Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
III. Tika Nipāta
IV. Deva-Dūta Vagga

Sutta 32

Ānanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[132]

[1][pts][bodh][upal][olds][than] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho āyasmā Ānando yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisidi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"Siyā nu kho bhante bhikkhuno tathā-rūpo samādhi-paṭilābho,||
yathā imasmiñ ca saviññāṇake kāye ahaŋ-kāra-mamaŋ-kāra-mānānusayā nāssu,||
bahiddhā ca sabba-nimittesu ahaŋ-kāra-mamaŋ-kāra-mānānusayā nāssu,||
yañ ca ceto-vimuttiɱ paññā-vimuttiɱ upasampajja viharato ahaŋ-kāra-mamaŋ-kāra-mānānusayā na honti,||
tañ ca ceto-vimuttiɱ paññā-vimuttiɱ upasampajja vihareyyā" ti?|| ||

"Siyā Ānanda bhikkhuno tathā-rūpo samādhi-paṭilābho,||
yathā imasmiñ ca saviññāṇake kāye||
ahaŋ-kāra-mamaŋ-kāra-mānānusayā nāssu,||
bahiddhā ca sabba-nimittesu ahaŋ-kāra-mamaŋ-kāra-mānānusayā nāssu,||
yañ ca ceto-vimuttiɱ paññā-vimuttiɱ upasampajja viharato ahaŋ-kāra-mamaŋ-kāra-mānānusayā na honti,||
tañ ca ceto-vimuttiɱ paññā-vimuttiɱ upasampajja vihareyyā" ti.|| ||

"Yathā kathaɱ pana bhante siyā bhikkhuno tathā-rūpo samādhi-paṭilābho,||
yathā imasmiñ ca saviññāṇake kāye ahaŋ-kāra-mamaŋ-kāra-mānānusayā na honti,||
bahiddhā ca sabba-nimittesu ahaŋ-kāra-mamaŋ-kāra-mānānusayā na honti,||
yaɱ ca ceto-vimuttiɱ paññā-vimuttiɱ upasampajja viharato ahaŋ-kāra-mamaŋ-kāra-mānānusayā na honti,||
taɱ ca ceto-vimuttiɱ paññā-vimuttiɱ upasmapajja vihareyyā" ti?|| ||

[133] "Idh'Ānanda bhikkhuno evaɱ hoti:|| ||

'Etaɱ santaɱ,||
etaɱ paṇītaɱ,||
yad idaɱ sabba-saŋkāra-samatho||
sabb'ūpadhi-paṭinissaggo||
taṇha-k-khayo||
virāgo||
nirodho||
Nibbāṇan' ti.|| ||

Evaɱ kho Ānanda siyā bhikkhuno tathā-rūpo samādhi-paṭilābho,||
yathā imasmiɱ ca saviññāṇake kāye ahaŋ-kāra-mamaŋ-kāra-mānānusayā nāssu,||
bahiddhā ca sabba-nimittesu ahaŋ-kāra-mamaŋ-kāra-mānānusayā nāssu,||
yaɱ ca ceto-vimuttiɱ paññā-vimuttiɱ upasampajja viharato ahaŋ-kāra-mamaŋ-kāra-mānānusayā na honti,||
taɱ ca ceto-vimuttiɱ paññā-vimuttiɱ upasampajja vihareyya.|| ||

Idaɱ ca pana me taɱ Ānanda sandhāya bhāsitaɱ Pārāyaṇe Puṇṇakapañhe:|| ||

'Saŋkhāya lokasmiɱ parovarāni||
Yass'iñjitaɱ n'atthi kuhiñci loke,||
Santo vidhūmo anīgho nirāso||
Atāri so jātijaran ti brūmī'" ti.|| ||

 


 

Sāriputta Suttaɱ

[2][pts][upal][olds][bodh] Atha kho āyasmā Sāriputto yena Bhagavā ten'upasankami.|| ||

Upasaŋkamitvā Bhagavanataɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Sāriputtaɱ Bhagavā etad avoca:|| ||

"Saŋkhittena pi kho ahaɱ Sāriputta dhammaɱ deseyyaɱ,||
vitthārena pi kho ahaɱ Sāriputta dhammaɱ deseyyaɱ,||
sankhittavitthārena pi kho ahaɱ Sāriputta dhammaɱ deseyyaɱ,||
aññātaro ca dullabhā" ti.|| ||

"Etassa Bhagavā kālo,||
etassa Sugata kālo,||
yaɱ Bhagavā saŋkhittena pi dhammaɱ deseyya,||
vitthārena pi dhammaɱ deseyya,||
sankhittavitthārena pi dhammaɱ deseyya,||
bhavissanti Dhammassa aññātāro" ti.|| ||

"Tasmā ti ha Sāriputta evaɱ sikkhitabbaɱ:|| ||

'Imasmiɱ ca saviññāṇake kāye ahaŋkāra-ma-maŋkāra-mān-ā-nusayā na bhavissanti,||
bahiddhā ca sabba-nimittesu ahaŋ-kāra-mamaŋ-kāra-mānānusayā na bhavissanti,||
yaɱ ca ceto-vimuttiɱ paññā-vimuttiɱ upasampajja viharato ahaŋ-kāra-mamaŋ-kāra-mānānusayā na honti,||
tañ ca ceto-vimuttiɱ paññā-vimuttiɱ upasampajja viharissāmā' ti.|| ||

Evaɱ hi vo Sāriputta sikkhitabbaɱ.|| ||

Yato kho Sāriputta bhikkhuno imasmiɱ saviññā- [134] ṇake kāye ahaŋ-kāra-mamaŋ-kāra-mānānusayā na honti,||
bahiddhā ca sabba-nimittesu ahaŋ-kāra-mamaŋ-kāra-mānānusayā na honti,||
yaɱ ca ceto-vimuttiɱ paññā-vimuttiɱ upasampajja viharato ahaŋ-kāra-mamaŋ-kāra-mānānusayā na honti,||
tañ ca ceto-vimuttiɱ paññā-vimuttiɱ upasampajja viharati.|| ||

Ayaɱ vuccati Sāriputta bhikkhu acchecchi,||
taṇhaɱ,||
vāvattayī saŋyojanaɱ,||
sammā mānābhi-samayā antam akāsi dukkhassa.|| ||

Idaɱ ca pana me taɱ Sāriputta sandhāya bhāsitaɱ Pārāyaṇe Udayapañhe:|| ||

'Pahāṇaɱ kāma-saññānaɱ domanassāna c'ūbhayaɱ,||
Thīnassa ca panūdanaɱ kukkuccānaɱ nivāraṇaɱ,||
Upekkhāsatisaɱsuddhaɱ dhammatakkapurejavaɱ,||
Aññāvimokkhaɱ pabrūmi avijjāya ppabhedanaɱ'" ti.|| ||

 


Contact:
E-mail
Copyright Statement