapārutā. || ||

[961] Ajegucchaɱ vimuttehi surattaɱ arahaddhajaɱ,||
Jigucchissanti kāsāvaɱ odātesu samucchitā.|| ||

[962] Lābhakāmā bhavissanti kusītā hīnavīriyā,||
Kicchantā vana-patthāni gāvantesu vasissare.|| ||

[963] Ye [88] ye lābhaɱ labhissanti micchājīvaratā sadā,||
Te te'va anusikkhantā bhamissanti1 asaɱyatā.|| ||

[964] Ye ye alābhino lābhaɱ na te pujjā bhavissare,||
Supesale'pi te dhīre sevissanti na te tadā.|| ||

[965] Pilakkhurajanaɱ rattaɱ garahantā sakaɱ dhajaɱ,||
Titthiyānaɱ dhajaɱ keci dhāressantyavadātakaɱ.|| ||

[966] Agāravo ca kāsāve tadā tesaɱ bhavissati,||
Paṭisaŋkhā ca kāsāve bhikkhūnaɱ na bhavissati.|| ||

[967] Abhibhūtassa dukkhena sallaviddhassa ruppato,||
Paṭisaŋkhā mahāghorā nāgassāsi acintiyā.|| ||

[968] Chaddanto hi tadā disvā surattaɱ arahaddhajaɱ,||
Tāvadeva bhaṇī gāthā gajo atthopasaɱhitā.|| ||

[969] Anikkasāvo kāsāvaɱ yo vatthaɱ paridahessati,||
Apeto damasaccena na so kāsāvamarahati.|| ||

[970] Yo ca vantakasāvassa sīlesu susamāhito,||
Upeto damasaccena sa ve kāsāvamarahati.|| ||

[971] Vipannasīlo dummedho pākaṭā kammakāriyo,||
Vibbhantacitto nissukko na so kāsāvamarahati.|| ||

[972] Yo ca sīlena sampanno vīta-rāgo samāhito,||
Odātamanasaŋkappo save kāsāvamarahati.|| ||

[973] Uddhato unnaḷo bālo sīlaɱ yassa na vijjati,||
Odātakaɱ arahati kāsāvaɱ kiɱ karissati.|| ||

[974] Bhikkhū ca bhakkhuniyo ca duṭṭhacittā anādarā,||
Tādīnaɱ metta-cittānaɱ nigigaṇhissantyanāgate.|| ||

[975] Sikkhāpentā'pi therehi bālā cīvaradhāraṇaɱ,||
Na suṇissanti dummedhā pākaṭā kāmakāriyā.|| ||

[976] Te tathā sikkhitā bālā añña-maññaɱ agāravā,||
Nādiyissantupajjhāye thaphaŋko viya sārathiɱ.|| ||

[977] Evaɱ anāgataddhānaɱ paṭipatti bhavissati,||
Bhikkhūnaɱ bhikkhunīnaɱ ca patte kālamhi pacchime.|| ||

[978] Purā āga-c-chate etaɱ anāgataɱ mahabbhayaɱ,||
Subbacā hotha sakhilā añña-maññaɱ sagāravā.|| ||

[979] Metta-cittā kāruṇikā hotha sīlesu saɱvutā,||
Āraddha-viriyā pahit'attā niccaɱ daḷha-parakkamā.|| ||

[980] Pamādaɱ [89] bhayato disavā appamādaɱ ca khemato,||
Bhavethaṭṭhaŋgikaɱ Maggaɱ phusantā1 avataɱ padan' ti.|| ||

Itthaɱ sudaɱ āyasmā phusso thero gāthāyo abhāsitthā' ti.|| ||

 

#259
Sāriputta Thero

 

[981] Yathācārī yathāsato satīmā yatasaŋkammajjhāyi appamatto,||
Ajjhattarato samāhitatto eko sanTusito tamāhu bhikkhuɱ.|| ||

[982] Allaɱ sukkhaɱ vā bhuñjanto na bāḷhaɱ suhito siyā,||
Ūnodaro mitāhāro sato bhikkhu paribbaje.|| ||

[983] Cattāro pañca ālope abhutvā udakaɱ pive,||
Alaɱ phāsu-vihārāya pahit'attassa bhikkhuno.|| ||

[984] Kappiyaɱ taɱ ce chādeti tīvaraɱ idamatthitaɱ,||
Alaɱ phāsu-vihārāya pahit'attassa bhikkhuno.|| ||

[985] Pallaŋkena nisinnassa jaṇṇuke nābhivassati,||
Alaɱ phāsu-vihārāya pahit'attassa bhikkhuno.|| ||

[986] Yo sukhaɱ dukkhato adda dukkhamaddakkhi sallato,||
Ubhayantarena nāhosi kena lokasmiɱ kiɱ siyā.|| ||

[987] Mā me kadāci pāpiccho kusīto hīnaviriyo,||
Appassuto anādaro kena lokasmiɱ kiɱ siyā.|| ||

[988] Bahu-s-suto ca medhāvī sīlesu susamāhito,||
Cetosamathamanuyutto api muddhani tiṭṭhatu.|| ||

[989] Yo papañcamanuyutto papañcābharato mago,||
Virādhayī so Nibbānaɱ yegakkhemaɱ anuttaraɱ.|| ||

[990] Yo ca papañcaɱ hitvāna nippapañcapathe rato,||
Ārādhayī so Nibbānaɱ yoga-k-khemaɱ anuttaraɱ.|| ||

[991] Gāme vā yadi vā raññe ninne vā yadi vā thale,||
Yattha arahanto viharanti taɱ bhūmiɱ rāmaṇeyyakaɱ.|| ||

[992] Ramaṇīyā araññāni yattha na ramatī mano,||
Vītarāgā ramissanti na te kāmagavesino.|| ||

[993] Nidhīnaɱ'va pavattāraɱ yaɱ passe vajjadassinaɱ,||
Niggayhavādiɱ [90] medhāviɱ tādisaɱ paṇḍitaɱ bhaje,||
Tādisaɱ bhajamānassa seyyo hoti na pāpiyo.|| ||

[994] Ovadeyyānusāseyya asabbhā ca nivāraye,||
Sataɱ hi so piyo hoti asataɱ hoti appiyo.|| ||

[995][ed1] Aññassa bhagavā Buddho dhammaɱ desesi cakkhumā,||
Dhamme desīyamānamhi sotamodhesimatthiko|| ||

[996] Taɱ me amoghaɱ savanaɱ vimuttomhi anāsavo.||
N'eva pubbe-nivāsāya na'pi dibbassa cakkhuno.|| ||

[997] Cetopariyāya ididhiyā cutiyā upapattiyā,||
Sota-dhātuvisuddhiyā paṇiya me na vijjati.|| ||

[998] Rukkha-mūlaɱ va nissāya muṇḍo saŋghāṭipāruto,||
Paññāya uttamo thero upatisso ca jhāyati.|| ||

[999] Avitakkaɱ samāpanno Sammā-Sam-Buddha-sāvako,||
Ariyena tuṇhībhāne upeto hoti tāvade.|| ||

[1000] Yathā'pi pabbato selo acalo suppati-ṭ-ṭhito,||
Evaɱ moha-k-khayā bhikkhu pabbato'va na vedhati.|| ||

[1001] Anaŋgaṇassa posassa niccaɱ sucigavesino,||
Vālaggamattaɱ pāpassa abbhāmattaɱ'va khāyati.|| ||

[1002] Nābhinandāmi maraṇaɱ nābhinandāmi jīvitaɱ,||
Nikkhipissaɱ imaɱ kāyaɱ sampajāno patissato.|| ||

[1003] Nābhinandāmi maraṇaɱ nābhinandāmi jīvitaɱ,||
Kālaɱ ca paṭikaŋkhāmi nibbisaɱ bhatako yathā.|| ||

[1004] Ubhayenamidaɱ maraṇameva nāmaraṇaɱ pacchā vā pure vā,||
Paṭipajjatha mā vinassatha khaṇo vo1 mā upaccagā.|| ||

[1005] Nagaraɱ yathā paccantaɱ guttaɱ santara-bāhiraɱ,||
Evaɱ gopetha attānaɱ khaṇo vo mā upaccagā,||
Khaṇātītā hi socanti Nirayamhi samappitā.|| ||

[1006] Upasanto uparato mantabhāṇī anuddhato,||
Dhunāti pāpake dhamme dumapattaɱ va māluto.|| ||

[1007] Upasanto uparato mantabhāṇī anuddhato,||
Appāsi pāpake dhamme dumapattaɱ va māluto.|| ||

