Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Eka-Nipātā

Suttas 188-295

Adapted from the 1995 edition of the digital version of the Sri Lanka Buddha Jayanti Tripitaka Series.

[23]

XIV

 

[188] [PTS XIV] [olds] Etad aggaɱ bhikkhave,||
mama sāvakānaɱ bhikkhūnaɱrattaññūnaɱ||
yad idaɱ Aññā-Koṇḍañño.|| ||

[189] [pts] [olds] Etad aggaɱ bhikkhave,||
mama sāvakānaɱ bhikkhūnaɱ mahā-paññānaɱ||
yad idaɱ Sāriputto.|| ||

[190] [pts] [olds] Etad aggaɱ bhikkhave,||
mama sāvakānaɱ bhikkhūnaɱ iddhimantānaɱ||
yad idaɱ Mahā Moggallāno.|| ||

[191] [pts] [olds] Etad aggaɱ bhikkhave,||
mama sāvakānaɱ bhikkhūnaɱ dhutavādānaɱ||
yad idaɱ Mahā-Kassapo.|| ||

[192] [pts] [olds] Etad aggaɱ bhikkhave,||
mama sāvakānaɱ bhikkhūnaɱ dibba-cakkhukānaɱ||
yad idaɱ Anuruddho.|| ||

[193] [pts] [olds] Etad aggaɱ bhikkhave,||
mama sāvakānaɱ bhikkhūnaɱ uccākulikānaɱ||
yad idaɱ Bhaddiyo Kāḷigodhāyaputto.|| ||

[194] [pts] [olds] Etad aggaɱ bhikkhave,||
mama sāvakānaɱ bhikkhūnaɱ mañjussarānaɱ||
yad idaɱ Lakuṇḍaka Bhaddiyo.|| ||

[195] [pts] [olds] Etad aggaɱ bhikkhave,||
mama sāvakānaɱ bhikkhūnaɱ sīhanādikānaɱ||
yad idaɱ Piṇḍola-Bhāradvājo.|| ||

[196] [pts] [olds] Etad aggaɱ bhikkhave,||
mama sāvakānaɱ bhikkhūnaɱ Dhamma-kathikānaɱ||
yad idaɱ Puṇṇo Mantāḷi-putto.|| ||

[197] [pts] [olds] Etad aggaɱ bhikkhave,||
mama sāvakānaɱ bhikkhūnaɱ saŋkhittena bhāsitassa vitthārena atthaɱ vibhajantānaɱ||
yad idaɱ Mahā Kaccāno ti.|| ||

 

[Vaggo paṭhamo]

 

[198] [pts] [olds] [24] Etad aggaɱ bhikkhave,||
mama sāvakānaɱ bhikkhūnaɱ mano-mayaɱ kāyaɱ abhinimminantānaɱ||
yad idaɱ Cūḷa-Panthako.|| ||

[199] [pts] [olds] Etad aggaɱ bhikkhave,||
mama sāvakānaɱ bhikkhūnaɱ ceto-vivaṭṭa-kusalānaɱ||
yad idaɱ Cūḷa-Panthako.|| ||

[200] [pts] [olds] Etad aggaɱ bhikkhave,||
mama sāvakānaɱ bhikkhūnaɱ saññā-vivaṭṭa-kusalānaɱ||
yad idaɱ Mahā-Panthako.|| ||

[201] [pts] [olds] Etad aggaɱ bhikkhave,||
mama sāvakānaɱ bhikkhūnaɱ araṇavihārīnaɱ||
yad idaɱ Subhūti.|| ||

[202] [pts] [olds] Etad aggaɱ bhikkhave,||
mama sāvakānaɱ bhikkhūnaɱ dakkhiṇeyyānaɱ||
yad idaɱ Subhūti.|| ||

[203] [pts] [olds] Etad aggaɱ bhikkhave,||
mama sāvakānaɱ bhikkhūnaɱ āraññakānaɱ||
yad idaɱ Revato Khadiravaniyo.|| ||

[204] [pts] [olds] Etad aggaɱ bhikkhave,||
mama sāvakānaɱ bhikkhūnaɱ jhāyīnaɱ||
yad idaɱ Kaŋkhā-revato.|| ||

[205] [pts] [olds] Etad aggaɱ bhikkhave,||
mama sāvakānaɱ bhikkhūnaɱ āraddha-vīriyānaɱ||
yad idaɱ Soṇo Koḷiviso.|| ||

