Saṃyutta Nikāya:
III. Khandhā Vagga:
23: Rādha Saṃyuttaṃ
Suttas 1-46
Adapted from the 1995 edition of the digital version of the Sri Lanka Buddha Jayanti Tripitaka Series.
Sutta 1
Māra Suttaṃ
[1.1][pts][bodh][olds][than] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Atha kho āyasmā Rādho yena Bhagavā ten'upasaṇkami,||
upasaṃ- [189] kamitvā Bhagavantaṃ abhivādetvā eka-m-antaṃ nisīdi|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Māro! Māro!' ti vuccati||
kittāvatā nu kho bhante, Māro" tī?|| ||
"Rūpe kho Rādha sati Māro vā||
assa māretā vā||
so vā pana miyati.|| ||
Tasmātiha tvaṃ Rādha, rūpaṃ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||
Ye naṃ evaṃ passanti te sammā passanti.|| ||
Vedanāya sati Māro vā||
assa māretā vā||
yo vā pana mīyati.|| ||
Tasmātiha tvaṃ Rādha, vedanaṃ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||
Ye naṃ evaṃ passanti te sammā passanti.|| ||
Saññāya sati Māro vā||
assa māretā vā||
yo vā pana mīyati.|| ||
Tasmātiha tvaṃ Rādha, saññaṃ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||
Ye naṃ evaṃ passanti te sammā passanti.|| ||
Saṇkhāresu sati||
assa māretā vā||
yo vā pana mīyati.|| ||
Tasmātiha tvaṃ Rādha, saṇkhāre||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||
Ye naṃ evaṃ passanti te sammā passanti.|| ||
Viññāṇe sati||
assa māretā vā||
yo vā pana mīyati.|| ||
Tasmātiha tvaṃ Rādha, viññāṇaṃ||
'Māro' ti passa,||
'māretā' ti passa,||
'miyatī' ti passa,||
'rogo' ti passa,||
'gaṇḍo' ti passa,||
'sallan' ti passa,||
'aghan' ti passa,||
'agha-bhūtan' ti passa.|| ||
Ye naṃ evaṃ passanti te te sammā passantī" ti.|| ||
"Sammā-dassanaṃ pana bhante, kim atthiyan" ti?|| ||
"Sammā-dassakaṃ kho Rādha, nibbidatthaṃ" ti.|| ||
"Nibbidā pana bhante, kim atthiyā" ti?|| ||
"Nibbidā kho Rādha, virāgatthā" ti.|| ||
"Virāgo pana bhante kim atthiyo" ti?|| ||
"Virāgo kho Rādha, vimutt'attho" ti.|| ||
"Vimutti pana bhante, kim atthiyā" ti?|| ||
"Vimutti kho Rādha, Nibbānatthā" ti.|| ||
"Nibbānaṃ pana bhante, kim atthiyan" ti?|| ||
"Assa Rādha, pañhaṃ nāsakkhi pañhassa pariyan taṃ gahetuṃ.|| ||
Nibbān'ogadhaṃ hi Rādha, Brahma-cariyaṃ vussati||
Nibbāna-parāyanaṃ||
Nibbāna-pariyosānan" ti.|| ||
§
Sutta 2
Satta Suttaṃ
[2.1][pts][bodh][than][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ [190] etad avoca:|| ||
"'Satto satto' ti vuccati||
kittāvatā nu kho bhante, 'satto' ti vuccati" ti?|| ||
"Rūpe kho Rādha,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||
Vedanāya,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||
Saññāya,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||
Saṇkhāresu,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||
Viññāṇe,||
yo chando||
yo rāgo||
yā nandi||
yā taṇhā||
tatra satto||