[1008] Upasanto [91] anāyāso vippasanno anāvilo,||
Kalyāṇasīlo dhovī dukkhass-antakaro siyā.|| ||

[1009] Na vissase ekatiyesu evaɱ||
Agārisu pabba-jitesu cā'pi,||
Sādhū'pi hutvāna asādhu honti||
Asādhu hutvā puna sādhu honti.|| ||

[1010] Kāma-c-chando ca vyāpādo thīna-middhaɱ ca bhikkhuno,||
Uddhaccaɱ vicikicchā ca pañcete cittakelisā.|| ||

[1011] Yassa sakkariyamānassa asakkārena cūbhayaɱ,||
Samādhi na vikampati appamādavihārino.|| ||

[1012] Taɱ jhāyikaɱ sātatikaɱ sukhumadiṭṭhivipassakaɱ,||
Upādānakkhayārāmaɱ āhu sappuriso iti.|| ||

[1013] Mahā-samuddo paṭhavī pabbato anilo pi ca,||
Uparāya na yujjanti Satthu varavimuttiyā.|| ||

[1014] Cakkānuvattako thero mahāñāṇī samāhito,||
Paṭhavāpaggisamāno na rajjati na dussati.|| ||

[1015] Paññāpāramitaɱ patto mahābuddhi mahāmati,||
Ajaḷo jaḷasamāno sadā carati nibbuto.|| ||

[1016] Pariciṇṇe mayā Satthā kataɱ Buddhassa sāsanaɱ,||
Ohito garuko bhāro bhavanetti samūhatā' ti.|| ||

[1017] Sampādeth'appamādena esā me anusāsanī,||
Handāhaɱ parinibbissaɱ vippamutto'mhi sabbadhī' ti.|| ||

Itthaɱ sudaɱ āyasmā sāriputto thero gāthāyo abhāsitthā' ti.|| ||

 

#260
Ānanda Thero

 

[1018] Pisunena ca kodhanena ca maccharinā ca vibhūtanandinā,||
Sakhitaɱ na kareyya paṇḍito pāpo kāpurisena saŋgamo.|| ||

[1019] Saddhena ca pesalena ca paññavatā bahu-s-sutena ca,||
Sakhitaɱ hi1 kareyya paṇḍito bhaddo sappurisena saŋgamo.|| ||

[1020] Passa cittakataɱ bimbaɱ arukāyaɱ samussitaɱ,||
Āturaɱ bahusaŋkappaɱ yassa n'atthi dhuvaɱ ṭhiti.|| ||

[1021] Passa cittakataɱ rūpaɱ maṇinā kuṇḍalena ca,||
Aṭṭhiɱ tacena onaddhaɱ saha vatthena sobhati.|| ||

[1021a] Alattakakatā pādā mukhaɱ cuṇṇakamakkhitaɱ,||
Alaɱ bālassa mohāya no ca pāragavesino.|| ||

[1021b] Aṭṭhapādakatā kesā nettā añjanamakkhitā,||
Alaɱ bālassa mohāya no ca pāragavesino.|| ||

[1021c] Añjanīva navā cittā pūtikāyo alaŋkato,||
Alaɱ bālassa mohāya no ca pāragavesino.|| ||

[1021d] Odahi migavo pāsaɱ nāsadā vāguraɱ migo,||
Bhutvā nivāpaɱ gacchāma kandante migabandhake.|| ||

[1021e] Chinnā pāsā migavassa nāsadā vāguraɱ migo,||
Bhutvā nivāpaɱ gacchāma socante migaluddake.|| ||

[1021f] Bahu-s-suto cittakathī Buddhassa paricārako,||
Pannabhāro visaññutto seyyaɱ kappeti gotamo.|| ||

[1022] Khīṇ'āsavo visaññutto saŋgātīto sunibbuto,||
Dhāreti antimaɱ dehaɱ jāti-maraṇapāragū. || ||

[1023] Yasmiɱ [92] pasmiɱ patiṭṭhitā dhammā buddhassādiccahandhuno,||
Nibbānagamane magge so'yaɱ tiṭṭhati gotamo.|| ||

[1024] Dvāsītiɱ buddhato gaṇhiɱ dve sahassāni bhikkhuto,||
Caturāsaɱtisahassāni ye me dhammā pavattino.|| ||

[1025] Appassutā'yaɱ puriso balivaddo'va jīrati,||
Maɱsāni tassa vaḍḍhati paññā tassa na vaḍḍhati.|| ||

[1026] Bahu-s-suto appa-s-sutaɱ yo sutenātimaññati,||
Andho padīpadhāro'va tatheva paṭibhāti maɱ.|| ||

[1027] Bahu-s-sutaɱ upāseyya sutaɱ ca na vināsaye,||
Taɱ mūlaɱ brahvacariyassa tasmā dhamma-dharo siyā.|| ||

[1028] Pubbāparaññū atth'aññū niruttipadakovido,||
Suggahītaɱ ca gaṇhāti atthaɱ copaparikkhati.|| ||

[1029] Khantyā chandīkato hoti ussahitvā tuleti taɱ,||
Samaye so padahati ajjhattaɱ susamāhito.|| ||

[1030] Bahu-s-sutaɱ dhamma-dharaɱ sappaññaɱ buddhasāvakaɱ,||
Dhammaviññāṇamākaŋkhaɱ taɱ bhajetha tathāvidhaɱ.|| ||

[1031] Bahu-s-suto dhamma-dharo kosārakkho mahesino,||
Cakkhu sabbassa lokassa pūjanīyo bahu-s-suto.|| ||

[1032] Dhammārāmo dhamma-rato dhammaɱ anuvicintayaɱ,||
Dhammaɱ anussaraɱ bhikkhu Sad'Dhammā na parihāyati.|| ||

[1033] Kāyamaccheragaruno hiyyamāne anuṭṭhahe,||
Sarīrasukhagiddhassa kuto samaṇaphāsutā.|| ||

[1034] Na pakkhanti disā sabbā dhammā nappaṭibhanti maɱ,||
Gate kalyāṇa-mittamhi andhakāraɱva khāyati.|| ||

[1035] Abbhatītasahāyassa atītagataSatthuno,||
N'atthi etādisaɱ mittaɱ yathā kāyagatā sati.|| ||

[1036] Ye purāṇā atītā te navehi na sameti me,||
Svajja eko'va jhāyāmi vassupeto'va1 pakkhimā.|| ||

[1037] Dassanāya abhiktante nānā verajjake bahū,||
Mā vārayittha sotāro passantu samayo mamaɱ.|| ||

[1038] Dassanāya [93] abhikkante nānā verajjake puthu,||
Karoti Satthā okāsaɱ na nivāreti cakkhumā.|| ||

[1039] Paṇṇavīsati vassāni sekhabhūtassa me sato,||
Na kāma-saññā uppajji passa dhammasudhammataɱ.|| ||

[1040] Paṇṇavīsati vassāni sekhabhūtassa me sato,||
Na desasaññā uppajji passa dhammasudhammataɱ.|| ||

[1041] Paṇṇavīsati vassāni sekhabhūtassa me sato,||
Mettena kāya-kammena chāyā'va anapāyinī.|| ||

[1042] Paṇṇavīsati vassāni sekhabhūtassa me sato,||
Mettena vacī-kammena chāyā'va anapāyinī.|| ||

[1043] Paṇṇavīsati vassāni sekhabhūtassa me sato,||
Mettena mano-kammena chāyā'va anapāyinī.|| ||

[1044] Buddhassa caŋkamantassa piṭṭhito anucaŋkamiɱ,||
Dhamme desīyamānamhi ñāṇaɱ me udapajjatha.|| ||

[1045] Ahaɱ sakaraṇīyomhi sekho appattamānaso,||
Satthu ca pari-Nibbānaɱ yo amhaɱ anukampako.|| ||

[1046] Tadāsi yaɱ bhiɱsanakaɱ tadāsi lomahaɱsanaɱ,||
Sabbākāravarūpete sambuddhe parinibbute.|| ||

[1047] Bahu-s-suto dhamma-dharo kosārakkho mahesino,||
Cakkhu sabbassa lokassa anando parinibbuto.|| ||

[1048] Bahu-s-suto dhamma-dharo kosārakkho mahesino,||
Cakkhu sabbassa lokassa andha-kāre tamonudo.|| ||

[1049] Gatimanto satimanto dhitimanto ca yo isi,||
Sad'Dhammadhārako thero ānando ratanākaro.|| ||

