Aṇguttara Nikāya
X. Dasaka-Nipāta
XII: Paccorohaṇī-Vagga
Sutta 117
Saṇgārava Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
2. Atha kho Saṇgāravo brāhmaṇo yena Bhagavā ten'upasaṇkami.|| ||
Upasaṇkamitvā Bhagavatā saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho Saṇgāravo brāhmaṇo Bhagavantaṃ etad avoca:|| ||
"Kiṃ nu kho bho Gotama orimaṃ tīraṃ,||
kiṃ pārimaṃ tīran" ti?|| ||
§
3. Micchā-diṭṭhi kho brāhmaṇa orimaṃ tīraṃ,||
sammā-diṭṭhi pārimaṃ tīraṃ.|| ||
■
Micchā-saṇkappo orimaṃ tīraṃ,||
sammā-saṇkappo pārimaṃ tīraṃ.|| ||
■
Mcchā-vācā orimaṃ tīraṃ,||
sammā-vācā pārimaṃ tīraṃ.|| ||
■
Micchā-kammanto orimaṃ tīraṃ,||
sammā-kammanto pārimaṃ tīraṃ.|| ||
■
Micchā-ājīvo orimaṃ tīraṃ,||
sammā-ājīvo pārimaṃ tīraṃ.|| ||
■
Micchā-vāyāmo orimaṃ tīraṃ,||
sammā-vāyāmo pārimaṃ tīraṃ.|| ||
■
Micchā-sati orimaṃ tīraṃ,||
sammā-sati pārimaṃ tīraṃ.|| ||
■
Micchā-samādhi orimaṃ tīraṃ,||
sammā-samādhi pārimaṃ tīraṃ.|| ||
■
Micchā-ñāṇaṃ orimaṃ tīraṃ,||
sammā-ñāṇaṃ pārimaṃ tīraṃ.|| ||
■
Micchā-vimutti orimaṃ tīraṃ,||
sammā-vimutti pārimaṃ tīraṃ.|| ||
Idaṃ kho brāhmaṇa orimaṃ tīraṃ,||
idaṃ pārimaṃ tīran" ti.|| ||
Appakā te manussesu ye janā pāragāmino,||
Athāyaṃ itarā pajā - tīram evānudhāvati.|| ||
Ye ca kho samma-d-akkhāte - dhamme dhamm-ā-nuvattino,||
Te janā pāram essanti - maccudheyyaṃ suduttaraṃ.|| ||
Kaṇhaṃ dhammaṃ vippahāya - sukkaṃ bhāvetha paṇḍito,||
Okā anokaṃ āgamma - viveke yattha dūramaṃ.|| ||
Tatr-ā-bhiratim iccheyya - hitvā kāme akiñ cano,||
Pariyodapeyya attāṇaṃ - citta-klesehi paṇḍito.|| ||
[233] Yesaṃ sambodhi-aṇgesu - sammā-cittaṃ subhāvitaṃ,
Ādāna-paṭinissagge - anupādāya ye ratā,||
Khīṇ'āsavā jutīmanto - te loke parinibbutā ti.|| ||