tatra visatto tasmā 'satto' ti vuccati.|| ||
Seyyathā pi Rādha,||
kumārakā vā kumārikāyo vā||
paṃsv-āgārakehi kīḷanti||
yāva kīvañ ca tesu paṃsv-āgārakesu||
avigata-rāgā honti,||
avigata-c-chandā,||
avigata-pemā,||
avigata-pipāsā,||
avigata-pariḷāhā,||
avigata-taṇahā||
tāva tāni paṃsv-āgārakāni||
allīyanti||
keḷāyanti||
manāyanti||
mamāyanti.|| ||
Yato ca kho Rādha,||
kumārakā vā kumārikāyo vā||
tesu paṃsv-āgārakesu||
vigata-rāgā honti,||
vigata-chandā,||
vigata-pemā,||
vigata-pipāsā,||
vigata-pariḷāhā,||
vigata-taṇhā,||
atha kho tāni paṃsv-āgārakāni
hatthehi ca||
pādehi ca
vikiranti||
vidhamanti||
viddhaṃsenti||
vikīḷanikaṃ karontī.|| ||
Evam eva kho Rādha, tumhe rūpaṃ||
vikiratha||
vidhamatha||
viddhaṃsetha||
vikīḷanikaṃ karotha||
taṇha-k-khayāya paṭipajjatha.|| ||
Vedanaṃ||
vikiratha||
vidhamatha||
viddhaṃsetha||
vikīḷanikaṃ karotha||
taṇha-k-khayāya paṭipajjatha.|| ||
Saññaṃ||
vikiratha||
vidhamatha||
viddhaṃsetha||
vikīḷanikaṃ karotha||
taṇha-k-khayāya paṭipajjatha.|| ||
Saṇkhāre||
vikiratha||
vidhamatha||
viddhaṃsetha||
vikīḷanikaṃ karotha||
taṇha-k-khayāya paṭipajjatha.|| ||
Viññāṇaṃ||
vikiratha||
vidhamatha||
viddhaṃsetha||
vikīḷanikaṃ karotha||
taṇha-k-khayāya paṭipajjatha.|| ||
Taṇha-k-khayo hi Rādha, Nibbānan" ti.|| ||
§
Sutta 3
Bhava-Netti Suttaṃ
[3.1][pts][bodh][olds] Sāvatthī|| ||
Eka-m-antaṃ nisinno kho||
āyasmā Rādho Bhagavantaṃ etad avoca:|| ||
"'Bhava-nettī||
bhava-nettī-nirodho' ti||
bhante vuccati.|| ||
Katamā nu kho bhante, bhava-nettī.|| ||
Katamo bhava-nettī-nirodho" ti?|| ||
[191] "Rūpe kho Rādha,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaṃ vuccati bhava-nettī.|| ||
Tesaṃ nirodhā bhava-nettī-nirodho.|| ||
Vedanāya,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaṃ vuccati bhava-nettī.|| ||
Tesaṃ nirodhā bhava-nettī-nirodho.|| ||
Saññāya,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaṃ vuccati bhava-nettī.|| ||
Tesaṃ nirodhā bhava-nettī-nirodho.|| ||
Saṇkhāresu,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaṃ vuccati bhava-nettī.|| ||
Tesaṃ nirodhā bhava-nettī-nirodho.|| ||
Viññāṇe,||
yo chando||
yo rāgo||
yā nandi||
yā taṇhā||
ya upay-ū-pādānā cetaso adhiṭṭh-ā-nābhinives-ā-nusayā,||
ayaṃ vuccati bhava-nettī.|| ||
Tesaṃ nirodhā bhava-nettī-nirodho" ti.|| ||
§
Sutta 4
Pariññeyya Suttaṃ
[4.1][pts][bodh][olds] Sāvatthī|| ||
Eka-m-antaṃ nisinnaṃ kho||
āyasmantaṃ Rādhaṃ Bhagavā etad avoca:|| ||
"Pariññeye ca Rādha dhamme desessāmi||
pariññañ ca||
pariññātāvim puggalaṃ ca
Taṃ suṇāhi||
sādhukaṃ manasi karohi||
bhāsissāmī" ti.|| ||
"Evaṃ bhante" ti kho te bhikkhu Bhagavato paccassosi:|| ||
Bhagavā etad avoca.|| ||
"Katame ca Rādha, pariññeyyā dhammā?|| ||
Rūpaṃ kho Rādha, pariññeyyo dhammo.|| ||
Vedanā pariññeyyo dhammo.|| ||
Saññā pariññeyyo dhammo.|| ||