[1050] Pariciṇṇo mayā Satthā kataɱ Buddhassa sāsanaɱ,||
Ohito garuko bhāro n'atthi dāni puna-b-bhavo' ti.|| ||

Itthaɱ sudaɱ āyasmā ānando thero gāthāyo abhāsitthā' ti.|| ||

Tiɱsatinipāto niṭṭhito.|| ||

 

Cattālīsanipāto

#261
MahāKassapa Thero

 

[94] [1051] Na gaṇena purakkhato care||
Vimano hoti samādhi dullabho,||
Nānā janasaŋgaho dukho||
Iti disvāna gaṇaɱ na rocaye.|| ||

[1052] Na kulāni upabbaje muni||
Vimano hoti samādhi dullabho,||
So ussukko rasānugiddho||
Atthaɱ riñcati yo sukhāvaho.|| ||

[1053] Paŋkoti hi naɱ pavedayuɱ||
Yāyaɱ vandanapūjanā kulesu,||
Sukhumaɱ sallaɱ durubbahaɱ||
Sakkāro kāpurisena dujjaho.|| ||

[1054] Senāsanamhā oruyha nagaraɱ piṇḍāya pāvisiɱ,||
Bhuñjantaɱ purisaɱ kuṭṭhi sakkaccaɱ taɱ upaṭṭhahiɱ.|| ||

[1055] So me pakkena hatthena ālopaɱ upanāmayi,||
Ālopaɱ pakkhipantassa aŋgulīpettha chijjatha.|| ||

[1056] Kuḍḍamūlaɱ ca nissāya ālopaɱ taɱ abhuñjisaɱ,||
Bhuñjamāne va bhutte vā jegucchaɱ me na vijjati.|| ||

[1057] Uttiṭṭhapiṇḍo āhāro pūtimuttaɱ ca osadhaɱ,||
Senāsanaɱ rukkha-mūlaɱ paɱsukūlaɱ ca cīvaraɱ,||
Yassete abhisambhūtvā sa ve cātuddiso naro.|| ||

[1058] Yattha eke vihaññanti āruhantā siluccayaɱ,||
Tattha6 Buddhassa dāyādo sampajāno patissato,||
Iddhibalenupatthaddho Kassapo abhirūhati.|| ||

[1059] Piṇḍapātapaṭikkanto selamāruyha Kassapo,||
Jhāyati anupādāno pahīnabhayabheravo.|| ||

[1060] Piṇḍapātapaṭikkanto selamāruyha Kassapo,||
Jhāyati anupādāno ḍayha-mānesu nibbuto.|| ||

[1061] Piṇḍapātapaṭikkanto selamāruyha Kassapo,||
Jhāyati anupādāno katakicco anāsavo.|| ||

[1062] Karerimālāvitatā [95] bhūmibhāgā manoramā,||
Kuñjarābhirudā rammā te selā ramayanti maɱ.|| ||

[1063] Nīlabbhavaṇṇā rucirā vārisītā suvindharā,||
Indagopakasañchannā te selā ramayanti maɱ.|| ||

[1064] Nīlabbhakūṭasadisā kūṭā-gāravarūpamā,||
Vāraṇābhirudā rammā te selā ramayanti maɱ.|| ||

[1065] Abhivuṭṭhā rammatalā nagā isihi sevitā,||
Abbhunnaditā sikhīhi te selā ramayanti maɱ.|| ||

[1066] Alaɱ jhāyitukāmassa pahit'attassa me sato,||
Alaɱ me atthakāmassa pahit'attassa bhikkhuno.|| ||

[1067] Alaɱ me phāsukāmassa pahit'attassa bhikkhuno,||
Alaɱ me yogakāmassa pahit'attassa tādino.|| ||

[1068] Ummāpupphena samānā gaganāvabbhachāditā,||
Nānādijagaṇākiṇṇā te selā ramayanti maɱ.|| ||

[1069] Anākiṇṇā gahaṭṭhehi migaSaŋghanisevitā,||
Nānādijagaṇākiṇṇā te selā ramayanti maɱ.|| ||

[1070] Acchodikā puthu-sīlā genaŋgulamigāyutā,||
Ambusevālasañchannā te selā ramayanti maɱ.|| ||

[1071] Na pañc'aŋgikena turiyena rati me hoti tādisi,||
Yathā ek'agga-cittassa sammā dhammaɱ vipassato.|| ||

[1072] Kammaɱ bahukaɱ na kāraye parivajjeyya janaɱ na uyyame,||
Ussukko so rasānugiddho atthaɱ riñcati yo sukhāvaho.|| ||

[1073] Kammaɱ bahukaɱ na kāraye parivajjeyya anattaneyyameta,||
Kicchati kāyo kilamati dukkhito so samathaɱ na vindati.|| ||

[1074] Oṭṭhappahatamattena attānampi ta passati,||
Patthaddhagīvo carati ahaɱ seyyoti maññati.|| ||

[1075] Aseyyo seyyasamānaɱ bālo maññati attānaɱ,||
Na taɱ viññū pasaɱ-santi patthaddhamānasaɱ naraɱ.|| ||

[1076] Yo ca seyyohamasmī ti nāhaɱ seyyoti vā puna,||
Hīnohaɱ1 sadiso vā' ti vidhāsu na vikampati.|| ||

[1077] Paññavantaɱ [96] tathā tādiɱ sīlesu susamāhitaɱ,||
Cetosamathamanuyuttaɱ taɱ ve viññū pasaɱsare.|| ||

[1078] Yassa sabrahma-cārīsu gāravo nūpalabbhati,||
Ārakā hoti Sad'Dhammā nabhaso paṭhavī yathā.|| ||

[1079] Yesaɱ ca hiri ottappaɱ sadā sammā upaṭṭhitaɱ,||
Virūḷhabrahma-cariyā te tesaɱ khīṇā puna-b-bhavā.|| ||

[1080] Uddhato capalo bhikkhu paɱsukūlena pāruto,||
Kapīva sīhacammena na so tenupasobhati.|| ||

[1081] Anuddhato acapalo nipako saɱvut'indriyo,||
Lobhati paɱsukūlena sīho'va girigabbhare.|| ||

[1082] Ete sambahulā devā iddhimanto yasassino,||
Dasadevasahassāni sabbe te brahma-kāyikā.|| ||

[1083] Dhammasenāpatiɱ vīraɱ mahājhāyiɱ samāhitaɱ,||
Sāriputtaɱ namassantā tiṭṭhanti pañjalīkatā.|| ||

[1084] Namo te purisājañña namo te purisuttama,||
Yassa te nābhijānāma yaɱ'pi nissāya jhāyati.|| ||

[1085] Accheraɱ vata Buddhānaɱ gambhīro gocaro sako,||
Ye mayaɱ nābhijānāma vālavedhisamāgatā.|| ||

[1086] Taɱ tathā devakāyehi pūjitaɱ pūjanārahaɱ,||
Sāriputtaɱ tadā disvā kappinassa sītaɱ ahu.|| ||

[1087] Yāvatā buddhakhettamhi ṭhapayitvā mahāmuniɱ,||
Dhutaguṇe visiṭṭhohaɱ sadiso me na vijjati.|| ||

[1088] Pariciṇṇo mayā Satthā kataɱ Buddhassa sāsanaɱ,||
Ohito garuko bhāro n'atthi dāni puna-b-bhavo.|| ||

[1089] Na cīvare na sayane bhojane nupalippati,||
Gotamo anappameyyo mulālapupphaɱ vimalaɱ'va,||
Ambunā ni-k-khamaninno tibhavābhinissaṭo. || ||

[1090] Satipaṭṭhanagīvo so saddhāhattho mahāmuni,||
Paññāsīso mahāñāṇī sadā carati nibbuto' ti.|| ||

Itthaɱ sudaɱ āyasmā mahāKassapo thero gāthāyo abhāsitthā' ti.|| ||

Cattālīsanipāto niṭṭhito.|| ||

 

Paññāsanipāto

#262
Tālapuṭa Thero

 

[97] [1091] Kadā nu'haɱ pabbatakandarāsu||
Ekākiyo addutiyo vihassaɱ||
Aniccato sabbabhavaɱ vipassaɱ||
Taɱ me idaɱ taɱ nu kadā bhavissati.|| ||

[1092] Kadā nu'haɱ bhinnapaṭandharo1 muni||
Kāsāvavattho amamo nirāso||
Rāgaɱ ca dosaɱ ca tatheva mohaɱ||
Hantvā sukhī pavanagato vihassaɱ.|| ||