[206] [pts] [olds] Etad aggaɱ bhikkhave,||
mama sāvakānaɱ bhikkhūnaɱ kalyāṇa-vākkaraṇānaɱ||
yad idaɱ Soṇo Kuṭikaṇṇo.|| ||

[207] [pts] [olds] Etad aggaɱ bhikkhave,||
mama sāvakānaɱ bhikkhūnaɱ lābhīnaɱ||
yad idaɱ Sīvali.|| ||

[208] [pts] [olds] Etad aggaɱ bhikkhave,||
mama sāvakānaɱ bhikkhūnaɱ saddhādhimuttānaɱ||
yad idaɱ Vakkalī ti.|| ||

 

[Vaggo dutiyo]

 

[209] [pts] [olds] Etad aggaɱ bhikkhave,||
mama sāvakānaɱ bhikkhūnaɱ sikkhākāmānaɱ||
yad idaɱ Rāhulo.|| ||

[210] [pts] [olds] Etad aggaɱ bhikkhave,||
mama sāvakānaɱ bhikkhūnaɱ saddhā-pabba-jitānaɱ||
yad idaɱ Raṭṭhapālo.|| ||

[211] [pts] [olds] Etad aggaɱ bhikkhave,||
mama sāvakānaɱ bhikkhūnaɱ paṭhamaɱ salākaɱ gaṇhantānaɱ||
yad idaɱ Kuṇḍadhāno.|| ||

[212] [pts] [olds] Etad aggaɱ bhikkhave,||
mama sāvakānaɱ bhikkhūnaɱ paṭibhānavantānaɱ||
yad idaɱ Vangīso.|| ||

[213] [pts] [olds] Etad aggaɱ bhikkhave,||
mama sāvakānaɱ bhikkhūnaɱ samanta-pāsādikānaɱ||
yad idaɱ Upaseno Vanganta-putto.|| ||

[214] [pts] [olds] Etad aggaɱ bhikkhave,||
mama sāvakānaɱ bhikkhūnaɱ sen'āsanapaññāpakānaɱ||
yad idaɱ Dabbo Mallaputto.|| ||

[215] [pts] [olds] Etad aggaɱ bhikkhave,||
mama sāvakānaɱ bhikkhūnaɱ devatānaɱ piyamanāpānaɱ||
yad idaɱ Pilinda-vaccho.|| ||

[216] [pts] [olds] Etad aggaɱ bhikkhave,||
mama sāvakānaɱ bhikkhūnaɱ khippābhiññānaɱ||
yad idaɱ Bāhiyo Dārucīriyo.|| ||

[217] [pts] [olds] Etad aggaɱ bhikkhave,||
mama sāvakānaɱ bhikkhūnaɱ cittakathikānaɱ||
yad idaɱ Kumāra-Kassapo.|| ||

[218] [pts] [olds] Etad aggaɱ bhikkhave,||
mama sāvakānaɱ bhikkhūnaɱ paṭisambhidāppattānaɱ||
yad idaɱ Mahā Koṭṭhito ti.|| ||

 

[Vaggo tatiyo]

 

[219] [pts] [olds] Etad aggaɱ bhikkhave,||
mama sāvakānaɱ bhikkhūnaɱ bahu-s-sutānaɱ||
yad idaɱ Ānando.|| ||

[220] [pts] [olds] Etad aggaɱ bhikkhave,||
mama sāvakānaɱ bhikkhūnaɱ satimantānaɱ||
yad idaɱ Ānando.|| ||

[25] [221] [pts] [olds] Etad aggaɱ bhikkhave,||
mama sāvakānaɱ bhikkhūnaɱ gatimantānaɱ||
yad idaɱ Ānando.|| ||

[222] [pts] [olds] Etad aggaɱ bhikkhave,||
mama sāvakānaɱ bhikkhūnaɱ dhitimantānaɱ||
yad idaɱ Ānando.|| ||

[223] [pts] [olds] Etad aggaɱ bhikkhave,||
mama sāvakānaɱ bhikkhūnaɱ upaṭṭhākānaɱ||
yad idaɱ Ānando.|| ||

[224] [pts] [olds] Etad aggaɱ bhikkhave,||
mama sāvakānaɱ bhikkhūnaɱ mahāparisānaɱ||
yad idaɱ Uruvela Kassapo.|| ||

[225] [pts] [olds] Etad aggaɱ bhikkhave,||
mama sāvakānaɱ bhikkhūnaɱ kula-p-pasādakānaɱ||
yad idaɱ Kāḷudāyī.|| ||

