Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
3. Khandha Vagga
22. Khandha Saɱyutta
1. Nakulapita Vagga

Sutta 3

Hāliddikāni Suttaɱ (1)

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][bodh] Evaɱ me sutaɱ:|| ||

Ekaɱ samayaɱ āyasmā Mahā Kaccāno Avantīsu viharati kuraraghare papāte pabbate.|| ||

Atha kho hāliddikāni gahapati yen'āyasmā mahākaccano ten'upasankami.|| ||

Upasaŋkamitvā āyasmantaɱ Mahā-Kaccānaɱ abhivādetvā eka-m-antaɱ nisīdi.|| ||

Eka-m-antaɱ nisinno kho hāliddikāni gahapati āyasmantaɱ Mahā-Kaccānaɱ etad avoca vuttamidaɱ bhante,||
Bhagavatā aṭṭhakavaggiye Māgandiya pañhe -|| ||

'Okaɱ pahāya aniketasārī||
Gāme akubbaɱ muni satthavāni,||
Kāmehi ritto apurekkharāno||
Kathaɱ na viggayha janena kayirā" ti.|| ||

Imassa nu kho bhante,||
Bhagavatā saŋkhittena bhāsitassa kathaɱ vitthārena attho daṭṭhabboti?|| ||

Rūpadhātu kho gahapati,||
viññāṇassa oko.|| ||

Rūpadhāturāga-vinibaddhañca pana viññāṇaɱ okasārīti vuccati.|| ||

Vedanādhātu kho gahapati viññāṇassa oko,||
vedanādhāturāga-vinibaddhañca pana viññāṇaɱ okasārīti vuccati.|| ||

[10] saññādhātu kho gahapati,||
viññāṇassa oko,||
saññādhāturāga-vinibaddhañca pana viññāṇaɱ okasārī'ti vuccati.|| ||

Sankhāradhātu kho gahapati,||
viññāṇassa oko.|| ||

Sankhāradhāturāga-vinibaddhañca pana viññāṇaɱ okasārīti vuccati.|| ||

Evaɱ kho gahapati,||
okasārī hoti.|| ||

Kathañ ca gahapati,||
anokasārī hoti: rūpadhātuyā kho gahapati,||
yo chando yo rāgo yā nandi yā taṇhā ye upayūpādānā2 cetaso adhiṭṭh-ā-nābhinives-ā-nusayā,||
te Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato anokasārīti vuccati.|| ||

Vedanādhātuyā kho gahapati,||
yo chando yo rāgo yā nandi yā taṇhā ye upāyūpādānā2 cetaso adhiṭṭh-ā-nābhinives-ā-nusayā,||
te Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā tthāgato anokasārīti vuccati.|| ||

Saññādhātuyā kho gahapati,||
yo chando yo rāgo yā nnadi yā taṇhā ye upāyūpādānā2 cetaso adhiṭṭh-ā-nābhinives-ā-nusayā,||
te Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato anokasārīti vuccati.|| ||

Sankhāradhātuyā kho gahapati,||
yo chando yo rāgo yā nandi yā taṇhā ye upāyūpādānā cetaso adhiṭṭh-ā-nābhinives-ā-nusayā,||
te Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato anokasārīti vuccati.|| ||

Viññaṇadhātuyā kho gahapati,||
yo chando yo rāgo yā nandi yā taṇhā ye upayūpādānā cetaso adhiṭṭh-ā-nābhinives-ā-nusayā,||
te Tathāgatassa pahīnā ucchinna-mūlā talāvatthu-katā anabhāva-katā āyatiɱ anuppāda-dhammā tasmā Tathāgato anokasārīti vuccati.|| ||

Evaɱ kho gahapati,||
anokasārī hoti.|| ||

Kathañ ca gahapati,||
niketasārī hoti: rūpanimittaniketavisāravinibandhā kho gahapati,||
niketasārīti vuccati.|| ||

Saddanimittaniketavisāravinibandhā kho gahapati,||
niketasārīti vuccati.|| ||

Gandhanimittaniketavisāravinibandhā kho gahapati,||
niketasārīti vuccati.|| ||

Rasanimittaniketavisāravinibandhā kho gahapati,||
niketasārīti vuccati.|| ||

Phoṭṭhabbanimittaniketavisāravinibandhā kho gahapati,||
niketasārīti vuccati.|| ||

Dhammanimittaniketavisāravinibandhā kho gahapati,||
niketasārīti vuccati.|| ||

Evaɱ kho gahapati,||
niketasārī hoti.|| ||

Kathañ ca gahapati,||
aniketasārī hoti: rūpanimittaniketavisāravinibandhā kho gahapati,||
Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato aniketasārīti vuccati.|| ||

Saddanimittaniketavisāravinibandhā kho gahapati,||
Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato aniketasārīti vuccati.|| ||

Gandhanimittaniketavisāravinibandhā kho gahapati,||
Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato aniketasārīti vuccati.|| ||

Rasanimittaniketavisāravinibandhā kho gahapati,||
Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato aniketasārīti vuccati.|| ||

Phoṭṭhabbanimittaniketavisāravinibandhā kho gahapati,||
Tathāgatassa pahīnā ucchinna-mūlā tālā-vatthu-katā anabhāva-katā āyatiɱ anuppāda-dhammā.|| ||

Tasmā Tathāgato aniketasārīti vuccati.|| ||

Dhammanimittaniketavisāravinibandhā kho gahapati,||
Tathāgatassa pahīnā ucchinna-mūlā tālā-vatthu-katā anabhāva-katā [11] āyatiɱ anuppāda-dhammā.|| ||