[1093] Kadā aniccaɱ vadharoganīḷaɱ||
Kāyaɱ imaɱ maccujarāyupaddutaɱ||
Vipassamāno vītabhayo vihassaɱ||
Eko vane taɱ nu kadā bhavissati.|| ||

[1094] Kadā nu'haɱ bhayajananiɱ dukhāvahaɱ||
Taṇhālatā bahuvidhānuvattaniɱ||
Paññāmayaɱ tikhiṇamasiɱ gahetvā||
Chetvā vase tampi kadā bhavissati.|| ||

[1095] Kadā nu paññāmayamuggatejaɱ||
Satthaɱ isīnaɱ sahasādiyitvā||
Māraɱ sasenaɱ sahasā bhañjissaɱ||
Sīhāsane taɱ nu kadā bhavissati.|| ||

[1096] Kadā nu'haɱ sabbhisamāgamesu||
Diṭṭho bhave dhammagarūhi tādihi||
Yathāvadassīhi jitindriyehi||
Padhāniyo taɱ nu kadā bhavissati.|| ||

[1097] Kadā nu maɱ tandikhudā pipāsā||
Vātātapā kīṭasiriɱsapā vā||
Nabādhayissanti na taɱ giribbaje||
Atthatthiyaɱ taɱ nu kadā bhavissati.|| ||

[1098] Kadā [98] nu kho yaɱ viditaɱ mahesinā||
Cattāri saccāni sududdasāni||
Samāhitatto satimā agacchaɱ,||
Paññāya taɱ taɱ nu kadā bhavissati.|| ||

[1099] Kadā nu rūpe amite ca sadde||
Gandhe rase phusitabbe ca dhamme||
Ādittatohaɱ samathehi yutto||
Paññāya dakkhaɱ tadidaɱ kadā me.|| ||

[1100] Kadā nu'haɱ dubbacanena vutto||
Tato nimittaɱ vimano na hessaɱ||
Atho pasattho pi tato nimittaɱ||
Tuṭṭho na hessaɱ tadidaɱ kadā me.|| ||

[1101] Kadā nu kaṭṭhe ca tiṇe latā ca||
Khandhe imehaɱ amite ca dhamme||
Ajjhattikān'eva ca bāhirāni ca||
Samaɱ tuleyyaɱ tadidaɱ kadā me.|| ||

[1102] Kadā nu maɱ pāvusakālamegho||
Navena toyena sacīvaraɱ vane||
Isippayātamhi pathe vajantaɱ||
Ovassate taɱ nu kadā bhavissati.|| ||

[1103] Kadā mayūrassa sikhaṇḍino vane||
Dijassa sutvā girigabbhare rutaɱ||
Paccuṭṭhahitvā amatassa pattiyā||
Saɱcintiye taɱ nu kadā bhavissati.|| ||

[1104] Kadā nu gaŋgaɱ yamunaɱ sarassatiɱ||
Pātālakhittaɱ vaḷavāmukhaɱ ca||
Asajjamāno patareyyamiddhiyā||
Vibhīsanaɱ taɱ nu kadā bhavissati.|| ||

[1105] Kadā nu nāgo'va asaŋgacārī||
Padālaye kāma-guṇesu chandaɱ||
Nibbajjayaɱ sabbasubhaɱ nimittaɱ||
Jhāne yuto taɱ nu kadā bhavissati.|| ||

[1106] Kadā [99] iṇaṭṭo'va daḷiddako nidhiɱ||
Ārādhayitvā dhanikehi pīḷito||
Tuṭṭho bhavissaɱ adhigamma sāsanaɱ||
Mahesino taɱ nu kadā bhavissati.|| ||

[1107] Bahūni vassāni tayāmhi yācito||
Āgāravāsena alaɱ nu te idaɱ||
Taɱ dāni maɱ pabba-jitaɱ samānaɱ||
Kiɱkāraṇā citta tuvaɱ na yuñjasi.|| ||

[1108] Nanu ahaɱ citta tayāmhi yācito||
Giribbaje citrachadā vihaŋgamā||
Mahindaghosatthantābhigajjino||
Te taɱ ramissanti vanamhi jhāyinaɱ.|| ||

[1109] Kulamhi mitte ca piye ca ñātake||
Khiḍḍāratiɱ kāma-guṇaɱ ca loke||
Sabbaɱ pahāya imamajjhapāgato||
Atho pi tvaɱ citta na mayha tussasi.|| ||

[1110] Mameva etaɱ na hi tvaɱ paresaɱ||
Sannāhakāle paridevitena kiɱ||
Sabbaɱ idaɱ calamiti pekkhamāno||
Abhini-k-khamiɱ amatapadaɱ jigīsaɱ.|| ||

[1111] Suyuttavādī dvipadānamuttamo||
Mahābhisakko naradamma-sārathi||
Cittaɱ calaɱ makkaṭasannibhaɱ iti||
Avīta-rāgena sudunnivārayaɱ.|| ||

[1112] Kāmā hi citrā madhurā manoramā||
Aviddasu yattha sitā puthujjanā||
Te dukkhamicchanti puna-b-bhavesino||
Cittena nītā Niraye nirākatā.|| ||

[1113] Mayūrakoñcābhirutamhi kānane||
Dīpīhi vyagghehi purakkhato vasaɱ||
Kāye apekkhaɱ jaha mā virādhaya||
Itissu maɱ citta pure niyuñjasi.|| ||

[1114] Bhāvehi [100] jhānāni ca inidriyāni||
Balāni bojjh-a-ŋgasamādhibhāvanā||
Tisso ca vijjā phusa Buddha-sāsane||
Itissu maɱ citta pure niyuñjasi.|| ||

[1115] Bhāvehi Maggaɱ amatassa pattiyā||
Niyyānikaɱ sabbadukhakkhayogadhaɱ||
Aṭṭhaŋgikaɱ sabbakilesasodhanaɱ||
Itissu maɱ citta pure niyuñjasi.|| ||

[1116] Dukkhanti khandhe paṭipassa yoniso||
Yato ca dukkhaɱ samudeti taɱ jaha||
Idh'eva dukkhassa karohi antaɱ||
Itissu maɱ citta pure niyuñjasi.|| ||

[1117] Aniccaɱ dukkhanti vipassa yoniso||
Suññaɱ anattāti aghaɱ vadhanti ca||
Manovicāre uparundha cetaso||
Itissu maɱ citta pure niyuñjasi.|| ||

[1118] Muṇḍo virūpo abhisāpamāgato||
Kapālahatthova kulesu bhikkhasu||
Yuñjassu Satthuvacane mahesino||
Itissu maɱ citta pure niyuñjasi.|| ||

[1119] Susaɱvutatto visikhantare caraɱ||
Kulesu kāmesu asaŋgamānaso||
Cando yathā dosinapuṇṇamāsiyā||
Itissu maɱ citta pure niyuñjasi.|| ||

[1120] Āraññiko hohi ca piṇaḍapātiko||
Sosāniko hohi ca paɱsu-kūliko||
Nesajjiko hohi sadā dhute rato||
Itissu maɱ citta pure niyuñjasi.|| ||

[1121] Ropetva rukkhāni yathā phalesī||
Mūle taruɱ chettu tam eva icchasi||
Tath'ūpamaɱ cittamidaɱ karosi||
Yaɱ maɱ anicc'amhi cale niyuñjasi.|| ||

[1122] Arūpa dūraŋ-gama ekacāri||
Na te karissaɱ vacanaɱ idānihaɱ||
Dukkhā hi kāmā kaṭukā mahabbhayā||
Nibbānamevābhimano carissaɱ.|| ||

[1123] Nāhaɱ alakkhyā ahirikkatāya3 vā||
Na cittahetū na ca dūrakantanā||
Ājīvahetū ca ahaɱ na ni-k-khamiɱ||
Kato ca te citta paṭissavo mayā.|| ||

[1124] Appicchatā sappurisehi vaṇṇitā||
Makkhappahānaɱ vūpasamo dukhassa||
Itissu [101] maɱ citta tadā niyuñjasi||
Idāki tvaɱ gacchasi pubbaciṇṇaɱ.|| ||

[1125] Taṇhā avijjā ca piy-ā-p-piya-ñ ca||
Subhāni rūpāni sukhā ca vedanā||
Manāpiyā kāma-guṇa ca vantā||
Vante ahaɱ āvamituɱ na ussahe.|| ||