Saṇkhārā pariññeyyo dhammo.|| ||
Viññāṇaṃ pariññeyyo dhammo.|| ||
Ime vuccati Rādha, pariññeyyā dhammā.|| ||
Katamā ca Rādha, pariññā?|| ||
Yo kho Rādha, rāga-k-khayo||
dosa-k-khayo||
moha-k-khayo||
ayaṃ vuccati Rādha, pariññā.|| ||
Katamo ca Rādha pariññātāvī puggalo?|| ||
Arahātissa vacanīyaṃ||
yoyaṃ āyasmā||
evaṃ nāmo||
evaṃ-gotto.|| ||
Ayaṃ vuccati Rādha, pariññātāvī puggalo" ti.|| ||
§
Sutta 5
Paṭhama Samaṇa Suttaṃ
[5.1][pts][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Pañc'ime Rādha, upādāna-k-khandhā.|| ||
Katame pañca?|| ||
Seyyath'īdaṃ:
Rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
saṇkhār'ūpādāna-k-khandho,||
viññāṇ'ūpādāna-k-khandho.|| ||
Ye hi keci Rādha, samaṇā vā brahmaṇā vā||
imesaṃ [192] pañcannaṃ upādāna-k-khandhānaṃ||
assādañ ca||
ādīnavañ ca||
nissaraṇañ ca||
yathā-bhūtaṃ na-p-pajānanti||
na me te Rādha,||
samaṇā vā brāhmaṇā vā||
samaṇesu vā||
samaṇa-sammatā||
brāhmaṇesu vā||
brahmaṇa-sammatā||
na ca pana te āyasmanto||
sāmaññ'atthaṃ vā||
brahmaññ'atthaṃ vā||
diṭṭhe'va dhamme sayaṃ abhiññā sacchi-katvā||
upasampajja viharanti.|| ||
Ye ca kho keci Rādha,||
samaṇā vā brāhmaṇā vā||
imesaṃ pañcannaṃ upādāna-k-khandhānaṃ||
assādañ ca||
ādīnavañ ca||
nissaraṇañ ca||
yathā-bhūtaṃ pajānanti||
te kho Rādha, samaṇā vā brāhmaṇā vā||
samaṇesu c'eva samaṇa-sammatā,||
brāhmaṇesu ca brāhmaṇa sammatā||
te ca pan'āyasmanto sāmaññ'atthañ ca||
brāhmaññ'atthañ ca||
diṭṭhe'va dhamme sayaṃ abhiññā sacchi-katvā upasampajja viharantī" ti.|| ||
§
Sutta 6
Dutiya Samaṇa Suttaṃ
[6.1][pts][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Pañc'ime Rādha, upādāna-k-khandhā.|| ||
Katame pañca?|| ||
Seyyath'īdaṃ rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
saṇkhār'ūpādāna-k-khandho,||
viññāṇ'ūpādāna-k-khandho.|| ||
Ye hi keci Rādha, samaṇā vā brāhmaṇā vā||
imesaṃ pañcannaṃ upādāna-k-khandhānaṃ||
samudayañ ca||
atthaṃ-gamañ ca||
assadañ ca||
ādīnavañ ca||
nissaraṇañ ca||
yathā-bhūtaṃ na pajānanti||
na me te Rādha,||
samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto||
sāmaññ'atthaṃ vā||
brahmaññ'atthaṃ vā||
diṭṭhe'va dhamme sayaṃ abhiññā sacchi-katvā||
upasampajja viharanti.|| ||
Ye ca kho keci Rādha, samaṇā vā brāhmaṇā vā||
imesaṃ pañcannaṃ upādāna-k-khandhānaṃ||
samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathā-bhūtaṃ pajānāti||
te kho Rādha,||
samaṇā vā brahmaṇā vā||
samaṇesu c'eva samaṇa-sammatā,||
brāhmaṇesu ca brāhmaṇa-sammatā||
te ca pan'āyasmanto sāmaññ'atthañ ca||
brāhmaññatthañ ca||
diṭṭhe'va dhamme sayaṃ abhiññā sacchi-katvā||
upasampajja viharantī" ti.|| ||
§
Sutta 7
Sot'Āpanna Suttaṃ
[7.1][pts][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Pañc'ime Rādha, upādāna-k-khandhā.|| ||
Katame pañca?|| ||