[226] [pts] [olds] Etad aggaɱ bhikkhave,||
mama sāvakānaɱ bhikkhūnaɱ appābādhānaɱ||
yad idaɱ Bākkulo.|| ||

[227] [pts] [olds] Etad aggaɱ bhikkhave,||
mama sāvakānaɱ bhikkhūnaɱ||
pubbe-nivāsaɱ anussarantānaɱ||
yad idaɱ Sobhito.|| ||

[228] [pts] [olds] Etad aggaɱ bhikkhave,||
mama sāvakānaɱ bhikkhūnaɱ vinaya-dharānaɱ||
yad idaɱ Upāli.|| ||

[229] [pts] [olds] Etad aggaɱ bhikkhave,||
mama sāvakānaɱ bhikkhūnaɱ bhikkhun'ovādakānaɱ||
yad idaɱ Nandako.|| ||

[230] [pts] [olds] Etad aggaɱ bhikkhave,||
mama sāvakānaɱ bhikkhūnaɱ indriyesu-gutta-dvārānaɱ||
yad idaɱ Nando.|| ||

[231] [pts] [olds] Etad aggaɱ bhikkhave,||
mama sāvakānaɱ bhikkhūnaɱ bhikkhu-ovādakānaɱ||
yad idaɱ Mahā Kappino.|| ||

[232] [pts] [olds] Etad aggaɱ bhikkhave,||
mama sāvakānaɱ bhikkhūnaɱ tejo-dhātukusalānaɱ||
yad idaɱ Sāgato.|| ||

[233] [pts] [olds] Etad aggaɱ bhikkhave,||
mama sāvakānaɱ bhikkhūnaɱ paṭibhāneyyakānaɱ||
yad idaɱ Rādho.|| ||

[234] [pts] [olds] Etad aggaɱ bhikkhave,||
mama sāvakānaɱ bhikkhūnaɱ lūkhacīvara-dharānaɱ||
yad idaɱ Mogharājā ti.|| ||

 

[Vaggo catuttho]

 

[235] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ rattaññūnaɱ||
yad idaɱ Mahā Pajāpati Gotamī.|| ||

[236] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ mahā-paññānaɱ||
yad idaɱ Khemā.|| ||

[237] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ iddhimantānaɱ||
yad idaɱ Uppalavaṇṇā.|| ||

[238] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ vinaya-dharānaɱ||
yad idaɱ Paṭācārā.|| ||

[239] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ Dhamma-kathikānaɱ||
yad idaɱ Dhammadinnā.|| ||

[240] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ jhāyīnaɱ||
yad idaɱ Nandā.|| ||

[241] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ āraddha-vīriyānaɱ||
yad idaɱ Soṇā.|| ||

[242] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ dibba-cakkhukānaɱ||
yad idaɱ Sakulā.|| ||

[243] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ khippābhiññānaɱ||
yad idaɱ Bhaddā Kuṇḍalakesā.|| ||

[244] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ pubbe-nivāsaɱ anussarantīnaɱ||
yad idaɱ Bhaddā Kāpilānī.|| ||

[245] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ mahābhiññappattānaɱ||
yad idaɱ Bhaddā Kaccānā.|| ||

[246] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ lūkhacīvara-dharānaɱ||
yad idaɱ Kisāgotamī.|| ||

[247] [pts] [olds] Etad aggaɱ bhikkhave,||
mama sāvikānaɱ bhikkhunīnaɱ saddhādhimuttānaɱ||
yad idaɱ Sigālamātā ti.|| ||

 

[Vaggo pañcamo]

 

[248] [pts] [olds] Etad aggaɱ bhikkhave,||
mama sāvakānaɱ upāsakānaɱ||
paṭhamaɱ saraṇaɱ gacchantānaɱ||
[26] yad idaɱ Tapussu-Bhallikā Vāṇijā.|| ||

[249] [pts] [olds] Etad aggaɱ bhikkhave,||
mama sāvakānaɱ upāsakānaɱ dāyakānaɱ||
yad idaɱ Sudatto Gahapati Anāthapiṇḍiko.|| ||

[250] [pts] [olds] Etad aggaɱ bhikkhave,||
mama sāvakānaɱ upāsakānaɱ Dhamma-kathikānaɱ||
yad idaɱ Citto Gahapati Macchikāsaṇḍiko.|| ||

