Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
I. Ānisaɱsa Vagga

Sutta 2

Cetanā-Karaṇīya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[2]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Sīla-vato bhikkhave||
sīla-sampannassa||
na cetanāya karaṇīyaɱ:|| ||

'Avi-p-paṭisāro me uppajjatu' ti.|| ||

Dhammatā esā bhikkhave||
yaɱ sīla-vato||
sīla-sampannassa||
avi-p-paṭisāro uppajjati.|| ||

Avi-p-paṭisārissa bhikkhave||
na cetanāya karaṇīyaɱ:|| ||

'Pāmojjaɱ uppajjattu' ti.|| ||

Dhammatā esā bhikkhave||
yaɱ avi-p-paṭisārissa||
pāmojjaɱ uppajjati.|| ||

Pamuditassa bhikkhave||
na cetanāya karaṇīyaɱ|| ||

'Pīti me uppajjatu' ti.|| ||

Dhammatā esā bhikkhavi||
yeɱ pamuditassa||
[3] pīti uppajjati.|| ||

Pītimanassa bhikkhave||
na cetanāya karaṇīyaɱ|| ||

'Kāyo me passambhatu' ti.|| ||

Dhammatā esā bhikkhave||
yaɱ pītimanassa||
kāyo passambhati.|| ||

Passaddha-kāyassa bhikkhave||
na citenāya ya karaṇīyaɱ

'Sukhaɱ vediyāmī' ti.|| ||

Dhammatā esā bhikkhave||
yaɱ passaddha-kāyo||
sukhaɱ vediyati.|| ||

Sukhino bhikkhavi||
ne cetanāya karaṇīyaɱ:|| ||

'Cittaɱ me samādhiyatu' ti.|| ||

Dhammatā esā bhikkhave khave||
yaɱ sukhino||
cittaɱ samādhiyati.|| ||

Samāhitassa bhikkhave||
na citenāya karaṇīyaɱ:|| ||

'Yathā-bhūtaɱ jānāmi passāmī' ti.|| ||

Dhammatā esā bhikkhave||
yaɱ samāhito||
yathā-bhūtaɱ jānāti passati.|| ||

Yathā-bhūtaɱ bhikkhave jānato passato||
na cetanāya karaṇīyaɱ:|| ||

'Nibbindāmi Virajjāmī' ti.|| ||

Dhammatā esā bhikkhave||
yaɱ yathā-bhūtaɱ jānaɱ passaɱ||
nibbindati virajjati.|| ||

Nibbindassa bhikkhave virajjantassa||
na cetanāya karaṇīyaɱ:|| ||

'Vimutti-ñāṇa-dassanaɱ sacchikaromī mī' ti.|| ||

Dhammatā esā bhikkhave||
yaɱ nibbiṇṇo viratto vimutti-ñāṇa-dassanaɱ||
sacchi-karoti.|| ||

 

§

 

Iti kho bhikkhave nibbidā-virāgo||
vimutti-ñāṇa-dassanattho||
vimutti-ñāṇa-dassanā-nisaɱso.|| ||

Yathā-bhūta-ñāṇa-dassanaɱ nibbidā virāgatthaɱ nibbidā virāgā-nisaɱsaɱ.|| ||

Samādhi yathā-bhūta-ñāṇa-dassanattho yathā-bhūta-ñāṇa-dassanā-nisaɱso.|| ||

Sukhaɱ samādhatthaɱ samādhā-nisaɱsaɱ.|| ||

Passaddhi sukhatthā sukhā-nisaɱsā.|| ||

Pīti passaddhatthā passaddhā-nisaɱsā.|| ||

Pāmojjaɱ pītatthaɱ pītā-nisaɱsaɱ.|| ||

Avi-p-paṭisāro pāmojjattho pāmojjā-nisaɱso.|| ||

Kusalāni sīlāni avi-p-paṭisāra-t-thāni avi-p-paṭisārā-nisaɱsāni.|| ||

Iti kho bhikkhave dhammā-vadhamme [4] abhisandenti,||
dhammā-vadhamme paripūrenti apārāpāraɱ gamanāyā" ti.|| ||

 


Contact:
E-mail
Copyright Statement