Seyyath'īdaṃ rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
saṇkhār'ūpādāna-k-khandho,||
viññāṇ'ūpādāna-k-khandho.|| ||
[193] Yato ca kho Rādha,||
ariya-sāvako imesaṃ pañcannaṃ upādāna-k-khandhānaṃ||
samudayañ ca||
atthaṃ-gamañ ca||
assadañ ca||
ādīnavañ ca||
nissaraṇañ ca||
yathā-bhūtaṃ pajānāti||
ayaṃ vuccati Rādha,||
ariya-sāvako Sotāpanno||
avinipāta-dhammo||
niyato sambodhi-parāyano" ti.|| ||
§
Sutta 8
Arahanta Suttaṃ
[8.1][pts][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Pañc'ime Rādha, upādāna-k-khandhā.|| ||
Katame pañca?|| ||
Seyyath'īdaṃ rūp'ūpādāna-k-khandho,||
vedan'ūpādāna-k-khandho,||
saññ'ūpādāna-k-khandho,||
saṇkhār'ūpādāna-k-khandho,||
viññāṇ'ūpādāna-k-khandho.|| ||
Yato kho Rādha, bhikkhu||
imesaṃ pañcannaṃ upādāna-k-khandhānaṃ||
samudayañ ca||
atthaṃ-gamañ ca||
assādañ ca||
ādīnavañ ca||
nissaraṇañ ca||
yathā-bhūtaṃ viditvā anupādā vimutto hoti,||
ayaṃ vuccati Rādha, bhikkhu Arahaṃ||
khīṇ'āsavo||
vusitvā kata-karaṇīyo ohita-bhāro||
anuppatta-sadattho||
parikkhīṇa bhava saṃyojano||
sammad aññā vimutto" ti.|| ||
§
Sutta 9
Paṭhama Chanda-Rāga Suttaṃ
[9.1][pts][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Rūpe kho Rādha,||
yo chando||
yo rāgo||
yā nandi||
yā taṇhā||
taṃ pajahatha.|| ||
Evaṃ taṃ rūpaṃ pahīnaṃ||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
Vedanāya kho Rādha,||
yo chando||
yo rāgo||
yā nandi||
yā taṇhā||
taṃ pajahatha.|| ||
Evaṃ sā vedanā||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
Saññāya kho Rādha,||
yo chando||
yo rāgo||
yā nandi||
yā taṇhā||
taṃ pajahatha.|| ||
Evaṃ sā saññā||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
Saṇkhāresu kho Rādha,||
yo chando||
yo rāgo||
yā nandi||
yā taṇhā||
taṃ pajahatha.|| ||
Evaṃ te saṇkhārā||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
[194] Viññāṇe kho Rādha,||
yo chando||
yo rāgo||
yā nandi||
yā taṇhā||
taṃ pajahatha.|| ||
Evaṃ taṃ viññāṇaṃ||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ" ti.|| ||
§
Sutta 10
Dutiya Chanda-rāga Suttaṃ
[10.1][pts][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Rūpe kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.
Evaṃ taṃ rūpaṃ||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
Vedanāya kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.
Evaṃ sā vedanā||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
Saññāya kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.
Evaṃ sā saññā||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
Saṇkhāresu kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.
Evaṃ te saṇkhārā||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ.|| ||
kho Rādha,||
yo chando||
yo rāgo||
yā nandi||
yā taṇhā||
ye upay-ū-pādānā||
cetaso adhiṭṭh-ā-nābhinives-ā-nusayā||
te pajahatha.