Tasmā Tathāgato aniketasārīti vuccati.|| ||

Evaɱ kho gahapati,||
aniketasārī hoti.|| ||

Kathañ ca gahapati,||
gāme santhavajāto hoti: idha gahapati ekacco gihīhi saɱsaṭṭho1 viharati sahanandī sahasokī sukhitesu sukhito dukkhitesu dukkhito.|| ||

Uppannesu kicca-karaṇīyesu attanā voyogaɱ āpajjati.|| ||

Evaɱ kho gahapati gāme santhavajāto hoti.|| ||

Kathañ ca gahapati,||
gāme na santhavajāto hoti: idha gahapati ekacco gihīhi asaɱsaṭṭho2 viharati na sahanandī na sahasokī na sukhitesu sukhito na dukkhitesu dukkhito.|| ||

Uppannesu kicca-karaṇīyesu attanā voyogaɱ3,||
āpajjati.|| ||

Evaɱ kho gahapati gāme na santhavajāto hoti.|| ||

Kathañ ca gahapati,||
kāmehi aritto hoti: idha gahapati,||
ekacco kāmesu avigata-rāgo hoti avigata-chando avigata-pemo avigata-pipāso avigata-pariḷāho avigata-taṇho.|| ||

Evaɱ kho gahapati kāmehi aritto hoti.|| ||

Kathañ ca gahapati,||
kāmehi ritto hoti?|| ||

Idha gahapati ekacco kāmesu vigatarāgo hoti vigatachando vigata-pemo vigata-pipāso vigata-pariḷāho vigata-taṇho.|| ||

Evaɱ kho gahapati kāmehi ritto hoti.|| ||

Kathañ ca gahapati,||
purekkharāno hoti?|| ||

Idha gahapati ekaccassa Evaɱ hoti: evaɱrūpo siyaɱ anāgatam addhānaɱ,||
evaɱvedano siyaɱ anāgatam addhānaɱ,||
evaɱsañño4 siyaɱ anāgatam addhānaɱ,||
evaɱsaŋakhāro siyaɱ anāgatam addhānaɱ,||
evaɱviññāṇo siyaɱ anāgatam addhānanti.|| ||

Evaɱ kho gahapati,||
purekkharāno hoti.|| ||

Kathañ ca gahapati,||
apurekkharāno hoti?|| ||

Idha gahapati ekaccassa evaɱ na hoti evaɱrūpo siyaɱ anāgatam addhānaɱ,||
evaɱvedano siyaɱ anāgatam addhānaɱ,||
evaɱsaññi siyaɱ anāgatam addhānaɱ,||
evaɱ saɱkhāro siyaɱ anāgatam addhānaɱ,||
evaɱ [12] viññāṇo siyaɱ anāgatam addhānaɱ,||
evaɱ kho gahapati apurekkharāno hoti.|| ||

Kathañ ca gahapati,||
kathaɱ viggayha janena kattā hoti?|| ||

Idha gahapati,||
ekacco eva-rūpaɱ kathaɱ kattā hoti:||
na tvaɱ imaɱ Dhamma-Vinayaɱ ājānāsi.|| ||

Ahaɱ imaɱ Dhamma-Vinayaɱ ājānāmi,||
kiɱ tvaɱ imaɱ Dhamma-Vinayaɱ ājānissasi?|| ||

Micchā-paṭipanno tvam asi aham asmi sammāpaṭipanno.|| ||

Pure vacanīyaɱ pacchā avaca,||
pacchā vacanīyaɱ pure avaca.|| ||

Sahitaɱ me asahitaɱ te.|| ||

Āviciṇṇan te viparāvattaɱ.|| ||

Āropito te vādo.|| ||

Cara vāda-p-pamokkhāya niggahitosi.|| ||

Nibbeṭhehi vā sace pahosī" ti,||
evaɱ kho gahapati,||
kathaɱ viggayha janena kattā hoti.|| ||

Kathañ ca gahapati,||
kathaɱ na viggayha janena kattā hoti?|| ||

Idha gahapati,||
ekacco na eva-rūpiɱ kathaɱ kattā hoti:||
na tvaɱ imaɱ Dhamma-Vinayaɱ ājānāsi ahaɱ imaɱ Dhamma-Vinayaɱ ājānāmi.|| ||

Kiɱ tvaɱ imaɱ Dhamma-Vinayaɱ ājānissasi?|| ||

Micchā-paṭipanno tvam asi aham asmi sammā paṭipanno.|| ||

Pure vacanīyaɱ pacchā avaca,||
pacchā vacanīyaɱ pure avaca,||
sahitaɱ me asahitaɱ te,||
āciṇṇaɱ te viparāvattaɱ āropito te vādo,||
cara vāda-p-pamokkhāya niggahitosi.|| ||

Nibbeṭhehi vā sace pahosī" ti,||
evaɱ kho gahapati,||
kathaɱ na viggayha janena kattā hoti.|| ||

Iti gahapati,||
yaɱ taɱ vuttaɱ Bhagavatā aṭṭhakavaggiye Māgandiyapañhe|| ||

"Okaɱ pahāya aniketasārī||
Gāme akubbaɱ muni satthavāni||
Kāmehi ritto apurekkharāno||
Kathaɱ na viggayha janena kayirāti."|| ||

Imassa kho gahapati,||
Bhagavatā saɱkhittena bhāsitassa evaɱ vitthārena attho daṭṭhabboti.|| ||

 


Contact:
E-mail
Copyright Statement