Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
21. Bhikkhu Saɱyutta

Sutta 10

Thera-Nāmo or Thera-Namaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[282]

[1][rhyc][than][bodh][olds] EVAṂ ME SUTAṂ:|| ||

Ekaɱ samayaɱ Bhagavā Rājagahe viharati Veḷuvane Kalandakanivāpe.|| ||

[2][rhyc][than] Tena kho pana samayena aññataro bhikkhu Thera-nāmako||
eka-vihārī c'eva hoti||
eka-vihārassa ca vaṇṇa-vādī.|| ||

So eko gāmam piṇḍāya pavisati,||
eko paṭikkamati,||
eko raho nisīdati,||
eko cankamaɱ adhiṭṭhāti.|| ||

[3][rhyc][than] Atha kho sambahulā bhikkhū yena Bhagavā ten'upasanka- [283] miɱsu||
upasankamitvā Bhagavantaɱ abhivādetvā eka-m-antaɱ nisīdiɱsu.|| ||

[4][rhyc][than] Eka-m-antaɱ nisinnā kho te bhikkhū Bhagavantaɱ etad avocuɱ:|| ||

"Idha bhante aññataro bhikkhu Thera-nāmako||
eka-vihārī||
eka-vihārassa ca vaṇṇa-vādī" ti.|| ||

[5][rhyc][than] Atha kho Bhagavā aññataraɱ bhikkhuɱ āmantesi:|| ||

"Ehi tvaɱ bhikkhu,||
mama vacanena Theraɱ bhikkhuɱ āmantehi:||
'Satthā taɱ āvuso, Thera, āmantetī'" ti.|| ||

"Evaɱ bhante" ti kho so bhikkhu Bhagavato paṭi-s-sutvā yen'āyasmā Thero bhikkhu ten'upasankami.|| ||

[6][rhyc][than] Upasaŋkamitvā āyasmantaɱ Theraɱ etad avoca:|| ||

"Satthā taɱ āvuso, Thera, āmantetī" ti.|| ||

"Evam āvuso" ti kho āyasmā Thero tassa bhikkhuno paṭi-s-sutvā yena Bhagavā ten'upasankami.|| ||

[7][rhyc][than] Upasaŋkamitvā Bhagavantaɱ abhivādetvā eka-m-antaɱ nisīdi.|| ||

[8][rhyc][than] Eka-m-antaɱ nisinnaɱ kho āyasmantaɱ Theraɱ Bhagavā etad avoca:|| ||

"Saccaɱ kira tvaɱ Thera,||
eka-vihārī||
eka-vihārassa ca vaṇṇa-vādī" ti?|| ||

"Evaɱ bhante" ti.|| ||

[9][rhyc][than] "Yathā kathaɱ pana tvaɱ Thera,||
eka-vihārī||
eka-vihārassa ca vaṇṇa-vādī" ti?|| ||

[10][rhyc][than] "Idh'āhaɱ bhante,||
eko gāmaɱ piṇḍāya pavisāmi,||
eko paṭikkāmāmi,||
eko raho nisīdāmi,||
eko cankamaɱ adhiṭṭhāmi.|| ||

Evaɱ khv'āhaɱ bhante||
eka-vihārī||
eka-vihārassa ca vaṇṇa-vādī" ti.|| ||

[11][rhyc][than] "Atth'eso Thera eka-vihāro,||
n'eso 'n'atthī' ti vadāmi.|| ||

Api ca thera,||
yathā eka-vihāro vitthāreṇa paripuṇṇo hoti,||
taɱ suṇāhi,||
sādhukaɱ manasi karohi,||
bhāsissāmī" ti.|| ||

"Evaɱ bhante" ti kho Thero bhikkhu Bhagavato paccassosi.|| ||

[12][rhyc][than] Bhagavā etad avoca:|| ||

"Kathaɱ ca Thera,||
eka-vihāro vitthāreṇa paripuṇṇo hoti?|| ||

Idha Thera, yaɱ atītaɱ taɱ pahīnaɱ,||
yaɱ anāgataɱ taɱ paṭinissaṭṭhaɱ,||
pacc'uppannesu ca atta-bhāva-paṭilābhesu chanda-rāgo su-p-paṭivinīto.|| ||

Evaɱ kho Thera,||
eka-vihāro||
vitthāreṇa paripuṇṇo hotī" ti.|| ||

[284] [13][rhyc][than] Idam avoca Bhagavā.|| ||

 


 

Idaɱ vatvāna Sugato ath-ā-paraɱ etad avoca Satthā:|| ||

Sabb-ā-bhibhuɱ sabba-viduɱ sumedhaɱ||
Sabbesu dhammesu anūpalittaɱ,||
Sabbaɱ jahaɱ taṇha-k-khaye vimuttaɱ||
Taɱ ahaɱ naram eka-vihārīti brumī' ti.|| ||


Contact:
E-mail
Copyright Statement