Evaṃ taṃ viññāṇaṃ||
bhavissati ucchinna-mūlaṃ||
tāl-ā-vatthu-kataṃ||
anabhāva-kataṃ||
āyatiṃ anuppāda-dhammaṃ" ti.|| ||
II. Dutiya Māra Vagga
Sutta 11
Māra Suttaṃ
[11.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Māro! Māro!' ti bhante vuccati|| ||
Katamo nu kho bhante Māro" tī?|| ||
"Rūpaṃ kho Rādha Māro,||
vedanā Māro,||
saññā Māro,||
saṇkhārā Māro||
viññāṇaṃ Māro.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ||
'vimuttami' ti||
ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 12
Māra-Dhamma Suttaṃ
[12.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Māra-dhammo Māra-dhammo' ti bhante, vuccati.|| ||
Katamo nu kho bhante Māra-dhammo" tī?|| ||
Rūpaṃ kho Rādha Māra-dhammo,||
vedanā Māra-dhammo,||
saññā Māra-dhammo,||
saṇkhārā Māra-dhammo||
viññāṇaṃ Māra-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 13
Anicca Suttaṃ
[13.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Aniccaṃ aniccan' ti bhante, vuccati.|| ||
Kataman nu kho bhante aniccan" tī?|| ||
"Rūpaṃ kho Rādha aniccaṃ,||
vedanā aniccā,||
saññā aniccā,||
saṇkhārā aniccā||
viññāṇaṃ aniccaṃ.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 14
Anicca-Dhamma Suttaṃ
[14.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Anicca-dhammo anicca-dhammo' ti bhante, vuccati.|| ||
Katamo nu kho bhante anicca-dhammo" ti?|| ||
"Rūpaṃ kho Rādha anicca-dhammo,||
vedanā anicca- [196] dhammo,||
saññā anicca-dhammo,||
saṇkhārā anicca-dhammo,||
viññāṇaṃ anicca-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 15
Dukkha Suttaṃ
[15.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Dukkhaṃ dukkhan' ti bhante, vuccati.|| ||
Kataman nu kho bhante dukkhan" ti?|| ||
"Rūpaṃ kho Rādha dukkhaṃ,||
vedanā dukkhā,||
saññā dukkhā,||
saṇkhārā dukkhā||
viññāṇaṃ dukkhaṃ.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 16
Dukkha-Dhamma Suttaṃ
[16.1][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Dukkha-dhammo dukkha-dhammo' ti bhante, vuccati.|| ||
Katamo nu kho bhante dukkha-dhammo" ti?|| ||
"Rūpaṃ kho Rādha dukkha-dhammo,||
vedanā dukkha-dhammo,||
saññā dukkha-dhammo,||
saṇkhārā dukkha-dhammo||
viññāṇaṃ dukkha-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 17
Anatta Suttaṃ
[17.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Anattā anattā' ti bhante, vuccati.|| ||
Katamo nu kho bhante anattā" ti?|| ||
Rūpaṃ kho Rādha, anattā,||
vedanā anattā,||
saññā anattā,||
saṇkhārā anattā||
viññāṇaṃ anattā.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 18
Anatta-Dhamma Suttaṃ
[18.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Anatta-dhammo anatta-dhammo' ti bhante, vuccati.|| ||
Katamo nu kho bhante anatta-dhammo" ti?|| ||
"Rūpaṃ kho Rādha anatta-dhammo,||
vedanā anatta- [197] dhammo,||
saññā anatta-dhammo,||
saṇkhārā anatta-dhammo||
viññāṇaṃ anatta-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 19
Khaya-Dhamma Suttaṃ
[19.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Khaya-dhammo khaya-dhammo' ti bhante, vuccati.|| ||
Katamo nu kho bhante khaya-dhammo" ti?|| ||
"Rūpaṃ kho Rādha khaya-dhammo,||
vedanā khaya-dhammo,||
saññā khaya-dhammo,||
saṇkhārā khaya-dhammo,||
viññāṇaṃ khaya-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 20
Vaya-Dhamma Suttaṃ
[20.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Vaya-dhammo vaya-dhammo' ti bhante, vuccati.|| ||
Katamo nu kho bhante vaya-dhammo" ti?|| ||
"Rūpaṃ kho Rādha, vaya-dhammo,||
vedanā vaya-dhammo,||
saññā vaya-dhammo,||
saṇkhārā vaya-dhammo||
viññāṇaṃ vaya-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 21
Samudaya-Dhamma Suttaṃ
[21.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Samudaya-dhammo samudaya-dhammo' ti bhante, vuccati.|| ||
Katamo nu kho bhante samudaya-dhammo" ti?|| ||
"Rūpaṃ kho Rādha samudaya-dhammo,||
vedanā samudaya-dhammo,||
saññā samudaya-dhammo,||
saṇkhārā samudaya-dhammo||
viññāṇaṃ samudaya-dhammo.|| ||
Evaṃ passaṃ Rādha sutavā ariya-sāvako||
rūpasmim pi nibbindati,||
vedanāya pi nibbindati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
§
Sutta 22
Nirodha-Dhamma Suttaṃ
[22.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"'Nirodha-dhammo [198] nirodha-dhammo' ti bhante, vuccati, katamo nu kho bhante nirodha-dhammo" ti?|| ||
"Rūpaṃ kho Rādha nirodha-dhammo,||
vedanā nirodha-dhammo,||
saññā nirodha-dhammo,||
saṇkhārā nirodha-dhammo||
viññāṇaṃ nirodha-dhammo.|| ||
Evaṃ passaṃ Rādha sutavā ariya-sāvako||
rūpasmimpi nibbindati,||
vedanāyapi nibbindati,||
saññāyapi nibbindati,||