[1126] Sabbattha te citta vaco kataɱ mayā||
Bahūsu jātīsu na mesi kopito||
Ajjhattasambhavo kataññutāya te||
Dukkhe ciraɱ saɱsaritaɱ tayā kate.|| ||

[1127] Tvaññeva no citta karosi brāhmaṇo||
Tvaɱ khattiyo rājadasī karosi||
Vessā ca suddā ca bhavāma ekadā||
Devattanaɱ vā'pi taveva vāhasā.|| ||

[1128] Tave'va hetū Asurā bhavāmase||
Tvaɱmūlakaɱ nerayikā bhavāmase||
Atho tiracchānagatā'pi ekadā||
Petattanaɱ vā'pi tave'va vāhasā.|| ||

[1129] Nanu dubbhissasi maɱ puna-p-punaɱ||
Muhuɱ muhuɱ cāraṇīkaɱ'va dassayaɱ||
Ummattaken'eva mayā palobhasi||
Kiñcā'pi te citta virādhitaɱ mayā.|| ||

[1130] Idaɱ pure cittamacāri cārikaɱ||
Yenicchakaɱ yatthakāmaɱ yathā sukhaɱ||
Tadajjahaɱ niggahessāmi yoniso||
Hatthippabhinnaɱ viya aŋkusaggaho.|| ||

[1131] Satthā ca me lokam imaɱ adhiṭṭhahi||
Aniccato addhuvato asārato,||
Pakkhanda maɱ citta jinassa sāsane||
Tārehi oghā mahatā1 suduttarā.|| ||

[1132] Na te idaɱ citta yathā purāṇakaɱ||
Nāhaɱ alaɱ tuyhavase nivattituɱ,||
Mahesino pabba-jitomhi sāsane||
Na mādisā honti vināsadhārino.|| ||

[1133] Nagā [102] samuddā saritā vasundharā||
Disā catasso vidisā adho divā,||
Sabbe aniccā tibhavā upaddutā||
Kuhiɱ gato citta sukhaɱ ramissasi.|| ||

[1134] Dhitipparaɱ kiɱ mama citta kāhisi||
Na te alaɱ citta vasānuvattako,||
Na jātu bhastaɱ ubhato-mukhaɱ chupe||
Dhi-r-atthu pūraɱ nava sotasandaniɱ.|| ||

[1135] Varāhaeṇeyya vigāḷhasevite||
Pabbhārakūṭe pakate'va sundare,||
Navambunā pāvusasittakānane||
Tahiɱ guhāgehagato ramissasi.|| ||

[1136] Sunīlagīvā susikhā supekhuṇā||
Sucittapattacchadanā vihaŋgamā,||
Suvañjughosatthanitābhigajjino||
Te taɱ ramissanti vanamhi jhāyinaɱ.|| ||

[1137] Vuṭṭhamhi deve catur'aŋgule tiṇe||
Saɱpupphite meghanibhamhi kānane,||
Nagantare viṭapisamo sayissaɱ||
Taɱ me mudū hehiti tūlasannibhaɱ.|| ||

[1138] Tathā tu kassāmi yathā'pi issaro||
Yaɱ labbhati tena'pi hotu me alaɱ,||
Na tāhaɱ kassāmi8 yathā atandito||
Biḷārabhastaɱ'va yathā sumadditaɱ.|| ||

[1139] Tathā tu kassāmi yathā'pi issaro||
Yaɱ labbhati tena'pi hotu me alaɱ,||
Viriyena taɱ mayha vasānayissaɱ||
Gajaɱ'va mattaɱ kusalaŋkusaggaho.|| ||

[1140] Tayā sudantena avaṭṭhitena1 hi||
Hayena yoggācariyo'va ujjunā,||
Pahomi Maggaɱ paṭipajjituɱ sivaɱ||
Cittānurakkhīhi sadā nisevitaɱ.|| ||

[1141] Ārammaṇe [103] taɱ balasā nibandhisaɱ||
Nāgaɱ'va thambhamhi daḷhāya rajjuyā,||
Taɱ me suguttaɱ satiyā subhāvitaɱ||
Anissitaɱ sabbabhavesu hehisi.|| ||

[1142] Paññāya chetvā vipathānusārinaɱ||
Yogena niggayha pathe nivesiya,||
Disuvā samudayaɱ vibhavaɱ ca sambhavaɱ||
Dāyādako hehisi aggavādino.|| ||

[1143] Catubbipallāsavasaɱ adhiṭṭhitaɱ||
Gāmaṇḍalaɱ'va parinesi citta maɱ,||
Nūna saŋyojanabandhanacch'idaɱ||
Saɱsevase kāruṇikaɱ mahāmuniɱ.|| ||

[1144] Migo yathā seri sucittakānane||
Rammaɱ giriɱ pāvusaabbhamāliniɱ,||
Anākule tattha nage ramissaɱ||
Asaɱsayaɱ citta parābhavissasi.|| ||

[1145] Ye tuyaha chandena vasena vattino||
Narā ca nārī ca anubhenti yaɱ sukhaɱ,||
Aviddasū māravasānuvattino||
Bhavābhanandī tava citta sāvakā'ti.|| ||

Itthaɱ sudaɱ āyasmā tālapuṭo thero gāthāyo abhāsitthā' ti.|| ||

Paññāsanipāto niṭṭhito.|| ||

 

Saṭṭhinipāto

#263
Mahā Moggallāna Thero

 

[104] [1146] Āraññakā piṇḍa-pātikā uñchāpattāgate ratā,||
Dāḷemu maccuno senaɱ ajjhattaɱ susamāhitā.|| ||

[1147] Āraññakā piṇḍa-pātikā uñchāpattāgate ratā,||
Dhunāma1 maccuno senaɱ naḷāgāraɱ'va kuñjaro.|| ||

[1148] Rukkhamūlikā sātatikā uñchāpattāgate ratā,||
Dāḷemu maccuno senaɱ ajjhattaɱ susamāhitā.|| ||

[1149] Rukkhamūlikā sātatikā uñchāpattāgate ratā,||
Dhunāma maccuno senaɱ naḷāgāraɱ'va kuñjaro.|| ||

[1150] Aṭṭhikaŋkālakuṭike maɱsananahārusibbite,||
Dhi-r-atthu pūre duggandhe paragatte mamāyase, || ||

[1151] Gūthabhaste taconaddhe uragaṇḍa4 pisācinī,||
Nava sotāni te kāye yāni sandanti sabbadā.|| ||

[1152] Tava sarīraɱ navasotaɱ du-g-gandhakaraɱ paribandhaɱ,||
Bhikkhu parivajjayate taɱ mīḷhañca yathā sucikāmo.|| ||

[1153] Evaɱ ce taɱ jano jaññā yathā jānāmi taɱ ahaɱ,||
Ārakā parivajjeyya gūthaṭṭhānaɱ'va pāvuse.|| ||

[1154] Evam etaɱ mahāvīra yathā samaṇa bhāsasi,||
Ettha ceke visīdanti paŋkamhi'va jaraggavo.|| ||

[1155] Ākāsamhi haliddiyā yo maññe, rajetave,||
Aññena vā'pi raŋgena vighātudayameva taɱ.|| ||

[1156] Tadākāsasamaɱ cittaɱ ajjhattaɱ susamāhitaɱ,||
Mā pāpacitte ahani aggikhandhaɱ'va pakkhimā.|| ||

[1157] Passa cittakataɱ bimbaɱ arukāyaɱ samussitaɱ,||
Āturaɱ bahusaŋkappaɱ yassa n'atthi dhuvaɱ ṭhiti.|| ||

[1157a] Passa cittakataɱ rūpaɱ maṇinā kuṇḍalena ca,||
Aṭṭhiɱ tacena onaddhaɱ saha vatthehi sobhati.|| ||

[1157b] Alattakakatā pādā mukhaɱ cuṇṇakamakkhitaɱ,||
Alaɱ bālassa mohāya no ca pāragavesino.|| ||

[1157c] Aṭṭhapādakatā kesā nettā añjanamakkhitā,||
Alaɱ bālassa mohāya no ca pāragavesino.|| ||

[1157d] Añjanīva navā cittā pūtikāyo alaŋkato,||
Alaɱ bālassa mohāya no ca pāragavesino.|| ||

[1157e] Odahi migavo pāsaɱ nāsadā vāguraɱ migo,||
Bhutvā nivāpaɱ gacchāma kandakante migabandhake.|| ||

[1157f] Chinno pāso migavassa nāsadā vāguraɱ migo,||
Bhutvā nivāpaɱ gacchāma socante migaluddake.|| ||