[251] [pts] [olds] Etad aggaɱ bhikkhave,||
mama sāvakānaɱ upāsakānaɱ||
catūhi saŋgaha vatthūhi parisaɱ saŋgaṇhantānaɱ||
yad idaɱ Haṭṭhako Āḷavako.|| ||

[252] [pts] [olds] Etad aggaɱ bhikkhave,||
mama sāvakānaɱ upāsakānaɱ paṇītadāyakānaɱ||
yad idaɱ Mahānāmo Sakko.|| ||

[253] [pts] [olds] Etad aggaɱ bhikkhave,||
mama sāvakānaɱ upāsakānaɱ manāpadāyakānaɱ||
yad idaɱ Uggo Gahapati Vesāliko.|| ||

[254] [pts] [olds] Etad aggaɱ bhikkhave,||
mama sāvakānaɱ upāsakānaɱ saŋgh'upaṭṭhākānaɱ||
yad idaɱ Uggato Gahapati.|| ||

[255] [pts] [olds] Etad aggaɱ bhikkhave,||
mama sāvakānaɱ upāsakānaɱ aveccappa-sannānaɱ||
yad idaɱ Sūro Ambaṭṭho.|| ||

[256] [pts] [olds] Etad aggaɱ bhikkhave,||
mama sāvakānaɱ upāsakānaɱ puggalappa-sannānaɱ||
yad idaɱ Jīvako Komārabhacco.|| ||

[257] [pts] [olds] Etad aggaɱ bhikkhave,||
mama sāvakānaɱ upāsakānaɱ vissāsakānaɱ||
yad idaɱ Nakulapitā Gahapatī ti.|| ||

 

[Vaggo chaṭṭho]

 

[258] [pts] [olds] Etad aggaɱ bhikkhave,||
mama sāvikānaɱ upāsikānaɱ paṭhamaɱ saranaɱ gacchantīnaɱ||
yad idaɱ Sujātā Senānidhītā.|| ||

[259] [pts] [olds] Etad aggaɱ bhikkhave,||
mama sāvikānaɱ upāsikānaɱ dāyikānaɱ||
yad idaɱ Visākhā Migāra-mātā.|| ||

[260] [pts] [olds] Etad aggaɱ bhikkhave,||
mama sāvikānaɱ upāsikānaɱ bahu-s-sutānaɱ||
yad idaɱ Khujjuttarā.|| ||

[261] [pts] [olds] Etad aggaɱ bhikkhave,||
mama sāvikānaɱ upāsikānaɱ mettāvihārīnaɱ||
yad idaɱ Sāmāvatī.|| ||

[262] [pts] [olds] Etad aggaɱ bhikkhave,||
mama sāvikānaɱ upāsikānaɱ jhāyīnaɱ||
yad idaɱ Uttarā Nandamātā.|| ||

[263] [pts] [olds] Etad aggaɱ bhikkhave,||
mama sāvikānaɱ upāsikānaɱ paṇītadāyikānaɱ||
yad idaɱ Suppavāsā Koḷiyadhītā.|| ||

[264] [pts] [olds] Etad aggaɱ bhikkhave,||
mama sāvikānaɱ upāsikānaɱ gilānūpaṭṭhākīnaɱ||
yad idaɱ Suppiyā Upāsikā.|| ||

[265] [pts] [olds] Etad aggaɱ bhikkhave,||
mama sāvikānaɱ upāsikānaɱ aveccappa-sannānaɱ||
yad idaɱ Kātiyānī.|| ||

[266] [pts] [olds] Etad aggaɱ bhikkhave,||
mama sāvikānaɱ upāsikānaɱ vissāsikānaɱ||
yad idaɱ Nakulamātā Gahapatānī.|| ||

[267] [pts] [olds] Etad aggaɱ bhikkhave,||
mama sāvikānaɱ upāsikānaɱ anussavappa-sannānaɱ||
yad idaɱ Kāḷī Upāsikā Kurara-gharikā ti.|| ||

 

[Vaggo sattamo.
Etad-agga-vaggo cuddasamo]

 

XV

 

[268] [PTS XV] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo kañci sankhāraɱ niccato||
upagaccheyya n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
[27] vijjati yaɱ puthujjano kañci sankhāraɱ||
niccato upagaccheyya ṭhānam etaɱ vijjatī ti.|| ||

[269] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo kañci sankhāraɱ sukhato||
upagaccheyya n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano kañci sankhāraɱ sukhato||
upagaccheyya ṭhānam etaɱ vijjatī ti.|| ||