saṇkhāresupi nibbindati,||
viññāṇasmimpi nibbindati.|| ||
Nibbindaṃ virajjati,||
virāgā vimuccati,||
vimuttasmiṃ vimuttamiti ñāṇaṃ hoti:|| ||
'Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā' ti pajānātī" ti.|| ||
III. Āyācana Vagga
Sutta 23
Māra Suttaṃ
[23.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena Dhammaṃ desetu||
yam ahaṃ Bhagavato Dhammaṃ sutvā||
eko vūpakaṭṭho||
appamatto||
ātāpi||
pahit'atto vihareyyan" ti.|| ||
"Yo kho Rādha, Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, Māro?|| ||
Rūpaṃ kho Rādha, Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||
Vedanā Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||
Saññā Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ Māro||
tatra te chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, Māro||
tatra te chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 24
Māra-Dhamma Suttaṃ
[24.1][pts][bodh][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, Māra-dhammo:|| ||
Rūpaṃ kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 25
Anicca Suttaṃ
[25.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yaṃ kho Rādha, aniccaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Kiñci Rādha, aniccaṃ?|| ||
Rūpaṃ kho Rādha, aniccaṃ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ aniccaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yaṃ kho Rādha, aniccaṃ, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 26
Anicca-Dhamma Suttaṃ
[26.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yaṃ kho Rādha, anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Kiñci Rādha, anicca-dhammo?|| ||
Rūpaṃ kho Rādha, anicca-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yaṃ kho Rādha, anicca-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 27
Dukkha Suttaṃ
[27.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yaṃ kho Rādha, dukkhaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Kiṃ ca Rādha, dukkhaṃ?|| ||
Rūpaṃ kho Rādha, dukkhaṃ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ dukkhaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yaṃ kho Rādha, dukkhaṃ, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 28
Dukkha-Dhamma Suttaṃ
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yaṃ kho Rādha, dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Kiṃ ca Rādha, dukkhaṃ?|| ||
Rūpaṃ kho Rādha, dukkha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yaṃ kho Rādha, dukkha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 29
Anatta Suttaṃ
[29.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, anattā?|| ||
Rūpaṃ kho Rādha, anattā, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, anattā, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 30
Anatta-Dhamma Suttaṃ
[30.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, anatta-dhammo?|| ||
Rūpaṃ kho Rādha, anatta-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, anatta-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 31
Khaya-Dhamma Suttaṃ
[31.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, khaya-dhammo tatra||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, khaya-dhammo?|| ||
Rūpaṃ kho Rādha, dukkhaṃ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, khaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 32
Vaya-Dhamma Suttaṃ
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, vaya-dhammo?|| ||
Rūpaṃ kho Rādha, vaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā vaya-dhammo tatra te chando pahātabbo rāgo pahātabbo, chanda-rāgo pahātabbo.||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 33
Samudaya Dhamma Suttaṃ
[33.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, samudaya-dhammo?|| ||
Rūpaṃ kho Rādha, samudaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, samudaya-dhammo tatra||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 34
Nirodha-Dhamma Suttaṃ
[34.1][pts][olds] Sāvatthī|| ||
Eka-m-antaṃ nisinno kho āyasmā Rādho Bhagavantaṃ etad avoca:|| ||
"Sādhu me bhante, Bhagavā saṃkhittena dhammaṃ desetu yam ahaṃ Bhagavato dhammaṃ sutvā eko vūpakaṭṭho appamatto ātāpi pahit'atto vihareyyan" ti.|| ||
"Yo kho Rādha, nirodha-dhammo tatra||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, nirodha-dhammo?|| ||
Rūpaṃ kho Rādha, nirodha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā nirodha-dhammā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, nirodha-dhammo tatra||
chando pahātabbo,||
rāgo pahātabbo,||