[1158] Tadāsi yaɱ bhiɱsanakaɱ tadāsi lomahaɱsanaɱ,||
Anekākārasampanne sāriputtamhi nibbute.|| ||

[1159] Aniccā [105] vata sankhārā uppādavayadhammino,||
Uppajjitvā nirujjhanti tesaɱ vūpasamo sukho.|| ||

[1160] Sukhumaɱ te paṭivijjhanti vilaggaɱ usunā yathā,||
Ye pañca-k-khandhe passanti parato no ca attato.|| ||

[1161] Ye ca passanti sankhāre parato no ca attato,||
Paccabyādhiɱsu nipuṇaɱ vālaggaɱ usunā yathā.|| ||

[1162] Sattiyā viya omaṭṭho ḍayha-māno'va matthake,||
Kāmarāga-p-pahānāya sato bhikkhu paribbaje.|| ||

[1163] Sattiyā viya omaṭṭho ḍayha-māno'va matthake,||
Bhava-rāga-p-pahānāya sato bhikkhu paribbaje.|| ||

[1164] Codito bhāvitattena sarīrantimadhārinā,||
Migāra-mātupāsādaɱ pādaŋguṭṭhena kampayiɱ.|| ||

[1165] Na-y-idaɱ sithalamārabbha na-y-idaɱ appena thāmasā,||
Nibbānamadhigantabbaɱ sabbaganthapamocanaɱ.|| ||

[1166] Ayaɱ ca daharo bhikkhu ayamuttamaporiso,||
Dhāreti1 antimaɱ dehaɱ chetvā Māraɱ savāhiniɱ. || ||

[1167] Vivaramanupatanti vijjutā vehārassa ca paṇaḍavassa ca,||
Nagavivaragato'va4 jhāyati putto appaṭimassa tādino.|| ||

[1168] Upasanto uparato pantasen'āsano muni,||
Dāyādo buddhaseṭṭhassa brahmunā abhivandito.|| ||

[1169] Upasantaɱ uparataɱ pantasen'āsanaɱ muniɱ,||
Dāyādaɱ buddhaseṭṭhassa vanda brāhmaṇa Kassapaɱ.|| ||

[1170] Yo ca jāti-sataɱ gacche sabbā brāhmaṇa-jātiyo,||
Sotthiyo vedasampanno manussesu punassunaɱ.|| ||

[1171] Ajjhāyako pi ce assa tiṇṇaɱ vedāna pāragū,||
Etassa vandanāyetaɱ kalaɱ nāgghati soḷasiɱ.|| ||

[1172] Yo so aṭṭhavimokkhāni purebhattaɱ aphassayi,||
Anulomaɱ paṭilomaɱ tato piṇḍāya gacchati.|| ||

[1173] Tādisaɱ bhikkhuɱ mā hani māttānaɱ khaṇi brāhmaṇa,||
Abhippasādehi manaɱ arahantamhi tādino||
Khippaɱ pañjaliko vanda mā te vijaṭi matthakaɱ.|| ||

[1174] Neso passati Sad'Dhammaɱ saɱsārena purakkhato,||
Adhogamaɱ jimhapathaɱ kummaggamanudhāvati. || ||

[1175] Kimī'va mīḷhasallitto sankhare adhimucchito,||
Pagāḷho lābhasakkāre tuccho gacchati poṭhilo.|| ||

[1176] Imaɱ ca passa āyantaɱ sāriputtaɱ sudassanaɱ,||
Vimuttaɱ ubhatobhāge ajjhattaɱ susamāhitaɱ.|| ||

[1177] Visallaɱ [106] khīṇasaɱyogaɱ tevijjaɱ maccuhāyinaɱ,||
Dakkhiṇeyyaɱ manussānaɱ puñña-k-khettaɱ anuttaraɱ, || ||

[1178] Ete sambahulā devā iddhamanto yasassino||
Dasadevasahassāni sabbe brahmapurohitā||
Moggallānaɱ namassantā tiṭṭhanti pañjalīkatā.|| ||

[1179] Namo te purisājañña namo te purisuttama||
Yassa te āsavā khīṇā dakkhiṇeyyo'si mārisa.|| ||

[1180] Pūjito naradevena uppanno maraṇābhibhū||
Puṇḍarīkaɱ'va toyena sankhārenopalippati, || ||

[1181] Yassa muhuttena sahassadhā loko saɱvidito sabrahmakappo vasi||
Iddhiguṇe cutūpapāte kāle passati devatā sa bhikkhu.|| ||

[1182] Sāriputto'va paññāya sīlena upasamena ca||
Yo pi pāraŋgato bhikkhu etā'vaparamo siyā.|| ||

[1183] Koṭisata-sahassassa atta-bhāvaɱ khaṇena nimmine||
Ahaɱ vikubbanāsu kusalo vasībhūtomhi iddhiyā.|| ||

[1184] Samādhivijjāvasipāramiɱ gato.||
Moggallānagotto asitassa sāsane||
Dhīro namucchindi samāhitindriyo||
Nāgo yathā pūtilataɱ'va bandhanaɱ.|| ||

[1185] Pariciṇṇo mayā Satthā kataɱ Buddhassa sāsanaɱ||
Ohito garuko bhāro bhavanetti samūhatā.|| ||

[1186] YasSatthāya pabba-jito agārasmānagāriyaɱ||
So me attho anuppatto sabba-saŋyojana-k-khayo.|| ||

[1187] Kīdiso Nirayo āsi yattha dussī apaccatha||
Vidhuraɱ sāvakamāsajja kakusandhaɱ ca brāhmaṇaɱ.|| ||

[1188] Sataɱ āsi ayosaŋkū sabbe paccattavedanā||
Īdiso Nirayo āsi yattha dussī apaccatha||
Vidhuraɱ sāvakamāsajja kakusandhaɱ ca brāhmaṇaɱ.|| ||

[1189] Yo etam abhijānāti bhikkhu Buddhassa sāvako.||
Tādisaɱ bhikkhumāsajja kaṇha dukkhaɱ nigacchasi.|| ||

[107] [1190] Majjhe sarassa tiṭṭhanti vimānā kappaṭṭhāyino||
Vephariyavaṇṇā rucirā accimanto pabhassarā||
Accharā tattha naccanti puthu nānattavaṇṇiyo.|| ||

[1191] Yo etam abhijānāti bhikkhu Buddhassa sāvako||
Tādisaɱ bhikkhumāsajja kaṇha dukkhaɱ nigacchasi.|| ||

[1192] Yo ve Buddhena codito bhikkhu-Saŋghassa pekkhato||
Migāra-mātupāsādaɱ pādaŋguṭṭhena kampisaɱ. || ||

[1193] Yo etamabhijānāti bhikkhu Buddhassa sāvako||
Tādisaɱ bhikkhumāsajja kaṇha dukkhaɱ nigacchasi.|| ||

[1194] Yo vejayanta pāsādaɱ pādaŋguṭṭhena kampayi||
Iddhi balenupatthaddho saɱvejesi ca devatā.|| ||

[1195] Yo etamabhijānāti bhikkhu Buddhassa sāvako||
Tādisaɱ bhikkhumāsajja kaṇha dukkhaɱ nigacchasi.|| ||

[1196] Yo vejayantapāsāde sakkaɱ so paripucchati||
Api āvuso jānāsi taṇha-k-khayavimuttiyo||
Tassa Sakko viyākāsi pañhaɱ puṭṭho yathātathaɱ.|| ||

[1197] Yo etamabhijānāti bhikkhu Buddhassa sāvako||
Tādisaɱ bhikkhumāsajja kaṇha dukkhaɱ nigacchasi.|| ||

[1198] Yo brahmānaɱ paripucchati sudhammāyaɱ ṭhito4 sabhaɱ||
Ajjā'pi tyāvuso sā diṭṭhi yā te diṭṭhi pure ahu||
Passasi vītivattantaɱ Brahma-loke pabhassaraɱ.|| ||

[1199] Tassa brahmā viyākāsi pañhaɱ puṭṭho yathātathaɱ||
Na me mārisa sādiṭṭhi yā me diṭṭhi pure ahu.|| ||

[1200] Passāmi vītivattantaɱ brahumaloke pabhassaraɱ||
So'haɱ ajja kataɱ vajjaɱ ahaɱ niccomhi sassato.|| ||

[1201] Yo etamabhijānāti bhikkhu Buddhassa sāvako||
Tādisaɱ bhikkhumāsajja kaṇha dukkhaɱ nigacchasi.|| ||