[270] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo kañci dhammaɱ attato||
upagaccheyya n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano kañci dhammaɱ attato||
upagaccheyya ṭhānam etaɱ vijjatī ti.|| ||

[271] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo mātaraɱ jīvitā voropeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano mātaraɱ jīvitā voropeyya ṭhānam||
etaɱ vijjatī ti.|| ||

[272] [pts] [olds] Aṭṭhānam etaɱ bhikkhave||
anavakāso yaɱ diṭṭhi-sampanno puggalo pitaraɱ jīvitā voropeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano pitaraɱ jīvitā voropeyya ṭhānam||
etaɱ vijjatī ti.|| ||

[273] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo arahantaɱ jīvitā voropeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,
vijjati yaɱ puthujjano arahantaɱ jīvitā voropeyya||
ṭhānam etaɱ vijjatī ti.|| ||

[274] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo Tathāgatassa duṭṭhena cittena lohitaɱ uppādeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano Tathāgatassa duṭṭhena cittena lohitaɱ uppādeyya||
ṭhānaɱ etaɱ vijjatī ti.|| ||

[275] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo Saŋghaɱ bhindeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano Saŋghaɱ bhindeyya||
ṭhānam etaɱ vijjatī ti.|| ||

[276] [pts] [olds] Aṭṭhānam etaɱ bhikkhave,||
anavakāso yaɱ diṭṭhi-sampanno puggalo aññaɱ Satthāraɱ uddiseyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puthujjano aññaɱ Satthāraɱ uddiseyya||
ṭhānam etaɱ vijjatī ti.

[277] [pts] [olds] Aṭṭhānam etaɱ bhikkhave,||
anavakāso yaɱ ekissā loka-dhātuyā dve arahanto Sammā-Sam-Buddhā apubbaɱ [28] acarimaɱ uppajjeyyuɱ||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ ekissā loka-dhātuyā eko arahaɱ Sammā-Sam-Buddho uppajjeyya||
ṭhānam etaɱ vijjatī ti.|| ||

[278] [pts] [olds] Aṭṭhānam etaɱ bhikkhave,||
anavakāso yaɱ ekissā loka-dhātuyā dve rājāno cakka-vattī apubbaɱ acarimaɱ uppajjeyyuɱ||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ ekissā loka-dhātuyā eko rājā cakka-vattī uppajjeyya||
ṭhānam etaɱ vijjatī ti.|| ||

[279] [pts] [olds] Aṭṭhānam etaɱ bhikkhave,||
anavakāso yaɱ itthī arahaɱ assa Sammā-Sam-Buddho||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puriso arahaɱ assa Sammā-Sam-Buddho||
ṭhānam etaɱ vijjatī ti.|| ||

[280] [pts] [olds] Aṭṭhānam etaɱ bhikkhave,||
anavakāso yaɱ itthī rājā assa cakka-vattī||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puriso rājā assa cakka-vattī||
ṭhānam etaɱ vijjatī ti.|| ||

[281] [pts] [olds] Aṭṭhānam etaɱ bhikkhave,||
anavakāso yaɱ itthī Sakkattaɱ kāreyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puriso Sakkattaɱ kāreyya||
ṭhānam etaɱ vijjatī ti.|| ||

[282] [pts] [olds] Aṭṭhānam etaɱ bhikkhave,||
anavakāso yaɱ itthī Mārattaɱ kāreyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puriso Mārattaɱ kāreyya||
ṭhānam etaɱ vijjatī ti.|| ||

[283] [pts] [olds] Aṭṭhānam etaɱ bhikkhave,||
anavakāso yaɱ itthī Brahmattaɱ kāreyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ puriso Brahmattaɱ kāreyya||
ṭhānam etaɱ vijjatī ti.|| ||

[284] [pts] [olds] Aṭṭhānam etaɱ bhikkhave,||
anavakāso yaɱ kāya-du-c-caritassa iṭṭho kanto manāpo vipāko nibbatteyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ kāya-du-c-caritassa aniṭṭho akanto amanāpo vipāko nibbatteyya||
ṭhānam etaɱ vijjatī ti.|| ||

[285] [pts] [olds] Aṭṭhānam etaɱ bhikkhave,||
anavakāso yaɱ vacī-du-c-caritassa iṭṭho kanto manāpo vipāko nibbatteyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ vacī-du-c-caritassa aniṭṭho akanto amanāpo vipāko nibbatteyya||
ṭhānam etaɱ vijjatī ti.|| ||