chanda-rāgo pahātabbo" ti.|| ||
IV. Upanisinna Vagga
Sutta 35
Māra Suttaṃ
[35.1][pts][bodh][olds] Sāvatthī|| ||
Atha kho āyasmā Rādho yena Bhagavā ten'upasaṇkami.|| ||
Upasaṃkamitvā Bhagavantaṃ abhivādetvā Eka-m-antaṃ nisīdi.|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, Māro?|| ||
Rūpaṃ kho Rādha, Māro, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ Māro tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, Māro, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 36
Māra-Dhamma Suttaṃ
[36.1][bodh][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, Māra-dhammo?|| ||
Rūpaṃ kho Rādha, Māra-dhammo, tatra te ||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ Māra-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, Māra-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 37
Anicca Suttaṃ
[37.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yaṃ kho Rādha, aniccaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, aniccaṃ?|| ||
Rūpaṃ kho Rādha, aniccaṇ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā aniccā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ aniccaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, aniccaṃ tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 38
Anicca-Dhamma Suttaṃ
[38.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yaṃ kho Rādha, anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, aniccaṃ?|| ||
Rūpaṃ kho Rādha, anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā anicca-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ anicca-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, anicca-dhammo tatra||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 39
Dukkha Suttaṃ
[39.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yaṃ kho Rādha, dukkhaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, dukkhaṃ?|| ||
Rūpaṃ kho Rādha, dukkhaṃ, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā dukkhā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ dukkhaṃ tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, dukkhaṃ tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 40
Dukkha-Dhamma Suttaṃ
[40.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, dukkha-dhammo?|| ||
Rūpaṃ kho Rādha dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, dukkha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 41
Anatta Suttaṃ
[41.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, anattā?|| ||
Rūpaṃ kho Rādha anattā, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ anattā tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, anattā tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 42
Anatta-Dhamma Suttaṃ
[42.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, anatta-dhammo?|| ||
Rūpaṃ kho Rādha anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ anatta-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, anatta-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 43
Khaya-Dhamma Suttaṃ
[43.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, khaya-dhammo?|| ||
Rūpaṃ kho Rādha khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā khaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, khaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 44
Vaya-Dhamma Suttaṃ
[44.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, vaya-dhammo?|| ||
Rūpaṃ kho Rādha vaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, vaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 45
Samudaya-Dhamma Suttaṃ
[45.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
Yo kho Rādha, samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, samudaya-dhammo?|| ||
Rūpaṃ kho Rādha samudaya-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, samudaya-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
§
Sutta 46
Nirodha-Dhamma Suttaṃ
[46.1][pts][olds] Sāvatthī|| ||
Eka-m-antaṃ nisinnaṃ kho āyasmantaṃ Rādhaṃ Bhagavā etad avoca:|| ||
"Yo kho Rādha, nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Ko ca Rādha, nirodha-dhammo?|| ||
Rūpaṃ kho Rādha, nirodha-dhammo, tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Vedanā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saññā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Saṇkhārā nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Viññāṇaṃ nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo.|| ||
Yo kho Rādha, nirodha-dhammo tatra te||
chando pahātabbo,||
rāgo pahātabbo,||
chanda-rāgo pahātabbo" ti.|| ||