[1202] Yo mahāneruno kūṭaɱ vimokkhena aphassasi||
Vanaɱ pubbavidehānaɱ ye ca bhūmisayā narā.|| ||

[1203] Yo etambhijānāti bhikkhu Buddhassa sāvako||
Tādisaɱ bhikkhumāsajja kaṇha dukkhaɱ nigacchasi.|| ||

[1204] Na ve aggi cetayati ahaɱ bālaɱ ḍahāmīti,||
Bālo'va1 jalitaɱ aggiɱ āsajjana padayhati.|| ||

[1205] Evameva tuvaɱ māra āsajjana3 Tathāgataɱ||
Sayaɱ dahissasi attānaɱ bālo aggiɱ'va samphusaɱ.|| ||

[1206] Apuññaɱ pasavī māpo āsajjana Tathāgataɱ||
Kin nu haññasi pānima na me pāpaɱ vipaccati.|| ||

[1207] Karato te cīyate pāpaɱ cirarattāya antakaka||
Māra nibbinda buddhamhā āsaɱ mākāsi bhikkhusu.|| ||

[108] [1208] Iti Māraɱ atajjesi bhikkhu bhesakalāvane||
Tato so dummano yakkho tatth'evantara-dhāyathā'ti. || ||

Itthaɱ sudaɱ āyasmā Mahā Moggallāno thero gāthāyo abhāsitthā' ti.|| ||

Saṭṭhinipāto niṭṭhito.|| ||

 

Mahā nipāto

#264
Vaŋgīsa Thero

 

[109] [1209] Nikkhantaɱ vata maɱ santaɱ agārasmānagāriyaɱ||
Vitakkā upadhāvanti pagabbhā kaṇha to ime.|| ||

[1210] Uggaputtā mahissāsā sikkhitā daḷha-dhammino||
Samantā parikimeyyuɱ sahassaɱ apalāyinaɱ.|| ||

[1211] Sace'pi ettakā bhiyyo āgamissanti itthiyo||
N'eva maɱ byādhayissanti dhamme samhi patiṭṭhitaɱ.|| ||

[1212] Sakkhīhi me sutaɱ etaɱ buddhassādiccabandhuno||
Nibbānagamanaɱ Maggaɱ tattha me nirato mano.|| ||

[1213] Evaɱ ce maɱ viharantaɱ pāpima upagacchasi||
Tathā maccu karissāmi na me Maggampi dakkhasi.|| ||

[1214] Aratiɱ ratiɱ ca pahāya sabbaso gehesitaɱ ca vitakkaɱ||
Vanathaɱ na kareyya kuhiñci nibbanatho avanatho sa bhikkhu.|| ||

[1215] Yamidha paṭhaviɱ ca vehāsaɱ rūpa-gataɱ jagatogadhaɱ kiñci||
Parijīyati sabbamaniccaɱ evaɱ samecca caranti mutattā.|| ||

[1216] Upadhīsu janā gadhitāse diṭṭhe sute paṭighe ca mute ca||
Ettha vinodaya chandamanejo yo h'ettha na lippati muni tamāhu.|| ||

[1217] Aṭṭha saṭṭhisitā savitakkā puthujjanatāyaɱ11 sadhammā niviṭṭhā||
Na ca vaggagatassa kuhiñci no pana duṭṭhullagāhī sa bhikkhu.|| ||

[1218] Dabbo [110] cirarattasamāhito akuhako nipako apihālu,||
Santaɱ padaɱ ajjhagamā muni paṭicca parinibbuto kankhati kālaɱ.|| ||

[1219] Mānaɱ pajahassu Gotama manapathaɱ ca jahassu asesaɱ||
Mānapathamhi sa mucchito vippaṭisārī huvā cirarattaɱ.|| ||

[1220] Makkhena makkhitā pajā mānahatā Nirayaɱ papatanti||
Socanti janā cirarattaɱ mānahatā Nirayaɱ upapannā.|| ||

[1221] Na hi socati bhikkhu kadāci Maggajino sammā paṭipanno||
Kittiɱ ca sukhaɱ cānubhoti dhammadaso' ti tamāhu tathattaɱ.|| ||

[1222] Tasmā akhilo padhānavā nīvaraṇāni pahāya visuddho||
Mānaɱ ca pahāya asesaɱ vijjāyantakaro samitāvī.|| ||

[1223] Kāmarāgena ḍayhāmi cittaɱ me pariḍayhati||
Sādhu nibbāpanaɱ brūhi anukampāya Gotama.|| ||

[1224] Saññāya vipariyesā cittaɱ tepariḍayhati||
Nimittaɱ parivajjehi subhaɱ rāgūpasaɱhitaɱ.|| ||

[1224a] Sankhāre parato passa dukkhato mā ca attato||
Nibbāpehi mahārāgaɱ mā ḍayihittho puna-p-punaɱ. *|| ||

[1225] Asubhāya cittaɱ bhāvehi ek'aggaɱ susamāhitaɱ||
Sati kāyagatātyatthu nibbidābahulo bhava.|| ||

[1226] Animittañ ca bhāvehi mān-ā-nusayamujjaha||
Tato mānābhi-samayā upasanto carissasi.|| ||

[1227] Tam eva vācaɱ bhāseyya yāyattānaɱ na tāpaye||
Pare ca na vihiɱseyya sā ve vācā subhā-sitā.|| ||

[1228] Piyavācameva bhaseyya yā vācā paṭinanditā||
Yaɱ anādāya pāpāni paresaɱ bhasate piyaɱ.|| ||

[1229] Saccaɱ ve amatā vācā esa dhammo sanantano||
Sacce atthe ca ṣamme ca āhu satto patiṭṭhitā.|| ||

[1230] Yaɱ Buddho bhāsati vācaɱ khemaɱ Nibbānapattiyā||
Dukkhassantakiriyāya sā ve vācānamuttamā.|| ||

[1231] Gambhīrapañño medhāvī Maggā-Maggassa kovido||
Sāriputto mahā-pañño dhammaɱ deseti bhikkhunaɱ.|| ||

[1232] Saŋkhittena'pi deseti vitthārena'pi bhāsati||
Sālikāyiva1 nigghoso paṭibhānaɱ udīrayī. || ||

[1233] Tassa [111] taɱ desayantassa suṇanti3 madhuraɱ giraɱ||
Sarena rajanīyena savanīyena vaggunā,||
Udaggacittā muditā sotaɱ odhenti bhikkhavo.|| ||

[1234] Ajja paṇṇarase visuddhiyā bhikkhū pañcasatā samāgatā||
Saŋyojanabandhanacchidā anīghā khīṇapuna-b-bhavā isī.|| ||

[1235] Cakka-vattī yathā rājā amaccaparivārito||
Samantā anupariyeti sāgarantaɱ mahiɱ imaɱ.|| ||

[1236] Evaɱ vijita-saŋgāmaɱ satthavāhaɱ anuttaraɱ||
Sāvakā payirupāsanti tevijjā maccuhāyino.|| ||

[1237] Sabbe bhagavato puttā palāsettha4 na vijjati||
Taṇhāsallassa hantāraɱ vande ādiccabandhunaɱ.|| ||

[1238] Parosahassaɱ bhikkhūnaɱ Sugataɱ payirupāsati||
Desentaɱ virajaɱ dhammaɱ Nibbānaɱ akutobhayaɱ.|| ||

[1239] Suṇanti dhammaɱ vimalaɱ5 Sammā-Sam-Buddhadesitaɱ||
Sobhati vata sambuddho bhikkhu-Saŋghapurakkhato.|| ||

[1240] Nāganāmosi bhagavā isīnaɱ isisattamo,||
Mahāmeghova hutvāna sāvake abhivassati. || ||

[1241] Divāvihārā ni-k-khamma Satthussanakamyatā||
Sāvako te mahāvīra pāde vandati vaŋgiso.|| ||

[1242] UmMaggapathaɱ Mārassa Abhibhuyya carati pabhijja khilāni||
Taɱ passatha pandhanapamuñcakaraɱ asitaɱ'va bhāgaso paṭibhajja. || ||

[1243] Oghassa hi nittharaṇatthaɱ aneka-vihitaɱ Maggaɱ akkhāsi||
Tasmiñca amate akkhāte dhammadasā ṭhitā asaɱhīrā.|| ||

[1244] Pajjotakaro ativijjha dhammaɱ sabbaṭṭhitīnaɱ ati-k-kamamaddā||
Ñatvā ca sacchi-katvā ca aggaɱ so desayi dasaddhānaɱ.|| ||