[286] [pts] [olds] Aṭṭhānam etaɱ bhikkhave,||
anavakāso yaɱ mano-du-c-caritassa iṭṭho kanto manāpo vipāko nibbatteyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ mano-du-c-caritassa aniṭṭho akanto amanāpo vipāko nibbatteyya||
ṭhānam etaɱ vijjatī ti.|| ||

[287] [pts] [olds] Aṭṭhānam etaɱ bhikkhave,||
anavakāso yaɱ kāya-su-caritassa aniṭṭho akanto amanāpo vipāko nibbatteyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ kāya-su-caritassa iṭṭho kanto manāpo vipāko nibbatteyya||
ṭhānam etaɱ vijjatī ti.|| ||

[29] [288] [pts] [olds] Aṭṭhānam etaɱ bhikkhave,||
anavakāso yaɱ vacī-su-caritassa aniṭṭho akanto amanāpo vipāko nibbatteyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ vacī-su-caritassa iṭṭho kanto manāpo vipāko nibbatteyya||
ṭhānam etaɱ vijjatī ti.|| ||

[289] [pts] [olds] Aṭṭhānam etaɱ bhikkhave,||
anavakāso yaɱ mano-su-caritassa aniṭṭho akanto amanāpo vipāko nibbatteyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ mano-su-caritassa iṭṭho kanto manāpo vipāko nibbatteyya||
ṭhānam etaɱ vijjatī ti.|| ||

[290] [pts] [olds] Aṭṭhānam etaɱ bhikkhave,||
anavakāso yaɱ kāya-du-c-caritasamaŋgī tannidānā ta-p-paccayā kāyassa bhedā param maraṇā sugatiɱ saggaɱ lokaɱ upapa-j-jeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ kāya-du-c-caritasamaŋgī tannidānā ta-p-paccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya||
ṭhānam etaɱ vijjatī ti.|| ||

[291] [pts] [olds] Aṭṭhānam etaɱ bhikkhave,||
anavakāso yaɱ vacī-du-c-caritasamaŋgī tannidānā ta-p-paccayā kāyassa bhedā param maraṇā sugatiɱ saggaɱ lokaɱ upapa-j-jeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ vacī-du-c-caritasamaŋgī tannidānā ta-p-paccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya||
ṭhānam etaɱ vijjatī ti.|| ||

[292] [pts] [olds] Aṭṭhānam etaɱ bhikkhave,||
anavakāso yaɱ mano-du-c-caritasamaŋgī tannidānā ta-p-paccayā kāyassa bhedā param maraṇā sugatiɱ saggaɱ lokaɱ upapa-j-jeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave, vijjati yaɱ mano-du-c-caritasamaŋgī tannidānā ta-p-paccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya||
ṭhānam etaɱ vijjatī ti.|| ||

[293] [pts] [olds] Aṭṭhānam etaɱ bhikkhave,||
anavakāso yaɱ kāya-su-caritasamaŋgī tannidānā ta-p-paccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ kāya-su-caritasamaŋgī tannidānā ta-p-paccayā kāyassa bhedā param maraṇā sugatiɱ saggaɱ lokaɱ upapa-j-jeyya||
ṭhānam etaɱ vijjatī ti.|| ||

[294] [pts] [olds] Aṭṭhānam etaɱ bhikkhave,||
anavakāso yaɱ vacī-su-caritasamaŋgī tannidānā ta-p-paccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati yaɱ vacī-su-caritasamaŋgī tannidānā ta-p-paccayā kāyassa bhedā param maraṇā sugatiɱ saggaɱ lokaɱ upapa-j-jeyya||
ṭhānam etaɱ vijjatī ti.|| ||

[295] [pts] [olds] Aṭṭhānam etaɱ bhikkhave,||
anavakāso yaɱ mano-su-caritasamaŋgī tannidānā ta-p-paccayā kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya||
n'etaɱ ṭhānaɱ vijjati.|| ||

Ṭhānañ ca kho etaɱ bhikkhave,||
vijjati [30] yaɱ mano-su-caritasamaŋgī tannidānā ta-p-paccayā kāyassa bhedā param maraṇā sugatiɱ saggaɱ lokaɱ upapa-j-jeyya||
ṭhānam etaɱ vijjatī ti.|| ||

[Aṭṭhāna Vaggo]

Next: Chapter XIV, Etad-Agga Vagga, Suttas 296-393

 


Index to Aŋguttara Nikāya I: The Ekanipata Suttas ]

 


Contact:
E-mail
Copyright Statement