[1245] Evaɱ sudesite dhamme||
Ko pamādo vijānataɱ dhammaɱ||
Tasmā hi tassa bhagavato sāsane||
Appamatto sadā namassamanusikkhe.|| ||

[1246] BuddhānuBuddho yo thero koṇḍañño tibbani-k-khamo||
Lāśī sukha-vihārānaɱ vivekānaɱ abhiṇhaso.|| ||

[1247] Yaɱ [112] sāvakena pattabbaɱ Satth-usāsanakārinā||
Sabbassa taɱ anuppattaɱ appamattassa sikkhato.|| ||

[1248] Mahānubhāvo tevijjo ceto-pariyakovido||
Koṇḍañño buddhadāyādo pāde vandati Satthuno.|| ||

[1249] Nagassa passe āsīnaɱ muniɱ dukkhassa pāraguɱ||
Sāvakā payirupāsanti tevijjā maccuhāyino.|| ||

[1250] Cetasā anupariyeti Moggallāno mahiddhiko||
Cittaɱ n'esaɱ samanvesaɱ vimuttaɱ nirūpadhiɱ.|| ||

[1251] Evaɱ sabbaŋgasampannaɱ muniɱ dukkhassa pāraguɱ||
Anekākārasampannaɱ payirupāsanti Gotamaɱ.|| ||

[1252] Cando yathā vigata-valāhake nabhe||
Virocati vītamalo'va bhānumā||
Evaɱ'pi aŋgīrasa tvaɱ mahāmuni||
Atirocasi yasasā sabba-lokaɱ.|| ||

[1253] Kāvyemattā vicarimha pubbe gāmā gāmaɱ purā puraɱ||
Athaddasāma sambuddhaɱ sabba-dhammāna pāraguɱ.|| ||

[1254] So me dhammamadesesi muni dukkhassa pāragū||
Dhammaɱ sutvā pasīdimha addhā no udapajjatha.|| ||

[1255] Tassāhaɱ vacanaɱ sutvā khandhe āyatanāni ca||
Dhātuyo ca vidit'vāna pabbajiɱ anagāriyaɱ.|| ||

[1256] Bahunnaɱ vata atthāya uppajjanti Tathāgatā||
Itthīnaɱ purisānaɱ ca ye te sāsanakārakā.|| ||

[1257] Tesaɱ kho vata atthāya bodhimajjhagamā muni||
Bhikkhūnaɱ bhikkhunīnaɱ ca ye niyāmagataddasā. || ||

[1258] Sudesitā cakkhu-matā buddhenādiccabandhunā||
Cattāri ariya-saccāni anukampāya pāṇinaɱ.|| ||

[1259] Dukkhaɱ dukkhasamuppādaɱ dukkhassa ca ati-k-kamaɱ||
Ariyaɱ caṭṭhaŋgikaɱ1 Maggaɱ dukkhūpasamagāminaɱ.|| ||

[1260] Evamete tathā vuttā diṭṭhā me te yathā tathā||
Sadattho me anuppatto kataɱ Buddhassa sāsanaɱ.|| ||

[1261] Sā-gataɱ vata me āsi mama Buddhassa santike||
Saɱvibhattesu dhammesu yaɱ seṭṭhaɱ tadupāgamiɱ.|| ||

[1262] Abhiññāpāramippatto sota-dhātu visodhitā||
Tevijjo iddhipattomhi ceto-pariyakovido.|| ||

[1263] Pucchāmi [113] Satthāramanomapaññaɱ||
Diṭṭho'va dhamme yo vicikicchānaɱ chetvā||
Aggāḷave kālamakāsi bhikkhu||
Ñāto yasassī abhinibbutatto.|| ||

[1264] Nigrodhakappo iti tassa nāmaɱ,||
Tayā kataɱ bhagavā brāhmaṇassa||
So'haɱ namassaɱ acariɱ muttyapekho||
Āraddha-viriyo daḷha-Dhamma-dassī.|| ||

[1265] Taɱ sāvakaɱ sakka mayaɱ'pi sabbe||
Aññātumicchāma samantacakkhu||
Samavaṭṭhitā no savanāya sotā||
Tuvaɱ no Satthā tvamanuttarosi.|| ||

[1266] Chinda no vici-kicchaɱ brūhi metaɱ||
Parinibbutaɱ vedaya bhūripañña||
Majjhe'va no bhāsa samantacakkhu||
Satto'va devāna sahassanetto.|| ||

[1267] Ye keci ganthā idha mohamaggā||
Aññāṇapakkhā vici-kicchaṭhānā||
Tathāgataɱ patvā na te bhavanti||
Cakkhuɱ hi etaɱ paramaɱ narānaɱ.|| ||

[1268] No ce hi jātu puriso kilese||
Vāto yathā abbhaghanaɱ vihāne||
Tamovassa nivuto sabba-loko||
Jotimanto pi na pabhāseyyuɱ.|| ||

[1269] Dhīrā ca pajjotakarā bhavanti||
Taɱ taɱ ahaɱ vīra tatheva maññe||
Vipassinaɱ jānamupāgamimhā||
Parisāsu no āvikarohi kappaɱ.|| ||

[1270] Khippaɱ giraɱ eraya vaggu vagguɱ||
Haɱso'va paggayha sanikaɱ nikūja||
Bandussarena [114] suvikappitena||
Sabbe' te ujjugatā suṇoma.|| ||

[1271] Pahīnajāti-maraṇaɱ asesaɱ||
Niggayha dhonaɱ paṭivediyāmi||
Na kāmakāro hi puthujjanānaɱ||
Saŋkheyyakāro'va Tathāgatānaɱ.|| ||

[1272] Sampannaveyyā-karaṇaɱ tavedaɱ||
Samujjupaññassa samuggahītaɱ||
Ayamañjali pacchimo suppaṇāmito||
Mā mohayī jānamanomapañña.|| ||

[1273] Parovaraɱ ariya-Dhammaɱ viditvā||
Mā mohayī jānamanomavīra||
Vāriɱ yathā ghammani ghammatatto||
Vācābhikaŋkhāmi sutaɱ pavassa.|| ||

[1274] Yasatthikaɱ Brahma-cariyaɱ acāri||
Kappāyano kacci sataɱ amoghaɱ||
Nibbāyi so ādu saupadiseso||
Yathā vimutto ahu taɱ suṇoma.|| ||

[1275] Acchecchi taṇhaɱ idha nāma-rūpe(iti bhagavā)||
Taṇhāya sotaɱ dīgha-ratt-ā-nusayitaɱ||
Atāri jātiɱ maraṇaɱ asesaɱ||
Iccabravī bhagavā pañcaseṭṭho.|| ||

[1276] Esa sutvā pasīdāmi vaco te isisattama||
Amoghaɱ kira me puṭṭhaɱ na maɱ vañcesi brāhmaṇo.|| ||

[1277] Yathāvādī tathākārī ahu Buddhassa sāvako||
Acchecchi vaccuno jālaɱ tataɱ māyāvino daḷhaɱ.|| ||

[1278] Addasa bhagavā ādiɱ upādānassa kappiyo||
Accagā [115] vata kappāno maccudheyyaɱ suduttaraɱ.|| ||

[1279] Taɱ devadevaɱ vandāmi puttaɱ te dvipaduttama||
Anujātaɱ mahāvīraɱ nāgaɱ nāgassa orasan' ti.|| ||

Itthaɱ sudaɱ āyasmā vaŋgīso thero gāthāyo abhāsitthā' ti.|| ||

Theragāthāpāḷi niṭṭhitā.

[ed1] The verse numbers on this file agree with the verse numbers of the PTS, 1999, Thera-and-Therī Gāthā edited by H. Oldenberg, and R. Pischel. It is not correct but is being left this way for the sake of the references throughout the PTS editions. BJT and CSCD agree with PTS up to but differ after verse [995]. At vs 3 of #260 and elsewhere PTS indicates an abridgment by "— pa —" but neglects to account for the missing verses in the numbering and further BJT and CSCD differ as to the number and content of the abridged verses. Hence nobody is in synch subsequent to #259. The gāthās, all gāthās throughout the texts should be being numbered starting from 1 within the ghāthā rather than this insanity of numbering verses throughout a whole book. It's just asking for mistakes and disagrements and then those errors (differences) reverberate throughout a whole volume. Book X. Chapter X. Sutta X. gatha 1. vs.1.

 


Contact:||
E-mail||
Copyright Statement